Jaiminīya Upaniṣad Brāhmaṇa (Sāmaveda) 3.35

पतङ्गम् अक्तम् असुरस्य मायया हृदा पश्यन्ति मनसा विपश्चितः समुद्रे अन्तः कवयो विचक्षते मरीचीनाम् पदम् इच्छन्ति वेधसः इति

pataṅgam aktam asurasya māyayā hṛdā paśyanti manasā vipaścitaḥ samudre antaḥ kavayo vicakṣate marīcīnām padam icchanti vedhasaḥ iti

Sanskrit only: no published translation is held for this verse.

पतङ्गम् अक्तम् इति प्राणो वै पतङ्गः पतन्न् इव ह्य् एष्व् अङ्गेष्व् अति रथम् उदीक्षते पतङ्ग इत्य् आचक्षते

pataṅgam aktam iti prāṇo vai pataṅgaḥ patann iva hy eṣv aṅgeṣv ati ratham udīkṣate pataṅga ity ācakṣate

Sanskrit only: no published translation is held for this verse.

असुरस्य माययेति मनो वा असुरम् तद्ध्य् असुषु रमते तस्यैष माययाक्तः

asurasya māyayeti mano vā asuram taddhy asuṣu ramate tasyaiṣa māyayāktaḥ

Sanskrit only: no published translation is held for this verse.

हृदा पश्यन्ति मनसा विपश्चित इति हृदैव ह्य् एते पश्यन्ति यन् मनसा विपश्चितः

hṛdā paśyanti manasā vipaścita iti hṛdaiva hy ete paśyanti yan manasā vipaścitaḥ

Sanskrit only: no published translation is held for this verse.

समुद्रे अन्तः कवयो विचक्षत इति पुरुषो वै समुद्र एवंविद उ कवयः त इमाम् पुरुषे ऽन्तर् वाचं विचक्षते

samudre antaḥ kavayo vicakṣata iti puruṣo vai samudra evaṃvida u kavayaḥ ta imām puruṣe 'ntar vācaṃ vicakṣate

Sanskrit only: no published translation is held for this verse.

मरीचीनाम् पदम् इच्छन्ति वेधस इति मरीच्य इव वा एता देवता यद् अग्निर् वायुर् आदित्यश् चन्द्रमाः

marīcīnām padam icchanti vedhasa iti marīcya iva vā etā devatā yad agnir vāyur ādityaś candramāḥ

Sanskrit only: no published translation is held for this verse.

न ह वा एतासां देवतानाम् पदम् अस्ति पदेनो ह वै पुनर्मृत्युर् अन्वेति

na ha vā etāsāṃ devatānām padam asti padeno ha vai punarmṛtyur anveti

Sanskrit only: no published translation is held for this verse.

तद् एतद् अनन्वितं साम पुनर्मृत्युना अति पुनर्मृत्युम् तरति य एवं वेद

tad etad ananvitaṃ sāma punarmṛtyunā ati punarmṛtyum tarati ya evaṃ veda

Sanskrit only: no published translation is held for this verse.