Jaiminīya Upaniṣad Brāhmaṇa (Sāmaveda) 3.36

पतङ्गो वाचम् मनसा बिभर्ति तां गन्धर्वो ऽवदद् गर्भे अन्तः तां द्योतमानां स्वर्यम् मनीषाम् ऋतस्य पदे कवयो निपान्ति इति

pataṅgo vācam manasā bibharti tāṃ gandharvo 'vadad garbhe antaḥ tāṃ dyotamānāṃ svaryam manīṣām ṛtasya pade kavayo nipānti iti

Sanskrit only: no published translation is held for this verse.

पतङ्गो वाचम् मनसा बिभर्तीति प्राणो वै पतङ्गः स इमां वाचम् मनसा बिभर्ति

pataṅgo vācam manasā bibhartīti prāṇo vai pataṅgaḥ sa imāṃ vācam manasā bibharti

Sanskrit only: no published translation is held for this verse.

तां गन्धर्वो ऽवदद् गर्भे अन्तर् इति प्राणो वै गन्धर्वः पुरुष उ गर्भः स इमाम् पुरुषे ऽन्तर् वाचं वदति

tāṃ gandharvo 'vadad garbhe antar iti prāṇo vai gandharvaḥ puruṣa u garbhaḥ sa imām puruṣe 'ntar vācaṃ vadati

Sanskrit only: no published translation is held for this verse.

तां द्योतमानां स्वर्यम् मनीषाम् इति स्वर्या ह्य् एषा मनीषा यद् वाक्

tāṃ dyotamānāṃ svaryam manīṣām iti svaryā hy eṣā manīṣā yad vāk

Sanskrit only: no published translation is held for this verse.

ऋतस्य पदे कवयो निपान्तीति मनो वा ऋतम् एवंविद उ कवयः ओम् इत्य् एतद् एवाक्षरम् ऋतम् तेन यद् ऋचम् मीमांसन्ते यद् यजुस् तत् साम तद् एनां निपान्ति

ṛtasya pade kavayo nipāntīti mano vā ṛtam evaṃvida u kavayaḥ om ity etad evākṣaram ṛtam tena yad ṛcam mīmāṃsante yad yajus tat sāma tad enāṃ nipānti

Sanskrit only: no published translation is held for this verse.