Jaiminīya Upaniṣad Brāhmaṇa (Sāmaveda) 3.37

अपश्यं गोपाम् अनिपद्यमानम् आ च परा च पथिभिश् चरन्तम् स सध्रीचीः स विषूचीर् वसान आवरीवर्ति भुवनेष्व् अन्तर् इति

apaśyaṃ gopām anipadyamānam ā ca parā ca pathibhiś carantam sa sadhrīcīḥ sa viṣūcīr vasāna āvarīvarti bhuvaneṣv antar iti

Sanskrit only: no published translation is held for this verse.

अपश्यं गोपाम् अनिपद्यमानम् इति प्राणो वै गोपाः स हीदं सर्वम् अनिपद्यमानो गोपायति

apaśyaṃ gopām anipadyamānam iti prāṇo vai gopāḥ sa hīdaṃ sarvam anipadyamāno gopāyati

Sanskrit only: no published translation is held for this verse.

आ च परा च पथिभिश् चरन्तम् इति तद् ये च ह वा इमे प्राणा अमी च रश्मय एतैर् ह वा एष एतद् आ च परा च पथिभिश् चरति

ā ca parā ca pathibhiś carantam iti tad ye ca ha vā ime prāṇā amī ca raśmaya etair ha vā eṣa etad ā ca parā ca pathibhiś carati

Sanskrit only: no published translation is held for this verse.

स सध्रीचीः स विषूचीर् वसान इति सध्रीचीश् च ह्य् एष एतद् विषूचीश् च प्रजा वस्ते

sa sadhrīcīḥ sa viṣūcīr vasāna iti sadhrīcīś ca hy eṣa etad viṣūcīś ca prajā vaste

Sanskrit only: no published translation is held for this verse.

आवरीवर्ति भुवनेष्व् अन्तर् इति एष ह्य् एवैषु भुवनेष्व् अन्तर् आवरीवर्ति

āvarīvarti bhuvaneṣv antar iti eṣa hy evaiṣu bhuvaneṣv antar āvarīvarti

Sanskrit only: no published translation is held for this verse.

स एष इन्द्र उद्गीथः स यदैष इन्द्र उद्गीथ आगच्छति नैवोद्गातुश् चोपगातॄणां च विज्ञायते इत एवोर्ध्वः स्वर् उदेति स उपरि मूर्ध्नो लेलायति

sa eṣa indra udgīthaḥ sa yadaiṣa indra udgītha āgacchati naivodgātuś copagātṝṇāṃ ca vijñāyate ita evordhvaḥ svar udeti sa upari mūrdhno lelāyati

Sanskrit only: no published translation is held for this verse.

स विद्याद् आगमद् इन्द्रो नेह कश्चन पाप्मा न्यङ्गः परिशेक्ष्यत इति तस्मिन् ह न कश्चन पाप्मा न्यङ्गः परिशिष्यते

sa vidyād āgamad indro neha kaścana pāpmā nyaṅgaḥ pariśekṣyata iti tasmin ha na kaścana pāpmā nyaṅgaḥ pariśiṣyate

Sanskrit only: no published translation is held for this verse.

तद् एतद् अभ्रातृव्यं साम न ह वा इन्द्रः कंचन भ्रातृव्यम् पश्यते स यथेन्द्रो न कंचन भ्रातृव्यम् पश्यत एवम् एव न कंचन भ्रातृव्यम् पश्यते य एतद् एवं वेदाथो यस्यैवं विद्वान् उद्गायति

tad etad abhrātṛvyaṃ sāma na ha vā indraḥ kaṃcana bhrātṛvyam paśyate sa yathendro na kaṃcana bhrātṛvyam paśyata evam eva na kaṃcana bhrātṛvyam paśyate ya etad evaṃ vedātho yasyaivaṃ vidvān udgāyati

Sanskrit only: no published translation is held for this verse.