Jaiminīya Upaniṣad Brāhmaṇa (Sāmaveda) 3.38

प्रजापतिम् ब्रह्मासृजत तम् अपश्यम् अमुखम् असृजत

prajāpatim brahmāsṛjata tam apaśyam amukham asṛjata

Sanskrit only: no published translation is held for this verse.

तम् अप्रपश्यम् अमुखं शयानम् ब्रह्माविशत् पुरुष्यं तत् प्राणो वै ब्रह्म प्राणो वावैनं तद् आविशत्

tam aprapaśyam amukhaṃ śayānam brahmāviśat puruṣyaṃ tat prāṇo vai brahma prāṇo vāvainaṃ tad āviśat

Sanskrit only: no published translation is held for this verse.

स उदतिष्ठत् प्रजानां जनयिता तं रक्षांस्य् अन्वसचन्त

sa udatiṣṭhat prajānāṃ janayitā taṃ rakṣāṃsy anvasacanta

Sanskrit only: no published translation is held for this verse.

तम् एतद् एव साम गायन्न् अत्रायत यद् गायन्न् अत्रायत तद् गायत्रस्य गायत्रत्वम्

tam etad eva sāma gāyann atrāyata yad gāyann atrāyata tad gāyatrasya gāyatratvam

Sanskrit only: no published translation is held for this verse.

त्रायत एनं सर्वस्मात् पाप्मनो मुच्यते य एवं वेद

trāyata enaṃ sarvasmāt pāpmano mucyate ya evaṃ veda

Sanskrit only: no published translation is held for this verse.

तम् उपास्मै गायता नर इत्य् ऋचाश्रवणीयेनोपागायन्

tam upāsmai gāyatā nara ity ṛcāśravaṇīyenopāgāyan

Sanskrit only: no published translation is held for this verse.

यद् उपास्मै गायता नर इति तेन गायत्रम् अभवत् तस्माद् एषैव प्रतिपत् कार्या

yad upāsmai gāyatā nara iti tena gāyatram abhavat tasmād eṣaiva pratipat kāryā

Sanskrit only: no published translation is held for this verse.

पवमानायेन्दावा अभि देवम् इयाहुम्भाक्षाता इति षोडशाक्षराण्य् अभ्यगायन्त षोडशकलं वै ब्रह्म कलाश एवैनं तद् ब्रह्माविशत्

pavamānāyendāvā abhi devam iyāhumbhākṣātā iti ṣoḍaśākṣarāṇy abhyagāyanta ṣoḍaśakalaṃ vai brahma kalāśa evainaṃ tad brahmāviśat

Sanskrit only: no published translation is held for this verse.

तद् एतच् चतुर्विंशत्यक्षरं गायत्रम् अष्टाक्षरः प्रस्तावः षोडशाक्षरं गीतं तच् चतुर्विंशतिः सम्पद्यन्ते चतुर्विंशत्यर्धमासः संवत्सरः संवत्सरः साम

tad etac caturviṃśatyakṣaraṃ gāyatram aṣṭākṣaraḥ prastāvaḥ ṣoḍaśākṣaraṃ gītaṃ tac caturviṃśatiḥ sampadyante caturviṃśatyardhamāsaḥ saṃvatsaraḥ saṃvatsaraḥ sāma

Sanskrit only: no published translation is held for this verse.

ता ऋचः शरीरेण मृत्युर् अन्वैतत् तद् यच्छरीरवत् तन् मृत्योर् आप्तम् अथ यद् अशरीरं तद् अमृतम् तस्याशरीरेण साम्ना शरीराण्य् अधूनोत्

tā ṛcaḥ śarīreṇa mṛtyur anvaitat tad yaccharīravat tan mṛtyor āptam atha yad aśarīraṃ tad amṛtam tasyāśarīreṇa sāmnā śarīrāṇy adhūnot

Sanskrit only: no published translation is held for this verse.