Jaiminīya Upaniṣad Brāhmaṇa (Sāmaveda) 3.4

तद् एतद् उक्थं सप्तविधम् शस्यते स्तोत्रियो ऽनुरूपो धाय्या प्रगाथः सूक्तं निवित् परिधानीया

tad etad ukthaṃ saptavidham śasyate stotriyo 'nurūpo dhāyyā pragāthaḥ sūktaṃ nivit paridhānīyā

Sanskrit only: no published translation is held for this verse.

इयम् एव स्तोत्रियो ऽग्निर् अनुरूपो वायुर् धाय्यान्तरिक्षम् प्रगाथो द्यौः सूक्तम् आदित्यो निवित् तस्माद् बह्वृचा उदिते निविदम् अधीयन्ते आदित्यो हि निवित् दिशः परिधानीयेत्य् अधिदेवतम्

iyam eva stotriyo 'gnir anurūpo vāyur dhāyyāntarikṣam pragātho dyauḥ sūktam ādityo nivit tasmād bahvṛcā udite nividam adhīyante ādityo hi nivit diśaḥ paridhānīyety adhidevatam

Sanskrit only: no published translation is held for this verse.

अथाध्यात्मम् आत्मैव स्तोत्रियः प्रजानुरूपः प्राणो धाय्या मनः प्रगाथः शिरः सूक्तं चक्षुर् निविच् छ्रोत्रम् परिधानीया

athādhyātmam ātmaiva stotriyaḥ prajānurūpaḥ prāṇo dhāyyā manaḥ pragāthaḥ śiraḥ sūktaṃ cakṣur nivic chrotram paridhānīyā

Sanskrit only: no published translation is held for this verse.

तद्धैतद् एके त्रिष्टुभा परिदधत्य् अनुष्टुभैके त्रिष्टुभा त्व् एव परिदध्यात्

taddhaitad eke triṣṭubhā paridadhaty anuṣṭubhaike triṣṭubhā tv eva paridadhyāt

Sanskrit only: no published translation is held for this verse.

तद्धैतद् एक एता व्याहृतीर् अभिव्याहृत्य शंसन्ति महान् मह्या समधत्त देवो देव्या समधत्त ब्रह्म ब्राह्मण्या समधत्त तद् यत् समधत्त समधत्तेति

taddhaitad eka etā vyāhṛtīr abhivyāhṛtya śaṃsanti mahān mahyā samadhatta devo devyā samadhatta brahma brāhmaṇyā samadhatta tad yat samadhatta samadhatteti

Sanskrit only: no published translation is held for this verse.

तस्माद् इदानीम् पुरुषस्य शरीराणि प्रतिसंहितानि पुरुषो ह्य् एतद् उक्थम्

tasmād idānīm puruṣasya śarīrāṇi pratisaṃhitāni puruṣo hy etad uktham

Sanskrit only: no published translation is held for this verse.

महान् मह्या समधत्तेति अग्निर् वै महान् इयम् एव मही

mahān mahyā samadhatteti agnir vai mahān iyam eva mahī

Sanskrit only: no published translation is held for this verse.

देवो देव्या समधत्तेति वायुर् वै देवो ऽन्तरिक्षं देवी

devo devyā samadhatteti vāyur vai devo 'ntarikṣaṃ devī

Sanskrit only: no published translation is held for this verse.

ब्रह्म ब्राह्मण्या समधत्तेति आदित्यो वै ब्रह्म द्यौर् ब्राह्मणी

brahma brāhmaṇyā samadhatteti ādityo vai brahma dyaur brāhmaṇī

Sanskrit only: no published translation is held for this verse.

तासां वा एतासां देवतानां द्वयोर्द्वयोर् देवतयोर् नवनवाक्षराणि सम्पद्यन्ते एतद् इमे लोकास् त्रिणवा भवन्ति

tāsāṃ vā etāsāṃ devatānāṃ dvayordvayor devatayor navanavākṣarāṇi sampadyante etad ime lokās triṇavā bhavanti

Sanskrit only: no published translation is held for this verse.

तद् ब्रह्म वै त्रिवृत् तद् ब्रह्माभिव्याहृत्य शंसन्ति एष उ एव स्तोमः सो ऽनुचरः

tad brahma vai trivṛt tad brahmābhivyāhṛtya śaṃsanti eṣa u eva stomaḥ so 'nucaraḥ

Sanskrit only: no published translation is held for this verse.

यद् इमम् आहुर् एकस्तोम इत्य् अयम् एव यो ऽयम् पवते एषो ऽधिदेवतम् प्राणो ऽध्यात्मम् तस्य शरीरम् अनुचरः

yad imam āhur ekastoma ity ayam eva yo 'yam pavate eṣo 'dhidevatam prāṇo 'dhyātmam tasya śarīram anucaraḥ

Sanskrit only: no published translation is held for this verse.

तद् यथा ह वै मणौ मणिसूत्रं सम्प्रोतं स्यात्

tad yathā ha vai maṇau maṇisūtraṃ samprotaṃ syāt

Sanskrit only: no published translation is held for this verse.