Jaiminīya Upaniṣad Brāhmaṇa (Sāmaveda) 3.5

एवं हैतस्मिन् सर्वम् इदं सम्प्रोतं गन्धर्वाप्सरसः पशवो मनुष्याः

evaṃ haitasmin sarvam idaṃ samprotaṃ gandharvāpsarasaḥ paśavo manuṣyāḥ

Sanskrit only: no published translation is held for this verse.

तद्ध मुञ्जः सामश्रवसः प्रययौ तस्मै ह श्वाजनिर् वैश्यः प्रेयाय

taddha muñjaḥ sāmaśravasaḥ prayayau tasmai ha śvājanir vaiśyaḥ preyāya

Sanskrit only: no published translation is held for this verse.

तस्य हान्तरिक्षात् पतित्वा नवनीतपिण्ड उरसि निपपात तं हादायानुदधौ

tasya hāntarikṣāt patitvā navanītapiṇḍa urasi nipapāta taṃ hādāyānudadhau

Sanskrit only: no published translation is held for this verse.

ततो हैव स्तोमं ददर्शान्तरिक्षे विततम् बहु शोभमानम् तस्यो ह युक्तिं ददर्श

tato haiva stomaṃ dadarśāntarikṣe vitatam bahu śobhamānam tasyo ha yuktiṃ dadarśa

Sanskrit only: no published translation is held for this verse.

बहिष्पवमानम् आसद्य टीत्र वियि प्राण्य इति कुर्यात् टीत्र गृहित्र अपान्य इति वाचा दिदृक्षेतैवाक्षिभ्यां शुश्रूषेतैव कर्णाभ्याम् स्वयम् इदम् मनोयुक्तम्

bahiṣpavamānam āsadya ṭītra viyi prāṇya iti kuryāt ṭītra gṛhitra apānya iti vācā didṛkṣetaivākṣibhyāṃ śuśrūṣetaiva karṇābhyām svayam idam manoyuktam

Sanskrit only: no published translation is held for this verse.

तद् यत्र वा इषुर् अत्यग्रो भवति न वै स ततो हिनस्ति तद् उ वा एतं नोपाप्नुयात् प इत्य् एवापान्यात् तद् यथा बिम्बेन मृगम् आनयेद् एवम् एवैनम् एतया देवतयानयति स युक्तः करोति एष एवापि युक्तः

tad yatra vā iṣur atyagro bhavati na vai sa tato hinasti tad u vā etaṃ nopāpnuyāt pa ity evāpānyāt tad yathā bimbena mṛgam ānayed evam evainam etayā devatayānayati sa yuktaḥ karoti eṣa evāpi yuktaḥ

Sanskrit only: no published translation is held for this verse.