Jaiminīya Upaniṣad Brāhmaṇa (Sāmaveda) 3.6

यो ऽसौ साम्नः प्रत्तिं वेद प्र हास्मै दीयते

yo 'sau sāmnaḥ prattiṃ veda pra hāsmai dīyate

Sanskrit only: no published translation is held for this verse.

ददा इति ह वा अयम् अग्निर् दीप्यते तथेति वायुः पवते हन्तेति चन्द्रमा ओम् इत्य् आदित्यः

dadā iti ha vā ayam agnir dīpyate tatheti vāyuḥ pavate hanteti candramā om ity ādityaḥ

Sanskrit only: no published translation is held for this verse.

एषा ह वै साम्नः प्रत्तिः एतां ह वै साम्नः प्रत्तिं सुदक्षिणः क्षैमिर् विदांचकार

eṣā ha vai sāmnaḥ prattiḥ etāṃ ha vai sāmnaḥ prattiṃ sudakṣiṇaḥ kṣaimir vidāṃcakāra

Sanskrit only: no published translation is held for this verse.

तां हैतां होतुर् वाज्ये गायेन् मैत्रावरुणस्य वा तां ददा३ तथा३ हन्ता३ हिम् भा ओवा इति प्र ह वा अस्मै दीयते

tāṃ haitāṃ hotur vājye gāyen maitrāvaruṇasya vā tāṃ dadā3 tathā3 hantā3 him bhā ovā iti pra ha vā asmai dīyate

Sanskrit only: no published translation is held for this verse.

सो ऽप्य् अन्यान् बहून् उपर्युपरि य एवम् एतां साम्नः प्रत्तिं वेद

so 'py anyān bahūn uparyupari ya evam etāṃ sāmnaḥ prattiṃ veda

Sanskrit only: no published translation is held for this verse.

य उ ह वा अबन्धुर् बन्धुमत् साम वेद यत्र हाप्य् एनं न विदुर् यत्र रोषन्ति यत्र परीव चक्षते तद्धापि श्रैष्ठ्यम् आधिपत्यम् अन्नाद्यम् पुरोधाम् पर्येति

ya u ha vā abandhur bandhumat sāma veda yatra hāpy enaṃ na vidur yatra roṣanti yatra parīva cakṣate taddhāpi śraiṣṭhyam ādhipatyam annādyam purodhām paryeti

Sanskrit only: no published translation is held for this verse.

अग्निर् ह वा अबन्धुर् बन्धुमत् साम कस्माद् वा ह्य् एनं दारोः कस्माद् वा पर्यावृत्य मन्थन्ति स श्रैष्ठ्यायाधिपत्यायान्नाद्याय पुरोधायै जायते

agnir ha vā abandhur bandhumat sāma kasmād vā hy enaṃ dāroḥ kasmād vā paryāvṛtya manthanti sa śraiṣṭhyāyādhipatyāyānnādyāya purodhāyai jāyate

Sanskrit only: no published translation is held for this verse.

स यत्र ह वा अप्य् एवंविदं न विदुर् यत्र रोषन्ति यत्र परीव चक्षते तद्धापि श्रैष्ठ्यम् आधिपत्यम् अन्नाद्यम् पुरोधाम् पर्येति

sa yatra ha vā apy evaṃvidaṃ na vidur yatra roṣanti yatra parīva cakṣate taddhāpi śraiṣṭhyam ādhipatyam annādyam purodhām paryeti

Sanskrit only: no published translation is held for this verse.