Jaiminīya Upaniṣad Brāhmaṇa (Sāmaveda) 3.9

तत् प्रथमम् म्रियते

tat prathamam mriyate

Sanskrit only: no published translation is held for this verse.

अन्धम् इव वै तमो योनिः लोहितस्तोको वा वै स तद् आभवत्य् अपां वा स्तोकः किं हि स तद् आभवति

andham iva vai tamo yoniḥ lohitastoko vā vai sa tad ābhavaty apāṃ vā stokaḥ kiṃ hi sa tad ābhavati

Sanskrit only: no published translation is held for this verse.

स यस् तां देवतां वेद यां च स ततो ऽनुसंभवति या चैनं तम् मृत्युम् अतिवहति स उद्गाता मृत्युम् अतिवहतीति

sa yas tāṃ devatāṃ veda yāṃ ca sa tato 'nusaṃbhavati yā cainaṃ tam mṛtyum ativahati sa udgātā mṛtyum ativahatīti

Sanskrit only: no published translation is held for this verse.

अथ य एनम् एतद् दीक्षयन्ति तद् द्वितीयम् म्रियते वपन्ति केशश्मश्रूणि निकृन्तन्ति नखान् प्रत्यञ्जन्त्य् अङ्गानि प्रत्यचत्य् अङ्गुलीः अपवृतो ऽपवेष्टित आस्ते न जुहोति न यजते न योषितं चरति अमानुषीं वाचं वदति मृतस्य वावैष तदा रूपम् भवति

atha ya enam etad dīkṣayanti tad dvitīyam mriyate vapanti keśaśmaśrūṇi nikṛntanti nakhān pratyañjanty aṅgāni pratyacaty aṅgulīḥ apavṛto 'paveṣṭita āste na juhoti na yajate na yoṣitaṃ carati amānuṣīṃ vācaṃ vadati mṛtasya vāvaiṣa tadā rūpam bhavati

Sanskrit only: no published translation is held for this verse.

स यस् तां देवतां वेद यां च स ततो ऽनुसंभवति या चैनं तम् मृत्युम् अतिवहति स उद्गाता मृत्युम् अतिवहतीति

sa yas tāṃ devatāṃ veda yāṃ ca sa tato 'nusaṃbhavati yā cainaṃ tam mṛtyum ativahati sa udgātā mṛtyum ativahatīti

Sanskrit only: no published translation is held for this verse.

अथ य एनम् एतद् अस्माल्लोकात् प्रेतं चित्याम् आदधति तत् तृतीयम् म्रियते

atha ya enam etad asmāllokāt pretaṃ cityām ādadhati tat tṛtīyam mriyate

Sanskrit only: no published translation is held for this verse.

स यस् तां देवतां वेद यां च स ततो ऽनुसंभवति या चैनं तम् मृत्युम् अतिवहति स उद्गाता मृत्युम् अतिवहतीति

sa yas tāṃ devatāṃ veda yāṃ ca sa tato 'nusaṃbhavati yā cainaṃ tam mṛtyum ativahati sa udgātā mṛtyum ativahatīti

Sanskrit only: no published translation is held for this verse.

एतावद्धैवोक्त्वा रथम् आस्थाय प्रधावयांचकार

etāvaddhaivoktvā ratham āsthāya pradhāvayāṃcakāra

Sanskrit only: no published translation is held for this verse.

तं ह जाबालम् प्रत्येतं कनीयान् भ्रातोवाच काम् भवञ्छूद्रको वाचम् अवादीति हस्तिना गाधम् ऐषीर् इति

taṃ ha jābālam pratyetaṃ kanīyān bhrātovāca kām bhavañchūdrako vācam avādīti hastinā gādham aiṣīr iti

Sanskrit only: no published translation is held for this verse.

प्र हैवैनं तच्छशंस यः कथम् अवोचद् भगव इति यस् त्रयाणाम् मृत्यूनां साम्नातिवाहं वेद स उद्गाता मृत्युम् अतिवहतीति

pra haivainaṃ tacchaśaṃsa yaḥ katham avocad bhagava iti yas trayāṇām mṛtyūnāṃ sāmnātivāhaṃ veda sa udgātā mṛtyum ativahatīti

Sanskrit only: no published translation is held for this verse.