श्री-नारद-पञ्च-रात्रम् प्रथमैक-रात्रे प्रथमो ऽध्यायः ॐ नमो भगवते वासुदेवाय अथ मङ्गलाचरणम् नारायणं नमस् कृत्य नरं चैव नरोत्तमम् । देवीं सरस्वतीं चैव ततो जयम् उदीरयेत् ॥ गणेश-शेष-ब्रह्मेश-दिनेश-प्रमुखाः सुराः । कुमाराद्याश् च मुनयः सिद्धाश् च कपिलादयः
śrī-nārada-pañca-rātram prathamaika-rātre prathamo 'dhyāyaḥ oṃ namo bhagavate vāsudevāya atha maṅgalācaraṇam nārāyaṇaṃ namas kṛtya naraṃ caiva narottamam / devīṃ sarasvatīṃ caiva tato jayam udīrayet // gaṇeśa-śeṣa-brahmeśa-dineśa-pramukhāḥ surāḥ / kumārādyāś ca munayaḥ siddhāś ca kapilādayaḥ
Sanskrit only: no published translation is held for this verse.
लक्ष्मी सरस्वती दुर्गा सावित्री राधिका परा । भक्त्या नमन्ति यं शश्वत् तं नमामि परात् परं
lakṣmī sarasvatī durgā sāvitrī rādhikā parā / bhaktyā namanti yaṃ śaśvat taṃ namāmi parāt paraṃ
Sanskrit only: no published translation is held for this verse.
ध्यायन्ते सततं सन्तो योगिनो वैष्णवास् तथा । ज्योतिर्-अभ्यन्तरे रूपम् अतुलं श्याम-सुन्दरम्
dhyāyante satataṃ santo yogino vaiṣṇavās tathā / jyotir-abhyantare rūpam atulaṃ śyāma-sundaram
Sanskrit only: no published translation is held for this verse.
ध्यायेत् तं परमं ब्रह्म परमात्मानम् ईश्वरम् । निरीहम् अति-निर्लिप्तम् निर्गुणं प्रकृतेः परं
dhyāyet taṃ paramaṃ brahma paramātmānam īśvaram / nirīham ati-nirliptam nirguṇaṃ prakṛteḥ paraṃ
Sanskrit only: no published translation is held for this verse.
सर्वेशं सर्व-रूपं च सर्व-कारण-कारणम् । सत्यं नित्यं च पुरुषं पुराणं परम् अव्ययम्
sarveśaṃ sarva-rūpaṃ ca sarva-kāraṇa-kāraṇam / satyaṃ nityaṃ ca puruṣaṃ purāṇaṃ param avyayam
Sanskrit only: no published translation is held for this verse.
मङ्गल्यं मङ्गलार्हं च मङ्गलं मङ्गलालयम् । स्वेच्छा-मयं परं धाम भगवन्तं सनातनम्
maṅgalyaṃ maṅgalārhaṃ ca maṅgalaṃ maṅgalālayam / svecchā-mayaṃ paraṃ dhāma bhagavantaṃ sanātanam
Sanskrit only: no published translation is held for this verse.
स्तुवन्ति वेदा यं शश्वन्न् आनन्तं जानन्ति यस्य ते । तं स्तौमि परमानन्दं सानन्दं नन्द-नन्दनम्
stuvanti vedā yaṃ śaśvann ānantaṃ jānanti yasya te / taṃ staumi paramānandaṃ sānandaṃ nanda-nandanam
Sanskrit only: no published translation is held for this verse.
भक्त-प्रियं च भक्तेशं भक्तानुग्रह-विग्रहं । श्रीदं श्रीशं श्री-निवासं श्री-कृष्णं राधिकेश्वरम्
bhakta-priyaṃ ca bhakteśaṃ bhaktānugraha-vigrahaṃ / śrīdaṃ śrīśaṃ śrī-nivāsaṃ śrī-kṛṣṇaṃ rādhikeśvaram
Sanskrit only: no published translation is held for this verse.
ज्ञानामृतं ज्ञान-सिन्धोः संप्राप्य शङ्कराद् गुरोः । परावराच् च परमाद् योगीन्द्राणां गुरोर् गुरोः
jñānāmṛtaṃ jñāna-sindhoḥ saṃprāpya śaṅkarād guroḥ / parāvarāc ca paramād yogīndrāṇāṃ guror guroḥ
Sanskrit only: no published translation is held for this verse.
वेदेभ्यो दधि-सिन्धुभ्यश् चतुर्भ्यः सुमनोहरम् । तज् ज्ञान-मन्थ-दण्डेन संनिर्मथ्य नवं नवम्
vedebhyo dadhi-sindhubhyaś caturbhyaḥ sumanoharam / taj jñāna-mantha-daṇḍena saṃnirmathya navaṃ navam
Sanskrit only: no published translation is held for this verse.
नवनीतं समुद्धृत्य नत्वा शम्भोः पदाम्बुजम् । विधि-पुत्रो नारदो ऽहं पञ्च-रात्रं समारभे
navanītaṃ samuddhṛtya natvā śambhoḥ padāmbujam / vidhi-putro nārado 'haṃ pañca-rātraṃ samārabhe
Sanskrit only: no published translation is held for this verse.
ॐ नारायणाश्रमे पुण्ये पुण्य-क्षेत्रे च भारत । सिद्धे नारायण-क्षेत्रे वट-मूले सुपुण्यदे
oṃ nārāyaṇāśrame puṇye puṇya-kṣetre ca bhārata / siddhe nārāyaṇa-kṣetre vaṭa-mūle supuṇyade
Sanskrit only: no published translation is held for this verse.
कृष्णांशं कृष्ण-भक्तं च पलं कृष्ण-परायणम् । श्री-कृष्ण-चरणाम्भोज-ध्यानैकतान-मानसम्
kṛṣṇāṃśaṃ kṛṣṇa-bhaktaṃ ca palaṃ kṛṣṇa-parāyaṇam / śrī-kṛṣṇa-caraṇāmbhoja-dhyānaikatāna-mānasam
Sanskrit only: no published translation is held for this verse.
जपन्तं परमं ब्रह्म कृष्ण इत्य् अक्षर-द्वयम् । सुखासने सुखासीनं कृष्ण-द्वैपायनं मुनिम्
japantaṃ paramaṃ brahma kṛṣṇa ity akṣara-dvayam / sukhāsane sukhāsīnaṃ kṛṣṇa-dvaipāyanaṃ munim
Sanskrit only: no published translation is held for this verse.
पप्रच्छ शुकदेवश् च सर्व-ज्ञं पितरं मुनिः । कारणण् च पुराणानां पुराणं परम् अव्ययम्
papraccha śukadevaś ca sarva-jñaṃ pitaraṃ muniḥ / kāraṇaṇ ca purāṇānāṃ purāṇaṃ param avyayam
Sanskrit only: no published translation is held for this verse.
श्री-शुक उवाच भगवन् सर्व-तत्त्व-ज्ञ वेद-वेदाङ्ग-पारग । यद् यत् प्रकारं ज्ञानं च निगूढं श्रुति-सम्मतम्
śrī-śuka uvāca bhagavan sarva-tattva-jña veda-vedāṅga-pāraga / yad yat prakāraṃ jñānaṃ ca nigūḍhaṃ śruti-sammatam
Sanskrit only: no published translation is held for this verse.
तेषु यत् सार-भूतं चाप्य् अज्ञानान्ध-प्रदीपकम् । तत् तत् सर्वं समालोच्य मां बोधयितुम् अर्हसि
teṣu yat sāra-bhūtaṃ cāpy ajñānāndha-pradīpakam / tat tat sarvaṃ samālocya māṃ bodhayitum arhasi
Sanskrit only: no published translation is held for this verse.
अथ श्री-कृष्ण-भक्ति-प्रशंशा स पिता ज्ञान-दाता यो ज्ञानं तत् कृष्ण-भक्तिदम् । सा भक्तिः परमा शुद्धा कृष्ण-दास्य-प्रदा च या
atha śrī-kṛṣṇa-bhakti-praśaṃśā sa pitā jñāna-dātā yo jñānaṃ tat kṛṣṇa-bhaktidam / sā bhaktiḥ paramā śuddhā kṛṣṇa-dāsya-pradā ca yā
Sanskrit only: no published translation is held for this verse.
तद् एव दास्यं शस्तं यत् साक्षाच् चरण-सेवनं । नित्यं गोलोक-वासं च पुरतः स्तवनं हरेः
tad eva dāsyaṃ śastaṃ yat sākṣāc caraṇa-sevanaṃ / nityaṃ goloka-vāsaṃ ca purataḥ stavanaṃ hareḥ
Sanskrit only: no published translation is held for this verse.
शश्वन् निमेष-रहितं तत्-पाद-पद्म-दर्शनम् । शश्वत् तत्-सार्धम् आलाप-सेवा-कर्म-नियोजनम्
śaśvan nimeṣa-rahitaṃ tat-pāda-padma-darśanam / śaśvat tat-sārdham ālāpa-sevā-karma-niyojanam
Sanskrit only: no published translation is held for this verse.
तेन सार्धम् अविच्छेद-स्थानं परं शोभनम् । भक्तानां वाञ्च्छितं वस्तु सार-भूतं श्रुतौ श्रुतम्
tena sārdham aviccheda-sthānaṃ paraṃ śobhanam / bhaktānāṃ vāñcchitaṃ vastu sāra-bhūtaṃ śrutau śrutam
Sanskrit only: no published translation is held for this verse.
पुत्रस्य वचनं श्रुत्वा व्यासदेवो जहास सः । विज्ञाय ज्ञानिनं पुत्रं परमाह्लादम् आप ह
putrasya vacanaṃ śrutvā vyāsadevo jahāsa saḥ / vijñāya jñāninaṃ putraṃ paramāhlādam āpa ha
Sanskrit only: no published translation is held for this verse.
पुत्रं शुभाशिषं कृत्वा सर्व-ज्ञः सर्व-भावनः । यथाप्राप्तं गुरु-मुखात् प्रवक्तुम् उपचक्रमे
putraṃ śubhāśiṣaṃ kṛtvā sarva-jñaḥ sarva-bhāvanaḥ / yathāprāptaṃ guru-mukhāt pravaktum upacakrame
Sanskrit only: no published translation is held for this verse.
श्री-व्यास उवाच शुक धन्यो ऽसि मान्यो ऽसि पुण्य-रूपो ऽसि भारते । पुत्रेण भवतास्माकं कुलं मुक्तं च पावनम्
śrī-vyāsa uvāca śuka dhanyo 'si mānyo 'si puṇya-rūpo 'si bhārate / putreṇa bhavatāsmākaṃ kulaṃ muktaṃ ca pāvanam
Sanskrit only: no published translation is held for this verse.
स पुत्रः कृष्ण-भक्तो यो भारते सुयशस्-करः । पुनाति पुंसां शतकं जन्म-मात्रेण लीलया
sa putraḥ kṛṣṇa-bhakto yo bhārate suyaśas-karaḥ / punāti puṃsāṃ śatakaṃ janma-mātreṇa līlayā
Sanskrit only: no published translation is held for this verse.
माता-महानां शतकं मातरं मातृ-मातरम् । सोदरान् बान्धवांश् चैव भृत्यान् पत्नीं सहात्मजाम्
mātā-mahānāṃ śatakaṃ mātaraṃ mātṛ-mātaram / sodarān bāndhavāṃś caiva bhṛtyān patnīṃ sahātmajām
Sanskrit only: no published translation is held for this verse.
यत्-कन्यां प्रतिगृह्णाति तद्-आदि-पुरुष-त्रयम् । कन्या-प्रदाता श्वशुरो जीवन्-मुक्तः सभार्यकः
yat-kanyāṃ pratigṛhṇāti tad-ādi-puruṣa-trayam / kanyā-pradātā śvaśuro jīvan-muktaḥ sabhāryakaḥ
Sanskrit only: no published translation is held for this verse.
स्वयं विधाता भगवान् परं कृष्ण-परायणः । कृष्ण-भक्तो वसिष्टस् तु तत् सुतो वैष्णवः स्वयम्
svayaṃ vidhātā bhagavān paraṃ kṛṣṇa-parāyaṇaḥ / kṛṣṇa-bhakto vasiṣṭas tu tat suto vaiṣṇavaḥ svayam
Sanskrit only: no published translation is held for this verse.
वैष्णवस् तत् सुतः शक्तिः कृष्ण-ध्यानैक-मानसः । पराशरश् च तत्-पुत्रः कृष्ण-पादाब्ज-सेवया
vaiṣṇavas tat sutaḥ śaktiḥ kṛṣṇa-dhyānaika-mānasaḥ / parāśaraś ca tat-putraḥ kṛṣṇa-pādābja-sevayā
Sanskrit only: no published translation is held for this verse.
जीवन्-मुक्तो महा-ज्ञानी योगीन्द्राणां गुरोर् गुरुः । अहं वेद-विभक्ता च श्री-कृष्ण-पाद-सेवया
jīvan-mukto mahā-jñānī yogīndrāṇāṃ guror guruḥ / ahaṃ veda-vibhaktā ca śrī-kṛṣṇa-pāda-sevayā
Sanskrit only: no published translation is held for this verse.
गुरुर् मे भगवान् साक्षाद् योगीन्द्रो नारदो मुनिः । गुरोर् गुरुर् मे शम्भुश् च योगीन्द्राणां गुरोर् गुरुः
gurur me bhagavān sākṣād yogīndro nārado muniḥ / guror gurur me śambhuś ca yogīndrāṇāṃ guror guruḥ
Sanskrit only: no published translation is held for this verse.
तेषां पुण्येन पुत्रस् त्वं पुण्य-राशिश् च मूर्तिमान् । पद्मानां मम पुंसां च प्रकाशो भास्करः स्वयम्
teṣāṃ puṇyena putras tvaṃ puṇya-rāśiś ca mūrtimān / padmānāṃ mama puṃsāṃ ca prakāśo bhāskaraḥ svayam
Sanskrit only: no published translation is held for this verse.
श्री-कृष्ण-चरणाम्भोजं पादाब्जं नारदेशयोः । सरस्वतीं नमस् कृत्य ज्ञानं वक्ष्ये सनातनम्
śrī-kṛṣṇa-caraṇāmbhojaṃ pādābjaṃ nāradeśayoḥ / sarasvatīṃ namas kṛtya jñānaṃ vakṣye sanātanam
Sanskrit only: no published translation is held for this verse.
श्रूयताम् पञ्च-रात्रं च वेद-सारम् अभीप्सितम् । पञ्च-संवादम् इष्टं च भक्तानाम् अभिवाञ्च्छितम्
śrūyatām pañca-rātraṃ ca veda-sāram abhīpsitam / pañca-saṃvādam iṣṭaṃ ca bhaktānām abhivāñcchitam
Sanskrit only: no published translation is held for this verse.
प्राणाधिकं प्रियं शुद्धं परं ज्ञानामृतं शुभं । अथ षट्-संवादाः ?wहत्? हि गोलोके शत-शृङ्गे च पर्वते
prāṇādhikaṃ priyaṃ śuddhaṃ paraṃ jñānāmṛtaṃ śubhaṃ / atha ṣaṭ-saṃvādāḥ ?what? hi goloke śata-śṛṅge ca parvate
Sanskrit only: no published translation is held for this verse.
सुपुण्ये विरजा-तीरे वट-मूले मनोहरे । पुरतो राधिकायाश् च ब्रह्माणं कमलोद्भवम्
supuṇye virajā-tīre vaṭa-mūle manohare / purato rādhikāyāś ca brahmāṇaṃ kamalodbhavam
Sanskrit only: no published translation is held for this verse.
तम् उवाच महा-भक्तं स्तुवन्तं प्रणतं सुतम् । पञ्च-रात्रम् इदं पुण्यं श्रुत्वा च जगतां विधिः
tam uvāca mahā-bhaktaṃ stuvantaṃ praṇataṃ sutam / pañca-rātram idaṃ puṇyaṃ śrutvā ca jagatāṃ vidhiḥ
Sanskrit only: no published translation is held for this verse.
प्रणम्य राधिकां कृष्णं प्रययौ शिव-मन्दिरम् । भक्त्या तम् पूजयाम् आस शङ्करः परमादरम्
praṇamya rādhikāṃ kṛṣṇaṃ prayayau śiva-mandiram / bhaktyā tam pūjayām āsa śaṅkaraḥ paramādaram
Sanskrit only: no published translation is held for this verse.
सुखासने सुखासीनं स्वस्थं भक्तं च पूजितम् । पप्रच्छ वार्तां विनयी विनयेन सुखावहाम्
sukhāsane sukhāsīnaṃ svasthaṃ bhaktaṃ ca pūjitam / papraccha vārtāṃ vinayī vinayena sukhāvahām
Sanskrit only: no published translation is held for this verse.
सर्वं तं कथयाम् आस पञ्च-रात्रादिकं शुभम् । वसन्तं वट-मूले च स्वर्गे मन्दाकिनी-तटे
sarvaṃ taṃ kathayām āsa pañca-rātrādikaṃ śubham / vasantaṃ vaṭa-mūle ca svarge mandākinī-taṭe
Sanskrit only: no published translation is held for this verse.
योगीन्द्रैर् अपि सिद्धेन्द्रैर् मुनीन्द्रैश् च स्तुतं प्रभुं । ज्ञानामृतं तम् उक्त्वा स ब्रह्म-लोकं जगाम ह
yogīndrair api siddhendrair munīndraiś ca stutaṃ prabhuṃ / jñānāmṛtaṃ tam uktvā sa brahma-lokaṃ jagāma ha
Sanskrit only: no published translation is held for this verse.
शम्भुश् च कथयाम् आस स्व-शिष्यं नारदं मुनिम् । नारदः कथयाम् आस पुष्करे सूर्य-पर्वणि
śambhuś ca kathayām āsa sva-śiṣyaṃ nāradaṃ munim / nāradaḥ kathayām āsa puṣkare sūrya-parvaṇi
Sanskrit only: no published translation is held for this verse.
मां भक्तम् अनुरक्तं च पुण्याहे मुनि-संसदि । पञ्च-रात्रम् इदं शुद्धं भ्रमान्ध-ध्वंस-दीपकम्
māṃ bhaktam anuraktaṃ ca puṇyāhe muni-saṃsadi / pañca-rātram idaṃ śuddhaṃ bhramāndha-dhvaṃsa-dīpakam
Sanskrit only: no published translation is held for this verse.
अथ पञ्च-रात्र-पद-व्याख्या रात्रं च ज्ञान-वचनं ज्ञानं पञ्च-विधं स्मृतम् । तेनेदं पञ्च-रात्रं च प्रवदन्ति मनीषिणः
atha pañca-rātra-pada-vyākhyā rātraṃ ca jñāna-vacanaṃ jñānaṃ pañca-vidhaṃ smṛtam / tenedaṃ pañca-rātraṃ ca pravadanti manīṣiṇaḥ
Sanskrit only: no published translation is held for this verse.
ज्ञानं परम-तत्त्वं च जन्म-मृत्यु-जरापहम् । ततो मृत्युञ्जयः शम्भुः संप्राप कृष्ण-वक्त्रतः
jñānaṃ parama-tattvaṃ ca janma-mṛtyu-jarāpaham / tato mṛtyuñjayaḥ śambhuḥ saṃprāpa kṛṣṇa-vaktrataḥ
Sanskrit only: no published translation is held for this verse.
ज्ञानम् द्वितीयं परमं मुमुक्षूणां च वाञ्च्छितम् । परं मुक्ति-प्रदं शुद्धं यतो लीनं हरेः पदे
jñānam dvitīyaṃ paramaṃ mumukṣūṇāṃ ca vāñcchitam / paraṃ mukti-pradaṃ śuddhaṃ yato līnaṃ hareḥ pade
Sanskrit only: no published translation is held for this verse.
ज्ञानं शुद्धं तृतीयं च मङ्गलं कृष्ण-भक्तिदम् । तद्-दास्यम् अधीष्टं च यतो दास्यं लभेद् धरेः
jñānaṃ śuddhaṃ tṛtīyaṃ ca maṅgalaṃ kṛṣṇa-bhaktidam / tad-dāsyam adhīṣṭaṃ ca yato dāsyaṃ labhed dhareḥ
Sanskrit only: no published translation is held for this verse.
चतुर्थं यौगिकं ज्ञानं सर्व-सिद्धि-प्रदं परम् । सर्वस्वं योगिनां पुत्र सिद्धानां च सुख-प्रदम्
caturthaṃ yaugikaṃ jñānaṃ sarva-siddhi-pradaṃ param / sarvasvaṃ yogināṃ putra siddhānāṃ ca sukha-pradam
Sanskrit only: no published translation is held for this verse.
अणिमा लघिमा व्याप्तिः प्राकाम्यं महिमा तथा । ईशित्वं च वशित्वं च तथाकामावसायिता
aṇimā laghimā vyāptiḥ prākāmyaṃ mahimā tathā / īśitvaṃ ca vaśitvaṃ ca tathākāmāvasāyitā
Sanskrit only: no published translation is held for this verse.
सावज्ञं दूर-श्रवणं पर-काय-प्रवेशनम् । काय-व्यूहं जीव-दानं पर-जीव-हरं परम्
sāvajñaṃ dūra-śravaṇaṃ para-kāya-praveśanam / kāya-vyūhaṃ jīva-dānaṃ para-jīva-haraṃ param
Sanskrit only: no published translation is held for this verse.
सर्ग-कर्तृत्व-शिल्पं च सर्ग-संहार-कारणम् । सिद्धं च षोडश-विधं ज्ञानिनां च यतो भवेत्
sarga-kartṛtva-śilpaṃ ca sarga-saṃhāra-kāraṇam / siddhaṃ ca ṣoḍaśa-vidhaṃ jñānināṃ ca yato bhavet
Sanskrit only: no published translation is held for this verse.
ज्ञानं च परमं प्रोक्तं तद् वै वैषयिकं नृणां । यद् इष्ट-देवी माया सा परं संमोह-कारणं
jñānaṃ ca paramaṃ proktaṃ tad vai vaiṣayikaṃ nṛṇāṃ / yad iṣṭa-devī māyā sā paraṃ saṃmoha-kāraṇaṃ
Sanskrit only: no published translation is held for this verse.
विषये बद्ध-चितं च सर्वम् इन्द्रिय-सेवनम् । पोषनं स्व-कुटुम्बानां स्वात्मनश् च निरन्रतम्
viṣaye baddha-citaṃ ca sarvam indriya-sevanam / poṣanaṃ sva-kuṭumbānāṃ svātmanaś ca niranratam
Sanskrit only: no published translation is held for this verse.
प्रथमं सात्त्विकं ज्ञानं द्वितीयं च तद् एव च । नैर्गुण्यं च तृतीयं च ज्ञानं च सर्वतः परम्
prathamaṃ sāttvikaṃ jñānaṃ dvitīyaṃ ca tad eva ca / nairguṇyaṃ ca tṛtīyaṃ ca jñānaṃ ca sarvataḥ param
Sanskrit only: no published translation is held for this verse.
चतुर्थम् च राजसिकं भक्तस् तन् नाभिवाञ्च्छति । पञ्चमं तामसं ज्ञानं विद्वांस् तन् नाभिवाञ्च्छति
caturtham ca rājasikaṃ bhaktas tan nābhivāñcchati / pañcamaṃ tāmasaṃ jñānaṃ vidvāṃs tan nābhivāñcchati
Sanskrit only: no published translation is held for this verse.
ज्ञानं पञ्च-विधं प्रोक्तं पञ्च-रात्रं विदुर् बुधाः । पञ्च-रात्रं सप्त-विधं ज्ञानिनां ज्ञानदं परम्
jñānaṃ pañca-vidhaṃ proktaṃ pañca-rātraṃ vidur budhāḥ / pañca-rātraṃ sapta-vidhaṃ jñānināṃ jñānadaṃ param
Sanskrit only: no published translation is held for this verse.
ब्राह्मं शैवं च कौमारं वासिष्टं कापिलं परम् । गौतमीयं नारदीयम् इदं सप्त-विधं स्मृतम्
brāhmaṃ śaivaṃ ca kaumāraṃ vāsiṣṭaṃ kāpilaṃ param / gautamīyaṃ nāradīyam idaṃ sapta-vidhaṃ smṛtam
Sanskrit only: no published translation is held for this verse.
अथ ग्रन्थ-प्रशंसा षट् पञ्च-रात्रं वेदाश् च पुराणानि च सर्वशः । इतिहासं धर्म-शास्त्रं शात्रं च सिद्धि-योग-जम्
atha grantha-praśaṃsā ṣaṭ pañca-rātraṃ vedāś ca purāṇāni ca sarvaśaḥ / itihāsaṃ dharma-śāstraṃ śātraṃ ca siddhi-yoga-jam
Sanskrit only: no published translation is held for this verse.
दृष्ट्वा सर्वं समालोक्य ज्ञानं संप्राप्य शङ्करात् । ज्ञानामृतं पञ्च-रात्रं चकार नारदो मुनिः
dṛṣṭvā sarvaṃ samālokya jñānaṃ saṃprāpya śaṅkarāt / jñānāmṛtaṃ pañca-rātraṃ cakāra nārado muniḥ
Sanskrit only: no published translation is held for this verse.
पुण्यं च पाप-विघ्नं भक्ति-दास्य-प्रदं हरेः । सर्वस्वं वैष्णवानां च प्रियं प्राणाधिकं सुत
puṇyaṃ ca pāpa-vighnaṃ bhakti-dāsya-pradaṃ hareḥ / sarvasvaṃ vaiṣṇavānāṃ ca priyaṃ prāṇādhikaṃ suta
Sanskrit only: no published translation is held for this verse.
सार-भूतं च सर्वेषां वेदानां परमाद्भुतम् । नारदीयं पञ्च-रात्रं पुराणेषु सुदुर्लभम्
sāra-bhūtaṃ ca sarveṣāṃ vedānāṃ paramādbhutam / nāradīyaṃ pañca-rātraṃ purāṇeṣu sudurlabham
Sanskrit only: no published translation is held for this verse.
सर्वान्तरात्मा भगवान् ब्रह्म-ज्योतिः सनातनम् । परिपूर्णतमः श्रीमान् यथा कृष्णः सुरेषु च
sarvāntarātmā bhagavān brahma-jyotiḥ sanātanam / paripūrṇatamaḥ śrīmān yathā kṛṣṇaḥ sureṣu ca
Sanskrit only: no published translation is held for this verse.
यथा देवीषु पूज्या सा मूल-प्रकृतिर् ईश्वरी । वैष्णवानां च सिद्धानां ज्ञानिनां योगिनां शिवः
yathā devīṣu pūjyā sā mūla-prakṛtir īśvarī / vaiṣṇavānāṃ ca siddhānāṃ jñānināṃ yogināṃ śivaḥ
Sanskrit only: no published translation is held for this verse.
विश्वस्तानां इन्द्रियानाम् मनश् च शीघ्र-गामिनाम् । ब्रह्मा च वेद-विदुषां पूज्यानां च गणेश्वरः
viśvastānāṃ indriyānām manaś ca śīghra-gāminām / brahmā ca veda-viduṣāṃ pūjyānāṃ ca gaṇeśvaraḥ
Sanskrit only: no published translation is held for this verse.
सनत्-कुमारो भगवान् मुनीनां प्रवरो यथा । बृहस्पतिर् बुद्धिमतां सिद्धानां कपिलो यथा
sanat-kumāro bhagavān munīnāṃ pravaro yathā / bṛhaspatir buddhimatāṃ siddhānāṃ kapilo yathā
Sanskrit only: no published translation is held for this verse.
योगीन्द्रानां सतां शुद्ध ऋषिर् नारायणो यथा । कवीनां च यथा शुक्रः पण्डितानां बृहस्पतिः
yogīndrānāṃ satāṃ śuddha ṛṣir nārāyaṇo yathā / kavīnāṃ ca yathā śukraḥ paṇḍitānāṃ bṛhaspatiḥ
Sanskrit only: no published translation is held for this verse.
सरिताम् च यथा गङ्गा समुद्राणां जलार्णवः । वृन्दावनं वनानां च वर्षानां भारतं यथा
saritām ca yathā gaṅgā samudrāṇāṃ jalārṇavaḥ / vṛndāvanaṃ vanānāṃ ca varṣānāṃ bhārataṃ yathā
Sanskrit only: no published translation is held for this verse.
पुष्करं तत्र तीर्थानां पूज्यानां वैष्णवो यथा । आत्माकाशो यथाप्तानां यथा काशी पुरीषु च
puṣkaraṃ tatra tīrthānāṃ pūjyānāṃ vaiṣṇavo yathā / ātmākāśo yathāptānāṃ yathā kāśī purīṣu ca
Sanskrit only: no published translation is held for this verse.
वृक्षाणां कल्प-वृक्षश् च सुरभी काम-धेनुषु । पुष्पाणां पारिजातश् च पत्राणां तुलसी यथा
vṛkṣāṇāṃ kalpa-vṛkṣaś ca surabhī kāma-dhenuṣu / puṣpāṇāṃ pārijātaś ca patrāṇāṃ tulasī yathā
Sanskrit only: no published translation is held for this verse.
मन्त्राणां कृष्ण-मन्त्रश् च यथा विद्या धनेष्व् अपि । यथा तेजस्विनां सूर्यो मिष्टानाम् अमृतं यथा
mantrāṇāṃ kṛṣṇa-mantraś ca yathā vidyā dhaneṣv api / yathā tejasvināṃ sūryo miṣṭānām amṛtaṃ yathā
Sanskrit only: no published translation is held for this verse.
आधाराणां च स्थूलानां महा-विष्णुर् यथा सुत । सूक्ष्माणां परमाणुश् च गुरुणां मन्त्र-तन्त्र-दः
ādhārāṇāṃ ca sthūlānāṃ mahā-viṣṇur yathā suta / sūkṣmāṇāṃ paramāṇuś ca guruṇāṃ mantra-tantra-daḥ
Sanskrit only: no published translation is held for this verse.
पुत्रश् च स्नेह-पात्राणां नक्षत्राणां यथा शशी । यथा घृतं च गव्यानां शस्यानां धान्यम् ईप्सितम्
putraś ca sneha-pātrāṇāṃ nakṣatrāṇāṃ yathā śaśī / yathā ghṛtaṃ ca gavyānāṃ śasyānāṃ dhānyam īpsitam
Sanskrit only: no published translation is held for this verse.
शास्त्राणां च यथा वेदाः साश्रमाणां यथा द्विजः । तैजसानां यथा रत्नं मुक्तामाणिक्यहीरकम्
śāstrāṇāṃ ca yathā vedāḥ sāśramāṇāṃ yathā dvijaḥ / taijasānāṃ yathā ratnaṃ muktāmāṇikyahīrakam
Sanskrit only: no published translation is held for this verse.
यथा छन्दसि गायत्री दुर्गा शक्तिमतीष्व् अपि । पति-व्रतासु लक्स्मीश् च क्षमाशीलासु मेदिनी
yathā chandasi gāyatrī durgā śaktimatīṣv api / pati-vratāsu laksmīś ca kṣamāśīlāsu medinī
Sanskrit only: no published translation is held for this verse.
सौभाग्यासु सुन्दरीषु राधा कृष्ण-प्रियासु च । हनुमान् वानराणां च पक्षिणां गरुडो यथा
saubhāgyāsu sundarīṣu rādhā kṛṣṇa-priyāsu ca / hanumān vānarāṇāṃ ca pakṣiṇāṃ garuḍo yathā
Sanskrit only: no published translation is held for this verse.
वाहनानां बलवतां शङ्करस्य यथा वृषः । शालग्रामश् च यन्त्राणां पूजासु कृष्ण-पूजनम्
vāhanānāṃ balavatāṃ śaṅkarasya yathā vṛṣaḥ / śālagrāmaś ca yantrāṇāṃ pūjāsu kṛṣṇa-pūjanam
Sanskrit only: no published translation is held for this verse.
एकादशी व्रतानां च तपःस्व् अनशनं यथा । यज्ञानां जप-यज्ञश् च सत्यं धर्मेषु पुत्रक
ekādaśī vratānāṃ ca tapaḥsv anaśanaṃ yathā / yajñānāṃ japa-yajñaś ca satyaṃ dharmeṣu putraka
Sanskrit only: no published translation is held for this verse.
सुशीलं च गुणानां च पुण्येषु कृष्ण-कीर्तनम् । शोभाशु सुख-दृश्येषु प्रभा तेजःसु सर्वतः
suśīlaṃ ca guṇānāṃ ca puṇyeṣu kṛṣṇa-kīrtanam / śobhāśu sukha-dṛśyeṣu prabhā tejaḥsu sarvataḥ
Sanskrit only: no published translation is held for this verse.
पोष्ट्रीणां उपकर्तृणां मित्राणां जननी यथा । लोकानाम् अपि लोकेशः शेषो नागेषु पूजितः
poṣṭrīṇāṃ upakartṛṇāṃ mitrāṇāṃ jananī yathā / lokānām api lokeśaḥ śeṣo nāgeṣu pūjitaḥ
Sanskrit only: no published translation is held for this verse.
सुदर्शनं च शस्त्राणां विश्वकर्मा च शिल्पिनाम् । धर्मिष्ठेषु दयावत्सु देवर्षिसु महत्सु च
sudarśanaṃ ca śastrāṇāṃ viśvakarmā ca śilpinām / dharmiṣṭheṣu dayāvatsu devarṣisu mahatsu ca
Sanskrit only: no published translation is held for this verse.
विष्णु-भक्तेषु विज्ञेषु यथैव नारदो मुनिः । एवं च सर्व-शास्त्रेषु पञ्च-रात्रं च पूजितम्
viṣṇu-bhakteṣu vijñeṣu yathaiva nārado muniḥ / evaṃ ca sarva-śāstreṣu pañca-rātraṃ ca pūjitam
Sanskrit only: no published translation is held for this verse.
यथा निपीय पीयूषं न स्पृहा चान्य-वस्तुषु । पञ्च-रात्रम् अभिज्ञाय नान्येषु च स्पृहा सताम्
yathā nipīya pīyūṣaṃ na spṛhā cānya-vastuṣu / pañca-rātram abhijñāya nānyeṣu ca spṛhā satām
Sanskrit only: no published translation is held for this verse.
सर्वार्थ-ज्ञान-बीजं चाप्य् अज्ञानान्ध-प्रदीपम् । वेदसारोद्धृतं तत्त्वं सर्वेषां समभीप्सितम्
sarvārtha-jñāna-bījaṃ cāpy ajñānāndha-pradīpam / vedasāroddhṛtaṃ tattvaṃ sarveṣāṃ samabhīpsitam
Sanskrit only: no published translation is held for this verse.