Jss 1.13

इति श्री-नारद-पञ्च-रात्रे ज्ञानामृत-सारे प्रथमैक-रात्रे गन्धर्व-कृत-स्तोत्रं नाम द्वादशो ऽध्यायः प्रथमैक-रात्रे त्रयोदशो ऽध्यायः श्री-शुक उवाच स्तोत्रान्तरे च काले च किं रहस्यं बभूव ह । तन् मे कथय भद्रं ते भगवन् भगवद्-वचः

iti śrī-nārada-pañca-rātre jñānāmṛta-sāre prathamaika-rātre gandharva-kṛta-stotraṃ nāma dvādaśo 'dhyāyaḥ prathamaika-rātre trayodaśo 'dhyāyaḥ śrī-śuka uvāca stotrāntare ca kāle ca kiṃ rahasyaṃ babhūva ha / tan me kathaya bhadraṃ te bhagavan bhagavad-vacaḥ

Sanskrit only: no published translation is held for this verse.

श्री-व्यास उवाच स्तोत्रान्तरे च काले च गन्धर्वश् चोपवर्हणः । उवाच ब्रह्म-संसदि भगवन्तं सनातनम्

śrī-vyāsa uvāca stotrāntare ca kāle ca gandharvaś copavarhaṇaḥ / uvāca brahma-saṃsadi bhagavantaṃ sanātanam

Sanskrit only: no published translation is held for this verse.

सर्वैर् देवैर् अहं शप्तश् चाधुना देव-हेतुना । देवानाम् अग्नि-पुञ्जश् च प्रदीप्तश् च सुमेरुवत्

sarvair devair ahaṃ śaptaś cādhunā deva-hetunā / devānām agni-puñjaś ca pradīptaś ca sumeruvat

Sanskrit only: no published translation is held for this verse.

अधुना च त्वयि गते भस्मासान् मां करिष्यति । अतो रक्ष जगन्नाथ मां समुद्धर्तुम् अर्हसि

adhunā ca tvayi gate bhasmāsān māṃ kariṣyati / ato rakṣa jagannātha māṃ samuddhartum arhasi

Sanskrit only: no published translation is held for this verse.

त्वद्-अंश-शूकरेणैव धरोद्धारः कृतः पुरा । हिरण्याख्यं महा-दैत्यं निहत्य चावलीलया

tvad-aṃśa-śūkareṇaiva dharoddhāraḥ kṛtaḥ purā / hiraṇyākhyaṃ mahā-daityaṃ nihatya cāvalīlayā

Sanskrit only: no published translation is held for this verse.

पाद्म-पद्मार्चित-पदे पद्मे ते शरणागतम् । माम् अनाथं भयाक्रान्तं रक्ष रक्ष सुरानलात्

pādma-padmārcita-pade padme te śaraṇāgatam / mām anāthaṃ bhayākrāntaṃ rakṣa rakṣa surānalāt

Sanskrit only: no published translation is held for this verse.

गन्धर्वस्य वचः श्रुत्वा प्रहस्य जगद्-ईश्वरः । उवाच श्लक्ष्णया वाचा ब्रह्मेशो ब्रह्म-संसदि

gandharvasya vacaḥ śrutvā prahasya jagad-īśvaraḥ / uvāca ślakṣṇayā vācā brahmeśo brahma-saṃsadi

Sanskrit only: no published translation is held for this verse.

अथ गन्धर्व-मोक्षणम् श्री-भगवान् उवाच गन्धर्व-राज-प्रवर स्थिरो भव भयं त्यज । शुभाश्रयस्य भक्तस्य भयं किं ते मयि स्थिते

atha gandharva-mokṣaṇam śrī-bhagavān uvāca gandharva-rāja-pravara sthiro bhava bhayaṃ tyaja / śubhāśrayasya bhaktasya bhayaṃ kiṃ te mayi sthite

Sanskrit only: no published translation is held for this verse.

सर्वेभ्यो ऽपि भयं नास्ति मद्-भक्तानाम् अकर्मणाम् । जन्म-मृत्यु-जरा-व्याधि-भयं तेषां न विद्यते

sarvebhyo 'pi bhayaṃ nāsti mad-bhaktānām akarmaṇām / janma-mṛtyu-jarā-vyādhi-bhayaṃ teṣāṃ na vidyate

Sanskrit only: no published translation is held for this verse.

मन्-मन्त्रोपासकश् चैव स्वतन्त्रो नित्य-विग्रहः । पुनर् न विद्यते जन्म मन्त्र-ग्रहण-मात्रतः

man-mantropāsakaś caiva svatantro nitya-vigrahaḥ / punar na vidyate janma mantra-grahaṇa-mātrataḥ

Sanskrit only: no published translation is held for this verse.

नास्ति कालाद् भयं तस्य न निषेकाद् विधेर् अपि । मन्त्र-ग्रहण-मात्रेण मुच्यते सर्व-कर्मणः

nāsti kālād bhayaṃ tasya na niṣekād vidher api / mantra-grahaṇa-mātreṇa mucyate sarva-karmaṇaḥ

Sanskrit only: no published translation is held for this verse.

मन्-मन्त्रो हि देहात् पापं कोटि-जन्म-कृतं च यत् । सुदीप्तो ज्वलद्-अग्निश् च तृण-पुञ्जं देहाद् यथा

man-mantro hi dehāt pāpaṃ koṭi-janma-kṛtaṃ ca yat / sudīpto jvalad-agniś ca tṛṇa-puñjaṃ dehād yathā

Sanskrit only: no published translation is held for this verse.

मन्-मन्त्र-ग्रहणाद् योगान् मन्-नाम-ग्रहणस्य वा । तेषां पापानि वेपन्ते कोटि-जन्म-कृतानि च

man-mantra-grahaṇād yogān man-nāma-grahaṇasya vā / teṣāṃ pāpāni vepante koṭi-janma-kṛtāni ca

Sanskrit only: no published translation is held for this verse.

यमस् तन्-नाम-लिखनं दूरी-भूतं करोति च । अन्ते दास्यं च लभते गत्वा गोलोकम् उत्तमम्

yamas tan-nāma-likhanaṃ dūrī-bhūtaṃ karoti ca / ante dāsyaṃ ca labhate gatvā golokam uttamam

Sanskrit only: no published translation is held for this verse.

यावद् आयुर् भ्रमेत् तावत् स्वतन्त्रो मत्त-कुञ्जरः । ततः पापाः फलायन्ते वैनतेयाद् इवोरगाः

yāvad āyur bhramet tāvat svatantro matta-kuñjaraḥ / tataḥ pāpāḥ phalāyante vainateyād ivoragāḥ

Sanskrit only: no published translation is held for this verse.

तेषां च पाद-रजसा सद्यः पूता वसुन्धरा । पुनाति सर्व-तीर्थानि दूरतो दर्शनाद् अपि

teṣāṃ ca pāda-rajasā sadyaḥ pūtā vasundharā / punāti sarva-tīrthāni dūrato darśanād api

Sanskrit only: no published translation is held for this verse.

पूतश् च पवनो वह्निर् जलं च तुलसी-दलम् । पूतान्य् एव हि तीर्थानि गङ्गादीनि च गायन

pūtaś ca pavano vahnir jalaṃ ca tulasī-dalam / pūtāny eva hi tīrthāni gaṅgādīni ca gāyana

Sanskrit only: no published translation is held for this verse.

पूता सुशीला धर्मिष्ठा सुव्रता स्त्री पति-व्रता । मन्-मन्त्रोपासकाश् चैव तेभ्यः पूतोत्तमाः सदा

pūtā suśīlā dharmiṣṭhā suvratā strī pati-vratā / man-mantropāsakāś caiva tebhyaḥ pūtottamāḥ sadā

Sanskrit only: no published translation is held for this verse.

मन्त्रोपासकानां च तीर्थ-स्थानं व्रतं सुत । श्राद्धं दानं पूजनं च यथा चर्वित-चर्वणम्

mantropāsakānāṃ ca tīrtha-sthānaṃ vrataṃ suta / śrāddhaṃ dānaṃ pūjanaṃ ca yathā carvita-carvaṇam

Sanskrit only: no published translation is held for this verse.

भक्त्या तीर्थानि पूतानि स्वतः पूतो हि वैष्णवः । तत् तन्त्रं च तथा दान-मलं श्राद्धं च निष्फलम्

bhaktyā tīrthāni pūtāni svataḥ pūto hi vaiṣṇavaḥ / tat tantraṃ ca tathā dāna-malaṃ śrāddhaṃ ca niṣphalam

Sanskrit only: no published translation is held for this verse.

श्राद्धस्य सम्प्रदानं च कर्तुश् च पुरुष-त्रयम् । पुरुषाणां शतं मुक्तं को भुङ्क्ते श्राद्ध-वस्तु च

śrāddhasya sampradānaṃ ca kartuś ca puruṣa-trayam / puruṣāṇāṃ śataṃ muktaṃ ko bhuṅkte śrāddha-vastu ca

Sanskrit only: no published translation is held for this verse.

केचिद् एवं वदन्तीति पितृ-लोकार्थम् एव च । तद्-विरुद्धं च ते तुष्टा मन्त्र-ग्रहण-मात्रतः

kecid evaṃ vadantīti pitṛ-lokārtham eva ca / tad-viruddhaṃ ca te tuṣṭā mantra-grahaṇa-mātrataḥ

Sanskrit only: no published translation is held for this verse.

तेषां शुभाशिषं कर्म नैव भोगाय कल्पते । देवान् न प्रभवेद् वत्स सिद्ध-धान्ये यथाङ्कुरः

teṣāṃ śubhāśiṣaṃ karma naiva bhogāya kalpate / devān na prabhaved vatsa siddha-dhānye yathāṅkuraḥ

Sanskrit only: no published translation is held for this verse.

साक्षात् करोति तेषां च कर्म-मूल-निकृन्तनम् । मन्त्रोपासकाद् अन्ये कर्म-भोगं च भुञ्जते

sākṣāt karoti teṣāṃ ca karma-mūla-nikṛntanam / mantropāsakād anye karma-bhogaṃ ca bhuñjate

Sanskrit only: no published translation is held for this verse.

मया स्वयं प्रदत्तश् च स्व-मन्त्रः पुरुषाय च । पर-द्वाराद् ग्राहयित्वा भक्तं मुक्तं करोम्य् अहम्

mayā svayaṃ pradattaś ca sva-mantraḥ puruṣāya ca / para-dvārād grāhayitvā bhaktaṃ muktaṃ karomy aham

Sanskrit only: no published translation is held for this verse.

मया प्रदत्त-मन्त्रश् च पुरा मृत्युञ्जयस् तथा । मृत्युञ्जयाय गोलोके शुद्ध-सत्त्व-गुणाय च

mayā pradatta-mantraś ca purā mṛtyuñjayas tathā / mṛtyuñjayāya goloke śuddha-sattva-guṇāya ca

Sanskrit only: no published translation is held for this verse.

पुनः सनत्-कुमाराय धर्माय ब्रह्मणे तथा । कपिलाय च शेषाय गणेशाय च महा-मते

punaḥ sanat-kumārāya dharmāya brahmaṇe tathā / kapilāya ca śeṣāya gaṇeśāya ca mahā-mate

Sanskrit only: no published translation is held for this verse.

नारायणर्षये चैव धर्म-पुत्राय धीमते । पुनर् महा-विष्णवे च विश्वानि यस्य लोमसु

nārāyaṇarṣaye caiva dharma-putrāya dhīmate / punar mahā-viṣṇave ca viśvāni yasya lomasu

Sanskrit only: no published translation is held for this verse.

कालाधिष्ठातृ-देवाय तस्मै सर्वान्तकाय च । उपेन्द्राय च कामाय भृगवे ऽङ्गिरसे तथा

kālādhiṣṭhātṛ-devāya tasmai sarvāntakāya ca / upendrāya ca kāmāya bhṛgave 'ṅgirase tathā

Sanskrit only: no published translation is held for this verse.

सरस्वत्यै च पद्मायै राधायै विरजा-तटे । शवित्र्यै विष्णु-मायायै पार्षदेभ्यश् च पुत्रक

sarasvatyai ca padmāyai rādhāyai virajā-taṭe / śavitryai viṣṇu-māyāyai pārṣadebhyaś ca putraka

Sanskrit only: no published translation is held for this verse.

तुभ्यं न दत्तो मन्त्रो ऽत्र श्रूयतां तन् निमित्तकम् । जनिष्यसि शूद्र-योनौ ब्रह्मणो वाक्य-पालनात्

tubhyaṃ na datto mantro 'tra śrūyatāṃ tan nimittakam / janiṣyasi śūdra-yonau brahmaṇo vākya-pālanāt

Sanskrit only: no published translation is held for this verse.

इत्य् एवं कथितं सर्वं गच्छ वत्स यथा सुखम् । द्वादशाब्दान्तरे शूद्र-योनौ देवाज् जनिष्यसि

ity evaṃ kathitaṃ sarvaṃ gaccha vatsa yathā sukham / dvādaśābdāntare śūdra-yonau devāj janiṣyasi

Sanskrit only: no published translation is held for this verse.

पञ्च-वर्षाभ्यन्तरे च मन्-मन्त्रं प्राप्य विप्रतः । दशाब्दान्ते वपुस् त्यक्त्वा ब्रह्म-पुत्रो भविष्यसि

pañca-varṣābhyantare ca man-mantraṃ prāpya viprataḥ / daśābdānte vapus tyaktvā brahma-putro bhaviṣyasi

Sanskrit only: no published translation is held for this verse.

मन्-मन्त्रं पुनर् एवेति शम्भु-वक्त्राल् लभिष्यसि । इत्य् एवम् उक्त्वा सर्वात्मा तत्रैवान्तरधीयत

man-mantraṃ punar eveti śambhu-vaktrāl labhiṣyasi / ity evam uktvā sarvātmā tatraivāntaradhīyata

Sanskrit only: no published translation is held for this verse.

गन्धर्वः प्रययौ तस्माद् योषिद्भिः सह पुत्रक । इत्य् एवं कथितं सर्वं पूर्व-वृत्तान्तम् एव च

gandharvaḥ prayayau tasmād yoṣidbhiḥ saha putraka / ity evaṃ kathitaṃ sarvaṃ pūrva-vṛttāntam eva ca

Sanskrit only: no published translation is held for this verse.