इति श्री-नारद-पञ्च-रात्रे ज्ञानामृत-सारे प्रथमैक-रात्रे ब्रह्म-सनत्-कुमार-संवादे नैवेद्य-प्रशंसनं नाम द्वितीयो ऽध्यायः प्रथमैक-रात्रे तृतीयो ऽध्यायः सनत्-कुमार उवाच अहो तात किम् आश्चर्यं कृष्णस्य परमात्मनः । परं नैवेद्य-माहात्म्यं विस्तराद् वद साम्प्रतम्
iti śrī-nārada-pañca-rātre jñānāmṛta-sāre prathamaika-rātre brahma-sanat-kumāra-saṃvāde naivedya-praśaṃsanaṃ nāma dvitīyo 'dhyāyaḥ prathamaika-rātre tṛtīyo 'dhyāyaḥ sanat-kumāra uvāca aho tāta kim āścaryaṃ kṛṣṇasya paramātmanaḥ / paraṃ naivedya-māhātmyaṃ vistarād vada sāmpratam
Sanskrit only: no published translation is held for this verse.
अथ श्री-कृष्ण-महिम-वर्णनम् ब्रह्मोवाच एकदा ब्राह्मणो हृष्टः प्रफुल्ल-वदनेक्षणः । पुत्रेण सार्धं प्रययौ बान्धवस्य गृहं मुदा
atha śrī-kṛṣṇa-mahima-varṇanam brahmovāca ekadā brāhmaṇo hṛṣṭaḥ praphulla-vadanekṣaṇaḥ / putreṇa sārdhaṃ prayayau bāndhavasya gṛhaṃ mudā
Sanskrit only: no published translation is held for this verse.
निमन्त्रितो विवाहेन महा-संभार-संभृतः । भुक्त्वा पीत्वा च तद्-गृहे स्व-गृहं प्रययौ मुदा
nimantrito vivāhena mahā-saṃbhāra-saṃbhṛtaḥ / bhuktvā pītvā ca tad-gṛhe sva-gṛhaṃ prayayau mudā
Sanskrit only: no published translation is held for this verse.
सपुत्रो ब्राह्मणो मार्गे क्षुत्-पिपासार्दितः सुतः । ददर्श चन्द्र-भागां तां नदीम् अति-मनोहराम्
saputro brāhmaṇo mārge kṣut-pipāsārditaḥ sutaḥ / dadarśa candra-bhāgāṃ tāṃ nadīm ati-manoharām
Sanskrit only: no published translation is held for this verse.
उवाच पुत्रः पित्रं स्नात्वा भोक्ष्यामि चेति भोः । क्षुत्-पिपासा बलवती वर्धते तात वर्त्मनि
uvāca putraḥ pitraṃ snātvā bhokṣyāmi ceti bhoḥ / kṣut-pipāsā balavatī vardhate tāta vartmani
Sanskrit only: no published translation is held for this verse.
पुत्रस्य वचनं श्रुत्वा तम् उवाच द्विजः स्वयम् । भयंकरं वनम् इदं समीपे सरितः सुतः
putrasya vacanaṃ śrutvā tam uvāca dvijaḥ svayam / bhayaṃkaraṃ vanam idaṃ samīpe saritaḥ sutaḥ
Sanskrit only: no published translation is held for this verse.
सुशीघ्रं गच्छ ग्रामान्तं पुरो रम्य-सरोवरम् । तत्र स्नात्वा च भोक्ष्यावो गच्छ वत्स यथासुखम्
suśīghraṃ gaccha grāmāntaṃ puro ramya-sarovaram / tatra snātvā ca bhokṣyāvo gaccha vatsa yathāsukham
Sanskrit only: no published translation is held for this verse.
तातस्य वचनं श्रुत्वा जहास च चुकोप ह । पितरं वक्तुम् आरेभे रक्त-पण्ग्कज-लोचनः
tātasya vacanaṃ śrutvā jahāsa ca cukopa ha / pitaraṃ vaktum ārebhe rakta-paṇgkaja-locanaḥ
Sanskrit only: no published translation is held for this verse.
शिशुर् उवाच बालो ऽहं दश-वर्षीयस् त्वं च वृद्धश् च ज्ञानदः । पिता ददाति पुत्राय ज्ञानं सर्वत्र भू-तले
śiśur uvāca bālo 'haṃ daśa-varṣīyas tvaṃ ca vṛddhaś ca jñānadaḥ / pitā dadāti putrāya jñānaṃ sarvatra bhū-tale
Sanskrit only: no published translation is held for this verse.
अहो दुरत्ययः कालो वृध्हो वदति बालवत् । कथं प्राक्तनम् उल्लङ्घ्य ब्रूहि तात दुरत्ययम्
aho duratyayaḥ kālo vṛdhho vadati bālavat / kathaṃ prāktanam ullaṅghya brūhi tāta duratyayam
Sanskrit only: no published translation is held for this verse.
प्राक्तनात् सुख-दुःखं च रोगं शोकं भयं पितः । सुमृत्युर् अपमृत्युर् वा चिरायुर् अल्प-जीवनः
prāktanāt sukha-duḥkhaṃ ca rogaṃ śokaṃ bhayaṃ pitaḥ / sumṛtyur apamṛtyur vā cirāyur alpa-jīvanaḥ
Sanskrit only: no published translation is held for this verse.
यत्र काले च यन्-मृत्युर् भवनं शुभ-कर्म च । न्यूनाधिकं क्षणं नास्ति निषेकः केन वार्यते
yatra kāle ca yan-mṛtyur bhavanaṃ śubha-karma ca / nyūnādhikaṃ kṣaṇaṃ nāsti niṣekaḥ kena vāryate
Sanskrit only: no published translation is held for this verse.
यस्य हस्ते च यन्-मृत्युर् विधात्रा लिखितः पुरा । न च तं खण्डितुं शक्तः स्वयं विष्णुश् च शङ्करः
yasya haste ca yan-mṛtyur vidhātrā likhitaḥ purā / na ca taṃ khaṇḍituṃ śaktaḥ svayaṃ viṣṇuś ca śaṅkaraḥ
Sanskrit only: no published translation is held for this verse.
तात व्यर्थम् अधीतं ते दुर्बुद्धेर् जन्म निष्फलम् । सुबुद्धेः सफलं जन्म तत्-क्षणम् जीवनं सुखम्
tāta vyartham adhītaṃ te durbuddher janma niṣphalam / subuddheḥ saphalaṃ janma tat-kṣaṇam jīvanaṃ sukham
Sanskrit only: no published translation is held for this verse.
येन शुक्ली-कृता हंसाः शुकाश् च हरिती-कृताः । मयूराश् चित्रिता येन स मे रक्षां करिष्यति
yena śuklī-kṛtā haṃsāḥ śukāś ca haritī-kṛtāḥ / mayūrāś citritā yena sa me rakṣāṃ kariṣyati
Sanskrit only: no published translation is held for this verse.
येन कृष्णेन विश्वानि चासंख्यानि कृतानि च । चराचरं च यो रक्षेत् स मे रक्षां करिष्यति
yena kṛṣṇena viśvāni cāsaṃkhyāni kṛtāni ca / carācaraṃ ca yo rakṣet sa me rakṣāṃ kariṣyati
Sanskrit only: no published translation is held for this verse.
घोरारण्ये सुखं शेते यो हि कृष्णेन रक्षितः । निर्बन्धो ऽपि यस्य मरणं तस्य मन्दिरे
ghorāraṇye sukhaṃ śete yo hi kṛṣṇena rakṣitaḥ / nirbandho 'pi yasya maraṇaṃ tasya mandire
Sanskrit only: no published translation is held for this verse.
यः शेते नाग-शय्यासु प्राक्तनान् मङ्गलाहितः । यो नाग-भक्षितो भोगात् स भृतो गरुडान्तिके
yaḥ śete nāga-śayyāsu prāktanān maṅgalāhitaḥ / yo nāga-bhakṣito bhogāt sa bhṛto garuḍāntike
Sanskrit only: no published translation is held for this verse.
न समुद्रे च म्रियते नाग्नि-राशौ विषानले । न शस्त्रेण न चास्त्रेणायुर्-मर्माणि रक्षति
na samudre ca mriyate nāgni-rāśau viṣānale / na śastreṇa na cāstreṇāyur-marmāṇi rakṣati
Sanskrit only: no published translation is held for this verse.
नाप्राप्त-कालो म्रियते विद्धः शर-शतैर् अपि । तृणाग्रेणापि संस्पृष्टः प्राप्त-कालो न जीवति
nāprāpta-kālo mriyate viddhaḥ śara-śatair api / tṛṇāgreṇāpi saṃspṛṣṭaḥ prāpta-kālo na jīvati
Sanskrit only: no published translation is held for this verse.
कश्चिद् गर्भे च म्रियते कश्चिद् भूमिष्ट-मात्रतः । कश्चिद् यौवन-काले च कश्चिद् एव हि वार्द्धके
kaścid garbhe ca mriyate kaścid bhūmiṣṭa-mātrataḥ / kaścid yauvana-kāle ca kaścid eva hi vārddhake
Sanskrit only: no published translation is held for this verse.
कश्चिद् चिरायु रोगी चाप्य् अरोगी चापि कश्चन । कश्चिद् धनी दरिद्रश् च कश्चिद् एव हि कर्मणा
kaścid cirāyu rogī cāpy arogī cāpi kaścana / kaścid dhanī daridraś ca kaścid eva hi karmaṇā
Sanskrit only: no published translation is held for this verse.
कश्चित् कल्पान्त-जीवी च चिर-जीवी च कश्चन । प्राक्तनाद् अमरः कश्चिन् निषेको बलवत्तरः
kaścit kalpānta-jīvī ca cira-jīvī ca kaścana / prāktanād amaraḥ kaścin niṣeko balavattaraḥ
Sanskrit only: no published translation is held for this verse.
कश्चिद् याति च राजेन्द्रो दिव्य-यानेन कर्मणा । कश्चित् कीट-पतङ्गेषु कश्चित् पश्वादि-योनिषु
kaścid yāti ca rājendro divya-yānena karmaṇā / kaścit kīṭa-pataṅgeṣu kaścit paśvādi-yoniṣu
Sanskrit only: no published translation is held for this verse.
कश्चिद् एव हि सन्न्यासी कश्चिच् च नर-घातकः । कश्चिद् गजेन्द्र-गामी च पशु-यायी च कश्चन
kaścid eva hi sannyāsī kaścic ca nara-ghātakaḥ / kaścid gajendra-gāmī ca paśu-yāyī ca kaścana
Sanskrit only: no published translation is held for this verse.
कश्चिद् सूक्ष्मांशुका-धारी कश्चिज् जीर्ण-पटी जनः
kaścid sūkṣmāṃśukā-dhārī kaścij jīrṇa-paṭī janaḥ
Sanskrit only: no published translation is held for this verse.
कश्चिन् नग्नो ऽअप्य् अनाहारी सुधा-भोजी च च कश्चन । कश्चिच् च सुन्दरः श्रीमान् गलत्-कुष्टी च कश्चन
kaścin nagno 'apy anāhārī sudhā-bhojī ca ca kaścana / kaścic ca sundaraḥ śrīmān galat-kuṣṭī ca kaścana
Sanskrit only: no published translation is held for this verse.
कश्चित् कुब्जश् चाङ्ग-हीनो बधिरः काण एव च । कश्चिद् दीर्घो मध्यमश् च कश्चित् खञ्जश् च वामनः
kaścit kubjaś cāṅga-hīno badhiraḥ kāṇa eva ca / kaścid dīrgho madhyamaś ca kaścit khañjaś ca vāmanaḥ
Sanskrit only: no published translation is held for this verse.
कश्चित् कृष्णश् च गौरश् च श्यामलश् च स्व-कर्मणा । कश्चिद् भक्त्या च प्राप्नोति कृष्ण-दास्यं सुदुर्लभम्
kaścit kṛṣṇaś ca gauraś ca śyāmalaś ca sva-karmaṇā / kaścid bhaktyā ca prāpnoti kṛṣṇa-dāsyaṃ sudurlabham
Sanskrit only: no published translation is held for this verse.
ब्रह्मणः परमं स्थानं जन्म-मृत्यु-जरा-हरम् । कश्चित् प्राप्नोति परमं ब्रह्म-लोकं निरामयम्
brahmaṇaḥ paramaṃ sthānaṃ janma-mṛtyu-jarā-haram / kaścit prāpnoti paramaṃ brahma-lokaṃ nirāmayam
Sanskrit only: no published translation is held for this verse.
कश्चित् स्वर्गम् इन्द्र-पदं शिव-लोकं स्वकर्मणा । कश्चित् वर्गम् इन्द्र-लोकं यम-लोकं च कश्चन
kaścit svargam indra-padaṃ śiva-lokaṃ svakarmaṇā / kaścit vargam indra-lokaṃ yama-lokaṃ ca kaścana
Sanskrit only: no published translation is held for this verse.
कश्चिच् च नरके घोरे प्राप्नोति क्लेशम् उल्वणम् । तादितो यम-दूतेन क्षुधितस् तृषितः सदा
kaścic ca narake ghore prāpnoti kleśam ulvaṇam / tādito yama-dūtena kṣudhitas tṛṣitaḥ sadā
Sanskrit only: no published translation is held for this verse.
भुङ्क्ते विण्-मूत्र-कीटं तन्-मलं श्लेष्मं गरं वसाम् । क्षुर-धारे तप्त-तैले वह्नौ शिते जले स्थले
bhuṅkte viṇ-mūtra-kīṭaṃ tan-malaṃ śleṣmaṃ garaṃ vasām / kṣura-dhāre tapta-taile vahnau śite jale sthale
Sanskrit only: no published translation is held for this verse.
प्राप्नोति दारुणं दुःखम् आकल्पं पातकी पितः । तथा भोगावशेषे च लब्धा जन्म स्व-कर्मणा
prāpnoti dāruṇaṃ duḥkham ākalpaṃ pātakī pitaḥ / tathā bhogāvaśeṣe ca labdhā janma sva-karmaṇā
Sanskrit only: no published translation is held for this verse.
व्याधि-युक्तः प्रमुच्येत तया चेद् ईश्वरेच्छया । यद्-भयाद् वाति वातो ऽयं सूर्यस् तपति यद्-भयात्
vyādhi-yuktaḥ pramucyeta tayā ced īśvarecchayā / yad-bhayād vāti vāto 'yaṃ sūryas tapati yad-bhayāt
Sanskrit only: no published translation is held for this verse.
वर्षतीन्द्रो दहत्य् अग्निर् मृत्युश् चरति जन्तुषु । यस्याज्ञया सृष्टि-विधौ मूर्मो ऽनन्तं दधाति च
varṣatīndro dahaty agnir mṛtyuś carati jantuṣu / yasyājñayā sṛṣṭi-vidhau mūrmo 'nantaṃ dadhāti ca
Sanskrit only: no published translation is held for this verse.
स च सर्वं च ब्रह्माण्डं लीलया चेश्वरेच्छया । यस्याज्ञया महा-भीता सर्वाधारा वसुन्धरा
sa ca sarvaṃ ca brahmāṇḍaṃ līlayā ceśvarecchayā / yasyājñayā mahā-bhītā sarvādhārā vasundharā
Sanskrit only: no published translation is held for this verse.
धरा सा सर्वस्याद्या रत्नवांश् च हिमालयः । स्वयं विधाता भगवान् ध्यायते यम् अहर्-निशम्
dharā sā sarvasyādyā ratnavāṃś ca himālayaḥ / svayaṃ vidhātā bhagavān dhyāyate yam ahar-niśam
Sanskrit only: no published translation is held for this verse.
यं ध्यायते च भजते स्वयं मृतुञ्जयः शिवः । सहस्र-वक्त्रो ऽयं स्तौति ध्यायते भजते सदा
yaṃ dhyāyate ca bhajate svayaṃ mṛtuñjayaḥ śivaḥ / sahasra-vaktro 'yaṃ stauti dhyāyate bhajate sadā
Sanskrit only: no published translation is held for this verse.
स्वय्ं सरस्वती स्तौति यम् ईश्वरम् अभीप्सितम् । सेवते पाद-पद्मं च स्वयं पद्मालया पितः
svayṃ sarasvatī stauti yam īśvaram abhīpsitam / sevate pāda-padmaṃ ca svayaṃ padmālayā pitaḥ
Sanskrit only: no published translation is held for this verse.
माया भीता च यं स्तौति दुर्गा दुर्गति-नाशिनी । स्तुवन्ति वेदाः सततं सावित्री वेद-मातृका
māyā bhītā ca yaṃ stauti durgā durgati-nāśinī / stuvanti vedāḥ satataṃ sāvitrī veda-mātṛkā
Sanskrit only: no published translation is held for this verse.
सिद्धेन्द्राश् च मुनीन्द्राश् च योगीन्द्राः सनकादयः । राजेन्द्राश् चासुरेन्द्राश् च सुरेन्द्रा मनवस् तथा
siddhendrāś ca munīndrāś ca yogīndrāḥ sanakādayaḥ / rājendrāś cāsurendrāś ca surendrā manavas tathā
Sanskrit only: no published translation is held for this verse.
ध्यायन्ते च भजन्ते च भक्ताः सन्तो हि सन्ततम् । केचिद् विदन्ति यं ब्रह्मां भगवन्तं सनातनम्
dhyāyante ca bhajante ca bhaktāḥ santo hi santatam / kecid vidanti yaṃ brahmāṃ bhagavantaṃ sanātanam
Sanskrit only: no published translation is held for this verse.
केचित् प्रधानं सर्वाद्यं केचिच् च ज्योतिर् ईश्वरम् । केचिच् च सर्व-रूपं च सर्व-कारण-कारणम्
kecit pradhānaṃ sarvādyaṃ kecic ca jyotir īśvaram / kecic ca sarva-rūpaṃ ca sarva-kāraṇa-kāraṇam
Sanskrit only: no published translation is held for this verse.
केचित् स्वेच्छाभयं रूपं भक्तानुग्रह-विग्रहम् । केचित् सुरुचिरं श्याम-सुन्दरं मनोहरम्
kecit svecchābhayaṃ rūpaṃ bhaktānugraha-vigraham / kecit suruciraṃ śyāma-sundaraṃ manoharam
Sanskrit only: no published translation is held for this verse.
सानन्दं परमानन्दं गोविन्दं नन्द-नन्दनम् । भज तात परं ब्रह्म स्मर शश्वत् सुरेश्वरम्
sānandaṃ paramānandaṃ govindaṃ nanda-nandanam / bhaja tāta paraṃ brahma smara śaśvat sureśvaram
Sanskrit only: no published translation is held for this verse.
इत्य् एवम् उक्त्वा पितरं चन्द्र-भागा-नदी-जले । स्नात्वा पपौ जलं स्वच्छं बुभुजे मिष्ट-मोदकम्
ity evam uktvā pitaraṃ candra-bhāgā-nadī-jale / snātvā papau jalaṃ svacchaṃ bubhuje miṣṭa-modakam
Sanskrit only: no published translation is held for this verse.
पिता तद्-वचनं श्रुत्वा सानन्दाश्रु मुमोच सः । चुचुम्ब गण्डं पुत्रस्य समाश्लेषण-पूर्वकम्
pitā tad-vacanaṃ śrutvā sānandāśru mumoca saḥ / cucumba gaṇḍaṃ putrasya samāśleṣaṇa-pūrvakam
Sanskrit only: no published translation is held for this verse.
पिता स्नात्वा समारेभे सन्ध्यां कर्तुं च पूजनम् । सुस्नातं पितरं दृष्ट्वा पुत्रः स प्रययौ वनम्
pitā snātvā samārebhe sandhyāṃ kartuṃ ca pūjanam / susnātaṃ pitaraṃ dṛṣṭvā putraḥ sa prayayau vanam
Sanskrit only: no published translation is held for this verse.
पत्रं भोजन-पात्रार्थम् अर्हतुं चञ्चलः शिशुः । चकार चयनं तूर्णं प्रशस्तं पत्र-पञ्चकम्
patraṃ bhojana-pātrārtham arhatuṃ cañcalaḥ śiśuḥ / cakāra cayanaṃ tūrṇaṃ praśastaṃ patra-pañcakam
Sanskrit only: no published translation is held for this verse.
सुन्दरं कुसुमं वन्यं पूजनार्थं पितुस् तथा । ददर्श पुरतो बालः सुपक्वं वदरी-फलम्
sundaraṃ kusumaṃ vanyaṃ pūjanārthaṃ pitus tathā / dadarśa purato bālaḥ supakvaṃ vadarī-phalam
Sanskrit only: no published translation is held for this verse.
चकार चयनं तानि फलानि शोभनानि च । धात्री-फलं सुपक्वं च पक्वम् आम्रातकं तथा
cakāra cayanaṃ tāni phalāni śobhanāni ca / dhātrī-phalaṃ supakvaṃ ca pakvam āmrātakaṃ tathā
Sanskrit only: no published translation is held for this verse.
सुपक्वं च कदम्बं च चकार चयनं पुनः । सुपक्वं सुन्दरं रम्यं दाडिमं श्री-फलं तथा
supakvaṃ ca kadambaṃ ca cakāra cayanaṃ punaḥ / supakvaṃ sundaraṃ ramyaṃ dāḍimaṃ śrī-phalaṃ tathā
Sanskrit only: no published translation is held for this verse.
रम्यं जम्बु-फलं चैव खर्जूरं सुमनोहरम् । करञ्जकं च जाम्बीरं सुन्दरं चिकुरं तथा
ramyaṃ jambu-phalaṃ caiva kharjūraṃ sumanoharam / karañjakaṃ ca jāmbīraṃ sundaraṃ cikuraṃ tathā
Sanskrit only: no published translation is held for this verse.
तत् सर्वं चयनं कृत्वा ददर्श पुरतः सरः । सुनिर्मलं जलं स्वच्छं श्वेत-पद्मं मनोहरम्
tat sarvaṃ cayanaṃ kṛtvā dadarśa purataḥ saraḥ / sunirmalaṃ jalaṃ svacchaṃ śveta-padmaṃ manoharam
Sanskrit only: no published translation is held for this verse.
रुचिरं रक्त-कह्लारं प्रस्फुटं च जलान्तिके । विहाय तानि सर्वाणि सरः-शिरसि सुस्थले
ruciraṃ rakta-kahlāraṃ prasphuṭaṃ ca jalāntike / vihāya tāni sarvāṇi saraḥ-śirasi susthale
Sanskrit only: no published translation is held for this verse.
पपौ सरः-स्वच्छ-तोयं जहार पद्मम् उल्वणम् । किंचित् सुरक्त-कह्लारं पक्वं पद्म-फलं तथा
papau saraḥ-svaccha-toyaṃ jahāra padmam ulvaṇam / kiṃcit surakta-kahlāraṃ pakvaṃ padma-phalaṃ tathā
Sanskrit only: no published translation is held for this verse.
सर्वम् आहरणं कृत्वा पितरं गन्तुम् उद्यतः । प्रफुल्ल-वदनः श्रीमान् सस्मितो द्विज-बालकः
sarvam āharaṇaṃ kṛtvā pitaraṃ gantum udyataḥ / praphulla-vadanaḥ śrīmān sasmito dvija-bālakaḥ
Sanskrit only: no published translation is held for this verse.
प्रफुल्ल-चम्पक-तरुं ददर्श पुरतः शिशुः । मल्लिका-मालती-कुन्दयूथिका-माधवी-लताः
praphulla-campaka-taruṃ dadarśa purataḥ śiśuḥ / mallikā-mālatī-kundayūthikā-mādhavī-latāḥ
Sanskrit only: no published translation is held for this verse.
चकार चयनं स्फीतः पुष्पाणि सुन्दराणि च । पुष्पेण फल-पत्रेण तस्य भारो बभूव ह
cakāra cayanaṃ sphītaḥ puṣpāṇi sundarāṇi ca / puṣpeṇa phala-patreṇa tasya bhāro babhūva ha
Sanskrit only: no published translation is held for this verse.
बालो वोढुम् अशक्यन्तश् च ययौ गमन-मन्थरः । न फलं बुभुजे सो ऽपि धर्माधर्म-भयेन च
bālo voḍhum aśakyantaś ca yayau gamana-mantharaḥ / na phalaṃ bubhuje so 'pi dharmādharma-bhayena ca
Sanskrit only: no published translation is held for this verse.
पुरो ददर्श स शिशुर् घोरं व्याघ्रालयं भिया । तात तातेति शब्दं च चकार ह पुनः पुनः
puro dadarśa sa śiśur ghoraṃ vyāghrālayaṃ bhiyā / tāta tāteti śabdaṃ ca cakāra ha punaḥ punaḥ
Sanskrit only: no published translation is held for this verse.
न ददर्श च तातं च शार्दुलं च ददर्श सः । भिया सस्मार गोविन्द-पादारवैन्दम् ईप्सितम्
na dadarśa ca tātaṃ ca śārdulaṃ ca dadarśa saḥ / bhiyā sasmāra govinda-pādāravaindam īpsitam
Sanskrit only: no published translation is held for this verse.
हरिं नर-हरिं रामं कृष्णं विष्णुं च माध्वम् । दामोदरं हृषीकेशं मुकुन्दं मधु-सूदनम्
hariṃ nara-hariṃ rāmaṃ kṛṣṇaṃ viṣṇuṃ ca mādhvam / dāmodaraṃ hṛṣīkeśaṃ mukundaṃ madhu-sūdanam
Sanskrit only: no published translation is held for this verse.
एतानि दश नामानि जपन् विप्र-शिशुर् भिया । प्रययौ पुरतः शीघ्रं पुनर् एव सरोवरम्
etāni daśa nāmāni japan vipra-śiśur bhiyā / prayayau purataḥ śīghraṃ punar eva sarovaram
Sanskrit only: no published translation is held for this verse.
सरसो निर्मले तीरे पुष्पाणि च फलानि च । ददौ भक्त्या भगवते कृष्णाय परमात्मने
saraso nirmale tīre puṣpāṇi ca phalāni ca / dadau bhaktyā bhagavate kṛṣṇāya paramātmane
Sanskrit only: no published translation is held for this verse.
श्री-कृष्ण-पूजां कुर्वन्तं ध्यानमानां पदाम्बुजम् । निकटं न ययौ व्याघ्रो दृष्ट्वा बालं च दूरतः
śrī-kṛṣṇa-pūjāṃ kurvantaṃ dhyānamānāṃ padāmbujam / nikaṭaṃ na yayau vyāghro dṛṣṭvā bālaṃ ca dūrataḥ
Sanskrit only: no published translation is held for this verse.
व्याघ्रं ददर्श बालश् च प्रकटास्यं भयानकम् । विकृताकार-दशनं विकटाक्षं महोदरम्
vyāghraṃ dadarśa bālaś ca prakaṭāsyaṃ bhayānakam / vikṛtākāra-daśanaṃ vikaṭākṣaṃ mahodaram
Sanskrit only: no published translation is held for this verse.
दृष्ट्वा च दुरतो व्याघ्रम् उवास सरसस् तटे । दध्यौ कृष्ण-पदाम्भोजं जन्म-मृत्यु-जरा-हरम्
dṛṣṭvā ca durato vyāghram uvāsa sarasas taṭe / dadhyau kṛṣṇa-padāmbhojaṃ janma-mṛtyu-jarā-haram
Sanskrit only: no published translation is held for this verse.
मूलाधारं स्वाधिष्ठानं मणिपूरम् अनाहतम् । विशुद्धं च तथाज्ञाख्यं षट्-चक्रं च विभाव्य च
mūlādhāraṃ svādhiṣṭhānaṃ maṇipūram anāhatam / viśuddhaṃ ca tathājñākhyaṃ ṣaṭ-cakraṃ ca vibhāvya ca
Sanskrit only: no published translation is held for this verse.
कुण्डलिन्या स्व-शक्त्या च सहितं परमेश्वरम् । सहस्र-दल-पद्म-स्थं हृदये स्वात्मनः प्रभुम्
kuṇḍalinyā sva-śaktyā ca sahitaṃ parameśvaram / sahasra-dala-padma-sthaṃ hṛdaye svātmanaḥ prabhum
Sanskrit only: no published translation is held for this verse.
ददर्श द्विभुजं कृष्णं पीत-कौशेय-वाससम् । सस्मितं सुन्दरं शुद्धं नवीन-जलद-प्रभम्
dadarśa dvibhujaṃ kṛṣṇaṃ pīta-kauśeya-vāsasam / sasmitaṃ sundaraṃ śuddhaṃ navīna-jalada-prabham
Sanskrit only: no published translation is held for this verse.
कोटि-कन्दर्प-सौन्दर्य-लीला-धाम-मनोहरम् । कोटि-पार्वण-पूर्णेन्दु-प्रभा-जुष्टं च सुन्दरम्
koṭi-kandarpa-saundarya-līlā-dhāma-manoharam / koṭi-pārvaṇa-pūrṇendu-prabhā-juṣṭaṃ ca sundaram
Sanskrit only: no published translation is held for this verse.
सुख-दृश्यं सुरूपं च भक्तानुग्रह-कारकम् । चन्दनोक्षित-सर्वाङ्गं रत्न-भूषण-भूषितम्
sukha-dṛśyaṃ surūpaṃ ca bhaktānugraha-kārakam / candanokṣita-sarvāṅgaṃ ratna-bhūṣaṇa-bhūṣitam
Sanskrit only: no published translation is held for this verse.
प्रफुल्ल-पद्म-नयनं राधा-वक्षः-स्थल-स्थितम् । मालती-माल्य-सम्बद्ध-चूडा-चारु-सुशोभनम्
praphulla-padma-nayanaṃ rādhā-vakṣaḥ-sthala-sthitam / mālatī-mālya-sambaddha-cūḍā-cāru-suśobhanam
Sanskrit only: no published translation is held for this verse.
धृत-रत्नं रत्न-पद्मं दक्षिणेन करेण च । वामेन मणि-निर्माण-दीप्त-दर्पणम् उज्ज्वलम्
dhṛta-ratnaṃ ratna-padmaṃ dakṣiṇena kareṇa ca / vāmena maṇi-nirmāṇa-dīpta-darpaṇam ujjvalam
Sanskrit only: no published translation is held for this verse.
रत्न-कुण्डाल-युग्मेन गण्ड-स्थल-विराजितम् । कौस्थुभेन मणीन्द्रेण चारु-वक्षः-स्थलोज्ज्वलम्
ratna-kuṇḍāla-yugmena gaṇḍa-sthala-virājitam / kausthubhena maṇīndreṇa cāru-vakṣaḥ-sthalojjvalam
Sanskrit only: no published translation is held for this verse.
मुक्ताराजि-विनिन्दैक-दन्त-राजि-विराजितम् । आजानु-मालती-माला-वन-माला-विभूषितम्
muktārāji-vinindaika-danta-rāji-virājitam / ājānu-mālatī-mālā-vana-mālā-vibhūṣitam
Sanskrit only: no published translation is held for this verse.
वेदानन-सरस्वत्या स्तुतं ब्रह्मेश-वन्दितम् । पद्मापद्मालया-माया-संसेवित-पदाम्बुजम्
vedānana-sarasvatyā stutaṃ brahmeśa-vanditam / padmāpadmālayā-māyā-saṃsevita-padāmbujam
Sanskrit only: no published translation is held for this verse.
परि-पूर्णतमम् ब्रह्म परमात्मानम् ईश्वरम् । निर्लिप्तं साक्षि-भूतं च भगवन्तं सनातनम्
pari-pūrṇatamam brahma paramātmānam īśvaram / nirliptaṃ sākṣi-bhūtaṃ ca bhagavantaṃ sanātanam
Sanskrit only: no published translation is held for this verse.
सर्वेशां सर्व-रूपं च सर्व-कारण-कारणम् । पुरुषं परमात्मैकं परेशं प्रकृतेः परं
sarveśāṃ sarva-rūpaṃ ca sarva-kāraṇa-kāraṇam / puruṣaṃ paramātmaikaṃ pareśaṃ prakṛteḥ paraṃ
Sanskrit only: no published translation is held for this verse.
एवं भूतं विभुं दृष्ट्वा मनसा प्रणनाम तम् । तुष्टाव परया भक्त्या तम् ईशं सम्पुटाञ्जलिः
evaṃ bhūtaṃ vibhuṃ dṛṣṭvā manasā praṇanāma tam / tuṣṭāva parayā bhaktyā tam īśaṃ sampuṭāñjaliḥ
Sanskrit only: no published translation is held for this verse.
श्री-सुभद्र उवाच हे नाथ दर्श्नं देहि मां भक्तं शरणागतम् । श्रीद श्रीश श्री-निवास श्री-निधे श्री-निकेतन
śrī-subhadra uvāca he nātha darśnaṃ dehi māṃ bhaktaṃ śaraṇāgatam / śrīda śrīśa śrī-nivāsa śrī-nidhe śrī-niketana
Sanskrit only: no published translation is held for this verse.
श्रिया सेवित-पादाब्ज श्री-समुत्पत्ति-कारण । वेदानिर्वचनियेश निरीह निर्गुणाधिप
śriyā sevita-pādābja śrī-samutpatti-kāraṇa / vedānirvacaniyeśa nirīha nirguṇādhipa
Sanskrit only: no published translation is held for this verse.
सर्वाद्य सर्व-निलय सर्व-बीज सनातन । शान्त सरस्वती-कान्त नितान्त सर्व-कर्मसु
sarvādya sarva-nilaya sarva-bīja sanātana / śānta sarasvatī-kānta nitānta sarva-karmasu
Sanskrit only: no published translation is held for this verse.
सर्वाधार निराधार काम-पूर परात् पर । दुष्पारासार-संसार-कर्ण-धार नमो ऽस्तु ते
sarvādhāra nirādhāra kāma-pūra parāt para / duṣpārāsāra-saṃsāra-karṇa-dhāra namo 'stu te
Sanskrit only: no published translation is held for this verse.
इत्य् एवम् उक्त्वा स शिशु रुरोद च पुनः पुनः । ध्यायेन तत्-पदाम्भोजं शरणं च चकार सः
ity evam uktvā sa śiśu ruroda ca punaḥ punaḥ / dhyāyena tat-padāmbhojaṃ śaraṇaṃ ca cakāra saḥ
Sanskrit only: no published translation is held for this verse.
इति विप्रकृतं स्तोत्रं त्रि-सन्ध्यं यः पठेन् नरः । मुच्यते सर्व-पापेभ्यो विष्णु-लोकं स गच्छति
iti viprakṛtaṃ stotraṃ tri-sandhyaṃ yaḥ paṭhen naraḥ / mucyate sarva-pāpebhyo viṣṇu-lokaṃ sa gacchati
Sanskrit only: no published translation is held for this verse.