इति श्री-नारद-पञ्च-रात्रे ज्ञानामृत-सारे प्रथमैक-रात्रे ब्रह्म-सनत्-कुमार-संवादे श्री-कृष्ण-महिमोपालम्भनं नाम तृतीयो ऽध्यायः प्रथमैक-रात्रे चतुर्थो ऽध्यायः ब्रह्मोवाच ब्राह्मणस्य स्तवं श्रुत्वा परितुष्टो जनार्दनः । कृपां चकार भगवान् भक्तेशो भक्त-वत्सलः
iti śrī-nārada-pañca-rātre jñānāmṛta-sāre prathamaika-rātre brahma-sanat-kumāra-saṃvāde śrī-kṛṣṇa-mahimopālambhanaṃ nāma tṛtīyo 'dhyāyaḥ prathamaika-rātre caturtho 'dhyāyaḥ brahmovāca brāhmaṇasya stavaṃ śrutvā parituṣṭo janārdanaḥ / kṛpāṃ cakāra bhagavān bhakteśo bhakta-vatsalaḥ
Sanskrit only: no published translation is held for this verse.
एतस्मिन्न् अन्तरे तत्र भगवान् नन्द-नन्दनः । नारायणर्षिः कृपया चाजगाम सरोवरम्
etasminn antare tatra bhagavān nanda-nandanaḥ / nārāyaṇarṣiḥ kṛpayā cājagāma sarovaram
Sanskrit only: no published translation is held for this verse.
ददर्श ब्राह्मण-वटुं तम् एव मुनि-पुङ्गवम् । तेजसा सुख-दृश्येन सुन्दरं सुमनोहरम्
dadarśa brāhmaṇa-vaṭuṃ tam eva muni-puṅgavam / tejasā sukha-dṛśyena sundaraṃ sumanoharam
Sanskrit only: no published translation is held for this verse.
पीत-वस्त्र-परीधानं नवीन-जलद-प्रभम् । चन्दनोक्षित-सर्वाङ्गं वन-माला-विभूषितम्
pīta-vastra-parīdhānaṃ navīna-jalada-prabham / candanokṣita-sarvāṅgaṃ vana-mālā-vibhūṣitam
Sanskrit only: no published translation is held for this verse.
प्रसन्न-वदनं शुद्धं सस्मितं सर्व-पूजितम् । विभान्तं च जपन्तं शुद्ध-स्फटिक-मालया
prasanna-vadanaṃ śuddhaṃ sasmitaṃ sarva-pūjitam / vibhāntaṃ ca japantaṃ śuddha-sphaṭika-mālayā
Sanskrit only: no published translation is held for this verse.
दृष्ट्वा ननाम सहसा शिरसा विप्र-पुङ्गवः । शुभाशिषं ददौ तस्मै दत्वा शिरसि हस्तकम्
dṛṣṭvā nanāma sahasā śirasā vipra-puṅgavaḥ / śubhāśiṣaṃ dadau tasmai datvā śirasi hastakam
Sanskrit only: no published translation is held for this verse.
तम् उवाच मुनि-श्रेष्ठः कृपया दीन-वत्सलः । हितं तथ्यं नीति-सारं परिणाम-सुखावहम्
tam uvāca muni-śreṣṭhaḥ kṛpayā dīna-vatsalaḥ / hitaṃ tathyaṃ nīti-sāraṃ pariṇāma-sukhāvaham
Sanskrit only: no published translation is held for this verse.
श्री-नारायणर्षिर् उवाच अये विप्र महा-भाग सफलं जीवनं तव । यस्मिन् कुले च जातो ऽसि तद्-धन्यं सुप्रशंसितम्
śrī-nārāyaṇarṣir uvāca aye vipra mahā-bhāga saphalaṃ jīvanaṃ tava / yasmin kule ca jāto 'si tad-dhanyaṃ supraśaṃsitam
Sanskrit only: no published translation is held for this verse.
भज त्वं परमानन्दं सानन्दं नन्द-नन्दनम् । ध्रुवं यास्यसि गोलोकं परमानन्दम् ईप्सितम्
bhaja tvaṃ paramānandaṃ sānandaṃ nanda-nandanam / dhruvaṃ yāsyasi golokaṃ paramānandam īpsitam
Sanskrit only: no published translation is held for this verse.
तत् कुलं पावनं धन्यं यशस्यं च निरापदम् । यस्मिन् स्वयं भवान् जातः पुण्यः कृष्ण-परायणः
tat kulaṃ pāvanaṃ dhanyaṃ yaśasyaṃ ca nirāpadam / yasmin svayaṃ bhavān jātaḥ puṇyaḥ kṛṣṇa-parāyaṇaḥ
Sanskrit only: no published translation is held for this verse.
नैवेद्यं पतितं मार्गे जीर्नं श्वापद-भक्षितम् । भुक्त्वा तवैषा बुद्धिश् च कृष्ण-भक्तिर् बभूव च
naivedyaṃ patitaṃ mārge jīrnaṃ śvāpada-bhakṣitam / bhuktvā tavaiṣā buddhiś ca kṛṣṇa-bhaktir babhūva ca
Sanskrit only: no published translation is held for this verse.
कृष्ण-नैवेद्य-माहात्म्यं को वत्स कथितुं क्षमः । यद् वक्तुं न हि शक्ताश् च वेदाश् चत्वार एव च
kṛṣṇa-naivedya-māhātmyaṃ ko vatsa kathituṃ kṣamaḥ / yad vaktuṃ na hi śaktāś ca vedāś catvāra eva ca
Sanskrit only: no published translation is held for this verse.
वरं वृणुष्व भद्रं ते सुभद्र द्विज-पुङ्गव । सर्वं दातुम् अहं शक्तो यत् ते मनसि वाञ्च्छितम्
varaṃ vṛṇuṣva bhadraṃ te subhadra dvija-puṅgava / sarvaṃ dātum ahaṃ śakto yat te manasi vāñcchitam
Sanskrit only: no published translation is held for this verse.
नारायण-वचः श्रुत्वा तम् उवाच शिषुः स्वयम् । पुनः कम्पित-सर्वाङ्गः साश्रु-नेत्रः पुटाञ्जलिः
nārāyaṇa-vacaḥ śrutvā tam uvāca śiṣuḥ svayam / punaḥ kampita-sarvāṅgaḥ sāśru-netraḥ puṭāñjaliḥ
Sanskrit only: no published translation is held for this verse.
सुभद्र उवाच देहि मे कृष्ण-पादाब्जे दृढं भक्तिं सुदुर्लभम् । तद्-दास्यं तत्-पदे वासं जरा-मृत्यु-हरं परम्
subhadra uvāca dehi me kṛṣṇa-pādābje dṛḍhaṃ bhaktiṃ sudurlabham / tad-dāsyaṃ tat-pade vāsaṃ jarā-mṛtyu-haraṃ param
Sanskrit only: no published translation is held for this verse.
अन्यं वरं न गृह्णामि न मे किंचित् प्रयोजनम् । नाहं वरार्थी कामी च रागी वेतन-भुग् यथा
anyaṃ varaṃ na gṛhṇāmi na me kiṃcit prayojanam / nāhaṃ varārthī kāmī ca rāgī vetana-bhug yathā
Sanskrit only: no published translation is held for this verse.
नारायणर्षिर् उवाच श्री-कृष्णो यस्य भक्तिश् च तस्यात्र किं सुदुर्लभम् । अणिमादिक-द्व-त्रिंशत्-सिद्धिः कर-तले परा
nārāyaṇarṣir uvāca śrī-kṛṣṇo yasya bhaktiś ca tasyātra kiṃ sudurlabham / aṇimādika-dva-triṃśat-siddhiḥ kara-tale parā
Sanskrit only: no published translation is held for this verse.
निर्विकल्पो ददात्य् अस्य नैव गृह्णाति वैष्णवः । अनिमित्तां हरेर् भक्तिं भक्ता वाञ्च्छन्ति सन्ततम्
nirvikalpo dadāty asya naiva gṛhṇāti vaiṣṇavaḥ / animittāṃ harer bhaktiṃ bhaktā vāñcchanti santatam
Sanskrit only: no published translation is held for this verse.
गृहाण मन्त्रं कृष्णस्य परं कल्प-तरुं वरम् । भक्तिदं दास्यदं शुद्धं कर्म-मूल-निकृन्तनम्
gṛhāṇa mantraṃ kṛṣṇasya paraṃ kalpa-taruṃ varam / bhaktidaṃ dāsyadaṃ śuddhaṃ karma-mūla-nikṛntanam
Sanskrit only: no published translation is held for this verse.
लक्ष्मीर् माया-काम-बीजं ङे ऽन्तं कृष्ण-पदं तथा । वह्नि-जायान्त-मन्त्रं च मन्त्र-राजं मनोहरम्
lakṣmīr māyā-kāma-bījaṃ ṅe 'ntaṃ kṛṣṇa-padaṃ tathā / vahni-jāyānta-mantraṃ ca mantra-rājaṃ manoharam
Sanskrit only: no published translation is held for this verse.
इत्य् एवम् उक्त्वा तत्-कर्णे कथयाम् आस दक्षिणे । वार-त्रयं मुनि-श्रेष्ठः शुद्ध-भावेन पुत्रक
ity evam uktvā tat-karṇe kathayām āsa dakṣiṇe / vāra-trayaṃ muni-śreṣṭhaḥ śuddha-bhāvena putraka
Sanskrit only: no published translation is held for this verse.
येन स्तोत्रेण तुष्टाव सुभद्रः परमेश्वरम् । आज्ञां चकार स ऋषिस् तद् एव पठितुं मुदा
yena stotreṇa tuṣṭāva subhadraḥ parameśvaram / ājñāṃ cakāra sa ṛṣis tad eva paṭhituṃ mudā
Sanskrit only: no published translation is held for this verse.
कवचं च ददौ तस्मै जगन्-मङ्गल-मङ्गलम् । ध्यानं च साम-वेदोक्तं सर्व-पूजा-विधि-क्रमम्
kavacaṃ ca dadau tasmai jagan-maṅgala-maṅgalam / dhyānaṃ ca sāma-vedoktaṃ sarva-pūjā-vidhi-kramam
Sanskrit only: no published translation is held for this verse.
हरेर् दास्यं च तद्-भक्तिर् गोलोक-वासम् ईप्सितम् । जन्म-द्वयान्तरे चैव कर्म-भोग-क्षये सति
harer dāsyaṃ ca tad-bhaktir goloka-vāsam īpsitam / janma-dvayāntare caiva karma-bhoga-kṣaye sati
Sanskrit only: no published translation is held for this verse.
सुभद्र उवाच सत्यं कुरु महा-भाग वरं मे यदि दास्यसि । वरं वृणोमि तत् पश्चात् यन् मे मनसि वाञ्च्छितम्
subhadra uvāca satyaṃ kuru mahā-bhāga varaṃ me yadi dāsyasi / varaṃ vṛṇomi tat paścāt yan me manasi vāñcchitam
Sanskrit only: no published translation is held for this verse.
नारायणर्षिर् उवाच ॐ सत्यं वत्स दास्यामि वरं वृणु यथेप्सितम् । ममाशक्यं नास्ति किंचित् दाताहं सर्व-सम्पदाम्
nārāyaṇarṣir uvāca oṃ satyaṃ vatsa dāsyāmi varaṃ vṛṇu yathepsitam / mamāśakyaṃ nāsti kiṃcit dātāhaṃ sarva-sampadām
Sanskrit only: no published translation is held for this verse.
सुभद्र उवाच कण्ठे ते किं च कवचं कस्य वा सर्व-पूजितम् । अमूल्य-रत्न-गुटिका-युक्तं च सुमनोहरम्
subhadra uvāca kaṇṭhe te kiṃ ca kavacaṃ kasya vā sarva-pūjitam / amūlya-ratna-guṭikā-yuktaṃ ca sumanoharam
Sanskrit only: no published translation is held for this verse.
कवचं देहि मे देव स्व-सत्य-रक्षणं कुरु । विप्रस्य वचनं श्रुत्वा शुष्क-कण्ठौष्ठातालुकः
kavacaṃ dehi me deva sva-satya-rakṣaṇaṃ kuru / viprasya vacanaṃ śrutvā śuṣka-kaṇṭhauṣṭhātālukaḥ
Sanskrit only: no published translation is held for this verse.
वक्तुं न शक्तस् तद् वाक्यं दध्यौ कृष्ण-पदाम्बुजम् । प्रददौ गुटिकां तस्मै नोवाच कवचं मुनिः
vaktuṃ na śaktas tad vākyaṃ dadhyau kṛṣṇa-padāmbujam / pradadau guṭikāṃ tasmai novāca kavacaṃ muniḥ
Sanskrit only: no published translation is held for this verse.
तम् उवाच महर्षिश् च वितुष्टश् चोन्मनाः सुत । वत्स क्रोधो हि देवस्य वरं तुल्यं च वाञ्च्छितम्
tam uvāca maharṣiś ca vituṣṭaś conmanāḥ suta / vatsa krodho hi devasya varaṃ tulyaṃ ca vāñcchitam
Sanskrit only: no published translation is held for this verse.
नारायणर्षिर् उवाच त्रिंषत्-सहस्र-वर्षं च भुङ्क्ष्व राज्यं सुदुर्लभम् । लभस्व दुर्लभां लक्ष्मीं मायया मोहितो भव
nārāyaṇarṣir uvāca triṃṣat-sahasra-varṣaṃ ca bhuṅkṣva rājyaṃ sudurlabham / labhasva durlabhāṃ lakṣmīṃ māyayā mohito bhava
Sanskrit only: no published translation is held for this verse.
मद्-इष्ट-देव-कवचं गृहीतं येन हेतुना । सप्त-कल्पान्त-जीवस्य परत्र च भविष्यति
mad-iṣṭa-deva-kavacaṃ gṛhītaṃ yena hetunā / sapta-kalpānta-jīvasya paratra ca bhaviṣyati
Sanskrit only: no published translation is held for this verse.
सुचिरेणैव कालेन गोलोकं च प्रायस्यसि । परे मृकण्डु-पुत्रस् त्वं मार्कण्डेयो भविष्यसि
sucireṇaiva kālena golokaṃ ca prāyasyasi / pare mṛkaṇḍu-putras tvaṃ mārkaṇḍeyo bhaviṣyasi
Sanskrit only: no published translation is held for this verse.
मया दत्तं च कवचं त्वां च रक्षति पुत्रक । तव कण्ठे स्थितिश् चाश्य प्रति जन्मनि जन्मनि
mayā dattaṃ ca kavacaṃ tvāṃ ca rakṣati putraka / tava kaṇṭhe sthitiś cāśya prati janmani janmani
Sanskrit only: no published translation is held for this verse.
पुनश् च गुटिका-युक्तं कृत्वा च कवचं मुनिः । गले दधार भक्त्या च तद्-भक्तो धर्म-नन्दनः
punaś ca guṭikā-yuktaṃ kṛtvā ca kavacaṃ muniḥ / gale dadhāra bhaktyā ca tad-bhakto dharma-nandanaḥ
Sanskrit only: no published translation is held for this verse.
वरं दत्वा च स मुनिर् ययौ गेहं स उन्मनाः । विप्राय कवचं दत्वा नष्ट-वत्सा गौर् यथा
varaṃ datvā ca sa munir yayau gehaṃ sa unmanāḥ / viprāya kavacaṃ datvā naṣṭa-vatsā gaur yathā
Sanskrit only: no published translation is held for this verse.
भ्रात्रा नरेण पित्रा च धर्मेण च महात्मना । मात्रा मूर्त्या च पत्न्या च शान्त्या च भर्त्सितो मुनिः
bhrātrā nareṇa pitrā ca dharmeṇa ca mahātmanā / mātrā mūrtyā ca patnyā ca śāntyā ca bhartsito muniḥ
Sanskrit only: no published translation is held for this verse.
विप्रः सम्प्राप्य कवचं मन्त्रं कल्प-तरुं परम् । सरोवरात् समुत्थाय प्रज्वलन् ब्रह्म-तेजसा
vipraḥ samprāpya kavacaṃ mantraṃ kalpa-taruṃ param / sarovarāt samutthāya prajvalan brahma-tejasā
Sanskrit only: no published translation is held for this verse.
क्षणं तस्थौ सरस्-तीरे वट-मूले मनोहरे । जजाप परमं मन्त्रं सम्पूज्य जगद्-ईश्वरम्
kṣaṇaṃ tasthau saras-tīre vaṭa-mūle manohare / jajāpa paramaṃ mantraṃ sampūjya jagad-īśvaram
Sanskrit only: no published translation is held for this verse.
अथ तत्-तात-विप्रो हि समन्विष्य सुतं चिरम् । गत्वा च स्व-गृहं दुःखी शोकार्तः स रुरोद च
atha tat-tāta-vipro hi samanviṣya sutaṃ ciram / gatvā ca sva-gṛhaṃ duḥkhī śokārtaḥ sa ruroda ca
Sanskrit only: no published translation is held for this verse.
समुद्यता तनुं त्यक्तुं तन्-माता पुत्र-वार्तया । न तत्याज तनुं विप्रो दृष्ट्वा सुस्वप्नम् उत्तमम्
samudyatā tanuṃ tyaktuṃ tan-mātā putra-vārtayā / na tatyāja tanuṃ vipro dṛṣṭvā susvapnam uttamam
Sanskrit only: no published translation is held for this verse.
विप्रो विप्रा गृहं त्यक्त्वा पुत्रान्वेषण-पूर्वकम् । प्रययौ काननं घोरं सर्वैश् च बान्धवैः सहः
vipro viprā gṛhaṃ tyaktvā putrānveṣaṇa-pūrvakam / prayayau kānanaṃ ghoraṃ sarvaiś ca bāndhavaiḥ sahaḥ
Sanskrit only: no published translation is held for this verse.
सर्वं वनं समन्विष्य प्रययुस् ते सरोवरम् । ददृशुस् ते शिशुं गृह्यं सूर्याभं वट-मूलके
sarvaṃ vanaṃ samanviṣya prayayus te sarovaram / dadṛśus te śiśuṃ gṛhyaṃ sūryābhaṃ vaṭa-mūlake
Sanskrit only: no published translation is held for this verse.
चुचुम्ब गण्डं पुत्रस्य विप्रो विप्रा च सारदम् । आशिश्लेष क्रमेणैव माता तातः पुनः पुनः
cucumba gaṇḍaṃ putrasya vipro viprā ca sāradam / āśiśleṣa krameṇaiva mātā tātaḥ punaḥ punaḥ
Sanskrit only: no published translation is held for this verse.
पुत्रश् च सर्व-वृत्तान्तं कथयाम् आस सादरम् । श्रुत्वा पुत्रस्य विप्रश् च विप्रा बान्धवस् तथा ॥ ज्स्स् १,४। ४५ ॥ ययुः सर्वे स्व-देशं च परमाह्लाद-मानसाः । चन्द्र-भागां समुत्तीर्य विवेश नगरं परम्
putraś ca sarva-vṛttāntaṃ kathayām āsa sādaram / śrutvā putrasya vipraś ca viprā bāndhavas tathā // Jss 1,4. 45 // yayuḥ sarve sva-deśaṃ ca paramāhlāda-mānasāḥ / candra-bhāgāṃ samuttīrya viveśa nagaraṃ param
Sanskrit only: no published translation is held for this verse.
नगर-स्थो नृपेन्द्रश् च दृष्ट्वा तेजस्विनं शिशुम् । ददौ तस्मै स्व-कन्यां च रत्नालङ्कार-भूषितम्
nagara-stho nṛpendraś ca dṛṣṭvā tejasvinaṃ śiśum / dadau tasmai sva-kanyāṃ ca ratnālaṅkāra-bhūṣitam
Sanskrit only: no published translation is held for this verse.
युवतीं सुन्दरीं श्यामां तप्त-कञ्चन-संनिभाम् । पति-व्रतां महा-भागां सुन्दरीं कमलाकलां
yuvatīṃ sundarīṃ śyāmāṃ tapta-kañcana-saṃnibhām / pati-vratāṃ mahā-bhāgāṃ sundarīṃ kamalākalāṃ
Sanskrit only: no published translation is held for this verse.
गजेन्द्राणां सहस्रं च प्रददौ यौतुकं मुदा । अश्वानां दश-लक्षं च रत्नानां च सहस्रकम्
gajendrāṇāṃ sahasraṃ ca pradadau yautukaṃ mudā / aśvānāṃ daśa-lakṣaṃ ca ratnānāṃ ca sahasrakam
Sanskrit only: no published translation is held for this verse.
दासीनां निष्क-कण्ठीनां सौन्दरीणां सहस्रकम् । वस्त्र-रत्न-सहस्रं च बहु-मूल्यं सुदुर्लभम्
dāsīnāṃ niṣka-kaṇṭhīnāṃ saundarīṇāṃ sahasrakam / vastra-ratna-sahasraṃ ca bahu-mūlyaṃ sudurlabham
Sanskrit only: no published translation is held for this verse.
दासानां च सहस्रं च पदातीनां त्रि-लक्षकम् । दश-लक्षं सुवर्णं च रत्न-मालां सुदुर्लभाम्
dāsānāṃ ca sahasraṃ ca padātīnāṃ tri-lakṣakam / daśa-lakṣaṃ suvarṇaṃ ca ratna-mālāṃ sudurlabhām
Sanskrit only: no published translation is held for this verse.
दत्वा तस्मै च कन्यां च रुरोद च सभार्यकः । राजा च कन्यया सार्धं प्रययौ विप्र-मन्दिरम्
datvā tasmai ca kanyāṃ ca ruroda ca sabhāryakaḥ / rājā ca kanyayā sārdhaṃ prayayau vipra-mandiram
Sanskrit only: no published translation is held for this verse.
गत्वा चापि कियद् दूरं ददर्श नगरं नृपः । अतीव सुन्दरं रम्यं विजित्य चामरावतीम्
gatvā cāpi kiyad dūraṃ dadarśa nagaraṃ nṛpaḥ / atīva sundaraṃ ramyaṃ vijitya cāmarāvatīm
Sanskrit only: no published translation is held for this verse.
शुद्ध-स्फटिक-संकाशं रत्न-सार-विनिर्मितम् । त्रि-कोटि-चट्टालिका-गेहं नव-कोटि-सुमन्दिरम्
śuddha-sphaṭika-saṃkāśaṃ ratna-sāra-vinirmitam / tri-koṭi-caṭṭālikā-gehaṃ nava-koṭi-sumandiram
Sanskrit only: no published translation is held for this verse.
सप्त-प्राकार-युक्तं च परिखा-त्रय-सम्युक्तम् । दुर्लङ्घ्यम् अति-दुर्गम्यं रिपूणाम् अपि पुत्रक
sapta-prākāra-yuktaṃ ca parikhā-traya-samyuktam / durlaṅghyam ati-durgamyaṃ ripūṇām api putraka
Sanskrit only: no published translation is held for this verse.
शिशोश् च स्वाश्रमं रम्यं सद्-रत्न-सार-निर्मितम् । स्फुरत् वज्र-कपाटं च रत्नेन्द्र-कलशान्वितम्
śiśoś ca svāśramaṃ ramyaṃ sad-ratna-sāra-nirmitam / sphurat vajra-kapāṭaṃ ca ratnendra-kalaśānvitam
Sanskrit only: no published translation is held for this verse.
सद्-रत्न-दर्पणाइर् दीपं रत्न-कुम्भैर् विराजितम् । प्राङ्गणं रत्न-साराढ्यं रत्न-सोपान-शोभितम्
sad-ratna-darpaṇāir dīpaṃ ratna-kumbhair virājitam / prāṅgaṇaṃ ratna-sārāḍhyaṃ ratna-sopāna-śobhitam
Sanskrit only: no published translation is held for this verse.
मनोहरं राज-मार्गं सिन्दूरादि-परिष्कृतम् । प्राकारं मणि-भूषाढ्यम् उच्चैर् आकाश-स्पर्शि च
manoharaṃ rāja-mārgaṃ sindūrādi-pariṣkṛtam / prākāraṃ maṇi-bhūṣāḍhyam uccair ākāśa-sparśi ca
Sanskrit only: no published translation is held for this verse.
जगाम विस्मयं राजा दृष्ट्वा नगरम् उत्तमम् । पित्रा मात्रा सह शिशुर् विस्मयं च ययौ मुदा
jagāma vismayaṃ rājā dṛṣṭvā nagaram uttamam / pitrā mātrā saha śiśur vismayaṃ ca yayau mudā
Sanskrit only: no published translation is held for this verse.
गजेन्द्राणां त्रि-लक्षं च श्वानां शत-लक्षकम् । चतुर्-गुणं पदातीनाम् आययुस् ते ऽप्य् अनुव्रजम्
gajendrāṇāṃ tri-lakṣaṃ ca śvānāṃ śata-lakṣakam / catur-guṇaṃ padātīnām āyayus te 'py anuvrajam
Sanskrit only: no published translation is held for this verse.
वारणेन्द्रं पुरस् कृत्य वेश्यां च नर्तकं तथा । द्विजांश् च पूर्ण-कुम्भांश् च पति-पुत्रवतीं सतीं
vāraṇendraṃ puras kṛtya veśyāṃ ca nartakaṃ tathā / dvijāṃś ca pūrṇa-kumbhāṃś ca pati-putravatīṃ satīṃ
Sanskrit only: no published translation is held for this verse.
महा-पात्रः शिशुं दृष्ट्वा गजेन्द्रोपरि-संस्थितम् । मूर्ध्ना ननाम वेगेनाप्य् अवरुह्य गजाद् अपि
mahā-pātraḥ śiśuṃ dṛṣṭvā gajendropari-saṃsthitam / mūrdhnā nanāma vegenāpy avaruhya gajād api
Sanskrit only: no published translation is held for this verse.
शिशुं प्रवेशयां आस रत्न-निर्माण-मन्दिरम् । रत्न-सिंहासनं तस्मै प्रददौ सादरं मुदा
śiśuṃ praveśayāṃ āsa ratna-nirmāṇa-mandiram / ratna-siṃhāsanaṃ tasmai pradadau sādaraṃ mudā
Sanskrit only: no published translation is held for this verse.
कन्या-दात्रे च पित्रे च मात्रे च सादरं मुदा । रत्न-सिंःआसनं रम्यं प्रददौ पात्र एव च
kanyā-dātre ca pitre ca mātre ca sādaraṃ mudā / ratna-siṃḥāsanaṃ ramyaṃ pradadau pātra eva ca
Sanskrit only: no published translation is held for this verse.
शिशुम् सिषेव पात्रश् च स्वयं च श्वेत-चामरैः । दधार रत्न-छत्रं च हीराहार-परिष्कृतम्
śiśum siṣeva pātraś ca svayaṃ ca śveta-cāmaraiḥ / dadhāra ratna-chatraṃ ca hīrāhāra-pariṣkṛtam
Sanskrit only: no published translation is held for this verse.
उवास स स-भार्यां च सुधर्म्यां महेन्द्रवत् । श्वसुरश् च ययौ गेहं शिशुना च पुरस्कृतः
uvāsa sa sa-bhāryāṃ ca sudharmyāṃ mahendravat / śvasuraś ca yayau gehaṃ śiśunā ca puraskṛtaḥ
Sanskrit only: no published translation is held for this verse.
त्रिंशत्-सहस्र-वर्षं च राजा राज्यं चकार सः । कालान्तरे तत्-पिता च वने व्याघ्रेण भक्षितः
triṃśat-sahasra-varṣaṃ ca rājā rājyaṃ cakāra saḥ / kālāntare tat-pitā ca vane vyāghreṇa bhakṣitaḥ
Sanskrit only: no published translation is held for this verse.
पति-व्रता महा-भागा माता सह-मृता सुत । रत्न-यानेन रम्येण स-स्त्रीकः कृष्ण-मन्दिरम्
pati-vratā mahā-bhāgā mātā saha-mṛtā suta / ratna-yānena ramyeṇa sa-strīkaḥ kṛṣṇa-mandiram
Sanskrit only: no published translation is held for this verse.
प्रययौ सादरं विप्रः कृष्ण-नैवेद्य-भक्षणात् । तद्-अस्थि भुक्त्वा व्याघ्रश् च पूतः सद्यश् च सांप्रतम्
prayayau sādaraṃ vipraḥ kṛṣṇa-naivedya-bhakṣaṇāt / tad-asthi bhuktvā vyāghraś ca pūtaḥ sadyaś ca sāṃpratam
Sanskrit only: no published translation is held for this verse.
ताभ्यां सार्धं च प्रययौ गोलोकं सुमनोहरम् । शिशुर् देहं परित्यज्य हिमाद्रौ स्वर्-णदी-तटे
tābhyāṃ sārdhaṃ ca prayayau golokaṃ sumanoharam / śiśur dehaṃ parityajya himādrau svar-ṇadī-taṭe
Sanskrit only: no published translation is held for this verse.
दत्वा पुत्राय राज्यं च स्वर्गाद् अपि सुदुर्लभम् । मृकण्डु-पत्नी-गर्भे च लेभे जन्म स्व-कर्मणा
datvā putrāya rājyaṃ ca svargād api sudurlabham / mṛkaṇḍu-patnī-garbhe ca lebhe janma sva-karmaṇā
Sanskrit only: no published translation is held for this verse.
मार्कण्डेयो मुनि-श्रेष्ठो बभूव पर-जन्मनि । सप्त-कल्पान्त-जीवी च नारायण-वरेण सः
mārkaṇḍeyo muni-śreṣṭho babhūva para-janmani / sapta-kalpānta-jīvī ca nārāyaṇa-vareṇa saḥ
Sanskrit only: no published translation is held for this verse.
बभूव सांप्रतं विप्रः कृष्ण-नैवेद्य-भक्षणात् । श्व-भक्षितं च नैवेद्यं भुक्त्वा चेद् ईदृशी गतिः । अकामतश् चाप्य् अज्ञातो जीर्ण-मार्ग-स्थितं सुत
babhūva sāṃprataṃ vipraḥ kṛṣṇa-naivedya-bhakṣaṇāt / śva-bhakṣitaṃ ca naivedyaṃ bhuktvā ced īdṛśī gatiḥ / akāmataś cāpy ajñāto jīrṇa-mārga-sthitaṃ suta
Sanskrit only: no published translation is held for this verse.
यो भक्षेत् कामतो ज्ञातो नित्यं नैवेद्यम् ईप्सितम् । न जानन्ति गतिस् तस्य वेदाश् चत्वार एव च
yo bhakṣet kāmato jñāto nityaṃ naivedyam īpsitam / na jānanti gatis tasya vedāś catvāra eva ca
Sanskrit only: no published translation is held for this verse.
इति ते कथितं ब्रह्मन्न् इतिहासं पुरातनम् । आश्चर्यं मधुरं रम्यं किं भूयः श्रोतुम् इच्छसि
iti te kathitaṃ brahmann itihāsaṃ purātanam / āścaryaṃ madhuraṃ ramyaṃ kiṃ bhūyaḥ śrotum icchasi
Sanskrit only: no published translation is held for this verse.
श्री-नारद उवाच श्रुतं नैवेद्य-माहात्म्यम् अतीव सुमनोहरम् । ईश्वरस्यापि हे तात कृष्णस्य परमात्मनः
śrī-nārada uvāca śrutaṃ naivedya-māhātmyam atīva sumanoharam / īśvarasyāpi he tāta kṛṣṇasya paramātmanaḥ
Sanskrit only: no published translation is held for this verse.
अधुना श्रोतुम् इच्छामि स्वात्म-सन्देह-भञ्जनम् । नारायणर्षेर् कण्ठे च कवचं तस्य तद् वद
adhunā śrotum icchāmi svātma-sandeha-bhañjanam / nārāyaṇarṣer kaṇṭhe ca kavacaṃ tasya tad vada
Sanskrit only: no published translation is held for this verse.
अथ कवच-प्रश्नः सनत्-कुमार उवाच ममाप्य् अस्तीति सन्देहो वचने प्रपितामह । कस्य तत् कवचं ब्रह्मन्न् इदं वक्तुं त्वम् अर्हसि
atha kavaca-praśnaḥ sanat-kumāra uvāca mamāpy astīti sandeho vacane prapitāmaha / kasya tat kavacaṃ brahmann idaṃ vaktuṃ tvam arhasi
Sanskrit only: no published translation is held for this verse.
स पिता स गुरुः स्वच्छः करोति भ्रम-भञ्जनम् । शीघ्रं ब्रूहि महा-भाग नारदं मां सुत-प्रिय
sa pitā sa guruḥ svacchaḥ karoti bhrama-bhañjanam / śīghraṃ brūhi mahā-bhāga nāradaṃ māṃ suta-priya
Sanskrit only: no published translation is held for this verse.
पुत्रयोश् च वचः श्रुत्वा शुष्क-कण्ठौष्ठतालुकः । उवाच वचनं ब्रह्मा स्मरन् कृष्ण-पदाम्बुजम्
putrayoś ca vacaḥ śrutvā śuṣka-kaṇṭhauṣṭhatālukaḥ / uvāca vacanaṃ brahmā smaran kṛṣṇa-padāmbujam
Sanskrit only: no published translation is held for this verse.
ब्रह्मोवाच नारायणेन मुनिना जगन्-मङ्गल-मङ्गलम् । विप्राय कवचं दत्तम् ध्यानं च पर्मात्मनः
brahmovāca nārāyaṇena muninā jagan-maṅgala-maṅgalam / viprāya kavacaṃ dattam dhyānaṃ ca parmātmanaḥ
Sanskrit only: no published translation is held for this verse.
तद् ब्रवीमि महा-भाग त्वाम् एव नारदं प्रति । कण्ठ-स्थं कवचं वक्तुं नैव शक्नोमि सांप्रतम्
tad bravīmi mahā-bhāga tvām eva nāradaṃ prati / kaṇṭha-sthaṃ kavacaṃ vaktuṃ naiva śaknomi sāṃpratam
Sanskrit only: no published translation is held for this verse.
मत्-कण्ठे कवचं यस्य गोपनीयं सुदुर्लभम् । नारायणर्षि-कण्ठे च तद् एव परमाद्भुतम्
mat-kaṇṭhe kavacaṃ yasya gopanīyaṃ sudurlabham / nārāyaṇarṣi-kaṇṭhe ca tad eva paramādbhutam
Sanskrit only: no published translation is held for this verse.
तद् एव धर्म-कण्ठे च नरस्य च महात्मनः । अगस्त्यस्य च कण्ठे च लोमशस्य महा-मुनेः
tad eva dharma-kaṇṭhe ca narasya ca mahātmanaḥ / agastyasya ca kaṇṭhe ca lomaśasya mahā-muneḥ
Sanskrit only: no published translation is held for this verse.
तुलस्याश् चापि संज्ञायाः सावित्र्याश् चापि पुत्रक । अन्येषां च भाग्यवतां भारते च सुदुर्लभे
tulasyāś cāpi saṃjñāyāḥ sāvitryāś cāpi putraka / anyeṣāṃ ca bhāgyavatāṃ bhārate ca sudurlabhe
Sanskrit only: no published translation is held for this verse.
नारद उवाच पश्चात् श्रोष्यामि कवचं जगन्-मङ्गल-मङ्गलम् । ध्यानं पूजां विधानं च कृष्णस्य परमात्मनः
nārada uvāca paścāt śroṣyāmi kavacaṃ jagan-maṅgala-maṅgalam / dhyānaṃ pūjāṃ vidhānaṃ ca kṛṣṇasya paramātmanaḥ
Sanskrit only: no published translation is held for this verse.
आदौ कथय भद्रं ते परं परम-भद्रकम् । सुभद्र-प्राप्तं कवचं माहात्म्यं यस्य दुर्लभम्
ādau kathaya bhadraṃ te paraṃ parama-bhadrakam / subhadra-prāptaṃ kavacaṃ māhātmyaṃ yasya durlabham
Sanskrit only: no published translation is held for this verse.
ब्रह्मोवाच सुभद्र-प्राप्तं कवचं पश्चात् श्रोष्यसि पुत्रक । शङ्करस्य मुखाद् विप्र स्व-गुरोर् ज्ञानिनस् तथा
brahmovāca subhadra-prāptaṃ kavacaṃ paścāt śroṣyasi putraka / śaṅkarasya mukhād vipra sva-guror jñāninas tathā
Sanskrit only: no published translation is held for this verse.