इति श्री-नारद-पञ्च-रात्रे ज्ञानामृत-सारे प्रथ्मैक-रात्रे लोमश-नारद-संवादे षष्ठो ऽध्यायः प्रथमैक-रात्रे सप्तमो ऽध्यायः संभाष्य लोमशं तस्माज् जगाम नारदो मुनिः । पुष्प-भद्रा-नदी-तीरम् अतीव सुमनोहरम्
iti śrī-nārada-pañca-rātre jñānāmṛta-sāre prathmaika-rātre lomaśa-nārada-saṃvāde ṣaṣṭho 'dhyāyaḥ prathamaika-rātre saptamo 'dhyāyaḥ saṃbhāṣya lomaśaṃ tasmāj jagāma nārado muniḥ / puṣpa-bhadrā-nadī-tīram atīva sumanoharam
Sanskrit only: no published translation is held for this verse.
यत्रास्ते शृङ्ग-कूटश् च शुद्ध-स्फटिक-सन्निभिः । नाना-वृक्ष-समायुक्तैस् त्रिभिर् अन्यैः सरोवरैः
yatrāste śṛṅga-kūṭaś ca śuddha-sphaṭika-sannibhiḥ / nānā-vṛkṣa-samāyuktais tribhir anyaiḥ sarovaraiḥ
Sanskrit only: no published translation is held for this verse.
हंसकारण्डवाकीर्णैर् भ्रमरैर् ध्वनि-सुन्दरैः । पुंस्-कोकिल-निनादैश् च सन्ततं सुमनोहरैः
haṃsakāraṇḍavākīrṇair bhramarair dhvani-sundaraiḥ / puṃs-kokila-ninādaiś ca santataṃ sumanoharaiḥ
Sanskrit only: no published translation is held for this verse.
शैत्य-सौगन्ध्य-मान्ध्यैश् च वायुभिः सुरभी-कृतैः । समाधि-युक्तो यत्रास्ते मार्कण्डेयो महा-मुनिः
śaitya-saugandhya-māndhyaiś ca vāyubhiḥ surabhī-kṛtaiḥ / samādhi-yukto yatrāste mārkaṇḍeyo mahā-muniḥ
Sanskrit only: no published translation is held for this verse.
स मुनिर् नारदं दृष्ट्वा भक्त्या च प्रणनाम च । पप्रच्छ कुशलं शान्तं शान्तः सत्त्व-गुणाश्रयः
sa munir nāradaṃ dṛṣṭvā bhaktyā ca praṇanāma ca / papraccha kuśalaṃ śāntaṃ śāntaḥ sattva-guṇāśrayaḥ
Sanskrit only: no published translation is held for this verse.
मार्कण्डेयो उवाच अद्य मे सफलं जन्म जीवनं चातिसार्थकम् । ममाश्रमे पुण्य-राशिर् ब्रह्म-पुत्रश् च नारदः
mārkaṇḍeyo uvāca adya me saphalaṃ janma jīvanaṃ cātisārthakam / mamāśrame puṇya-rāśir brahma-putraś ca nāradaḥ
Sanskrit only: no published translation is held for this verse.
अहो देवर्षि-प्रवरो दीप्तमान् ब्रह्म-तेजसा । क्व यासि कुत आयासि किं ते मनसि वर्तते
aho devarṣi-pravaro dīptamān brahma-tejasā / kva yāsi kuta āyāsi kiṃ te manasi vartate
Sanskrit only: no published translation is held for this verse.
मानसं प्राणिनाम् एव सर्व-कर्मैक-कारणम् । मनोनुरूपं वाक्यं च वाक्येन प्रस्फुटं मनः
mānasaṃ prāṇinām eva sarva-karmaika-kāraṇam / manonurūpaṃ vākyaṃ ca vākyena prasphuṭaṃ manaḥ
Sanskrit only: no published translation is held for this verse.
मुनेश् च वचनं श्रुत्वा वीणा-पाणि स्वम् ईप्सितम् । उवाच सस्मितं शान्तं वचः सत्यं सुधोपमम्
muneś ca vacanaṃ śrutvā vīṇā-pāṇi svam īpsitam / uvāca sasmitaṃ śāntaṃ vacaḥ satyaṃ sudhopamam
Sanskrit only: no published translation is held for this verse.
नारद उवाच हे बन्धो यामि कैलासं ज्ञानार्थं ज्ञानिनां वरम् । द्रष्टुं महा-देवं च प्रणामं कर्तुम् ईश्वरम्
nārada uvāca he bandho yāmi kailāsaṃ jñānārthaṃ jñānināṃ varam / draṣṭuṃ mahā-devaṃ ca praṇāmaṃ kartum īśvaram
Sanskrit only: no published translation is held for this verse.
पूजां गृहीत्वा चेत्य् उक्त्वा प्रययौ नारदो मुनिः । मार्कण्डेयश् च शोकार्तः सद्विच्छेदः सुदारुणः
pūjāṃ gṛhītvā cety uktvā prayayau nārado muniḥ / mārkaṇḍeyaś ca śokārtaḥ sadvicchedaḥ sudāruṇaḥ
Sanskrit only: no published translation is held for this verse.
हिमालयं च दुर्लघ्यं विलघ्यं चैव लीलया । स्वर्ग-मन्दाकिनी-तीरं कैलासं प्रययौ मुनिः
himālayaṃ ca durlaghyaṃ vilaghyaṃ caiva līlayā / svarga-mandākinī-tīraṃ kailāsaṃ prayayau muniḥ
Sanskrit only: no published translation is held for this verse.
ददर्श वट-वृक्षं च योजनायतम् उच्छ्रितम् । शोभितं शतकैः स्कन्धैः रक्त-पक्व-फलान्वितैः
dadarśa vaṭa-vṛkṣaṃ ca yojanāyatam ucchritam / śobhitaṃ śatakaiḥ skandhaiḥ rakta-pakva-phalānvitaiḥ
Sanskrit only: no published translation is held for this verse.
सुस्निग्धैः सुन्दरैः रम्यै रम्य-पक्षीन्द्र-संकुलैः । सिद्धेन्द्रैश् च मुनीन्द्रैश् योगीन्द्रैः परिशोभितम्
susnigdhaiḥ sundaraiḥ ramyai ramya-pakṣīndra-saṃkulaiḥ / siddhendraiś ca munīndraiś yogīndraiḥ pariśobhitam
Sanskrit only: no published translation is held for this verse.
प्रणतांस् तांश् च संभाष्य पार्वती-काननं ययौ । सुन्दरं वर्तुलाकारं चतुर्-योजनम् ईप्सितम्
praṇatāṃs tāṃś ca saṃbhāṣya pārvatī-kānanaṃ yayau / sundaraṃ vartulākāraṃ catur-yojanam īpsitam
Sanskrit only: no published translation is held for this verse.
शोभितं सुन्दरै रम्यैः सप्तभिश् च सरोवरैः । शश्वन्-मधुकरासक्त-पद्म-राजि-विराजितैः
śobhitaṃ sundarai ramyaiḥ saptabhiś ca sarovaraiḥ / śaśvan-madhukarāsakta-padma-rāji-virājitaiḥ
Sanskrit only: no published translation is held for this verse.
नील-रक्तोत्पल-दल-पटलैः परिशोभितैः । पुष्पोद्यानैश् च शतकैः पुष्पितैः सुमनोहरैः
nīla-raktotpala-dala-paṭalaiḥ pariśobhitaiḥ / puṣpodyānaiś ca śatakaiḥ puṣpitaiḥ sumanoharaiḥ
Sanskrit only: no published translation is held for this verse.
मल्लिका-मालती-कुन्द-यूथिका-माधवी-लता । केतकी-चम्पकाशोक-मन्दारक-विराजिका
mallikā-mālatī-kunda-yūthikā-mādhavī-latā / ketakī-campakāśoka-mandāraka-virājikā
Sanskrit only: no published translation is held for this verse.
नाग-पुन्नाग-कुटजपाटलाज्ञिण्ट्ज्ञिज्ज्ञिका । विष्णु-क्रान्ता च तुलसी शोफली सप्तला तथा
nāga-punnāga-kuṭajapāṭalājñiṇṭjñijjñikā / viṣṇu-krāntā ca tulasī śophalī saptalā tathā
Sanskrit only: no published translation is held for this verse.
एतेषां च समूहैश् च पुष्प-वल्ली-विराजितैः । आम्रैर् आम्रातकैस् तालनारिकेलैः पियालकैः
eteṣāṃ ca samūhaiś ca puṣpa-vallī-virājitaiḥ / āmrair āmrātakais tālanārikelaiḥ piyālakaiḥ
Sanskrit only: no published translation is held for this verse.
खर्जूरैश् च गुवाकैश् च पलासैर् जम्बुभिस् तथा । दाडिम्बैश् चापि जम्बीरैर् निम्बैश् चैव वटैस् तथा
kharjūraiś ca guvākaiś ca palāsair jambubhis tathā / dāḍimbaiś cāpi jambīrair nimbaiś caiva vaṭais tathā
Sanskrit only: no published translation is held for this verse.
करञ्जैर् वदरीभिश् च परितः श्री-फलोज्ज्वलैः । कदम्बानां कदम्बैश् च तिन्तिण्डीनां कदम्बकैः
karañjair vadarībhiś ca paritaḥ śrī-phalojjvalaiḥ / kadambānāṃ kadambaiś ca tintiṇḍīnāṃ kadambakaiḥ
Sanskrit only: no published translation is held for this verse.
अश्वत्थैः सरलैः शालैः शाल्मलीनां समूहकैः । वट-शाखोटकैः कुन्दैः शंगुभिः सप्त-पर्णकैः
aśvatthaiḥ saralaiḥ śālaiḥ śālmalīnāṃ samūhakaiḥ / vaṭa-śākhoṭakaiḥ kundaiḥ śaṃgubhiḥ sapta-parṇakaiḥ
Sanskrit only: no published translation is held for this verse.
पिच्छिलैः पर्ण-शालैश् च गम्भारिभिश् च वल्गुकैः । हिङ्गुलैर् अञ्जनैर् वल्कैर् भूर्ज-पत्रैः सपत्रकैः
picchilaiḥ parṇa-śālaiś ca gambhāribhiś ca valgukaiḥ / hiṅgulair añjanair valkair bhūrja-patraiḥ sapatrakaiḥ
Sanskrit only: no published translation is held for this verse.
अन्यैश् च दुर्लभैर् वन्यैः पुष्प-पत्रैर् विराजितम् । कल्प-वृक्षैः पारिजातैश् चारु-चन्दन-पल्लवैः
anyaiś ca durlabhair vanyaiḥ puṣpa-patrair virājitam / kalpa-vṛkṣaiḥ pārijātaiś cāru-candana-pallavaiḥ
Sanskrit only: no published translation is held for this verse.
सुस्निग्ध-स्थल-पद्मैश् च चित्रितैर् भूमि-चम्पकैः । अन्यैश् च दुर्लभैर् वन्यैः पुष्प-पत्रैर् विभूषितम्
susnigdha-sthala-padmaiś ca citritair bhūmi-campakaiḥ / anyaiś ca durlabhair vanyaiḥ puṣpa-patrair vibhūṣitam
Sanskrit only: no published translation is held for this verse.
सिंहेन्द्रैः शरभेन्द्रैश् च गजेन्द्रैर् गण्डकेन्द्रैः । शार्दूलेन्द्रैश् च महिषैर् अश्वैश् च वन्य-शूकरैः
siṃhendraiḥ śarabhendraiś ca gajendrair gaṇḍakendraiḥ / śārdūlendraiś ca mahiṣair aśvaiś ca vanya-śūkaraiḥ
Sanskrit only: no published translation is held for this verse.
पुंस्-कोकोल-कुलानां च गानैश् च विराजितम् । मत्तानां पल्लव-स्थानां माधवेषु मनोहरम्
puṃs-kokola-kulānāṃ ca gānaiś ca virājitam / mattānāṃ pallava-sthānāṃ mādhaveṣu manoharam
Sanskrit only: no published translation is held for this verse.
शुकानां राज-हंसानां मयूराणां च पुत्रकैः । क्षेम-करी-खञ्जनानां राजिभिश् च मनोहरम्
śukānāṃ rāja-haṃsānāṃ mayūrāṇāṃ ca putrakaiḥ / kṣema-karī-khañjanānāṃ rājibhiś ca manoharam
Sanskrit only: no published translation is held for this verse.
हरित्-पीत-रक्त-कृष्ण-सुपक्व-फल-पत्रकैः । सुस्निग्धाक्षत-पत्रैश् च नूतनैर् अभिभूषितम्
harit-pīta-rakta-kṛṣṇa-supakva-phala-patrakaiḥ / susnigdhākṣata-patraiś ca nūtanair abhibhūṣitam
Sanskrit only: no published translation is held for this verse.
हिंसा-भयादि-रहितं सर्वेषां पशु-पक्षिणां । परस्परं च सुप्रीतं हिंस्राणां क्षुद्र-जन्तुभिः
hiṃsā-bhayādi-rahitaṃ sarveṣāṃ paśu-pakṣiṇāṃ / parasparaṃ ca suprītaṃ hiṃsrāṇāṃ kṣudra-jantubhiḥ
Sanskrit only: no published translation is held for this verse.
तत्र क्रीडा-स्थलं रम्यं पार्वती-परमेशयोः । मुनीन्द्रैर् इन्द्र-नीलैश् च पद्म-रागैः परिष्कृतम्
tatra krīḍā-sthalaṃ ramyaṃ pārvatī-parameśayoḥ / munīndrair indra-nīlaiś ca padma-rāgaiḥ pariṣkṛtam
Sanskrit only: no published translation is held for this verse.
क्रोशायतं परिमितं वर्तुलं चन्द्र-विम्बवत् । अम्लान-रम्भा-स्तम्भानां लक्ष-लक्षैश् च वेष्टितम्
krośāyataṃ parimitaṃ vartulaṃ candra-vimbavat / amlāna-rambhā-stambhānāṃ lakṣa-lakṣaiś ca veṣṭitam
Sanskrit only: no published translation is held for this verse.
चित्रितं सूक्ष्म-सूत्राक्तैर् नूतनैर् अभिभूषितम् । नूतनाक्षत-पत्रैश् च ललितैः परिशोभितम्
citritaṃ sūkṣma-sūtrāktair nūtanair abhibhūṣitam / nūtanākṣata-patraiś ca lalitaiḥ pariśobhitam
Sanskrit only: no published translation is held for this verse.
रक्त-पीतासितैः स्निग्धैर् अम्लानैः सुमनोहरैः । परितः परितः शश्वन् मालाजालैर् विभूषितम्
rakta-pītāsitaiḥ snigdhair amlānaiḥ sumanoharaiḥ / paritaḥ paritaḥ śaśvan mālājālair vibhūṣitam
Sanskrit only: no published translation is held for this verse.
शय्या-भूतं सुतल्पैश् च स्निग्ध-चम्पक-चन्दनैः । पुष्प-चन्दन-युक्तेन वायुना सुरभी-कृतम्
śayyā-bhūtaṃ sutalpaiś ca snigdha-campaka-candanaiḥ / puṣpa-candana-yuktena vāyunā surabhī-kṛtam
Sanskrit only: no published translation is held for this verse.
कस्तूरी-कुङ्कमासक्त-सुगन्धि-चन्दनैः सितैः । मार्जितं चित्रितं चित्रैः परितो रङ्ग-वस्तुभिः
kastūrī-kuṅkamāsakta-sugandhi-candanaiḥ sitaiḥ / mārjitaṃ citritaṃ citraiḥ parito raṅga-vastubhiḥ
Sanskrit only: no published translation is held for this verse.
दृष्ट्वा तद् अद्भुतं शीघ्रं प्रययौ स्वर्-णदीं मुनिः । शुद्ध-स्फटिक-संकासां सर्व-पाप-विनाशिनीम्
dṛṣṭvā tad adbhutaṃ śīghraṃ prayayau svar-ṇadīṃ muniḥ / śuddha-sphaṭika-saṃkāsāṃ sarva-pāpa-vināśinīm
Sanskrit only: no published translation is held for this verse.
भवाब्धिघोर-तरणे तरणीं नित्यनूतनाम् । कृष्ण-पाद-प्रसूतां च जगत्-पूज्यां पति-व्रतां
bhavābdhighora-taraṇe taraṇīṃ nityanūtanām / kṛṣṇa-pāda-prasūtāṃ ca jagat-pūjyāṃ pati-vratāṃ
Sanskrit only: no published translation is held for this verse.
स्नाट्वा कृष्णं च संपूज्य परमात्मानम् ईश्वरम् । प्रकृतेः परिमिष्टं च निर्लिप्तं निर्गुणं परम्
snāṭvā kṛṣṇaṃ ca saṃpūjya paramātmānam īśvaram / prakṛteḥ parimiṣṭaṃ ca nirliptaṃ nirguṇaṃ param
Sanskrit only: no published translation is held for this verse.
साक्षिणं कर्मणाम् एव ब्रह्म ज्योतिः सनातनम् । प्रययौ पुरतो रम्यं राज-मार्गं ददर्श सः
sākṣiṇaṃ karmaṇām eva brahma jyotiḥ sanātanam / prayayau purato ramyaṃ rāja-mārgaṃ dadarśa saḥ
Sanskrit only: no published translation is held for this verse.
मणिभिः स्फटिकाकारैर् अमलैर् बहु-मूल्यकैः । परिष्कृतं च सर्वत्र निर्मितं विश्व-कर्मणा
maṇibhiḥ sphaṭikākārair amalair bahu-mūlyakaiḥ / pariṣkṛtaṃ ca sarvatra nirmitaṃ viśva-karmaṇā
Sanskrit only: no published translation is held for this verse.
सतां पुण्यवतां दृष्टम् अदृष्टं कृत-पापिनाम् । धनुः शतं परिमितं चित्र-राजि-विराजितम्
satāṃ puṇyavatāṃ dṛṣṭam adṛṣṭaṃ kṛta-pāpinām / dhanuḥ śataṃ parimitaṃ citra-rāji-virājitam
Sanskrit only: no published translation is held for this verse.
दध्यं सर्वाश्रमान्तं च प्रख्यात् कोटि-गुणोत्तरम् । रथं ददर्श पुरतो मनोयायि मनोहरम्
dadhyaṃ sarvāśramāntaṃ ca prakhyāt koṭi-guṇottaram / rathaṃ dadarśa purato manoyāyi manoharam
Sanskrit only: no published translation is held for this verse.
अमूल्य-रत्न-निर्माण-विमाण-सार-सुन्दरम् । धनुर् लक्षं परिमितं परितो वर्तुलाकृतम्
amūlya-ratna-nirmāṇa-vimāṇa-sāra-sundaram / dhanur lakṣaṃ parimitaṃ parito vartulākṛtam
Sanskrit only: no published translation is held for this verse.
ऊर्ध्व-स्थितम् ऊर्ध्व-गं च सहस्र-चक्र-संयुतम् । धनुर् लक्षो ऽपि सूतं च वह्नि-शुद्धांशुकान्वितम्
ūrdhva-sthitam ūrdhva-gaṃ ca sahasra-cakra-saṃyutam / dhanur lakṣo 'pi sūtaṃ ca vahni-śuddhāṃśukānvitam
Sanskrit only: no published translation is held for this verse.
हीरासार-विनिर्माणं सुचारु-कलशोज्ज्वलम् । रत्न-प्रदीप-दीप्ताढ्यं रत्न-दर्पण-भूषितम्
hīrāsāra-vinirmāṇaṃ sucāru-kalaśojjvalam / ratna-pradīpa-dīptāḍhyaṃ ratna-darpaṇa-bhūṣitam
Sanskrit only: no published translation is held for this verse.
मुक्ताशुक्ति-निबद्धैश् च शोभितं श्वेत-चामरैः । माणिक्य-सार-हारेण मणि-राजैर् विराजितम्
muktāśukti-nibaddhaiś ca śobhitaṃ śveta-cāmaraiḥ / māṇikya-sāra-hāreṇa maṇi-rājair virājitam
Sanskrit only: no published translation is held for this verse.
पारिजाट-प्रसूतानां मायाजालैः परिष्कृतम् । ग्रीष्म-मध्याह्न-मार्तण्डं सहस्र-सदृशोज्ज्वलम्
pārijāṭa-prasūtānāṃ māyājālaiḥ pariṣkṛtam / grīṣma-madhyāhna-mārtaṇḍaṃ sahasra-sadṛśojjvalam
Sanskrit only: no published translation is held for this verse.
ईश्वरेच्छा-विनिर्माणं काम-पुरं च कामिनाम् । सर्व-भोग-समाविष्टं कल्प-वृक्ष-परं वरम्
īśvarecchā-vinirmāṇaṃ kāma-puraṃ ca kāminām / sarva-bhoga-samāviṣṭaṃ kalpa-vṛkṣa-paraṃ varam
Sanskrit only: no published translation is held for this verse.
ससक्त-चित्रितै रम्यै रति-मन्दिर-सुन्दरैः । गोलोकाद् आगतं पूर्वं क्रीडार्थं शङ्करस्य च
sasakta-citritai ramyai rati-mandira-sundaraiḥ / golokād āgataṃ pūrvaṃ krīḍārthaṃ śaṅkarasya ca
Sanskrit only: no published translation is held for this verse.
विवाहे परिनिष्पन्ने पार्वती-परमेशयोः । रथं दृष्ट्वा च प्रययौ कियद् दूरं महा-मुनिः
vivāhe pariniṣpanne pārvatī-parameśayoḥ / rathaṃ dṛṣṭvā ca prayayau kiyad dūraṃ mahā-muniḥ
Sanskrit only: no published translation is held for this verse.
अतीव रम्यं रुचिरं ददर्श शङ्कराश्रमम् । रत्नेन्द्र-सार-निर्माणं शिविरैः शत-कोटिभिः
atīva ramyaṃ ruciraṃ dadarśa śaṅkarāśramam / ratnendra-sāra-nirmāṇaṃ śiviraiḥ śata-koṭibhiḥ
Sanskrit only: no published translation is held for this verse.
मितैस् तस्मात् शत-गुणैस् तत्र सुन्दर-मन्दिरैः । युक्तं रत्न-कपाटैश् च रत्न-धातु-विचित्रितैः
mitais tasmāt śata-guṇais tatra sundara-mandiraiḥ / yuktaṃ ratna-kapāṭaiś ca ratna-dhātu-vicitritaiḥ
Sanskrit only: no published translation is held for this verse.
परम-स्तम्भ-सोपानैर् वज्र-मिश्रैर् विभूषितम् । ददर्श शिविरं शम्भोः परिखाभिस् त्रिभिर् युतम्
parama-stambha-sopānair vajra-miśrair vibhūṣitam / dadarśa śiviraṃ śambhoḥ parikhābhis tribhir yutam
Sanskrit only: no published translation is held for this verse.
दुर्लघ्याभिरा-मित्राणां सुगम्याभिः सताम् अहो । प्रकारैश् च त्रिभिर् युक्तं धनुर् लक्षोच्छ्रितं सुत
durlaghyābhirā-mitrāṇāṃ sugamyābhiḥ satām aho / prakāraiś ca tribhir yuktaṃ dhanur lakṣocchritaṃ suta
Sanskrit only: no published translation is held for this verse.
सम्मितं सप्तभिर् द्वारैर् नाना-रक्षक-रक्षितैः । धनुः-शत-सहस्रं च चतुरस्रं च सम्मितम्
sammitaṃ saptabhir dvārair nānā-rakṣaka-rakṣitaiḥ / dhanuḥ-śata-sahasraṃ ca caturasraṃ ca sammitam
Sanskrit only: no published translation is held for this verse.
अमूल्य-रत्न-निर्माणं चतुः-शाला-शतैर् युतम् । अतीव रम्यं पुरतो पुर-द्वारं ददर्श सः
amūlya-ratna-nirmāṇaṃ catuḥ-śālā-śatair yutam / atīva ramyaṃ purato pura-dvāraṃ dadarśa saḥ
Sanskrit only: no published translation is held for this verse.
पुरतो रत्न-भित्तौ च कृत्रिमं च सुशोभितम् । पुण्यं वृन्दावनं रम्यं तन्-मध्ये रास-मण्डलम्
purato ratna-bhittau ca kṛtrimaṃ ca suśobhitam / puṇyaṃ vṛndāvanaṃ ramyaṃ tan-madhye rāsa-maṇḍalam
Sanskrit only: no published translation is held for this verse.
सर्वत्र राधा-कृष्णं च प्रत्येकं रति-मन्दिरे । रम्यं कुञ्ज-कुटीराणां सहस्रं सुमनोहरम्
sarvatra rādhā-kṛṣṇaṃ ca pratyekaṃ rati-mandire / ramyaṃ kuñja-kuṭīrāṇāṃ sahasraṃ sumanoharam
Sanskrit only: no published translation is held for this verse.
सुगन्धि पुष्प-शय्यानां सहस्रं चन्दनोक्षितम् । द्वार-पालं च तत्रैव मणि-भद्रं भयंकरम्
sugandhi puṣpa-śayyānāṃ sahasraṃ candanokṣitam / dvāra-pālaṃ ca tatraiva maṇi-bhadraṃ bhayaṃkaram
Sanskrit only: no published translation is held for this verse.
त्रि-शूल-पट्टिश-धरं व्याघ्र-चर्माम्बरं परम् । तं संभाष्य विलोक्यैवं द्वितीय-द्वारम् ईप्सितम्
tri-śūla-paṭṭiśa-dharaṃ vyāghra-carmāmbaraṃ param / taṃ saṃbhāṣya vilokyaivaṃ dvitīya-dvāram īpsitam
Sanskrit only: no published translation is held for this verse.
जगाम च मुनि-श्रेष्ठो ददर्श चित्रम् उत्तमम् । कदम्बानां समूहं च तन्-मूलं च मनोहरम्
jagāma ca muni-śreṣṭho dadarśa citram uttamam / kadambānāṃ samūhaṃ ca tan-mūlaṃ ca manoharam
Sanskrit only: no published translation is held for this verse.
रत्न-भित्ति-समायुक्तं कालिन्दी-कूलम् उत्तमम् । स्नातं गोपी-समूहं च नग्न-सर्वाङ्गम् अद्भुतम्
ratna-bhitti-samāyuktaṃ kālindī-kūlam uttamam / snātaṃ gopī-samūhaṃ ca nagna-sarvāṅgam adbhutam
Sanskrit only: no published translation is held for this verse.
कदम्बाग्रे च श्री-कृष्णं वस्त्र-पुञ्ज-करं परम् । तत्रैव शूल-हस्तं च महा-कालं ददर्श च
kadambāgre ca śrī-kṛṣṇaṃ vastra-puñja-karaṃ param / tatraiva śūla-hastaṃ ca mahā-kālaṃ dadarśa ca
Sanskrit only: no published translation is held for this verse.
कृपालुं द्वार-पालं तं संभाष्य नारदो मुनिः । प्रययौ शीघ्र-गामी स तृतीय-द्वारम् उत्तमम्
kṛpāluṃ dvāra-pālaṃ taṃ saṃbhāṣya nārado muniḥ / prayayau śīghra-gāmī sa tṛtīya-dvāram uttamam
Sanskrit only: no published translation is held for this verse.
ददर्श तत्र पुरतः कृत्रिमं वट-मूलकम् । गोपानां च समूहं च पीतम्बर-धरं परम्
dadarśa tatra purataḥ kṛtrimaṃ vaṭa-mūlakam / gopānāṃ ca samūhaṃ ca pītambara-dharaṃ param
Sanskrit only: no published translation is held for this verse.
बाल-क्रीडां च कुर्वन्तं तन्-मध्ये कृष्णम् उत्तमम् । ब्राह्मणीभिः प्रदत्तम् च भुक्तवन्तं सुपायसम्
bāla-krīḍāṃ ca kurvantaṃ tan-madhye kṛṣṇam uttamam / brāhmaṇībhiḥ pradattam ca bhuktavantaṃ supāyasam
Sanskrit only: no published translation is held for this verse.
कुर्वन्तं च समाधानं मुनेः वाम-करेण च । गृहीत्वा तद्-अनुज्ञां च चतुर्थं द्वारम् ईप्सितम्
kurvantaṃ ca samādhānaṃ muneḥ vāma-kareṇa ca / gṛhītvā tad-anujñāṃ ca caturthaṃ dvāram īpsitam
Sanskrit only: no published translation is held for this verse.
प्रययौ ब्रह्म-पुत्रश् च ददर्श चित्रम् उत्तमम् । गोवर्धनं पर्वतं च तत्र कृष्ण-कर-स्थितम्
prayayau brahma-putraś ca dadarśa citram uttamam / govardhanaṃ parvataṃ ca tatra kṛṣṇa-kara-sthitam
Sanskrit only: no published translation is held for this verse.
गोकुलं गोकुल-स्थानां गोपीनां चैव रक्षणम् । व्याकुलं गोकुलं भीतं शक्र-वृष्टि-भयेन च
gokulaṃ gokula-sthānāṃ gopīnāṃ caiva rakṣaṇam / vyākulaṃ gokulaṃ bhītaṃ śakra-vṛṣṭi-bhayena ca
Sanskrit only: no published translation is held for this verse.
अभयं दत्तवन्तं च कृष्णं दक्ष-करेण च । नन्दिनं द्वार-पालं च शूल-हस्तं च सस्मितम्
abhayaṃ dattavantaṃ ca kṛṣṇaṃ dakṣa-kareṇa ca / nandinaṃ dvāra-pālaṃ ca śūla-hastaṃ ca sasmitam
Sanskrit only: no published translation is held for this verse.
विलोक्य प्रययौ विप्रः पञ्चमं द्वाऋअम् उत्तमम् । नाना-कृतिम-चित्राढ्यं वीर-भद्रान्वितं परम्
vilokya prayayau vipraḥ pañcamaṃ dvāṛam uttamam / nānā-kṛtima-citrāḍhyaṃ vīra-bhadrānvitaṃ param
Sanskrit only: no published translation is held for this verse.
तत्रैव नीप-मूलं च यमुनाकुलम् एव च । कालीय-दमनं तत्र कृतिमं च ददर्श ःअ
tatraiva nīpa-mūlaṃ ca yamunākulam eva ca / kālīya-damanaṃ tatra kṛtimaṃ ca dadarśa ḥa
Sanskrit only: no published translation is held for this verse.
तद् दृष्ट्वा सस्मितस् तुष्टः षष्ट-द्वाऋअं जगाम सः । द्वारे नियुक्तं बालं च शूल-हस्तं चतुर्-भुजम्
tad dṛṣṭvā sasmitas tuṣṭaḥ ṣaṣṭa-dvāṛaṃ jagāma saḥ / dvāre niyuktaṃ bālaṃ ca śūla-hastaṃ catur-bhujam
Sanskrit only: no published translation is held for this verse.
रत्न-सिंहासन-स्थं च सस्मितं स्व-गणाधिपम् । ददर्श चित्रं तत्रैव मथुरा-गमनं हरेः
ratna-siṃhāsana-sthaṃ ca sasmitaṃ sva-gaṇādhipam / dadarśa citraṃ tatraiva mathurā-gamanaṃ hareḥ
Sanskrit only: no published translation is held for this verse.
अक्रूरं च तथा नन्दं निरानन्दं शुचाकुलम् । तद् दृष्ट्वा सप्तम-द्वारं द्वार-पालं ददर्श सः
akrūraṃ ca tathā nandaṃ nirānandaṃ śucākulam / tad dṛṣṭvā saptama-dvāraṃ dvāra-pālaṃ dadarśa saḥ
Sanskrit only: no published translation is held for this verse.
चित्रं कौतुक-युक्तं च मथुरायाः प्रवेशनम् । सबलं गोप-सहितं श्री-कृष्णं प्रकृतेः परम्
citraṃ kautuka-yuktaṃ ca mathurāyāḥ praveśanam / sabalaṃ gopa-sahitaṃ śrī-kṛṣṇaṃ prakṛteḥ param
Sanskrit only: no published translation is held for this verse.
मथुरा-नागरीभिश् च बालकैर् वानिरर्गलैः । वीक्षन्तं सादरं सर्वैर् नगर-स्थैर् मनोहरम्
mathurā-nāgarībhiś ca bālakair vānirargalaiḥ / vīkṣantaṃ sādaraṃ sarvair nagara-sthair manoharam
Sanskrit only: no published translation is held for this verse.
धनुर् भङ्गं तथा शंभोः कंसादि-निधनादिकम् । सभार्यं वसुदेवं च निगडान् मुक्तम् ईप्सितम्
dhanur bhaṅgaṃ tathā śaṃbhoḥ kaṃsādi-nidhanādikam / sabhāryaṃ vasudevaṃ ca nigaḍān muktam īpsitam
Sanskrit only: no published translation is held for this verse.
द्वारे नियुक्तं देवेशं गणेशं गण-संयुतम् । ध्यान-स्थं च विभान्तं च शुद्ध-स्फटिक-मालया
dvāre niyuktaṃ deveśaṃ gaṇeśaṃ gaṇa-saṃyutam / dhyāna-sthaṃ ca vibhāntaṃ ca śuddha-sphaṭika-mālayā
Sanskrit only: no published translation is held for this verse.
जपन्तं परमं शुद्धं ब्रह्म-ज्योतिः सनातनम् । निर्लिप्तं निर्गुणं कृष्णं परमं प्रकृतेः परम्
japantaṃ paramaṃ śuddhaṃ brahma-jyotiḥ sanātanam / nirliptaṃ nirguṇaṃ kṛṣṇaṃ paramaṃ prakṛteḥ param
Sanskrit only: no published translation is held for this verse.
दृष्ट्वा तं च सुर-श्रेष्ठं मुनि-श्रेष्ठो ऽपि नारदः । साम-वेदोक्त-स्तोत्रेण पुष्टाव परमेश्वरम् । साश्रु-नेत्रः पुलकितो भक्ति-नम्रात्मकंधरः
dṛṣṭvā taṃ ca sura-śreṣṭhaṃ muni-śreṣṭho 'pi nāradaḥ / sāma-vedokta-stotreṇa puṣṭāva parameśvaram / sāśru-netraḥ pulakito bhakti-namrātmakaṃdharaḥ
Sanskrit only: no published translation is held for this verse.
अथ गणपति-स्तोत्रम् भो गणेश सुर-श्रेष्ठ लम्बोदर परात् पर । हेरम्ब मङ्गलारम्भ गज-वक्त्र त्रि-लोचन
atha gaṇapati-stotram bho gaṇeśa sura-śreṣṭha lambodara parāt para / heramba maṅgalārambha gaja-vaktra tri-locana
Sanskrit only: no published translation is held for this verse.
मुक्तिद शुभद श्रीद श्रीधर-स्मरणे रत । परमानन्द परम पार्वती-नन्दन स्वयम्
muktida śubhada śrīda śrīdhara-smaraṇe rata / paramānanda parama pārvatī-nandana svayam
Sanskrit only: no published translation is held for this verse.
सर्वत्र पूज्य सर्वेश जगत्-पूज्य महा-मते । जगद्-गुरो जगन्-नाथ जगद्-ईश नमो ऽस्तु ते
sarvatra pūjya sarveśa jagat-pūjya mahā-mate / jagad-guro jagan-nātha jagad-īśa namo 'stu te
Sanskrit only: no published translation is held for this verse.
यत्-पूजा सर्व-परतो यः स्तुतः सर्व-योगिभिः । यः पूजितः सुरेन्द्रैश् च मुनीन्द्रैस् तं नमाम्य् अहम्
yat-pūjā sarva-parato yaḥ stutaḥ sarva-yogibhiḥ / yaḥ pūjitaḥ surendraiś ca munīndrais taṃ namāmy aham
Sanskrit only: no published translation is held for this verse.
परमाराधनेनैव कृष्णस्य परमात्मनः । पुण्यकेन व्रतेनैव यं प्राप पार्वती सती
paramārādhanenaiva kṛṣṇasya paramātmanaḥ / puṇyakena vratenaiva yaṃ prāpa pārvatī satī
Sanskrit only: no published translation is held for this verse.
तं नमामि सुर-श्रेष्ठं सर्व-श्रेष्ठं गरिष्ठकम् । ज्ञानि-श्रेष्ठं वरिष्ठं च तं नमामि गणेश्वरम्
taṃ namāmi sura-śreṣṭhaṃ sarva-śreṣṭhaṃ gariṣṭhakam / jñāni-śreṣṭhaṃ variṣṭhaṃ ca taṃ namāmi gaṇeśvaram
Sanskrit only: no published translation is held for this verse.
इत्य् एवम् उक्त्वा देवर्षिस् तत्रैवान्तर् दधे विभुः । नारदः प्रययौ शीघ्रम् ईश्वराभ्यन्तरं मुदा
ity evam uktvā devarṣis tatraivāntar dadhe vibhuḥ / nāradaḥ prayayau śīghram īśvarābhyantaraṃ mudā
Sanskrit only: no published translation is held for this verse.
इदं लम्बोदर-स्तोत्रं नारदेन कृतं पुरा । पूजा-काले पठेन् नित्यं जयस् तस्य पदे पदे
idaṃ lambodara-stotraṃ nāradena kṛtaṃ purā / pūjā-kāle paṭhen nityaṃ jayas tasya pade pade
Sanskrit only: no published translation is held for this verse.
संकल्पितं पठेद् यो हि वर्षम् एकं सुसंयतः । विशिष्ट-पुत्रं लभते परं कृष्ण-परायणम्
saṃkalpitaṃ paṭhed yo hi varṣam ekaṃ susaṃyataḥ / viśiṣṭa-putraṃ labhate paraṃ kṛṣṇa-parāyaṇam
Sanskrit only: no published translation is held for this verse.
यशस्विनं च विद्वांसं धनिनं चिर-जीविनम् । विघ्न-नाशो भवेत् तस्य महैश्वर्यं यशो ऽमलम् । इहैव च सुखं भक्त्यान्ते याति हरेः पदम्
yaśasvinaṃ ca vidvāṃsaṃ dhaninaṃ cira-jīvinam / vighna-nāśo bhavet tasya mahaiśvaryaṃ yaśo 'malam / ihaiva ca sukhaṃ bhaktyānte yāti hareḥ padam
Sanskrit only: no published translation is held for this verse.