इति श्री-नारद-पञ्च-रात्रे ज्ञानामृत-सारे प्रथमैक-रात्रे गणपति-स्तोत्रं नाम सप्तमो ऽध्यायः प्रथमैक-रात्रे अष्टमो ऽध्यायः श्री-व्यास उवाच अथ चाभ्यन्तरं गत्वा नारदो हृष्ट-मानसः । ददर्श स्वाश्रमं रम्यम् अतीव सुमनोहरम्
iti śrī-nārada-pañca-rātre jñānāmṛta-sāre prathamaika-rātre gaṇapati-stotraṃ nāma saptamo 'dhyāyaḥ prathamaika-rātre aṣṭamo 'dhyāyaḥ śrī-vyāsa uvāca atha cābhyantaraṃ gatvā nārado hṛṣṭa-mānasaḥ / dadarśa svāśramaṃ ramyam atīva sumanoharam
Sanskrit only: no published translation is held for this verse.
पयः फेन-निभ-शय्या-सहितं रत्न-मन्दिरम् । साक्षाद् गोरोचनाभैश् च मणि-स्तम्भैर् विभूषितम्
payaḥ phena-nibha-śayyā-sahitaṃ ratna-mandiram / sākṣād gorocanābhaiś ca maṇi-stambhair vibhūṣitam
Sanskrit only: no published translation is held for this verse.
मणीन्द्र-सारसोपानैः कपाटैश् च परिष्कृतम् । मुक्तामाणिक्य-हीराणां माला-राजि-विराजितम्
maṇīndra-sārasopānaiḥ kapāṭaiś ca pariṣkṛtam / muktāmāṇikya-hīrāṇāṃ mālā-rāji-virājitam
Sanskrit only: no published translation is held for this verse.
शुद्ध-स्फटिक-संकाशं प्राङ्गणं मणि-संस्कृतम् । सुन्दरं मन्दिर-चयं सद्-रत्न-कलशोज्ज्वलम्
śuddha-sphaṭika-saṃkāśaṃ prāṅgaṇaṃ maṇi-saṃskṛtam / sundaraṃ mandira-cayaṃ sad-ratna-kalaśojjvalam
Sanskrit only: no published translation is held for this verse.
रत्न-पत्र-पटाकीर्णं वह्नि-शुद्धांशुकान्वितम् । सुधानां च मधूनाम् च पूर्ण-कुम्भकं शतं शतम्
ratna-patra-paṭākīrṇaṃ vahni-śuddhāṃśukānvitam / sudhānāṃ ca madhūnām ca pūrṇa-kumbhakaṃ śataṃ śatam
Sanskrit only: no published translation is held for this verse.
दास-दासी-समूहैश् च रत्नालङ्कार-भूषितैः । पार्वती-प्रिय-सङ्गैश् च स्व-कर्माकुल-सङ्कल्पम्
dāsa-dāsī-samūhaiś ca ratnālaṅkāra-bhūṣitaiḥ / pārvatī-priya-saṅgaiś ca sva-karmākula-saṅkalpam
Sanskrit only: no published translation is held for this verse.
तद् दृष्ट्वा च मुनि-श्रेष्ठस् तत् पराभ्यन्तरं ययौ । रत्न-सिंहासन-स्थं च शङ्करं च ददर्श सः
tad dṛṣṭvā ca muni-śreṣṭhas tat parābhyantaraṃ yayau / ratna-siṃhāsana-sthaṃ ca śaṅkaraṃ ca dadarśa saḥ
Sanskrit only: no published translation is held for this verse.
व्याघ्र-चर्माम्बर-धरं सस्मितं चन्द्र-शेखरम् । प्रसन्न-वदनं स्वच्छं शान्तं श्रीमन्तम् ईश्वरम्
vyāghra-carmāmbara-dharaṃ sasmitaṃ candra-śekharam / prasanna-vadanaṃ svacchaṃ śāntaṃ śrīmantam īśvaram
Sanskrit only: no published translation is held for this verse.
विभूति-भूषिताङ्गं च परं गङ्गा-जटा-धरम् । भक्त-प्रियं च भक्तेशं ज्वलन्तं ब्रह्म-तेजसा
vibhūti-bhūṣitāṅgaṃ ca paraṃ gaṅgā-jaṭā-dharam / bhakta-priyaṃ ca bhakteśaṃ jvalantaṃ brahma-tejasā
Sanskrit only: no published translation is held for this verse.
त्रि-नेत्रं पञ्च-वक्त्रं च कोटि-चन्द्र-सम-प्रभम् । जपन्तं परमात्मानं ब्रह्म ज्योतिः सनातनम्
tri-netraṃ pañca-vaktraṃ ca koṭi-candra-sama-prabham / japantaṃ paramātmānaṃ brahma jyotiḥ sanātanam
Sanskrit only: no published translation is held for this verse.
निर्लिप्तं च निरीहं च दातारं सर्व-सम्पदाम् । स्वेच्छा-मयं सर्व-बीजं श्री-कृष्णं प्रकृतेः परं
nirliptaṃ ca nirīhaṃ ca dātāraṃ sarva-sampadām / svecchā-mayaṃ sarva-bījaṃ śrī-kṛṣṇaṃ prakṛteḥ paraṃ
Sanskrit only: no published translation is held for this verse.
सिद्धेन्द्रैश् च मुनीन्द्रैश् च देवेन्द्रैः परिसेवितम् । पार्श्वद-प्रवर-श्रेष्ठ-सेवितं श्वेत-चामरैः
siddhendraiś ca munīndraiś ca devendraiḥ parisevitam / pārśvada-pravara-śreṣṭha-sevitaṃ śveta-cāmaraiḥ
Sanskrit only: no published translation is held for this verse.
दुर्गा-सेवित-पादाब्जं भद्र-काली-परिष्टुतम् । पुरतो हि वसन्तं तं स्कन्दं गण-पतीम् तथा
durgā-sevita-pādābjaṃ bhadra-kālī-pariṣṭutam / purato hi vasantaṃ taṃ skandaṃ gaṇa-patīm tathā
Sanskrit only: no published translation is held for this verse.
गले बद्ध्वा च वसनं भक्ति-नम्रात्मकंधरः । योगीन्द्रं स्व-गुरुं शंभुं शिरसा प्रणनाम सः
gale baddhvā ca vasanaṃ bhakti-namrātmakaṃdharaḥ / yogīndraṃ sva-guruṃ śaṃbhuṃ śirasā praṇanāma saḥ
Sanskrit only: no published translation is held for this verse.
तुष्टाव परया भक्त्या देवर्षिर् जगतां पतिम् । स्व-गुरुं च पशु-पतिं वेदोक्तेन स्तवेन च
tuṣṭāva parayā bhaktyā devarṣir jagatāṃ patim / sva-guruṃ ca paśu-patiṃ vedoktena stavena ca
Sanskrit only: no published translation is held for this verse.
श्री-नारद उवाच नमस् तुभ्यं जगन्-नाथ मम नाथ मम प्रभो । भव-रूप-तरोर् बीज फल-रूप फल-प्रद
śrī-nārada uvāca namas tubhyaṃ jagan-nātha mama nātha mama prabho / bhava-rūpa-taror bīja phala-rūpa phala-prada
Sanskrit only: no published translation is held for this verse.
अबीजज प्रज प्राज सर्व-बीज नमो ऽस्तु ते । सद्-भाव परमाभाव विभाव भावनाश्रय
abījaja praja prāja sarva-bīja namo 'stu te / sad-bhāva paramābhāva vibhāva bhāvanāśraya
Sanskrit only: no published translation is held for this verse.
भवेश भव-बन्धेश भावाब्धिनाविनायक । सर्वाधार निराधार साधार धरणी-धर
bhaveśa bhava-bandheśa bhāvābdhināvināyaka / sarvādhāra nirādhāra sādhāra dharaṇī-dhara
Sanskrit only: no published translation is held for this verse.
वेद-विद्याधाराधार गङाधर नमो ऽस्तु ते । जयेश विजयाधार जय-बीज जयात्मक
veda-vidyādhārādhāra gaṅādhara namo 'stu te / jayeśa vijayādhāra jaya-bīja jayātmaka
Sanskrit only: no published translation is held for this verse.
जगद्-आदे जयानन्द सर्वानन्द नमो ऽस्तु ते। इत्य् एवम् उक्त्वा देवर्षिः शम्भोश् च पुरतः स्थितः । प्रसन्न-वदनः श्रीमान् भगवांस् तम् उवाच सः
jagad-āde jayānanda sarvānanda namo 'stu te/ ity evam uktvā devarṣiḥ śambhoś ca purataḥ sthitaḥ / prasanna-vadanaḥ śrīmān bhagavāṃs tam uvāca saḥ
Sanskrit only: no published translation is held for this verse.
श्री-महा-देव उवाच वरं वृणु महा-भाग यत् ते मनसि वर्तते । दास्यामि त्वां ध्रुवं पुत्र दाताहं सर्व-संपदाम्
śrī-mahā-deva uvāca varaṃ vṛṇu mahā-bhāga yat te manasi vartate / dāsyāmi tvāṃ dhruvaṃ putra dātāhaṃ sarva-saṃpadām
Sanskrit only: no published translation is held for this verse.
सुखं मुक्तिं हरेर् भक्तिं निश्चलाम् अविनाशिनीम् । हरेः पादं तद्-दास्यं सालोक्यादि-चतुष्टयम्
sukhaṃ muktiṃ harer bhaktiṃ niścalām avināśinīm / hareḥ pādaṃ tad-dāsyaṃ sālokyādi-catuṣṭayam
Sanskrit only: no published translation is held for this verse.
इन्द्रत्वम् अमरत्वं वा यमत्वम् अनिलेश्वरम् । प्रजा-पतित्वं ब्रह्मत्वं सिद्धत्वं सिद्ध-साधनम्
indratvam amaratvaṃ vā yamatvam anileśvaram / prajā-patitvaṃ brahmatvaṃ siddhatvaṃ siddha-sādhanam
Sanskrit only: no published translation is held for this verse.
सिद्धैश्वर्यं सिद्धि-बीजं वेद-विद्याधिपं परम् । अणिमादिक-सिद्धिं च मनो-यायित्वम् ईप्सितम्
siddhaiśvaryaṃ siddhi-bījaṃ veda-vidyādhipaṃ param / aṇimādika-siddhiṃ ca mano-yāyitvam īpsitam
Sanskrit only: no published translation is held for this verse.
हरेः पदं च गमनं स-शरीरेण लीलया । एतेषु वाञ्छितार्थेषु किं वा ते वाञ्छितं सुत
hareḥ padaṃ ca gamanaṃ sa-śarīreṇa līlayā / eteṣu vāñchitārtheṣu kiṃ vā te vāñchitaṃ suta
Sanskrit only: no published translation is held for this verse.
तन् मे ब्रूहि मुनि-श्रेष्ठ सर्वं दातुम् अहं क्षमः । शङ्करस्य वचः श्रुत्वा तम् उवाच महा-मुनिः
tan me brūhi muni-śreṣṭha sarvaṃ dātum ahaṃ kṣamaḥ / śaṅkarasya vacaḥ śrutvā tam uvāca mahā-muniḥ
Sanskrit only: no published translation is held for this verse.
श्री-नारद उवाच देहि मे हरि-भक्तिं च तन्-नाम-सेवने रुचिः । अति-तृष्णा गुणाख्याने नित्यम् अस्तु ममेश्वर
śrī-nārada uvāca dehi me hari-bhaktiṃ ca tan-nāma-sevane ruciḥ / ati-tṛṣṇā guṇākhyāne nityam astu mameśvara
Sanskrit only: no published translation is held for this verse.
नारदस्य वचः श्रुत्वा जहास शङ्करः स्वयम् । पार्वती भद्र-काली च कार्त्तिकेयो गणेश्वरः
nāradasya vacaḥ śrutvā jahāsa śaṅkaraḥ svayam / pārvatī bhadra-kālī ca kārttikeyo gaṇeśvaraḥ
Sanskrit only: no published translation is held for this verse.
सर्वं ददौ महा-देवो नारदाय च धीमते । सर्व-प्रदस् तु सर्वेशः सर्व-कारण-कारणः
sarvaṃ dadau mahā-devo nāradāya ca dhīmate / sarva-pradas tu sarveśaḥ sarva-kāraṇa-kāraṇaḥ
Sanskrit only: no published translation is held for this verse.
नारदेन कृतं स्तोत्रं नित्यं यः प्रपठेत् शुचिः । हरि-भक्तिर् भवेत् तस्य तन्-नाम्नि गुणतो रुचिः
nāradena kṛtaṃ stotraṃ nityaṃ yaḥ prapaṭhet śuciḥ / hari-bhaktir bhavet tasya tan-nāmni guṇato ruciḥ
Sanskrit only: no published translation is held for this verse.
दश-वार-जपेनैव स्तोत्र-सिद्धिर् भवेन् नृणाम् । सर्व-सिद्धिर् भवेत् तस्य सिद्ध-स्तोत्रो भवेद् यदि
daśa-vāra-japenaiva stotra-siddhir bhaven nṛṇām / sarva-siddhir bhavet tasya siddha-stotro bhaved yadi
Sanskrit only: no published translation is held for this verse.
इह प्राप्नोति लक्ष्मीं च निश्चलां लक्ष-पौरुषीम् । परि-पूर्णम् अहैश्वर्यम् अन्ते याति हरेः पदम्
iha prāpnoti lakṣmīṃ ca niścalāṃ lakṣa-pauruṣīm / pari-pūrṇam ahaiśvaryam ante yāti hareḥ padam
Sanskrit only: no published translation is held for this verse.
पुत्रं विशिष्टं लभते हरि-भक्तं जितेन्द्रियम् । सुसाध्यां सुविनीतां सुव्रतां च पति-व्रताम्
putraṃ viśiṣṭaṃ labhate hari-bhaktaṃ jitendriyam / susādhyāṃ suvinītāṃ suvratāṃ ca pati-vratām
Sanskrit only: no published translation is held for this verse.
प्रजां भूमिं यशः कीर्तिं विद्यां स-कवितां लभेत् । प्रसूयते महा-बन्ध्या वर्षम् एकं शृणोति चेत्
prajāṃ bhūmiṃ yaśaḥ kīrtiṃ vidyāṃ sa-kavitāṃ labhet / prasūyate mahā-bandhyā varṣam ekaṃ śṛṇoti cet
Sanskrit only: no published translation is held for this verse.
गलत्-कुष्ठी महा-रोगी सद्यो रोगात् प्रमुच्यते । धनी महा-दरिद्रश् च कृपणः सत्यवान् भवेत् । विप्रद्-ग्रस्तो राज-बद्धो मुच्यते नात्र संशयः
galat-kuṣṭhī mahā-rogī sadyo rogāt pramucyate / dhanī mahā-daridraś ca kṛpaṇaḥ satyavān bhavet / viprad-grasto rāja-baddho mucyate nātra saṃśayaḥ
Sanskrit only: no published translation is held for this verse.