Kurma-Purana 1.17

इति श्रीकूर्मपुराणे षट्साहस्त्र्यां संहितायां पूर्वविभागे षोडशो ऽध्याय बलेः पुत्रशतं त्वासीन्महाबलपराक्रमम् । तेषां प्रधानो द्युतिमान् बाणो नाम महाबलः

iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge ṣoḍaśo 'dhyāya baleḥ putraśataṃ tvāsīnmahābalaparākramam / teṣāṃ pradhāno dyutimān bāṇo nāma mahābalaḥ

Sanskrit only: no published translation is held for this verse.

सो ऽतीव शङ्करे भक्तो राजा राज्यमपालयत् । त्रैलोक्यं वशमानीय बाधयामास वासवम्

so 'tīva śaṅkare bhakto rājā rājyamapālayat / trailokyaṃ vaśamānīya bādhayāmāsa vāsavam

Sanskrit only: no published translation is held for this verse.

ततः शक्रादयो देवा गत्वोचुः कृत्तिवाससम् । त्वदीयो बाधते ह्यस्मान् बाणो नाम महासुरः

tataḥ śakrādayo devā gatvocuḥ kṛttivāsasam / tvadīyo bādhate hyasmān bāṇo nāma mahāsuraḥ

Sanskrit only: no published translation is held for this verse.

व्याहृतो दैवदैः सर्वैर्देवदेवो महेश्वरः । ददाह बाणस्य पुरं शरेणैकेन लीलया

vyāhṛto daivadaiḥ sarvairdevadevo maheśvaraḥ / dadāha bāṇasya puraṃ śareṇaikena līlayā

Sanskrit only: no published translation is held for this verse.

दह्यमाने पुरे तस्मिन् बाणो रुद्रं त्रिशूलिनम् । ययौ शरणमीशानं गोपतिं नीललोहितम्

dahyamāne pure tasmin bāṇo rudraṃ triśūlinam / yayau śaraṇamīśānaṃ gopatiṃ nīlalohitam

Sanskrit only: no published translation is held for this verse.

मूर्धन्याधाय तल्लिङ्गं शांभवं भीतवर्जितः । निर्गत्य तु पुरात् तस्मात् तुष्टाव परमेश्वरम्

mūrdhanyādhāya talliṅgaṃ śāṃbhavaṃ bhītavarjitaḥ / nirgatya tu purāt tasmāt tuṣṭāva parameśvaram

Sanskrit only: no published translation is held for this verse.

संस्तुतो भगवानीशः शङ्करो नीललोहितः । गाणपत्येन बाणं तं योजयामास भावतः

saṃstuto bhagavānīśaḥ śaṅkaro nīlalohitaḥ / gāṇapatyena bāṇaṃ taṃ yojayāmāsa bhāvataḥ

Sanskrit only: no published translation is held for this verse.

अथाभवन् दनोः पुत्रास्ताराद्या ह्यतिभीषणाः । तारस्तथा शम्बरश्च कपिलः शङ्करस्तथा । स्वर्भानुर्वृषपर्वा च प्राधान्येन प्रकीर्तिताः

athābhavan danoḥ putrāstārādyā hyatibhīṣaṇāḥ / tārastathā śambaraśca kapilaḥ śaṅkarastathā / svarbhānurvṛṣaparvā ca prādhānyena prakīrtitāḥ

Sanskrit only: no published translation is held for this verse.

सुरसायाः सहस्त्रं तु सर्पाणामभवद् द्विजाः । अनेकशिरसां तद्वत् खेचराणां महात्मनाम्

surasāyāḥ sahastraṃ tu sarpāṇāmabhavad dvijāḥ / anekaśirasāṃ tadvat khecarāṇāṃ mahātmanām

Sanskrit only: no published translation is held for this verse.

अरिष्टा जनयामास गन्धर्वाणां सहस्त्रकम् । अनन्ताद्या महानागाः काद्रवेयाः प्रकीर्तिताः

ariṣṭā janayāmāsa gandharvāṇāṃ sahastrakam / anantādyā mahānāgāḥ kādraveyāḥ prakīrtitāḥ

Sanskrit only: no published translation is held for this verse.

ताम्रा च जनयामास षट् कन्या द्विजपुङ्गवाः । शुकीं श्येनीं च भासीं च सुग्रीवाङ्गृध्रिकां शुचिम्

tāmrā ca janayāmāsa ṣaṭ kanyā dvijapuṅgavāḥ / śukīṃ śyenīṃ ca bhāsīṃ ca sugrīvāṅgṛdhrikāṃ śucim

Sanskrit only: no published translation is held for this verse.

गास्तथा जनयामास सुरभिर्महिषीस्तथा । इरा वृक्षलतावल्लीस्तृणजातीश्च सर्वशः

gāstathā janayāmāsa surabhirmahiṣīstathā / irā vṛkṣalatāvallīstṛṇajātīśca sarvaśaḥ

Sanskrit only: no published translation is held for this verse.

खसा वै यक्षरक्षांसि मुनिरप्सरसस्तथा । रक्षोगणं क्रोधवशा जनयामास सत्तमाः

khasā vai yakṣarakṣāṃsi munirapsarasastathā / rakṣogaṇaṃ krodhavaśā janayāmāsa sattamāḥ

Sanskrit only: no published translation is held for this verse.

विनतायाश्च पुत्रौ द्वौ प्रख्यातौ गरुडारुणौ । तयोश्च गरुडो धीमान् तपस्तप्त्वा सुदुश्चरम् । प्रसादाच्छूनिलः प्राप्तो वाहनत्वं हरेः स्वयम्

vinatāyāśca putrau dvau prakhyātau garuḍāruṇau / tayośca garuḍo dhīmān tapastaptvā suduścaram / prasādācchūnilaḥ prāpto vāhanatvaṃ hareḥ svayam

Sanskrit only: no published translation is held for this verse.

आराध्य तपसा रुद्रं मह्देवं तथारुणः । सारथ्ये कल्पितः पूर्वं प्रीतेनार्कस्य शंभुना

ārādhya tapasā rudraṃ mahdevaṃ tathāruṇaḥ / sārathye kalpitaḥ pūrvaṃ prītenārkasya śaṃbhunā

Sanskrit only: no published translation is held for this verse.

एते कश्यपदायादाः कीर्तिताः स्थाणुजङ्गमाः । वैवस्वते ऽन्ते ह्यस्मिञ्छृण्वतां पापनाशनाः

ete kaśyapadāyādāḥ kīrtitāḥ sthāṇujaṅgamāḥ / vaivasvate 'nte hyasmiñchṛṇvatāṃ pāpanāśanāḥ

Sanskrit only: no published translation is held for this verse.

सप्तविंशत् सुताः प्रोक्ताः सोमपत्न्यश्च सुव्रताः । अरिष्टनेमिपत्नीनामपत्यानीह षोडश

saptaviṃśat sutāḥ proktāḥ somapatnyaśca suvratāḥ / ariṣṭanemipatnīnāmapatyānīha ṣoḍaśa

Sanskrit only: no published translation is held for this verse.

बहुपुत्रस्य विदुषश्चतस्त्रो विद्युतः स्मृताः । तद्वदङ्गिरसः पुत्रा ऋषयो ब्रह्मसत्कृताः

bahuputrasya viduṣaścatastro vidyutaḥ smṛtāḥ / tadvadaṅgirasaḥ putrā ṛṣayo brahmasatkṛtāḥ

Sanskrit only: no published translation is held for this verse.

कुशाश्वस्य तु देवर्षेर्देवप्रहरणाः सुताः । एते युगसहस्त्रान्ते जायन्ते पुनरेव हि । मन्वन्तरेषु नियतं तुल्यैः कार्यैः स्वनामभिः

kuśāśvasya tu devarṣerdevapraharaṇāḥ sutāḥ / ete yugasahastrānte jāyante punareva hi / manvantareṣu niyataṃ tulyaiḥ kāryaiḥ svanāmabhiḥ

Sanskrit only: no published translation is held for this verse.