Kurma-Purana 1.1

इन्द्रद्युम्नाय विप्रया ज्ञानं धर्मादिगोचरम् । शुश्रूषुश्चाप्ययं शक्रः सखा तव जगन्मय

indradyumnāya viprayā jñānaṃ dharmādigocaram / śuśrūṣuścāpyayaṃ śakraḥ sakhā tava jaganmaya

Sanskrit only: no published translation is held for this verse.

ततः स भगवान् विष्णुः कूर्मरूपी जनार्दनः । रसातलगतो देवो नारदाद्यैर्महर्षिभिः

tataḥ sa bhagavān viṣṇuḥ kūrmarūpī janārdanaḥ / rasātalagato devo nāradādyairmaharṣibhiḥ

Sanskrit only: no published translation is held for this verse.

पृष्टः प्रोवाच सकलं पुराणं कौर्ममुत्तमम् । सन्निधौ देवराजस्य तद् वक्ष्ये भवतामहम्

pṛṣṭaḥ provāca sakalaṃ purāṇaṃ kaurmamuttamam / sannidhau devarājasya tad vakṣye bhavatāmaham

Sanskrit only: no published translation is held for this verse.

धन्यं यशस्यामायुष्यं पुण्यं मोक्षप्रदं नृणाम् । पुराणश्रवणं विप्राः कथनं च विशेषतः

dhanyaṃ yaśasyāmāyuṣyaṃ puṇyaṃ mokṣapradaṃ nṛṇām / purāṇaśravaṇaṃ viprāḥ kathanaṃ ca viśeṣataḥ

Sanskrit only: no published translation is held for this verse.

श्रुत्वा चाध्यायमेवैकं सर्वपापैः प्रमुच्यते । उपाख्यानमथैकं वा ब्रह्मलोके महीयते

śrutvā cādhyāyamevaikaṃ sarvapāpaiḥ pramucyate / upākhyānamathaikaṃ vā brahmaloke mahīyate

Sanskrit only: no published translation is held for this verse.

इदं पुराणं परमं कौर्मं कूर्मस्वरूपिणा । उक्तं देवाधिदेवेन श्रद्धातव्यं द्विजातिभिः

idaṃ purāṇaṃ paramaṃ kaurmaṃ kūrmasvarūpiṇā / uktaṃ devādhidevena śraddhātavyaṃ dvijātibhiḥ

Sanskrit only: no published translation is held for this verse.