Kurma-Purana 1.30

इति श्रीकूर्मपुराणे षट्साहस्त्र्यां संहितायां पूर्वंविभागे एकोनत्रिशो ऽध्यायः सूत उवाच स शिष्यैः संवृतो धीमान् गुरुर्द्वैपायनो मुनिः । जगाम विपुलं लिङ्गमोङ्कारं मुक्तिदायकम्

iti śrīkūrmapurāṇe ṣaṭsāhastryāṃ saṃhitāyāṃ pūrvaṃvibhāge ekonatriśo 'dhyāyaḥ sūta uvāca sa śiṣyaiḥ saṃvṛto dhīmān gururdvaipāyano muniḥ / jagāma vipulaṃ liṅgamoṅkāraṃ muktidāyakam

Sanskrit only: no published translation is held for this verse.

तत्राभ्यर्च्य महादेवं शिष्यैः सह महामुनिः । प्रोवाच तस्य माहात्म्यं मुनीनां भावितात्मनाम्

tatrābhyarcya mahādevaṃ śiṣyaiḥ saha mahāmuniḥ / provāca tasya māhātmyaṃ munīnāṃ bhāvitātmanām

Sanskrit only: no published translation is held for this verse.

इदं तद् विमलं लिङ्गमोङ्कारं नाम शोभनम् । अस्य स्मरणमात्रेण मुच्यते सर्वपातकैः

idaṃ tad vimalaṃ liṅgamoṅkāraṃ nāma śobhanam / asya smaraṇamātreṇa mucyate sarvapātakaiḥ

Sanskrit only: no published translation is held for this verse.

एतत् परतरं ज्ञानं पञ्चयतनमुत्तमम् । सेवितं सूरिभिर्नित्यं वाराणस्यां विमोक्षदम्

etat parataraṃ jñānaṃ pañcayatanamuttamam / sevitaṃ sūribhirnityaṃ vārāṇasyāṃ vimokṣadam

Sanskrit only: no published translation is held for this verse.

अत्र साक्षान्महादेवः पञ्चायतनविग्रहः । रमते भगवान् रुद्रो जन्तूनामपवर्गदः

atra sākṣānmahādevaḥ pañcāyatanavigrahaḥ / ramate bhagavān rudro jantūnāmapavargadaḥ

Sanskrit only: no published translation is held for this verse.

यत् तत् पाशुपतं ज्ञानं पञ्चार्थमिति शब्द्यते । तदेतद् विमलं लिङ्गमोङ्कारे समवस्थितम्

yat tat pāśupataṃ jñānaṃ pañcārthamiti śabdyate / tadetad vimalaṃ liṅgamoṅkāre samavasthitam

Sanskrit only: no published translation is held for this verse.

शान्त्यतीता तथा शान्तिर्विद्या चैव परा कला । प्रतिष्ठा च निवृत्तिश्च पञ्चार्थं लिङ्गमैश्वरम्

śāntyatītā tathā śāntirvidyā caiva parā kalā / pratiṣṭhā ca nivṛttiśca pañcārthaṃ liṅgamaiśvaram

Sanskrit only: no published translation is held for this verse.

पञ्चानामपि देवानां ब्रह्मादीनां सदाश्रयम् । ओङ्कारबोधकं लिङ्गं पञ्चायतनमुच्यते

pañcānāmapi devānāṃ brahmādīnāṃ sadāśrayam / oṅkārabodhakaṃ liṅgaṃ pañcāyatanamucyate

Sanskrit only: no published translation is held for this verse.

संस्मरेदैश्वरं लिङ्गं पञ्चायतनमव्ययम् । देहान्ते तत्परं ज्योतिरानन्दं विशते बुधः

saṃsmaredaiśvaraṃ liṅgaṃ pañcāyatanamavyayam / dehānte tatparaṃ jyotirānandaṃ viśate budhaḥ

Sanskrit only: no published translation is held for this verse.

अत्र देवर्षयः पूर्वं सिद्धा ब्रह्मर्षयस्तथा । उपास्य देवमीशानं प्राप्तवन्तः परं पदम्

atra devarṣayaḥ pūrvaṃ siddhā brahmarṣayastathā / upāsya devamīśānaṃ prāptavantaḥ paraṃ padam

Sanskrit only: no published translation is held for this verse.

मत्स्योदर्यास्तटे पुण्यं स्थानं गुह्यतमं शुभम् । गोचर्ममात्रं विप्रेन्द्रा ओङ्कारेश्वरमुत्तमम्

matsyodaryāstaṭe puṇyaṃ sthānaṃ guhyatamaṃ śubham / gocarmamātraṃ viprendrā oṅkāreśvaramuttamam

Sanskrit only: no published translation is held for this verse.

कृत्तिवासेश्वरं लिङ्गः मध्यमेश्वरमुत्तमम् । विश्वेश्वरं तथोङ्कारं कपर्देश्वरमेव च

kṛttivāseśvaraṃ liṅgaḥ madhyameśvaramuttamam / viśveśvaraṃ tathoṅkāraṃ kapardeśvarameva ca

Sanskrit only: no published translation is held for this verse.

एतानि गुह्यलिङ्गानि वाराणस्यां द्विजोत्तमाः । न कश्चिदिह जानाति विना शंभोरनुग्रहात्

etāni guhyaliṅgāni vārāṇasyāṃ dvijottamāḥ / na kaścidiha jānāti vinā śaṃbhoranugrahāt

Sanskrit only: no published translation is held for this verse.

एवमुक्त्वा ययौ कृष्णः पाराशर्यो महामुनिः । कृत्तिवासेश्वरं लिङ्गं द्रष्टुं देवस्य शूलिनः

evamuktvā yayau kṛṣṇaḥ pārāśaryo mahāmuniḥ / kṛttivāseśvaraṃ liṅgaṃ draṣṭuṃ devasya śūlinaḥ

Sanskrit only: no published translation is held for this verse.

समभ्यर्च्य तथा शिष्यैर्माहात्म्यं कृत्तिवाससः । कथयामास शिष्येभ्यो भगवान् ब्रह्मवित्तमः

samabhyarcya tathā śiṣyairmāhātmyaṃ kṛttivāsasaḥ / kathayāmāsa śiṣyebhyo bhagavān brahmavittamaḥ

Sanskrit only: no published translation is held for this verse.

अस्मिन् स्थाने पुरा दैत्यो हस्ती भूत्वा भवान्तिकम् । ब्राह्मणान् हन्तुमायातो ये ऽत्र नित्यमुपासते

asmin sthāne purā daityo hastī bhūtvā bhavāntikam / brāhmaṇān hantumāyāto ye 'tra nityamupāsate

Sanskrit only: no published translation is held for this verse.

तेषां लिङ्गान्महादेवः प्रादुरासीत् त्रिलोचनः । रक्षणार्थं द्विजश्रेष्ठा भक्तानां भक्तवत्सलः

teṣāṃ liṅgānmahādevaḥ prādurāsīt trilocanaḥ / rakṣaṇārthaṃ dvijaśreṣṭhā bhaktānāṃ bhaktavatsalaḥ

Sanskrit only: no published translation is held for this verse.

हत्वा गजाकृतिं दैत्यं शूलेनावज्ञया हरः । वसस्तस्याकरोत् कृत्तिं कृत्तिवासेश्वरस्ततः

hatvā gajākṛtiṃ daityaṃ śūlenāvajñayā haraḥ / vasastasyākarot kṛttiṃ kṛttivāseśvarastataḥ

Sanskrit only: no published translation is held for this verse.

अत्र सिद्धिं परां प्राप्ता मुनयो मुनिपुङ्गवाः । तेनैव च शरीरेण प्राप्तास्तत् परमं पदम्

atra siddhiṃ parāṃ prāptā munayo munipuṅgavāḥ / tenaiva ca śarīreṇa prāptāstat paramaṃ padam

Sanskrit only: no published translation is held for this verse.

विद्या विद्येश्वरा रुद्राः शिवाये च प्रकीर्तिताः । कृत्तिवासेश्वरं लिङ्गं नित्यमावृत्य संस्थिताः

vidyā vidyeśvarā rudrāḥ śivāye ca prakīrtitāḥ / kṛttivāseśvaraṃ liṅgaṃ nityamāvṛtya saṃsthitāḥ

Sanskrit only: no published translation is held for this verse.

ज्ञात्वा कलियुगं घोरमधर्मबहुलं जनाः । कृत्तिवासं न मुञ्चन्ति कृतार्थास्ते न संशयः

jñātvā kaliyugaṃ ghoramadharmabahulaṃ janāḥ / kṛttivāsaṃ na muñcanti kṛtārthāste na saṃśayaḥ

Sanskrit only: no published translation is held for this verse.

जन्मान्तरसहस्त्रेण मोक्षो ऽन्यत्राप्यते न वा । एकेन जन्मना मोक्षः कृत्तिवासे तु लभ्यते

janmāntarasahastreṇa mokṣo 'nyatrāpyate na vā / ekena janmanā mokṣaḥ kṛttivāse tu labhyate

Sanskrit only: no published translation is held for this verse.

आलयः सर्वसिद्धानामेतत् स्थानं वदन्ति हि । गोपितं देवदेवेन महादेवेन शंभुना

ālayaḥ sarvasiddhānāmetat sthānaṃ vadanti hi / gopitaṃ devadevena mahādevena śaṃbhunā

Sanskrit only: no published translation is held for this verse.

युगे युगे ह्यत्र दान्ता ब्राह्मणा वेदपारागाः । उपासते महादेवं जपन्ति शतरुद्रियम्

yuge yuge hyatra dāntā brāhmaṇā vedapārāgāḥ / upāsate mahādevaṃ japanti śatarudriyam

Sanskrit only: no published translation is held for this verse.

स्तुवन्ति सततं देवं त्र्यम्बकं कृत्तिवाससम् । ध्यायन्ति हृदये देवं स्थाणुं सर्वान्तरं शिवम्

stuvanti satataṃ devaṃ tryambakaṃ kṛttivāsasam / dhyāyanti hṛdaye devaṃ sthāṇuṃ sarvāntaraṃ śivam

Sanskrit only: no published translation is held for this verse.

गायन्ति सिद्धाः किल गीतकानि ये वाराणस्यां निवसन्ति विप्राः । तेषामथैकेन भवेन मुक्तिर् ये कृत्तिवासं शरणं प्रपन्नाः

gāyanti siddhāḥ kila gītakāni ye vārāṇasyāṃ nivasanti viprāḥ / teṣāmathaikena bhavena muktir ye kṛttivāsaṃ śaraṇaṃ prapannāḥ

Sanskrit only: no published translation is held for this verse.

संप्राप्य लोके जगतामभीष्टं सुदुर्लभं विप्रकुलेषु जन्म । ध्याने समाधाय जपन्ति रुद्रं ध्यायन्ति चित्ते यतयो महेशम्

saṃprāpya loke jagatāmabhīṣṭaṃ sudurlabhaṃ viprakuleṣu janma / dhyāne samādhāya japanti rudraṃ dhyāyanti citte yatayo maheśam

Sanskrit only: no published translation is held for this verse.

आराधयन्ति प्रभुमीशितारं वाराणसीमध्यगता मुनिन्द्राः । यजन्ति यज्ञैरभिसंधिहीनाः स्तुवन्ति रुद्रं प्रणमन्ति शंभुम्

ārādhayanti prabhumīśitāraṃ vārāṇasīmadhyagatā munindrāḥ / yajanti yajñairabhisaṃdhihīnāḥ stuvanti rudraṃ praṇamanti śaṃbhum

Sanskrit only: no published translation is held for this verse.

नमो भवायामलयोगधाम्ने स्थाणुं प्रपद्ये गिरिशं पुराणम् । स्मरामि रुद्रं हृदये निविष्टं जाने महादेवमनेकरूपम्

namo bhavāyāmalayogadhāmne sthāṇuṃ prapadye giriśaṃ purāṇam / smarāmi rudraṃ hṛdaye niviṣṭaṃ jāne mahādevamanekarūpam

Sanskrit only: no published translation is held for this verse.