Kurma-Purana 1.36

इति श्रीकूर्मपुराणे षट्साहस्त्र्यां संहितायां पूर्वविभागे पञ्चत्रिंशो ऽध्यायः मार्कण्डेय उवाच षष्टिस्तीर्थसहस्त्राणि षष्टिस्तीर्थशतानि च । माघमासे गमिष्यन्ति गङ्गायमुनसंगमम्

iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge pañcatriṃśo 'dhyāyaḥ mārkaṇḍeya uvāca ṣaṣṭistīrthasahastrāṇi ṣaṣṭistīrthaśatāni ca / māghamāse gamiṣyanti gaṅgāyamunasaṃgamam

Sanskrit only: no published translation is held for this verse.

गवां शतसहस्त्रस्य सम्यग् दत्तस्य यत् फलम् । प्रयागे माघमासे तु त्र्यहं स्नातस्य तत् फलम्

gavāṃ śatasahastrasya samyag dattasya yat phalam / prayāge māghamāse tu tryahaṃ snātasya tat phalam

Sanskrit only: no published translation is held for this verse.

गङ्गायमुनयोर्मध्ये कार्षाग्निं यस्तु साधयेत् । अहीनाङ्गो ऽप्यरोगश्च पञ्चेन्द्रियसमन्वितः

gaṅgāyamunayormadhye kārṣāgniṃ yastu sādhayet / ahīnāṅgo 'pyarogaśca pañcendriyasamanvitaḥ

Sanskrit only: no published translation is held for this verse.

यावन्ति रोमकूपाणि तस्य गात्रेषु मानद । तावद् वर्षसहस्त्राणि स्वर्गलोके महीयते

yāvanti romakūpāṇi tasya gātreṣu mānada / tāvad varṣasahastrāṇi svargaloke mahīyate

Sanskrit only: no published translation is held for this verse.

ततः स्वर्गात् परिभ्रष्टो जम्बूद्वीपपतिर्भवेत् । स भुक्त्वा विपुलान् भोगांस्तत् तीर्थं भजते पुनः

tataḥ svargāt paribhraṣṭo jambūdvīpapatirbhavet / sa bhuktvā vipulān bhogāṃstat tīrthaṃ bhajate punaḥ

Sanskrit only: no published translation is held for this verse.

सोमलोकमवाप्नोति सोमेन सह मोदते । षष्टिं वर्षसहस्त्राणि षष्टिं वर्षशतानि च

somalokamavāpnoti somena saha modate / ṣaṣṭiṃ varṣasahastrāṇi ṣaṣṭiṃ varṣaśatāni ca

Sanskrit only: no published translation is held for this verse.

स्वर्गतः शक्रलोके ऽसौ मुनिगन्धर्वसेवितः । ततो भ्रष्टस्तु राजेन्द्र समृद्धे जायते कुले

svargataḥ śakraloke 'sau munigandharvasevitaḥ / tato bhraṣṭastu rājendra samṛddhe jāyate kule

Sanskrit only: no published translation is held for this verse.

अधः शिरास्त्वयोधारामुर्ध्वपादः पिबेन्नरः । शतं वर्षसहस्त्राणि स्वर्गलोके महीयते

adhaḥ śirāstvayodhārāmurdhvapādaḥ pibennaraḥ / śataṃ varṣasahastrāṇi svargaloke mahīyate

Sanskrit only: no published translation is held for this verse.

तस्माद् भ्रष्टस्तु राजेन्द्र अग्निहोत्री भवेन्नरः । भुक्त्वा तु विपुलान् भोगांस्तत् तीर्थं भजते पुनः

tasmād bhraṣṭastu rājendra agnihotrī bhavennaraḥ / bhuktvā tu vipulān bhogāṃstat tīrthaṃ bhajate punaḥ

Sanskrit only: no published translation is held for this verse.

यः स्वदेहं विकर्तेद् वा शकुनिभ्यः प्रयच्छति । विहगैरुपभुक्तस्य शृणु तस्यापि यत्फलम्

yaḥ svadehaṃ vikarted vā śakunibhyaḥ prayacchati / vihagairupabhuktasya śṛṇu tasyāpi yatphalam

Sanskrit only: no published translation is held for this verse.

शतं वर्षसहस्त्राणि सोमलोके महीयते । ततस्तस्मात् परिभ्रष्टो राजा भवति धार्मिकः

śataṃ varṣasahastrāṇi somaloke mahīyate / tatastasmāt paribhraṣṭo rājā bhavati dhārmikaḥ

Sanskrit only: no published translation is held for this verse.

गुणवान् रूपसंपन्नो विद्वान् सुप्रियवाक्यवान् । भुक्त्वा तु विपुलान् भोगांस्तततीर्थं भजते पुनः

guṇavān rūpasaṃpanno vidvān supriyavākyavān / bhuktvā tu vipulān bhogāṃstatatīrthaṃ bhajate punaḥ

Sanskrit only: no published translation is held for this verse.

उत्तरे यमुनातीरे प्रयागस्य तु दक्षिणे । ऋणप्रमोचनं नाम तीर्थं तु परमं स्मृतम्

uttare yamunātīre prayāgasya tu dakṣiṇe / ṛṇapramocanaṃ nāma tīrthaṃ tu paramaṃ smṛtam

Sanskrit only: no published translation is held for this verse.

एकरात्रोषितः स्नात्वा ऋणैस्तत्र प्रमुच्यते । सूर्यलोकमवाप्नोति अनृणश्च सदा भवेत्

ekarātroṣitaḥ snātvā ṛṇaistatra pramucyate / sūryalokamavāpnoti anṛṇaśca sadā bhavet

Sanskrit only: no published translation is held for this verse.