Kurma-Purana 1.37

इति श्रीकूर्मपुराणे षट्साहस्त्र्यां संहितायां पूर्वविभागे षट्त्रिंशो ऽध्यायः मार्कण्डय उवाच तपनस्य सुता देवी त्रिषु लोकेषु विश्रुता । समागता महाभागा यमुना यत्र निम्नगा

iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge ṣaṭtriṃśo 'dhyāyaḥ mārkaṇḍaya uvāca tapanasya sutā devī triṣu lokeṣu viśrutā / samāgatā mahābhāgā yamunā yatra nimnagā

Sanskrit only: no published translation is held for this verse.

येनैव निः सृता गङ्गा तेनैव यमुना गता । योजनानां सहस्त्रेषु कीर्तनात् पापनाशनी

yenaiva niḥ sṛtā gaṅgā tenaiva yamunā gatā / yojanānāṃ sahastreṣu kīrtanāt pāpanāśanī

Sanskrit only: no published translation is held for this verse.

तत्र स्नात्वा च पीत्वा च यमुनायां युधिष्ठिर । सर्वपापविनिर्मुक्तः पुनात्यासप्तमं कुलम् । प्राणांस्त्यजति यस्तत्र स याति परमां गतिम्

tatra snātvā ca pītvā ca yamunāyāṃ yudhiṣṭhira / sarvapāpavinirmuktaḥ punātyāsaptamaṃ kulam / prāṇāṃstyajati yastatra sa yāti paramāṃ gatim

Sanskrit only: no published translation is held for this verse.

अग्नितीर्थमिति ख्यातं यमुनादक्षिण तटे । पश्चिमे धर्मराजस्य तीर्थं त्वनरकं स्मृतम् । तत्र स्नात्वा दिवं यान्ति ये मृतास्ते ऽपुनर्भवाः

agnitīrthamiti khyātaṃ yamunādakṣiṇa taṭe / paścime dharmarājasya tīrthaṃ tvanarakaṃ smṛtam / tatra snātvā divaṃ yānti ye mṛtāste 'punarbhavāḥ

Sanskrit only: no published translation is held for this verse.

कृष्णपक्षे चतुर्दश्यां स्नात्वा संतर्पयेच्छुचिः । धर्मराजं महापापैर्मुच्यते नात्र संशयः

kṛṣṇapakṣe caturdaśyāṃ snātvā saṃtarpayecchuciḥ / dharmarājaṃ mahāpāpairmucyate nātra saṃśayaḥ

Sanskrit only: no published translation is held for this verse.

दश तीर्थसहस्त्राणि त्रिंशत्कोट्यस्तथापराः । प्रयागे संस्थितानि स्युरेवमाहुर्मनीषिणः

daśa tīrthasahastrāṇi triṃśatkoṭyastathāparāḥ / prayāge saṃsthitāni syurevamāhurmanīṣiṇaḥ

Sanskrit only: no published translation is held for this verse.

तिस्त्रः कोट्योर्ऽधकोटी च तीर्थानां वायुरब्रवीत् । दिवि भूम्यन्तरिक्षे च तत्सर्वं जाह्नवी स्मृता

tistraḥ koṭyor'dhakoṭī ca tīrthānāṃ vāyurabravīt / divi bhūmyantarikṣe ca tatsarvaṃ jāhnavī smṛtā

Sanskrit only: no published translation is held for this verse.

यत्र गङ्गा महाभागा स देशस्तत् तपोवनम् । सिद्धिक्षेत्रं तु तज्ज्ञेयं गङ्गातीरसमाश्रितम्

yatra gaṅgā mahābhāgā sa deśastat tapovanam / siddhikṣetraṃ tu tajjñeyaṃ gaṅgātīrasamāśritam

Sanskrit only: no published translation is held for this verse.

यत्र देवो महादेवो देव्या सह महेश्वरः । आस्ते वटेश्वरो नित्यं तत् तीर्थं तत् तपोवनम्

yatra devo mahādevo devyā saha maheśvaraḥ / āste vaṭeśvaro nityaṃ tat tīrthaṃ tat tapovanam

Sanskrit only: no published translation is held for this verse.

इदं सत्यं द्विजातीनां साधूनामात्मजस्य च । सुहृदां च जपेत् कर्णे शिष्यस्यानुगतस्य तु

idaṃ satyaṃ dvijātīnāṃ sādhūnāmātmajasya ca / suhṛdāṃ ca japet karṇe śiṣyasyānugatasya tu

Sanskrit only: no published translation is held for this verse.

इदं धन्यमिदं स्वर्ग्यमिदं मेध्यमिदं सुखम् । इदं पुण्यमिदं रम्यं पावनं धर्म्यमुत्तमम्

idaṃ dhanyamidaṃ svargyamidaṃ medhyamidaṃ sukham / idaṃ puṇyamidaṃ ramyaṃ pāvanaṃ dharmyamuttamam

Sanskrit only: no published translation is held for this verse.

महर्षोणामिदं गुह्यं सर्वपापप्रमोचनम् । अत्राधीत्य द्विजो ऽध्यायं निर्मलत्वमवाप्नुयात्

maharṣoṇāmidaṃ guhyaṃ sarvapāpapramocanam / atrādhītya dvijo 'dhyāyaṃ nirmalatvamavāpnuyāt

Sanskrit only: no published translation is held for this verse.

यश्चेदं शृणुयान्नित्यं तीर्थं पुण्यं सदा शुचिः । जातिस्मरित्वं लभते नाकपृष्ठे च मोदते

yaścedaṃ śṛṇuyānnityaṃ tīrthaṃ puṇyaṃ sadā śuciḥ / jātismaritvaṃ labhate nākapṛṣṭhe ca modate

Sanskrit only: no published translation is held for this verse.

प्राप्यन्ते तानितीर्थानि सद्भिः शिष्टानुदर्शिभिः । स्नाहि तीर्थेषु कौरव्य न च वक्रमतिर्भव

prāpyante tānitīrthāni sadbhiḥ śiṣṭānudarśibhiḥ / snāhi tīrtheṣu kauravya na ca vakramatirbhava

Sanskrit only: no published translation is held for this verse.

एवमुक्त्वा स भगवान् मार्कण्डेयो महामुनिः । तीर्तानि कथयामास पृथिव्यां यानि कानिचित्

evamuktvā sa bhagavān mārkaṇḍeyo mahāmuniḥ / tīrtāni kathayāmāsa pṛthivyāṃ yāni kānicit

Sanskrit only: no published translation is held for this verse.

भूसमुद्रादिसंस्थानं प्रमाणं ज्योतिषां स्थितम् । पृष्टः प्रोवाच सकलमुक्त्वाथ प्रययो मुनिः

bhūsamudrādisaṃsthānaṃ pramāṇaṃ jyotiṣāṃ sthitam / pṛṣṭaḥ provāca sakalamuktvātha prayayo muniḥ

Sanskrit only: no published translation is held for this verse.

य इदं कल्यमुत्थाय पठते ऽथ शृणोति वा । मुच्यते सर्वपापेभ्यो रुद्रलोकं स गच्छति

ya idaṃ kalyamutthāya paṭhate 'tha śṛṇoti vā / mucyate sarvapāpebhyo rudralokaṃ sa gacchati

Sanskrit only: no published translation is held for this verse.