Kurma-Purana 1.51

इति श्रीकूर्मपुराणे षट्साहस्त्र्यां संहितायां पूर्वविभागे पञ्चाशो ऽध्यायः सूत उवाच वेदव्यासावताराणि द्वापरे कथितानि तु । महादेवावताराणि कलौ शृणुत सुव्रताः

iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge pañcāśo 'dhyāyaḥ sūta uvāca vedavyāsāvatārāṇi dvāpare kathitāni tu / mahādevāvatārāṇi kalau śṛṇuta suvratāḥ

Sanskrit only: no published translation is held for this verse.

आद्ये कलियुगे श्वेतो देवदेवो महाद्युतिः । नाम्ना हिताय विप्राणामभूद् वैवस्वते ऽन्तरे

ādye kaliyuge śveto devadevo mahādyutiḥ / nāmnā hitāya viprāṇāmabhūd vaivasvate 'ntare

Sanskrit only: no published translation is held for this verse.

हिमवच्छिखरे रम्ये छगले पर्वतोत्तमे । तस्य शिष्याः शिखायुक्ता वभूवुरमितप्रभाः

himavacchikhare ramye chagale parvatottame / tasya śiṣyāḥ śikhāyuktā vabhūvuramitaprabhāḥ

Sanskrit only: no published translation is held for this verse.

श्वेतः श्वेतशिखश्चैव श्वेतास्यः श्वेतलोहितः । चत्वारस्ते महात्मानो ब्राह्मणा वेदपारगाः

śvetaḥ śvetaśikhaścaiva śvetāsyaḥ śvetalohitaḥ / catvāraste mahātmāno brāhmaṇā vedapāragāḥ

Sanskrit only: no published translation is held for this verse.

सुभानो दमनश्चाथ सुहोत्रः कङ्कणस्तथा । लोकाक्षिरथ योगीन्द्रो जैगीषव्यस्तु सप्तमे

subhāno damanaścātha suhotraḥ kaṅkaṇastathā / lokākṣiratha yogīndro jaigīṣavyastu saptame

Sanskrit only: no published translation is held for this verse.

अष्टमे दधिवाहः स्यान्नवमे वृषभः प्रभुः । भृगुस्तु दशमे प्रोक्तस्तस्मादुग्रः परः स्मृतः

aṣṭame dadhivāhaḥ syānnavame vṛṣabhaḥ prabhuḥ / bhṛgustu daśame proktastasmādugraḥ paraḥ smṛtaḥ

Sanskrit only: no published translation is held for this verse.

द्वादशे ऽत्रिः समाख्यातो बली चाथ त्रयोदशे । चतुर्दशे गौतमस्तु वेदशीर्षा ततः परम्

dvādaśe 'triḥ samākhyāto balī cātha trayodaśe / caturdaśe gautamastu vedaśīrṣā tataḥ param

Sanskrit only: no published translation is held for this verse.

गोकर्णश्चाभवत् तस्माद् गुहावासः शिखण्ड्यथ । जटामाल्यट्टहासश्च दारुको लाङ्गली क्रमात्

gokarṇaścābhavat tasmād guhāvāsaḥ śikhaṇḍyatha / jaṭāmālyaṭṭahāsaśca dāruko lāṅgalī kramāt

Sanskrit only: no published translation is held for this verse.

श्वेतस्तथा परः शूली डिण्डी मुण्डी च वै क्रमात् । सहिष्णुः सोमशर्मा च नकुलीशो ऽन्तिमे प्रभुः

śvetastathā paraḥ śūlī ḍiṇḍī muṇḍī ca vai kramāt / sahiṣṇuḥ somaśarmā ca nakulīśo 'ntime prabhuḥ

Sanskrit only: no published translation is held for this verse.

वैवस्वते ऽन्तरे शंभोरवतारास्त्रिशूलिनः । अष्टाविंशतिराख्याता ह्यन्ते कलियुगे प्रभोः । तीर्थे कायावतारे स्याद् देवेशो नकुलीश्वरः

vaivasvate 'ntare śaṃbhoravatārāstriśūlinaḥ / aṣṭāviṃśatirākhyātā hyante kaliyuge prabhoḥ / tīrthe kāyāvatāre syād deveśo nakulīśvaraḥ

Sanskrit only: no published translation is held for this verse.

तत्र देवादिदेवस्य चत्वारः सुतपोधनाः । शिष्या बभूवुश्चान्येषां प्रत्येकं मुनिपुङ्गवाः

tatra devādidevasya catvāraḥ sutapodhanāḥ / śiṣyā babhūvuścānyeṣāṃ pratyekaṃ munipuṅgavāḥ

Sanskrit only: no published translation is held for this verse.

प्रसन्नमनसो दान्ता ऐश्वरीं भक्तिमाश्रिताः । क्रमेण तान् प्रवक्ष्यामि योगिनो योगवित्तमान्

prasannamanaso dāntā aiśvarīṃ bhaktimāśritāḥ / krameṇa tān pravakṣyāmi yogino yogavittamān

Sanskrit only: no published translation is held for this verse.

श्वेतः श्वेतशिखश्चैव श्वेतास्यः श्वेतलोहितः । दुन्दुभिः शतरूपश्च ऋचीकः केतुमांस्तथा । विकेशश्च विशोकश्च विशापश्शापनाशनः

śvetaḥ śvetaśikhaścaiva śvetāsyaḥ śvetalohitaḥ / dundubhiḥ śatarūpaśca ṛcīkaḥ ketumāṃstathā / vikeśaśca viśokaśca viśāpaśśāpanāśanaḥ

Sanskrit only: no published translation is held for this verse.

सुमुखो दुर्मुखश्चैव दुर्दमो दुरतिक्रमः । सनः सनातनश्चैव मुकारश्च सनन्दनः

sumukho durmukhaścaiva durdamo duratikramaḥ / sanaḥ sanātanaścaiva mukāraśca sanandanaḥ

Sanskrit only: no published translation is held for this verse.

दालभ्यश्च महायोगी धर्मात्मनो महौजसः । सुधामा विरजाश्चैव शङ्खपात्रज एव च

dālabhyaśca mahāyogī dharmātmano mahaujasaḥ / sudhāmā virajāścaiva śaṅkhapātraja eva ca

Sanskrit only: no published translation is held for this verse.

सारस्वतस्तथा मेघो घनवाहः सुवाहनः । कपिलश्चासुरिश्चैव वोढुः पञ्चशिखो मुनिः

sārasvatastathā megho ghanavāhaḥ suvāhanaḥ / kapilaścāsuriścaiva voḍhuḥ pañcaśikho muniḥ

Sanskrit only: no published translation is held for this verse.

पराशरश्च गर्गश्च भार्गवश्चाङ्गिरास्तथा । बलबन्धुर्निरामित्रः केतुशृङ्गस्तपोधनः

parāśaraśca gargaśca bhārgavaścāṅgirāstathā / balabandhurnirāmitraḥ ketuśṛṅgastapodhanaḥ

Sanskrit only: no published translation is held for this verse.

लम्बोदरश्च लम्बश्च लाम्बाक्षो लम्बकेशकः । सर्वज्ञः समबुद्धिश्च साध्यः सत्यस्तथैव च

lambodaraśca lambaśca lāmbākṣo lambakeśakaḥ / sarvajñaḥ samabuddhiśca sādhyaḥ satyastathaiva ca

Sanskrit only: no published translation is held for this verse.

शुधामा काश्यपश्चैव वसिष्ठो विरजास्तथा । अत्रिरुग्रस्तथा चैव श्रवणो ऽथ श्रविष्ठकः

śudhāmā kāśyapaścaiva vasiṣṭho virajāstathā / atrirugrastathā caiva śravaṇo 'tha śraviṣṭhakaḥ

Sanskrit only: no published translation is held for this verse.

कुणिश्च कुणिबाहुश्च कुशरीरः कुनेत्रकः । कश्यपोह्युशना चैव च्यवनो ऽथ बृहस्पतिः

kuṇiśca kuṇibāhuśca kuśarīraḥ kunetrakaḥ / kaśyapohyuśanā caiva cyavano 'tha bṛhaspatiḥ

Sanskrit only: no published translation is held for this verse.

उतथ्यो वामदेवश्च महाकायो महानिलः । वाचश्रवाः सुपीकश्च श्यावाश्वः सपथीश्वरः

utathyo vāmadevaśca mahākāyo mahānilaḥ / vācaśravāḥ supīkaśca śyāvāśvaḥ sapathīśvaraḥ

Sanskrit only: no published translation is held for this verse.

हरिण्यनाभः कौशल्यो लोकाक्षिः कुथुमिस्तथा । सुमन्तुर्वर्चरी विद्वान् कबन्धः कुशिकन्धरः

hariṇyanābhaḥ kauśalyo lokākṣiḥ kuthumistathā / sumanturvarcarī vidvān kabandhaḥ kuśikandharaḥ

Sanskrit only: no published translation is held for this verse.

प्लक्षो दार्भायणिश्चैव केतुमान् गौतमस्तथा । भल्लापी मधुपिङ्गश्च श्वेतकेतुस्तपोनिधिः

plakṣo dārbhāyaṇiścaiva ketumān gautamastathā / bhallāpī madhupiṅgaśca śvetaketustaponidhiḥ

Sanskrit only: no published translation is held for this verse.

उशिजो बृहदुक्थश्च देवलः कपिरेव च । शालिहोत्रो ऽग्निवेश्यश्च युवनाश्वः शरद्वसुः

uśijo bṛhadukthaśca devalaḥ kapireva ca / śālihotro 'gniveśyaśca yuvanāśvaḥ śaradvasuḥ

Sanskrit only: no published translation is held for this verse.

छगलः कुण्डकर्णश्च कुम्भश्चैव प्रवाहकः । उलूको विद्युतश्चैव शाद्वलो ह्याश्वलायनः

chagalaḥ kuṇḍakarṇaśca kumbhaścaiva pravāhakaḥ / ulūko vidyutaścaiva śādvalo hyāśvalāyanaḥ

Sanskrit only: no published translation is held for this verse.

अक्षपादः कुमारश्च उलूको वत्स एव च । कुशिकश्चैव गर्गश्च मित्रको ऋष्य एव च

akṣapādaḥ kumāraśca ulūko vatsa eva ca / kuśikaścaiva gargaśca mitrako ṛṣya eva ca

Sanskrit only: no published translation is held for this verse.

शिष्या एते महात्मानः सर्वोवर्तेषु योगिनाम् । विमला ब्रह्मभूयिष्ठा ज्ञानयोगपरायणाः

śiṣyā ete mahātmānaḥ sarvovarteṣu yoginām / vimalā brahmabhūyiṣṭhā jñānayogaparāyaṇāḥ

Sanskrit only: no published translation is held for this verse.

कुर्वन्ति चावताराणि ब्राह्मणानां हिताय हि । योगेश्वराणामादेशाद् वेदसंस्थापनाय वै

kurvanti cāvatārāṇi brāhmaṇānāṃ hitāya hi / yogeśvarāṇāmādeśād vedasaṃsthāpanāya vai

Sanskrit only: no published translation is held for this verse.

ये ब्राह्मणाः संस्मरन्ति नमस्यन्ति च सर्वदा । तर्पयन्त्यर्चयन्त्येतान् ब्रह्मविद्यामवाप्नुयुः

ye brāhmaṇāḥ saṃsmaranti namasyanti ca sarvadā / tarpayantyarcayantyetān brahmavidyāmavāpnuyuḥ

Sanskrit only: no published translation is held for this verse.

इदं वैवस्वतं प्रोक्तमन्तरं विस्तरेण तु । भविष्यति च सावर्णो दक्षसावर्ण एव च

idaṃ vaivasvataṃ proktamantaraṃ vistareṇa tu / bhaviṣyati ca sāvarṇo dakṣasāvarṇa eva ca

Sanskrit only: no published translation is held for this verse.

दशमो ब्रह्मसावर्णो धर्मसावर्ण एव च । द्वादशो रुद्रसावर्णो रोचमानस्त्रयोदशः । भौत्यश्चतुर्दशः प्रोक्तो भविष्या मनवः क्रमात्

daśamo brahmasāvarṇo dharmasāvarṇa eva ca / dvādaśo rudrasāvarṇo rocamānastrayodaśaḥ / bhautyaścaturdaśaḥ prokto bhaviṣyā manavaḥ kramāt

Sanskrit only: no published translation is held for this verse.

अयं वः कथितो ह्यंशः पूर्वो नारायणेरितः । भूतभव्यैर्वर्तमानैराख्यानैरुपबृंहितः

ayaṃ vaḥ kathito hyaṃśaḥ pūrvo nārāyaṇeritaḥ / bhūtabhavyairvartamānairākhyānairupabṛṃhitaḥ

Sanskrit only: no published translation is held for this verse.

यः पठेच्छृणुयाद् वापि श्रावयेद् वा द्विजोत्तमान् । स सर्वपापनिर्मुक्तो ब्रह्मणा सह मोदते

yaḥ paṭhecchṛṇuyād vāpi śrāvayed vā dvijottamān / sa sarvapāpanirmukto brahmaṇā saha modate

Sanskrit only: no published translation is held for this verse.

पठेद् देवालये स्नात्वा नदीतीरेषु चैव हि । नारायणं नमस्कृत्य भावेन पुरुषोत्तमम्

paṭhed devālaye snātvā nadītīreṣu caiva hi / nārāyaṇaṃ namaskṛtya bhāvena puruṣottamam

Sanskrit only: no published translation is held for this verse.

नमो देवादिदेवाय देवानां परमात्मने । पुरुषाय पुराणाय विष्णवे कूर्मरूपिणे

namo devādidevāya devānāṃ paramātmane / puruṣāya purāṇāya viṣṇave kūrmarūpiṇe

Sanskrit only: no published translation is held for this verse.