Library·Kurma-Purana·2·2.23
व्यास उवाच दशाहं प्राहुराशौचं सपिण्डेषु विपश्चितः । मृतेषु वाथ जातेषु ब्राह्मणानां द्विजोत्तमाः
vyāsa uvāca daśāhaṃ prāhurāśaucaṃ sapiṇḍeṣu vipaścitaḥ / mṛteṣu vātha jāteṣu brāhmaṇānāṃ dvijottamāḥ
Sanskrit only: no published translation is held for this verse.
नित्यानि चैव कर्माणि काम्यानि च विशेषतः । नकुर्याद् विहितं किञ्चित् स्वाध्यायं मनसापिच
nityāni caiva karmāṇi kāmyāni ca viśeṣataḥ / nakuryād vihitaṃ kiñcit svādhyāyaṃ manasāpica
Sanskrit only: no published translation is held for this verse.
शुचीनक्रोधनान् भूम्यान् शालाग्नौ भावयेद् द्विजान् । शुष्कान्नेन फलैर्वापि वैतानं जुहुयात् तथा
śucīnakrodhanān bhūmyān śālāgnau bhāvayed dvijān / śuṣkānnena phalairvāpi vaitānaṃ juhuyāt tathā
Sanskrit only: no published translation is held for this verse.
न स्पृशेयुरिमानन्ये न च तेभ्यः समाहरेत् । चतुर्थे पञ्चमे वाह्नि संस्पर्शः कथितो बुधैः
na spṛśeyurimānanye na ca tebhyaḥ samāharet / caturthe pañcame vāhni saṃsparśaḥ kathito budhaiḥ
Sanskrit only: no published translation is held for this verse.
सूतके तु सपिण्डानां संस्पर्शो न प्रदुष्यति । सूतकं सूतिकां चैव वर्जयित्वा नृणां पुनः
sūtake tu sapiṇḍānāṃ saṃsparśo na praduṣyati / sūtakaṃ sūtikāṃ caiva varjayitvā nṛṇāṃ punaḥ
Sanskrit only: no published translation is held for this verse.
अधीयानस्तथा यज्वा वेदविच्च पिता भवेत् । संस्पृश्याः सर्व एवैते स्नानान्माता दशाहतः
adhīyānastathā yajvā vedavicca pitā bhavet / saṃspṛśyāḥ sarva evaite snānānmātā daśāhataḥ
Sanskrit only: no published translation is held for this verse.
दशाहं निर्गुणे प्रोक्तमशौचं चातिनिर्गुणे । एकद्वित्रिगुणैर्युक्तं चतुस्त्र्येकदिनैः शुचिः
daśāhaṃ nirguṇe proktamaśaucaṃ cātinirguṇe / ekadvitriguṇairyuktaṃ catustryekadinaiḥ śuciḥ
Sanskrit only: no published translation is held for this verse.
दशाहात् तु परं सम्यगधीयीत जुहोति च । चतुर्थे तस्य संस्पर्शं मनुराह प्रजापतिः
daśāhāt tu paraṃ samyagadhīyīta juhoti ca / caturthe tasya saṃsparśaṃ manurāha prajāpatiḥ
Sanskrit only: no published translation is held for this verse.
क्रियाहीनस्य मूर्खस्य महारोगिण एव च । यथेष्टाचरणस्याहुर्मरणान्तमशौवकम्
kriyāhīnasya mūrkhasya mahārogiṇa eva ca / yatheṣṭācaraṇasyāhurmaraṇāntamaśauvakam
Sanskrit only: no published translation is held for this verse.
त्रिरात्रं दशरात्रं वा ब्राह्मणानामशौचकम् । प्राक्संस्कारात् त्रिरात्रं स्यात् तस्मादूर्ध्वं दशाहकम्
trirātraṃ daśarātraṃ vā brāhmaṇānāmaśaucakam / prāksaṃskārāt trirātraṃ syāt tasmādūrdhvaṃ daśāhakam
Sanskrit only: no published translation is held for this verse.
ऊनद्विवार्षिके प्रेते मातापित्रोस्तदिष्यते । त्रिरात्रेण शुचिस्त्वन्यो यदि ह्यत्यन्तनिर्गुणः
ūnadvivārṣike prete mātāpitrostadiṣyate / trirātreṇa śucistvanyo yadi hyatyantanirguṇaḥ
Sanskrit only: no published translation is held for this verse.
अदन्तजातमरणे पित्रोरेकाहमिष्यते । जातदन्ते त्रिरात्रं स्याद् यदि स्यातां तु निर्गुणौ
adantajātamaraṇe pitrorekāhamiṣyate / jātadante trirātraṃ syād yadi syātāṃ tu nirguṇau
Sanskrit only: no published translation is held for this verse.
आदन्तजननात् सद्य आचौलादेकरात्रकम् । त्रिरात्रमौपनयनात् सपिण्डानामुदाहृतम्
ādantajananāt sadya ācaulādekarātrakam / trirātramaupanayanāt sapiṇḍānāmudāhṛtam
Sanskrit only: no published translation is held for this verse.
जातमात्रस्य बालस्य यदि स्यान्मरणं पितुः । मातुश्च सूतकं तत् स्यात् पिता स्यात् स्पृश्य एव च
jātamātrasya bālasya yadi syānmaraṇaṃ pituḥ / mātuśca sūtakaṃ tat syāt pitā syāt spṛśya eva ca
Sanskrit only: no published translation is held for this verse.
सद्यः शौचं सपिण्डानां कर्तव्यं सोदरस्य च । ऊर्ध्वं दशाहादेकाहं सोदरो यदि निर्गुणः
sadyaḥ śaucaṃ sapiṇḍānāṃ kartavyaṃ sodarasya ca / ūrdhvaṃ daśāhādekāhaṃ sodaro yadi nirguṇaḥ
Sanskrit only: no published translation is held for this verse.
अथोर्ध्वं दन्तजननात् सपिण्डानामशौचकम् । एकरात्रं निर्गुणानां चैलादूर्ध्वं त्रिरात्रकम्
athordhvaṃ dantajananāt sapiṇḍānāmaśaucakam / ekarātraṃ nirguṇānāṃ cailādūrdhvaṃ trirātrakam
Sanskrit only: no published translation is held for this verse.
अदन्तजातमरणं संभवेद् यदि सत्तमाः । एकरात्रं सपिण्डानां यदि ते ऽत्यन्तनिर्गुणाः
adantajātamaraṇaṃ saṃbhaved yadi sattamāḥ / ekarātraṃ sapiṇḍānāṃ yadi te 'tyantanirguṇāḥ
Sanskrit only: no published translation is held for this verse.
व्रतादेशात् सपिण्डानामर्वाक् स्नानं विधीयते । सर्वेषामेव गुणिनामूर्ध्वं तु विषमं पुनः
vratādeśāt sapiṇḍānāmarvāk snānaṃ vidhīyate / sarveṣāmeva guṇināmūrdhvaṃ tu viṣamaṃ punaḥ
Sanskrit only: no published translation is held for this verse.
अर्वाक् षण्मासतः स्त्रीणां यदि स्याद् गर्भसंस्त्रवः । तदा माससमैस्तासामशौचं दिवसैः स्मृतम्
arvāk ṣaṇmāsataḥ strīṇāṃ yadi syād garbhasaṃstravaḥ / tadā māsasamaistāsāmaśaucaṃ divasaiḥ smṛtam
Sanskrit only: no published translation is held for this verse.
तत ऊर्ध्वं तु पतने स्त्रीणां द्वादशरात्रिकम् । सद्यः शौचं सपिण्डानां गर्भस्त्रावाच्च वा ततः
tata ūrdhvaṃ tu patane strīṇāṃ dvādaśarātrikam / sadyaḥ śaucaṃ sapiṇḍānāṃ garbhastrāvācca vā tataḥ
Sanskrit only: no published translation is held for this verse.
गर्भच्युतावहोरात्रं सपिण्डे ऽत्यन्तनिर्गुणे । यथेष्टाचरणे ज्ञातौ त्रिरात्रमिति निश्चयः
garbhacyutāvahorātraṃ sapiṇḍe 'tyantanirguṇe / yatheṣṭācaraṇe jñātau trirātramiti niścayaḥ
Sanskrit only: no published translation is held for this verse.
यदि स्यात् सूतके सूतिर्मरणे वा मृतिर्भवेत् । शेषेणैव भवेच्छुद्धिरहः शेषे त्रिरात्रकम्
yadi syāt sūtake sūtirmaraṇe vā mṛtirbhavet / śeṣeṇaiva bhavecchuddhirahaḥ śeṣe trirātrakam
Sanskrit only: no published translation is held for this verse.
मरणोत्पत्तियोगे तु मरणाच्छुद्धिरिष्यते । अघवृद्धिमदाशौचमूर्घ्वं चेत् तेन शुध्यति
maraṇotpattiyoge tu maraṇācchuddhiriṣyate / aghavṛddhimadāśaucamūrghvaṃ cet tena śudhyati
Sanskrit only: no published translation is held for this verse.
अथ चेत् पञ्चमीरात्रिमतीत्य परतो भवेत् । अघवृद्धिमदाशौचं तदा पूर्वेण शुध्यति
atha cet pañcamīrātrimatītya parato bhavet / aghavṛddhimadāśaucaṃ tadā pūrveṇa śudhyati
Sanskrit only: no published translation is held for this verse.
देशान्तरगतं श्रुत्वा सूतकं शावमेव तु । तावदप्रयतो मर्त्यो यावच्छेषः समाप्यते
deśāntaragataṃ śrutvā sūtakaṃ śāvameva tu / tāvadaprayato martyo yāvaccheṣaḥ samāpyate
Sanskrit only: no published translation is held for this verse.
अतीते सूतके प्रोक्तं सपिण्डानां त्रिरात्रकम् । तथैव मरणे स्नानमूर्ध्वं संवत्सराद् यदि
atīte sūtake proktaṃ sapiṇḍānāṃ trirātrakam / tathaiva maraṇe snānamūrdhvaṃ saṃvatsarād yadi
Sanskrit only: no published translation is held for this verse.
वेदान्तविच्चाधीयानो यो ऽग्निमान् वृत्तिकर्षितः । सद्यः शौचं भवेत् तस्य सर्वावस्थासु सर्वदा
vedāntaviccādhīyāno yo 'gnimān vṛttikarṣitaḥ / sadyaḥ śaucaṃ bhavet tasya sarvāvasthāsu sarvadā
Sanskrit only: no published translation is held for this verse.
स्त्रीणामसंस्कृतानां तु प्रदानात् पूर्वतः सदा । सपिण्डानां त्रिरात्रं स्यात् संस्कारे भर्तुरेव हि
strīṇāmasaṃskṛtānāṃ tu pradānāt pūrvataḥ sadā / sapiṇḍānāṃ trirātraṃ syāt saṃskāre bhartureva hi
Sanskrit only: no published translation is held for this verse.
अहस्त्वदत्तकन्यानामशौचं मरणे स्मृतम् । ऊनद्विवर्षान्मरणे सद्यः शौचमुदाहृतम्
ahastvadattakanyānāmaśaucaṃ maraṇe smṛtam / ūnadvivarṣānmaraṇe sadyaḥ śaucamudāhṛtam
Sanskrit only: no published translation is held for this verse.
आदन्तात् सोदरे सद्य आचौलादेकरात्रकम् । आप्रदानात् त्रिरात्रं स्याद् दशरात्रमतः परम्
ādantāt sodare sadya ācaulādekarātrakam / āpradānāt trirātraṃ syād daśarātramataḥ param
Sanskrit only: no published translation is held for this verse.
मातामहानां मरणे त्रिरात्रं स्यादशौचकम् । एकोदकानां मरणे सूतके चैतदेव हि
mātāmahānāṃ maraṇe trirātraṃ syādaśaucakam / ekodakānāṃ maraṇe sūtake caitadeva hi
Sanskrit only: no published translation is held for this verse.
पक्षिणी योनिसम्बन्धे बान्धवेषु तथैव च । एकरात्रं समुद्दिष्टं गुरौ सब्रह्मचारिणि
pakṣiṇī yonisambandhe bāndhaveṣu tathaiva ca / ekarātraṃ samuddiṣṭaṃ gurau sabrahmacāriṇi
Sanskrit only: no published translation is held for this verse.
प्रेते राजनि सज्योतिर्यस्य स्याद् विषये स्थितिः । गृहे मृतासु दत्तासु कन्यकासु त्र्यहं पितुः
prete rājani sajyotiryasya syād viṣaye sthitiḥ / gṛhe mṛtāsu dattāsu kanyakāsu tryahaṃ pituḥ
Sanskrit only: no published translation is held for this verse.
परपूर्वासु भार्यासु पुत्रेषु कृतकेषु च । त्रिरात्रं स्यात् तथाचार्ये स्वभार्यास्वन्यगासु च
parapūrvāsu bhāryāsu putreṣu kṛtakeṣu ca / trirātraṃ syāt tathācārye svabhāryāsvanyagāsu ca
Sanskrit only: no published translation is held for this verse.
आचार्यपुत्रे पत्न्यां च अहोरात्रमुदाहृतम् । एकाहं स्यादुपाध्याये स्वग्रामे श्रोत्रिये ऽपि च
ācāryaputre patnyāṃ ca ahorātramudāhṛtam / ekāhaṃ syādupādhyāye svagrāme śrotriye 'pi ca
Sanskrit only: no published translation is held for this verse.
त्रिरात्रमसपिण्डेषु स्वगृहे संस्थितेषु च । एकाहं चास्ववर्ये स्यादेकरात्रं तदिष्यते
trirātramasapiṇḍeṣu svagṛhe saṃsthiteṣu ca / ekāhaṃ cāsvavarye syādekarātraṃ tadiṣyate
Sanskrit only: no published translation is held for this verse.
त्रिरात्रं श्वश्रूमरणे श्वशुरे वै तदेव हि । सद्यः शौचं समुद्दिष्टं सगोत्रे संस्थिते सति
trirātraṃ śvaśrūmaraṇe śvaśure vai tadeva hi / sadyaḥ śaucaṃ samuddiṣṭaṃ sagotre saṃsthite sati
Sanskrit only: no published translation is held for this verse.
शुद्ध्येद् विप्रो दशाहेन द्वादशाहेन भूमिपः । वैश्यः पञ्चदशाहेन शूद्रो मासेन शुद्यति
śuddhyed vipro daśāhena dvādaśāhena bhūmipaḥ / vaiśyaḥ pañcadaśāhena śūdro māsena śudyati
Sanskrit only: no published translation is held for this verse.
क्षत्रविट्शूद्रदायादा ये स्युर्विप्रस्य बान्धवाः । तेषामशौचे विप्रस्य दशाहाच्छुद्धिरिष्यते
kṣatraviṭśūdradāyādā ye syurviprasya bāndhavāḥ / teṣāmaśauce viprasya daśāhācchuddhiriṣyate
Sanskrit only: no published translation is held for this verse.
राजन्यवैश्यावप्येवं हीनवर्णासु योनिषु । स्वमेव शौचं कुर्यातां विशुद्ध्यर्थमसंशयम्
rājanyavaiśyāvapyevaṃ hīnavarṇāsu yoniṣu / svameva śaucaṃ kuryātāṃ viśuddhyarthamasaṃśayam
Sanskrit only: no published translation is held for this verse.
सर्वे तूत्तरवर्णानामशौचं कुर्युरादृताः । तद्वर्णविधिदृष्टेन स्वं तु शौचं स्वयोनिषु
sarve tūttaravarṇānāmaśaucaṃ kuryurādṛtāḥ / tadvarṇavidhidṛṣṭena svaṃ tu śaucaṃ svayoniṣu
Sanskrit only: no published translation is held for this verse.
षड्रात्रं वा त्रिरात्रं स्यादेकरात्रं क्रमेण हि । वैश्यक्षत्रियविप्राणां शूद्रेष्वाशौचमेव तु
ṣaḍrātraṃ vā trirātraṃ syādekarātraṃ krameṇa hi / vaiśyakṣatriyaviprāṇāṃ śūdreṣvāśaucameva tu
Sanskrit only: no published translation is held for this verse.
अर्धमासो ऽथ षड्रात्रं त्रिरात्रं द्विजपुङ्गवाः । शूद्रक्षत्रियविप्राणां वैश्येष्वाशौचमिष्यते
ardhamāso 'tha ṣaḍrātraṃ trirātraṃ dvijapuṅgavāḥ / śūdrakṣatriyaviprāṇāṃ vaiśyeṣvāśaucamiṣyate
Sanskrit only: no published translation is held for this verse.
षड्रात्रं वै दशाहं च विप्राणां वैश्यशूद्रयोः । अशौचं क्षत्रिये प्रोक्तं क्रमेण द्विजपुङ्गवाः
ṣaḍrātraṃ vai daśāhaṃ ca viprāṇāṃ vaiśyaśūdrayoḥ / aśaucaṃ kṣatriye proktaṃ krameṇa dvijapuṅgavāḥ
Sanskrit only: no published translation is held for this verse.
शूद्रविट्क्षत्रियाणां तु ब्राह्मणे संस्थिते सति । दशरात्रेण शुद्धिः स्यादित्याह कमलोद्भवः
śūdraviṭkṣatriyāṇāṃ tu brāhmaṇe saṃsthite sati / daśarātreṇa śuddhiḥ syādityāha kamalodbhavaḥ
Sanskrit only: no published translation is held for this verse.
असपिण्डं द्विजं प्रेतं विप्रो निर्हृत्य बन्धुवत् । अशित्वा च सहोषित्वा दशरात्रेण शुध्यति
asapiṇḍaṃ dvijaṃ pretaṃ vipro nirhṛtya bandhuvat / aśitvā ca sahoṣitvā daśarātreṇa śudhyati
Sanskrit only: no published translation is held for this verse.
यद्यन्नमत्ति तेषां तु त्रिरात्रेण ततः शुचिः । अनदन्नन्नमह्नैव न च तस्मिन् गृहे वसेत्
yadyannamatti teṣāṃ tu trirātreṇa tataḥ śuciḥ / anadannannamahnaiva na ca tasmin gṛhe vaset
Sanskrit only: no published translation is held for this verse.
सोदकेष्वेतदेव स्यान्मातुराप्तेषु बन्धुषु । दशाहेन शवस्पर्शे सपिण्डश्चैव शुध्यति
sodakeṣvetadeva syānmāturāpteṣu bandhuṣu / daśāhena śavasparśe sapiṇḍaścaiva śudhyati
Sanskrit only: no published translation is held for this verse.
यदि निर्हरति प्रेतं प्रोलभाक्रान्तमानसः । दशाहेन द्विजः शुध्येद् द्वादशाहेन भूमिपः
yadi nirharati pretaṃ prolabhākrāntamānasaḥ / daśāhena dvijaḥ śudhyed dvādaśāhena bhūmipaḥ
Sanskrit only: no published translation is held for this verse.
अर्धमासेन वैश्यस्तु शूद्रो मासेन शुध्यति । षड्रात्रेणाथवा सर्वे त्रिरात्रेणाथवा पुनः
ardhamāsena vaiśyastu śūdro māsena śudhyati / ṣaḍrātreṇāthavā sarve trirātreṇāthavā punaḥ
Sanskrit only: no published translation is held for this verse.
अनाथं चैव निर्हृत्य ब्राह्मणं धनवर्जितम् । स्नात्वा संप्राश्य तु घृतं शुध्यन्ति ब्राह्मणादयः
anāthaṃ caiva nirhṛtya brāhmaṇaṃ dhanavarjitam / snātvā saṃprāśya tu ghṛtaṃ śudhyanti brāhmaṇādayaḥ
Sanskrit only: no published translation is held for this verse.
अवरश्चेद् वरं वर्णमवरं वा वरो यदि । अशौचे संस्पृशेत् स्नेहात् तदाशौचेन शुध्यति
avaraśced varaṃ varṇamavaraṃ vā varo yadi / aśauce saṃspṛśet snehāt tadāśaucena śudhyati
Sanskrit only: no published translation is held for this verse.
प्रेतीभूतं द्विजं विप्रो यो ऽनुगच्छत कामतः । स्नात्वा सचैलं स्पृष्ट्वाग्निं घृतं प्राश्य विशुध्यति
pretībhūtaṃ dvijaṃ vipro yo 'nugacchata kāmataḥ / snātvā sacailaṃ spṛṣṭvāgniṃ ghṛtaṃ prāśya viśudhyati
Sanskrit only: no published translation is held for this verse.
एकाहात् क्षत्रिये शुद्धिर्वैश्ये स्याच्च द्व्यहेन तु । शूद्रे दिनत्रयं प्रोक्तं प्राणायामशतं पुनः
ekāhāt kṣatriye śuddhirvaiśye syācca dvyahena tu / śūdre dinatrayaṃ proktaṃ prāṇāyāmaśataṃ punaḥ
Sanskrit only: no published translation is held for this verse.
अनस्थिसंचिते शूद्रे रौति चेद् ब्राह्मणः स्वकैः । त्रिरात्रं स्यात् तथाशौचमेकाहं त्वन्यथा स्मृतम्
anasthisaṃcite śūdre rauti ced brāhmaṇaḥ svakaiḥ / trirātraṃ syāt tathāśaucamekāhaṃ tvanyathā smṛtam
Sanskrit only: no published translation is held for this verse.
अस्थिसंचयनादर्वागेकाहं क्षत्रवैश्ययोः । अन्यथा चैव सज्योतिर्ब्राह्मणे स्नानमेव तु
asthisaṃcayanādarvāgekāhaṃ kṣatravaiśyayoḥ / anyathā caiva sajyotirbrāhmaṇe snānameva tu
Sanskrit only: no published translation is held for this verse.
अनस्थिसंचित् विप्रे ब्राह्मणो रौति चेत् तदा । स्नानेनैव भवेच्छुद्धिः सचैलेन न संशयः
anasthisaṃcit vipre brāhmaṇo rauti cet tadā / snānenaiva bhavecchuddhiḥ sacailena na saṃśayaḥ
Sanskrit only: no published translation is held for this verse.
यस्तैः सहाशनं कुर्याच्छयनादीनि चैव हि । बान्धवो वापरो वापि स दशाहेन शुध्यति
yastaiḥ sahāśanaṃ kuryācchayanādīni caiva hi / bāndhavo vāparo vāpi sa daśāhena śudhyati
Sanskrit only: no published translation is held for this verse.
यस्तेषामन्नमश्नाति सकृदेवापि कामतः । तदाशौचे निवृत्ते ऽसौ स्नानं कृत्वा विशुध्यति
yasteṣāmannamaśnāti sakṛdevāpi kāmataḥ / tadāśauce nivṛtte 'sau snānaṃ kṛtvā viśudhyati
Sanskrit only: no published translation is held for this verse.
यावत्तदन्नमश्नाति दुर्भिक्षोपहतो नरः । तावन्त्यहान्यशौचं स्यात् प्रायश्चित्तं ततश्चरेत्
yāvattadannamaśnāti durbhikṣopahato naraḥ / tāvantyahānyaśaucaṃ syāt prāyaścittaṃ tataścaret
Sanskrit only: no published translation is held for this verse.
दाहाद्यशौचं कर्तव्यं द्विजानामग्निहोत्रिणाम् । सपिण्डानां तु मरणे मरणादितरेषु च
dāhādyaśaucaṃ kartavyaṃ dvijānāmagnihotriṇām / sapiṇḍānāṃ tu maraṇe maraṇāditareṣu ca
Sanskrit only: no published translation is held for this verse.
सपिण्डता च पुरुषे सप्तमे विनिवर्तते । समानोदकभावस्तु जन्मनाम्नोरवेदने
sapiṇḍatā ca puruṣe saptame vinivartate / samānodakabhāvastu janmanāmnoravedane
Sanskrit only: no published translation is held for this verse.
पिता पितामहश्चैव तथैव प्रपितामहः । लेपभाजस्त्रयश्चात्मा सापिण्ड्यं साप्तपौरुषण्
pitā pitāmahaścaiva tathaiva prapitāmahaḥ / lepabhājastrayaścātmā sāpiṇḍyaṃ sāptapauruṣaṇ
Sanskrit only: no published translation is held for this verse.
अप्रत्तानां तथा स्त्रीणां सापिण्ड्यं साप्तपौरुषम् । ऊढानां भर्तुसापिण्ड्यं प्राह देवः पितामहः
aprattānāṃ tathā strīṇāṃ sāpiṇḍyaṃ sāptapauruṣam / ūḍhānāṃ bhartusāpiṇḍyaṃ prāha devaḥ pitāmahaḥ
Sanskrit only: no published translation is held for this verse.
ये चैकजाता बहवो भिन्नयोनय एव च । भिन्नवर्णास्तु सापिण्ड्यं भवेत् तेषां त्रिपूरुषम्
ye caikajātā bahavo bhinnayonaya eva ca / bhinnavarṇāstu sāpiṇḍyaṃ bhavet teṣāṃ tripūruṣam
Sanskrit only: no published translation is held for this verse.
कारवः शिल्पिनो वैद्या दासीदासास्तथैव च । दातारो नियमी चैव ब्रह्मविद्ब्रह्मचारिणौ
kāravaḥ śilpino vaidyā dāsīdāsāstathaiva ca / dātāro niyamī caiva brahmavidbrahmacāriṇau
Sanskrit only: no published translation is held for this verse.
सत्रिणो व्रतिनस्तावत् सद्यः शौचा उदाहृताः । राजा चैवाभिषिक्तश्च प्राणसत्रिण एव च
satriṇo vratinastāvat sadyaḥ śaucā udāhṛtāḥ / rājā caivābhiṣiktaśca prāṇasatriṇa eva ca
Sanskrit only: no published translation is held for this verse.
यज्ञे विवाहकाले च देवयागे तथैव च । सद्यः शौचं समाख्यातं दुर्भिक्षे चाप्युपद्रवे
yajñe vivāhakāle ca devayāge tathaiva ca / sadyaḥ śaucaṃ samākhyātaṃ durbhikṣe cāpyupadrave
Sanskrit only: no published translation is held for this verse.
डिम्बाहवहतानां च विद्युता पार्थिवैर्द्विजैः । सद्यः शौचं समाख्यातं सर्पादिमरणे तथा
ḍimbāhavahatānāṃ ca vidyutā pārthivairdvijaiḥ / sadyaḥ śaucaṃ samākhyātaṃ sarpādimaraṇe tathā
Sanskrit only: no published translation is held for this verse.
अग्नौ मरुप्रपतने वीराध्वन्यप्यनाशके । ब्राह्मणार्थे च संन्यस्ते सद्यः शौचं विधीयते
agnau maruprapatane vīrādhvanyapyanāśake / brāhmaṇārthe ca saṃnyaste sadyaḥ śaucaṃ vidhīyate
Sanskrit only: no published translation is held for this verse.
नैष्ठिकानां वनस्थानां यतीनां ब्रह्मचारिणाम् । नाशौचं कीर्त्यते सद्भिः पतिते च तथा मृते
naiṣṭhikānāṃ vanasthānāṃ yatīnāṃ brahmacāriṇām / nāśaucaṃ kīrtyate sadbhiḥ patite ca tathā mṛte
Sanskrit only: no published translation is held for this verse.
पतितानां न दाहः स्यान्नान्त्येष्टिर्नास्थिसंचयः । न चाश्रुपातपिण्डौ वा कार्यं श्राद्धादि कङ्क्वचित्
patitānāṃ na dāhaḥ syānnāntyeṣṭirnāsthisaṃcayaḥ / na cāśrupātapiṇḍau vā kāryaṃ śrāddhādi kaṅkvacit
Sanskrit only: no published translation is held for this verse.
व्यापादयेत् तथात्मानं स्वयं यो ऽग्निविषादिभिः । विहितं तस्य नाशौचं नाग्निर्नाप्युदकादिकम्
vyāpādayet tathātmānaṃ svayaṃ yo 'gniviṣādibhiḥ / vihitaṃ tasya nāśaucaṃ nāgnirnāpyudakādikam
Sanskrit only: no published translation is held for this verse.
अथ कश्चित् प्रमादेन म्रियते ऽग्निविषादिभिः । तस्याशौचं विधातव्यं कार्यं चैवोदकादिकम्
atha kaścit pramādena mriyate 'gniviṣādibhiḥ / tasyāśaucaṃ vidhātavyaṃ kāryaṃ caivodakādikam
Sanskrit only: no published translation is held for this verse.
जाते कुमारे तदहः कामं कुर्यात् प्रतिग्रहम् । हिरण्यधान्यगोवासस्तिलान्नगुडसर्पिषाम्
jāte kumāre tadahaḥ kāmaṃ kuryāt pratigraham / hiraṇyadhānyagovāsastilānnaguḍasarpiṣām
Sanskrit only: no published translation is held for this verse.
फलानि पुष्पं शाकं च लवणं काष्ठमेव च । तोयं दधि घृतं तैलमौषधं क्षीरमेव च । आशौचिनां गृहाद् ग्राह्यं शुष्कान्नं चैव नित्यशः
phalāni puṣpaṃ śākaṃ ca lavaṇaṃ kāṣṭhameva ca / toyaṃ dadhi ghṛtaṃ tailamauṣadhaṃ kṣīrameva ca / āśaucināṃ gṛhād grāhyaṃ śuṣkānnaṃ caiva nityaśaḥ
Sanskrit only: no published translation is held for this verse.
आहिताग्निर्यथान्यायं दग्धव्यस्त्रिभिरग्निभिः । अनाहिताग्निर्गृह्येण लौकिकेनेतरो जनः
āhitāgniryathānyāyaṃ dagdhavyastribhiragnibhiḥ / anāhitāgnirgṛhyeṇa laukikenetaro janaḥ
Sanskrit only: no published translation is held for this verse.
देहाभावात् पलाशैस्तु कृत्वा प्रतिकृतिं पुनः । दाहः कार्यो यथान्यायं सपिण्डैः श्रद्धयान्वितैः
dehābhāvāt palāśaistu kṛtvā pratikṛtiṃ punaḥ / dāhaḥ kāryo yathānyāyaṃ sapiṇḍaiḥ śraddhayānvitaiḥ
Sanskrit only: no published translation is held for this verse.
सकृत्प्रसिञ्चन्त्युदकं नामगोत्रेण वाग्यताः । दशाहं बान्धवैः सार्धं सर्वे चैवार्द्रवाससः
sakṛtprasiñcantyudakaṃ nāmagotreṇa vāgyatāḥ / daśāhaṃ bāndhavaiḥ sārdhaṃ sarve caivārdravāsasaḥ
Sanskrit only: no published translation is held for this verse.
पिण्डं प्रतिदिनं दद्युः सायं प्रातर्यथाविधि । प्रेताय च गृहद्वारि चतुर्थे भोजयेद् द्विजान्
piṇḍaṃ pratidinaṃ dadyuḥ sāyaṃ prātaryathāvidhi / pretāya ca gṛhadvāri caturthe bhojayed dvijān
Sanskrit only: no published translation is held for this verse.
द्वितीये ऽहनि कर्तव्यं क्षुरकर्म सबान्धवैः । चतुर्थे बान्धवैः सर्वैरस्थनां संचयनं भवेत् । पूर्वं तु भोजयेद् विप्रानयुग्मान् श्रद्धया शुचीन्
dvitīye 'hani kartavyaṃ kṣurakarma sabāndhavaiḥ / caturthe bāndhavaiḥ sarvairasthanāṃ saṃcayanaṃ bhavet / pūrvaṃ tu bhojayed viprānayugmān śraddhayā śucīn
Sanskrit only: no published translation is held for this verse.
पञ्चमे नवमे चैव तथैवैकादशे ऽहनि । अयुग्मान् भोजयेद् विप्रान् नवश्राद्धं तु तद्विदुः
pañcame navame caiva tathaivaikādaśe 'hani / ayugmān bhojayed viprān navaśrāddhaṃ tu tadviduḥ
Sanskrit only: no published translation is held for this verse.
एकादशे ऽह्नि कुर्वोत प्रेतमुद्दिश्य भावतः । द्वादशे वाथ कर्तव्यमनिन्द्ये त्वथवाहनि । एकं पवित्रमेकोर्ऽघः पिण्डपात्रं तथैव च
ekādaśe 'hni kurvota pretamuddiśya bhāvataḥ / dvādaśe vātha kartavyamanindye tvathavāhani / ekaṃ pavitramekor'ghaḥ piṇḍapātraṃ tathaiva ca
Sanskrit only: no published translation is held for this verse.
एवं मृताह्नि कर्तव्यं प्रतिमासं तु वत्सरम् । सपिण्डीकरणं प्रोक्तं पूर्णे संवत्सरे पुनः
evaṃ mṛtāhni kartavyaṃ pratimāsaṃ tu vatsaram / sapiṇḍīkaraṇaṃ proktaṃ pūrṇe saṃvatsare punaḥ
Sanskrit only: no published translation is held for this verse.
कुर्याच्चत्वारि पात्राणि प्रेतादीनां द्विजोत्तमाः । प्रेतार्थं पितृपात्रेषु पात्रमासेचयेत् ततः
kuryāccatvāri pātrāṇi pretādīnāṃ dvijottamāḥ / pretārthaṃ pitṛpātreṣu pātramāsecayet tataḥ
Sanskrit only: no published translation is held for this verse.
ये समाना इति द्वाभ्यां पिण्डानप्येवमेव हि । सपिण्डीकरणं श्राद्धं देवपूर्वं विधीयते
ye samānā iti dvābhyāṃ piṇḍānapyevameva hi / sapiṇḍīkaraṇaṃ śrāddhaṃ devapūrvaṃ vidhīyate
Sanskrit only: no published translation is held for this verse.
पितॄनावाहयेत् तत्र पुनः प्रेतं च निर्दिशेत् । ये सपिण्डीकृताः प्रेतान तेषां स्यात् पृथक्क्रियाः । यस्तु कुर्यात् पृथक् पिण्डं पितृहा सो ऽभिजायते
pitṝnāvāhayet tatra punaḥ pretaṃ ca nirdiśet / ye sapiṇḍīkṛtāḥ pretāna teṣāṃ syāt pṛthakkriyāḥ / yastu kuryāt pṛthak piṇḍaṃ pitṛhā so 'bhijāyate
Sanskrit only: no published translation is held for this verse.
मृते पितरि वै पुत्रः पिण्डमब्दं समाचरेत् । दद्याच्चान्नं सोदकुम्भं प्रत्यहं प्रेतधर्मतः
mṛte pitari vai putraḥ piṇḍamabdaṃ samācaret / dadyāccānnaṃ sodakumbhaṃ pratyahaṃ pretadharmataḥ
Sanskrit only: no published translation is held for this verse.
पार्वणेन विधानेन संवत्सरिकमिष्यते । प्रतिसंवत्सरं कार्यं विधिरेष सनातनः
pārvaṇena vidhānena saṃvatsarikamiṣyate / pratisaṃvatsaraṃ kāryaṃ vidhireṣa sanātanaḥ
Sanskrit only: no published translation is held for this verse.
मातापित्रोः सुतैः कार्यं पिण्डदानादिकं च यत् । पत्नी कुर्यात् सुताभावे पत्न्य भावे सहोदहः
mātāpitroḥ sutaiḥ kāryaṃ piṇḍadānādikaṃ ca yat / patnī kuryāt sutābhāve patnya bhāve sahodahaḥ
Sanskrit only: no published translation is held for this verse.
अनेनैव विधाने जीवन् वा श्राद्धमाचरेत् । कृत्वा दानादिकं सर्वं श्रद्धायुक्तः समाहितः
anenaiva vidhāne jīvan vā śrāddhamācaret / kṛtvā dānādikaṃ sarvaṃ śraddhāyuktaḥ samāhitaḥ
Sanskrit only: no published translation is held for this verse.
एष वः कथितः सम्यग् गृहस्थानां क्रियाविधिः । स्त्रीणां तु भर्तृशुश्रूषा धर्मो नान्य इहेष्यते
eṣa vaḥ kathitaḥ samyag gṛhasthānāṃ kriyāvidhiḥ / strīṇāṃ tu bhartṛśuśrūṣā dharmo nānya iheṣyate
Sanskrit only: no published translation is held for this verse.
स्वधर्मपरमो नित्यमीश्विरार्पितमानसः । प्राप्नोति तत् परं स्थानं यदुक्तं वेदवादिभिः
svadharmaparamo nityamīśvirārpitamānasaḥ / prāpnoti tat paraṃ sthānaṃ yaduktaṃ vedavādibhiḥ
Sanskrit only: no published translation is held for this verse.