Library·Kurma-Purana·2·2.34
इती श्रीकूर्मपुराणे षट्साहस्त्र्यां संहितायामुपरिविभागे त्रयस्त्रिशो ऽध्यायः ऋषय ऊचुः तीर्थानि यानि लोके ऽस्मिन् विश्रुतानि माहन्ति च । तानि त्वं कथयास्माकं रोमहर्षण सांप्रतम्
itī śrīkūrmapurāṇe ṣaṭsāhastryāṃ saṃhitāyāmuparivibhāge trayastriśo 'dhyāyaḥ ṛṣaya ūcuḥ tīrthāni yāni loke 'smin viśrutāni māhanti ca / tāni tvaṃ kathayāsmākaṃ romaharṣaṇa sāṃpratam
Sanskrit only: no published translation is held for this verse.
रोमहर्षण उवाच शृणुध्वं कथयिष्ये ऽहं तीर्थानि विविधानि च । कथितानि पुराणेषु मुनिभिर्ब्रह्मवादिभिः
romaharṣaṇa uvāca śṛṇudhvaṃ kathayiṣye 'haṃ tīrthāni vividhāni ca / kathitāni purāṇeṣu munibhirbrahmavādibhiḥ
Sanskrit only: no published translation is held for this verse.
यत्र स्नानं जपो होमः श्राद्धदानादिकं कृतम् । एकैकशो मुनिश्रेष्ठाः पुनात्यासप्तमं कुलम्
yatra snānaṃ japo homaḥ śrāddhadānādikaṃ kṛtam / ekaikaśo muniśreṣṭhāḥ punātyāsaptamaṃ kulam
Sanskrit only: no published translation is held for this verse.
पञ्चयोजनविस्तीर्णं ब्रह्मणः परमेष्ठिनः । प्रयागं प्रथितं तीर्थं तस्य माहात्म्यमीरितम्
pañcayojanavistīrṇaṃ brahmaṇaḥ parameṣṭhinaḥ / prayāgaṃ prathitaṃ tīrthaṃ tasya māhātmyamīritam
Sanskrit only: no published translation is held for this verse.
अन्यच्च तीर्थप्रवरं कुरूणां देववन्दितम् । ऋषीणामाश्रमैर्जुष्टं सर्वपापविशोधनम्
anyacca tīrthapravaraṃ kurūṇāṃ devavanditam / ṛṣīṇāmāśramairjuṣṭaṃ sarvapāpaviśodhanam
Sanskrit only: no published translation is held for this verse.
तत्र स्नात्वा विशुद्धात्मा दम्भमात्सर्यवर्जितः । ददाति यत्किञ्चिदपि पुनात्युभयतः कुलम्
tatra snātvā viśuddhātmā dambhamātsaryavarjitaḥ / dadāti yatkiñcidapi punātyubhayataḥ kulam
Sanskrit only: no published translation is held for this verse.
गयातीर्थं परं गुह्यं पितॄणां चाति वल्लभम् । कृत्वा पिण्डप्रदानं तु न भूयो जायते नरः
gayātīrthaṃ paraṃ guhyaṃ pitṝṇāṃ cāti vallabham / kṛtvā piṇḍapradānaṃ tu na bhūyo jāyate naraḥ
Sanskrit only: no published translation is held for this verse.
सकृद् गयाभिगमनं कृत्वा पिण्डं ददाति यः । तारिताः पितरस्तेन यास्यन्ति परमां गतिम्
sakṛd gayābhigamanaṃ kṛtvā piṇḍaṃ dadāti yaḥ / tāritāḥ pitarastena yāsyanti paramāṃ gatim
Sanskrit only: no published translation is held for this verse.
तत्र लोकहितार्थाय रुद्रेण परमात्मना । शिलातले पदं न्यस्तं तत्र पितॄन् प्रसादयेत्
tatra lokahitārthāya rudreṇa paramātmanā / śilātale padaṃ nyastaṃ tatra pitṝn prasādayet
Sanskrit only: no published translation is held for this verse.
गयाभिगमनं कर्तुं यः शक्तो नाभिगच्छति । शोचन्ति पितरस्तं वै वृथा तस्य परिश्रमः
gayābhigamanaṃ kartuṃ yaḥ śakto nābhigacchati / śocanti pitarastaṃ vai vṛthā tasya pariśramaḥ
Sanskrit only: no published translation is held for this verse.
गायन्ति पितरो गाथाः कीर्तयन्ति महर्षयः । गयांयास्यतियः कश्चित् सो ऽस्मान् संतारयिष्यति
gāyanti pitaro gāthāḥ kīrtayanti maharṣayaḥ / gayāṃyāsyatiyaḥ kaścit so 'smān saṃtārayiṣyati
Sanskrit only: no published translation is held for this verse.
यदि स्यात् पातकोपेतः स्वधर्मरतिवर्जितः । गयां यास्यति वंश्यो यः सो ऽस्मान् संतारयिष्यति
yadi syāt pātakopetaḥ svadharmarativarjitaḥ / gayāṃ yāsyati vaṃśyo yaḥ so 'smān saṃtārayiṣyati
Sanskrit only: no published translation is held for this verse.
एष्टव्या बहवः पुत्राः शीलवन्तो गुणान्विताः । तेषां तु समवेतानां यद्येको ऽपि गयां व्रजेत्
eṣṭavyā bahavaḥ putrāḥ śīlavanto guṇānvitāḥ / teṣāṃ tu samavetānāṃ yadyeko 'pi gayāṃ vrajet
Sanskrit only: no published translation is held for this verse.
तस्मात् सर्वप्रयत्नेन ब्राह्मणस्तु विशेषतः । प्रदद्याद् विधिवत् पिण्डान् गयां गत्वा समाहितः
tasmāt sarvaprayatnena brāhmaṇastu viśeṣataḥ / pradadyād vidhivat piṇḍān gayāṃ gatvā samāhitaḥ
Sanskrit only: no published translation is held for this verse.
धन्यास्तु खलु ते मर्त्या गयायां पिण्डदायिनः । कुलान्युभयतः सप्त समुद्धृत्याप्नुयात् परम्
dhanyāstu khalu te martyā gayāyāṃ piṇḍadāyinaḥ / kulānyubhayataḥ sapta samuddhṛtyāpnuyāt param
Sanskrit only: no published translation is held for this verse.
अन्यच्च तीर्थप्रवरं सिद्धावासमुदाहृतम् । प्रभासमिति विख्यातं यत्रास्ते भगवान् भवः
anyacca tīrthapravaraṃ siddhāvāsamudāhṛtam / prabhāsamiti vikhyātaṃ yatrāste bhagavān bhavaḥ
Sanskrit only: no published translation is held for this verse.
तत्र स्नानं तपः श्राद्धं ब्राह्मणानां च पूजनम् । कृत्वा लोकमवाप्नोति ब्रह्मणो ऽक्षय्यमुत्तमम्
tatra snānaṃ tapaḥ śrāddhaṃ brāhmaṇānāṃ ca pūjanam / kṛtvā lokamavāpnoti brahmaṇo 'kṣayyamuttamam
Sanskrit only: no published translation is held for this verse.
तीर्थं त्रैयम्बकं नाम सर्वदेवनमस्कृतम् । पूजयित्वा तत्र रुद्रं ज्योतिष्टोमफलं लभेत्
tīrthaṃ traiyambakaṃ nāma sarvadevanamaskṛtam / pūjayitvā tatra rudraṃ jyotiṣṭomaphalaṃ labhet
Sanskrit only: no published translation is held for this verse.
सुवर्णाक्षं महादेवं समभ्यर्च्य कपर्दिनम् । ब्राह्मणान् पूजयित्वा तु गाणपत्यं लभेद् ध्रुवम्
suvarṇākṣaṃ mahādevaṃ samabhyarcya kapardinam / brāhmaṇān pūjayitvā tu gāṇapatyaṃ labhed dhruvam
Sanskrit only: no published translation is held for this verse.
सोमेश्वरं तीर्थवरं रुद्रस्य परमेष्ठिनः । सर्वव्याधिहरं पुण्यं रुद्रसालोक्यकारणम्
someśvaraṃ tīrthavaraṃ rudrasya parameṣṭhinaḥ / sarvavyādhiharaṃ puṇyaṃ rudrasālokyakāraṇam
Sanskrit only: no published translation is held for this verse.
तीर्थानां परमं तीर्थं विजयं नाम शोभनम् । तत्र लिङ्गं महेशस्य विजयं नाम विश्रुतम्
tīrthānāṃ paramaṃ tīrthaṃ vijayaṃ nāma śobhanam / tatra liṅgaṃ maheśasya vijayaṃ nāma viśrutam
Sanskrit only: no published translation is held for this verse.
षण्मासान् नियताहारो ब्रह्मचारी समाहितः । उषित्वा तत्र विप्रेन्द्रा यास्यन्ति परमं पदम्
ṣaṇmāsān niyatāhāro brahmacārī samāhitaḥ / uṣitvā tatra viprendrā yāsyanti paramaṃ padam
Sanskrit only: no published translation is held for this verse.
अन्यच्च तीर्थप्रवरं पूर्वदेशे सुशोभनम् । एकाम्रं देवदेवस्य गाणपत्यफलप्रदम्
anyacca tīrthapravaraṃ pūrvadeśe suśobhanam / ekāmraṃ devadevasya gāṇapatyaphalapradam
Sanskrit only: no published translation is held for this verse.
दत्त्वात्र शिवभक्तानां किञ्चिच्छश्वन्महीं शुभाम् । सार्वभौमो भवेद् राजा मुमुक्षुर्मोक्षमाप्नुयात्
dattvātra śivabhaktānāṃ kiñcicchaśvanmahīṃ śubhām / sārvabhaumo bhaved rājā mumukṣurmokṣamāpnuyāt
Sanskrit only: no published translation is held for this verse.
महानदीजलं पुण्यं सर्वपापविनाशनम् । ग्रहणे समुपस्पृश्य मुच्यते सर्वपातकैः
mahānadījalaṃ puṇyaṃ sarvapāpavināśanam / grahaṇe samupaspṛśya mucyate sarvapātakaiḥ
Sanskrit only: no published translation is held for this verse.
अन्या च विरजा नाम नदी त्रैलोक्यविश्रुता । तस्यां स्नात्वा नरो विप्रा ब्रह्मलोके महीयते
anyā ca virajā nāma nadī trailokyaviśrutā / tasyāṃ snātvā naro viprā brahmaloke mahīyate
Sanskrit only: no published translation is held for this verse.
तीर्थं नारायणस्यान्यन्नाम्ना तु पुरुषोत्तमम् । तत्र नारायणः श्रीमानास्ते परमपूरुषः
tīrthaṃ nārāyaṇasyānyannāmnā tu puruṣottamam / tatra nārāyaṇaḥ śrīmānāste paramapūruṣaḥ
Sanskrit only: no published translation is held for this verse.
पूजयित्वा परं विष्णुं स्नात्वा तत्र द्विजोत्तमः । ब्राह्मणान् पूजयित्वा तु विष्णुलोकमवाप्नुयात्
pūjayitvā paraṃ viṣṇuṃ snātvā tatra dvijottamaḥ / brāhmaṇān pūjayitvā tu viṣṇulokamavāpnuyāt
Sanskrit only: no published translation is held for this verse.
तीर्थानां परमं तीर्थं गोकर्णं नाम विश्रुतम् । सर्वपापहरं शंभोर्निवासः परमेष्ठिनः
tīrthānāṃ paramaṃ tīrthaṃ gokarṇaṃ nāma viśrutam / sarvapāpaharaṃ śaṃbhornivāsaḥ parameṣṭhinaḥ
Sanskrit only: no published translation is held for this verse.
दृष्ट्वा लिंङ्गं तु देवस्य गोकर्णेश्वरमुत्तमम् । ईप्सितांल्लभते कामान् रुद्रस्य दयितो भवेत्
dṛṣṭvā liṃṅgaṃ tu devasya gokarṇeśvaramuttamam / īpsitāṃllabhate kāmān rudrasya dayito bhavet
Sanskrit only: no published translation is held for this verse.
उत्तरं चापि गोकर्णं लिङ्गं देवस्य शूलिनः । महादेवस्यार्चयित्वा शिवसायुज्यमाप्नुयात्
uttaraṃ cāpi gokarṇaṃ liṅgaṃ devasya śūlinaḥ / mahādevasyārcayitvā śivasāyujyamāpnuyāt
Sanskrit only: no published translation is held for this verse.
तत्र देवो महादेवः स्थाणुरित्यभिविश्रुतः । तं दृष्ट्वा सर्वपापेभ्यो मुच्यते तत्क्षणान्नरः
tatra devo mahādevaḥ sthāṇurityabhiviśrutaḥ / taṃ dṛṣṭvā sarvapāpebhyo mucyate tatkṣaṇānnaraḥ
Sanskrit only: no published translation is held for this verse.
अन्यत् कुब्जाम्रमतुलं स्थानं विष्णोर्महात्मनः । संपूज्य पुरुषं विष्णुं श्वेतद्वीपे महीयते
anyat kubjāmramatulaṃ sthānaṃ viṣṇormahātmanaḥ / saṃpūjya puruṣaṃ viṣṇuṃ śvetadvīpe mahīyate
Sanskrit only: no published translation is held for this verse.
यत्र नारायणो देवो रुद्रेण त्रिपुरारिणा । कृत्वा यज्ञस्य मथनं दक्षस्य तु विसर्जितः
yatra nārāyaṇo devo rudreṇa tripurāriṇā / kṛtvā yajñasya mathanaṃ dakṣasya tu visarjitaḥ
Sanskrit only: no published translation is held for this verse.
समन्ताद् योजनं क्षेत्रं सिद्धर्षिगणवन्दितम् । पुण्यमायतनं विष्णोस्तत्रास्ते पुरुषोत्तमः
samantād yojanaṃ kṣetraṃ siddharṣigaṇavanditam / puṇyamāyatanaṃ viṣṇostatrāste puruṣottamaḥ
Sanskrit only: no published translation is held for this verse.
अन्यत् कोकामुखं विष्णोस्तीर्थमद्भुतकर्मणः । मृतो ऽत्र पातकैर्मुक्तो विष्णुसारूप्यमाप्नुयात्
anyat kokāmukhaṃ viṣṇostīrthamadbhutakarmaṇaḥ / mṛto 'tra pātakairmukto viṣṇusārūpyamāpnuyāt
Sanskrit only: no published translation is held for this verse.
शालग्रामं महातीर्थं विष्णोः प्रीतिविवर्धनम् । प्राणांस्तत्र नरस्त्यक्त्वा हृषीकेषं प्रपश्यति
śālagrāmaṃ mahātīrthaṃ viṣṇoḥ prītivivardhanam / prāṇāṃstatra narastyaktvā hṛṣīkeṣaṃ prapaśyati
Sanskrit only: no published translation is held for this verse.
अश्वतीर्थमिति ख्यातं सिद्धावासं सुपावनम् । आस्ते हयशिरा नित्यं तत्र नारायणः स्वयम्
aśvatīrthamiti khyātaṃ siddhāvāsaṃ supāvanam / āste hayaśirā nityaṃ tatra nārāyaṇaḥ svayam
Sanskrit only: no published translation is held for this verse.
तीर्थं त्रैलोक्यविख्यातं ब्रह्मणः परमेष्ठिनः । पुष्करं सर्वपापघ्नं मृतानां ब्रह्मलोकदम्
tīrthaṃ trailokyavikhyātaṃ brahmaṇaḥ parameṣṭhinaḥ / puṣkaraṃ sarvapāpaghnaṃ mṛtānāṃ brahmalokadam
Sanskrit only: no published translation is held for this verse.
मनसा संस्मरेद् यस्तु पुष्करं वै द्विजोत्तमः । पूयते पातकैः सर्वैः शक्रेण सह मोदते
manasā saṃsmared yastu puṣkaraṃ vai dvijottamaḥ / pūyate pātakaiḥ sarvaiḥ śakreṇa saha modate
Sanskrit only: no published translation is held for this verse.
तत्र देवाः सगन्धर्वाः सयक्षोरगराक्षसाः । उपासते सिद्धसङ्घा ब्रह्मणं पद्मसंभवम्
tatra devāḥ sagandharvāḥ sayakṣoragarākṣasāḥ / upāsate siddhasaṅghā brahmaṇaṃ padmasaṃbhavam
Sanskrit only: no published translation is held for this verse.
तत्र स्त्रात्वा भवेच्छुद्धो ब्रह्माणं परमेष्ठिनम् । पूजयित्वा द्विजवरान् ब्रह्माणं संप्रपष्यति
tatra strātvā bhavecchuddho brahmāṇaṃ parameṣṭhinam / pūjayitvā dvijavarān brahmāṇaṃ saṃprapaṣyati
Sanskrit only: no published translation is held for this verse.
तत्राभिगम्य देवेशं पुरुहूतमनिन्दितम् । सुरूपो जायते मर्त्यः सर्वान् कामानवाप्नुयात्
tatrābhigamya deveśaṃ puruhūtamaninditam / surūpo jāyate martyaḥ sarvān kāmānavāpnuyāt
Sanskrit only: no published translation is held for this verse.
सप्तसारस्वतं तीर्थं ब्रह्माद्यैः सेवितं परम् । पूजयित्वा तत्र रुद्रमश्वमेधफलं लभेत्
saptasārasvataṃ tīrthaṃ brahmādyaiḥ sevitaṃ param / pūjayitvā tatra rudramaśvamedhaphalaṃ labhet
Sanskrit only: no published translation is held for this verse.
यत्र मङ्कणको रुद्रं प्रपन्नः परमेश्वरम् । आराधयामास हरं पञ्चक्षरपरायणः
yatra maṅkaṇako rudraṃ prapannaḥ parameśvaram / ārādhayāmāsa haraṃ pañcakṣaraparāyaṇaḥ
Sanskrit only: no published translation is held for this verse.
नमः शिवायेति मुनिः जपन् पञ्चाक्षरं परम् । आराधयामास शिवं तपसा गोवृषध्वजम्
namaḥ śivāyeti muniḥ japan pañcākṣaraṃ param / ārādhayāmāsa śivaṃ tapasā govṛṣadhvajam
Sanskrit only: no published translation is held for this verse.
प्रजज्वालाथ तपसा मुनिर्मङ्कणकस्तदा । ननर्त हर्षवेगेन ज्ञात्वा रुद्रं समागतम्
prajajvālātha tapasā munirmaṅkaṇakastadā / nanarta harṣavegena jñātvā rudraṃ samāgatam
Sanskrit only: no published translation is held for this verse.
तं प्राह भगवान् रुद्रः किमर्थं नर्तितं त्वया । दृष्ट्वापि देवमीशानं नृत्यति स्म पुनः पुनः
taṃ prāha bhagavān rudraḥ kimarthaṃ nartitaṃ tvayā / dṛṣṭvāpi devamīśānaṃ nṛtyati sma punaḥ punaḥ
Sanskrit only: no published translation is held for this verse.
सो ऽन्वीक्ष्य भगवानीशः सगर्वं गर्वशान्तये । स्वकं देहं विदार्यास्मै भस्मराशिमदर्शयत्
so 'nvīkṣya bhagavānīśaḥ sagarvaṃ garvaśāntaye / svakaṃ dehaṃ vidāryāsmai bhasmarāśimadarśayat
Sanskrit only: no published translation is held for this verse.
पश्येमं मच्छरीरोत्थं भस्मराशिं द्विजोत्तम । माहात्म्यमेतत् तपसस्त्वादृशो ऽन्यो ऽपि विद्यते
paśyemaṃ maccharīrotthaṃ bhasmarāśiṃ dvijottama / māhātmyametat tapasastvādṛśo 'nyo 'pi vidyate
Sanskrit only: no published translation is held for this verse.
यत् सगर्वं हि भवता नर्तितं मुनिपुङ्गव । न युक्तं तापसस्यैतत् त्वत्तोप्यत्राधिको ह्यहम्
yat sagarvaṃ hi bhavatā nartitaṃ munipuṅgava / na yuktaṃ tāpasasyaitat tvattopyatrādhiko hyaham
Sanskrit only: no published translation is held for this verse.
इत्याभाष्य मुनिश्रेष्ठं स रुद्रः किल विश्वदृक् । आस्थाय परमं भावं ननर्त जगतो हरः
ityābhāṣya muniśreṣṭhaṃ sa rudraḥ kila viśvadṛk / āsthāya paramaṃ bhāvaṃ nanarta jagato haraḥ
Sanskrit only: no published translation is held for this verse.
सहस्रशीर्षा भूत्वा सहस्राक्षः सहस्रपात् । दंष्ट्राकरालवदनो ज्वालामाली भयङ्करः
sahasraśīrṣā bhūtvā sahasrākṣaḥ sahasrapāt / daṃṣṭrākarālavadano jvālāmālī bhayaṅkaraḥ
Sanskrit only: no published translation is held for this verse.
सो ऽन्वपश्यदशेषस्य पार्श्वे तस्य त्रिशूलिनः । विशाललोचनमेकां देवीं चारुविलासिनीम् । सूर्यायुतसमप्रख्यां प्रसन्नवदनां शिवाम्
so 'nvapaśyadaśeṣasya pārśve tasya triśūlinaḥ / viśālalocanamekāṃ devīṃ cāruvilāsinīm / sūryāyutasamaprakhyāṃ prasannavadanāṃ śivām
Sanskrit only: no published translation is held for this verse.
सस्मितं प्रेक्ष्य विश्वेशं तिष्ठन्तीममितद्युतिम् । दृष्ट्वा संत्रस्तहृदयो वेपमानो मुनीश्वरः । ननाम शिरसा रुद्रं रुद्राध्यायं जपन् वशी
sasmitaṃ prekṣya viśveśaṃ tiṣṭhantīmamitadyutim / dṛṣṭvā saṃtrastahṛdayo vepamāno munīśvaraḥ / nanāma śirasā rudraṃ rudrādhyāyaṃ japan vaśī
Sanskrit only: no published translation is held for this verse.
प्रसन्नो भगवानीशस्त्र्यम्बको भक्तवत्सलः । पूर्ववेषं स जग्राह देवी चान्तर्हिताभवत्
prasanno bhagavānīśastryambako bhaktavatsalaḥ / pūrvaveṣaṃ sa jagrāha devī cāntarhitābhavat
Sanskrit only: no published translation is held for this verse.
आलिङ्ग्य भक्तं प्रणतं देवदेवः स्वयंशिवः । न भेतव्यं त्वया वत्स प्राह किं ते ददाम्यहम्
āliṅgya bhaktaṃ praṇataṃ devadevaḥ svayaṃśivaḥ / na bhetavyaṃ tvayā vatsa prāha kiṃ te dadāmyaham
Sanskrit only: no published translation is held for this verse.
प्रणम्य मूर्ध्ना गिरिशं हरं त्रिपुरसूदनम् । विज्ञापयामास तदा हृष्टः प्रष्टुमना मुनिः
praṇamya mūrdhnā giriśaṃ haraṃ tripurasūdanam / vijñāpayāmāsa tadā hṛṣṭaḥ praṣṭumanā muniḥ
Sanskrit only: no published translation is held for this verse.
नमो ऽस्तु ते महादेव महेश्वर नमो ऽस्तु ते । किमेतद् भगवद्रूपं सुघोरं विश्वतोमुखम्
namo 'stu te mahādeva maheśvara namo 'stu te / kimetad bhagavadrūpaṃ sughoraṃ viśvatomukham
Sanskrit only: no published translation is held for this verse.
का च सा भगवत्पार्श्वे राजमाना व्यवस्थिता । अन्तर्हितेव सहसा सर्वमिच्छामि वेदितुम्
kā ca sā bhagavatpārśve rājamānā vyavasthitā / antarhiteva sahasā sarvamicchāmi veditum
Sanskrit only: no published translation is held for this verse.
इत्युक्ते व्याजहारमं तथा मङ्कणकं हरः । महेशः स्वात्मनो योगं देवीं च त्रिपुरानलः
ityukte vyājahāramaṃ tathā maṅkaṇakaṃ haraḥ / maheśaḥ svātmano yogaṃ devīṃ ca tripurānalaḥ
Sanskrit only: no published translation is held for this verse.
अहं सहस्रनयनः सर्वात्मा सर्वतोमुखः । दाहकः सर्वपापानां कालः कालकरो हरः
ahaṃ sahasranayanaḥ sarvātmā sarvatomukhaḥ / dāhakaḥ sarvapāpānāṃ kālaḥ kālakaro haraḥ
Sanskrit only: no published translation is held for this verse.
मयैव प्रेर्यते कृत्स्नं चेतनाचेतनात्मकम् । सो ऽन्तर्यामी स पुरुषो ह्यहं वै पुरुषोत्तमः
mayaiva preryate kṛtsnaṃ cetanācetanātmakam / so 'ntaryāmī sa puruṣo hyahaṃ vai puruṣottamaḥ
Sanskrit only: no published translation is held for this verse.
तस्य सा परमा माया प्रकृतिस्त्रिगुणात्मिका । प्रोच्यते मुनिर्भिशक्तिर्जगद्योनिः सनातनी
tasya sā paramā māyā prakṛtistriguṇātmikā / procyate munirbhiśaktirjagadyoniḥ sanātanī
Sanskrit only: no published translation is held for this verse.
स एष मायया विश्वं व्यामोहयति विश्ववित् । नारायणः परो ऽव्यक्तो मायारूप इति श्रुतिः
sa eṣa māyayā viśvaṃ vyāmohayati viśvavit / nārāyaṇaḥ paro 'vyakto māyārūpa iti śrutiḥ
Sanskrit only: no published translation is held for this verse.
एवमेतज्जगत् सर्वं सर्वदा स्थापयाम्यहम् । योजयामि प्रकृत्याहं पुरुषं पञ्चविंशकम्
evametajjagat sarvaṃ sarvadā sthāpayāmyaham / yojayāmi prakṛtyāhaṃ puruṣaṃ pañcaviṃśakam
Sanskrit only: no published translation is held for this verse.
तथा वै संगतो देवः कूटस्थः सर्वगो ऽमलः । सृजत्यशेषमेवेदं स्वमूर्तेः प्रकृतेरजः
tathā vai saṃgato devaḥ kūṭasthaḥ sarvago 'malaḥ / sṛjatyaśeṣamevedaṃ svamūrteḥ prakṛterajaḥ
Sanskrit only: no published translation is held for this verse.
स देवो भगवान् ब्रह्मा विश्वरूपः पितामहः । तवैतत् कथितं सम्यक् स्त्रष्ट्वत्वं परमात्मनः
sa devo bhagavān brahmā viśvarūpaḥ pitāmahaḥ / tavaitat kathitaṃ samyak straṣṭvatvaṃ paramātmanaḥ
Sanskrit only: no published translation is held for this verse.
एको ऽहं भगवान् कलो ह्यनादिश्चान्तकृद् विभुः । समास्थाय परं भावं प्रोक्तो रुद्रो मनीषिभिः
eko 'haṃ bhagavān kalo hyanādiścāntakṛd vibhuḥ / samāsthāya paraṃ bhāvaṃ prokto rudro manīṣibhiḥ
Sanskrit only: no published translation is held for this verse.
मम वै सापरा शक्तिर्देवी विद्येति विश्रुता । दृष्टा हि भवता नूनं विद्यादेहस्त्वहं ततः
mama vai sāparā śaktirdevī vidyeti viśrutā / dṛṣṭā hi bhavatā nūnaṃ vidyādehastvahaṃ tataḥ
Sanskrit only: no published translation is held for this verse.
एवमेतानि तत्त्वानि प्रधानपुरुषेश्वराः । विष्णुर्ब्रह्मा च भगवान् रुद्रः काल इति श्रुतिः
evametāni tattvāni pradhānapuruṣeśvarāḥ / viṣṇurbrahmā ca bhagavān rudraḥ kāla iti śrutiḥ
Sanskrit only: no published translation is held for this verse.
त्रयमेतदनाद्यन्तं ब्रह्मण्येव व्यवस्थितम् । तदात्मकं तदव्यक्तं तदक्षरमिति श्रुतिः
trayametadanādyantaṃ brahmaṇyeva vyavasthitam / tadātmakaṃ tadavyaktaṃ tadakṣaramiti śrutiḥ
Sanskrit only: no published translation is held for this verse.
आत्मानन्दपरं तत्त्वं चिन्मात्रं परमं पदम् । आकाशं निष्कलं ब्रह्म तस्मादन्यन्न विद्यते
ātmānandaparaṃ tattvaṃ cinmātraṃ paramaṃ padam / ākāśaṃ niṣkalaṃ brahma tasmādanyanna vidyate
Sanskrit only: no published translation is held for this verse.
एवं विज्ञाय भवता भक्तियोगाश्रयेण तु । संपूज्यो वन्दनीयो ऽहं ततस्तं पश्य शाश्वतम्
evaṃ vijñāya bhavatā bhaktiyogāśrayeṇa tu / saṃpūjyo vandanīyo 'haṃ tatastaṃ paśya śāśvatam
Sanskrit only: no published translation is held for this verse.
एतावदुक्त्वा भगवाञ्जगामादर्शनं हरः । तत्रैव भक्तियोगेन रुद्रामाराधयन्मुनिः
etāvaduktvā bhagavāñjagāmādarśanaṃ haraḥ / tatraiva bhaktiyogena rudrāmārādhayanmuniḥ
Sanskrit only: no published translation is held for this verse.
एतत् पवित्रमतुलं तीर्थं ब्रह्मर्षिसेवितम् । संसेव्य ब्राह्मणो विद्वान् मुच्यते सर्वपातकैः
etat pavitramatulaṃ tīrthaṃ brahmarṣisevitam / saṃsevya brāhmaṇo vidvān mucyate sarvapātakaiḥ
Sanskrit only: no published translation is held for this verse.