Kurma-Purana 2.40

इति श्रीकूर्मपुराणे षट्साहस्त्र्यां संहितायामुपरिविभागे एकोनचत्वारिशो ऽध्यायः मार्कण्डेय उवाच ततो गच्छेत राजेन्द्र भृगुतीर्थ मनुत्तमम् । तत्र देवो भृगुः पुर्वं रुद्रमाराधयत् पुरा

iti śrīkūrmapurāṇe ṣaṭsāhastryāṃ saṃhitāyāmuparivibhāge ekonacatvāriśo 'dhyāyaḥ mārkaṇḍeya uvāca tato gaccheta rājendra bhṛgutīrtha manuttamam / tatra devo bhṛguḥ purvaṃ rudramārādhayat purā

Sanskrit only: no published translation is held for this verse.

दर्शनात् तस्य देवस्य सद्यः पापात् प्रमुच्यते । एतत् क्षेत्रं सुविपुलं सर्वपापप्रणाशनम्

darśanāt tasya devasya sadyaḥ pāpāt pramucyate / etat kṣetraṃ suvipulaṃ sarvapāpapraṇāśanam

Sanskrit only: no published translation is held for this verse.

तत्र स्नात्वा दिवं यान्ति ये मृतास्ते ऽपुनर्भवाः । उपानहोस्तथा युग्मं देयमन्नं सकाञ्चनम् । भोजनं च यथाशक्ति तदस्याक्षयमुच्यते

tatra snātvā divaṃ yānti ye mṛtāste 'punarbhavāḥ / upānahostathā yugmaṃ deyamannaṃ sakāñcanam / bhojanaṃ ca yathāśakti tadasyākṣayamucyate

Sanskrit only: no published translation is held for this verse.

क्षरन्ति सर्वदानानि यज्ञदानं तपः क्रिया । अक्षयं तत् तपस्तप्तं भृगुतीर्थे युधिष्ठिर

kṣaranti sarvadānāni yajñadānaṃ tapaḥ kriyā / akṣayaṃ tat tapastaptaṃ bhṛgutīrthe yudhiṣṭhira

Sanskrit only: no published translation is held for this verse.

तस्यैव तपसोग्रेण तुष्टेन त्रिपुरारिणा । सान्निध्यं तत्र कथितं भृगुतीर्थे युधिष्ठिर

tasyaiva tapasogreṇa tuṣṭena tripurāriṇā / sānnidhyaṃ tatra kathitaṃ bhṛgutīrthe yudhiṣṭhira

Sanskrit only: no published translation is held for this verse.

ततो गच्छेत राजेन्द्र गौतमेश्वरमुत्तमम् । यत्राराध्य त्रिशूलाङ्कं गौतमः सिद्धिमाप्नुयात्

tato gaccheta rājendra gautameśvaramuttamam / yatrārādhya triśūlāṅkaṃ gautamaḥ siddhimāpnuyāt

Sanskrit only: no published translation is held for this verse.

तत्र स्नात्वा नरो राजन् उपवासपरायणः । काञ्चनेन विमानेन ब्रह्मलोके महीयते

tatra snātvā naro rājan upavāsaparāyaṇaḥ / kāñcanena vimānena brahmaloke mahīyate

Sanskrit only: no published translation is held for this verse.

वृषोत्सर्गं ततो गच्छेच्छाश्वतं पदमाप्नुयात् । न जानन्ति नरा मूढा विष्णोर्मायाविमोहिताः

vṛṣotsargaṃ tato gacchecchāśvataṃ padamāpnuyāt / na jānanti narā mūḍhā viṣṇormāyāvimohitāḥ

Sanskrit only: no published translation is held for this verse.

धौतपापं ततो गच्छेद् धौतं यत्र वृषेण तु । नर्मदायां स्थितं राजन् सर्वपातकनाशनम् । तत्र तीर्थे नरः स्नात्वा ब्रह्महत्यां व्यपोहति

dhautapāpaṃ tato gacched dhautaṃ yatra vṛṣeṇa tu / narmadāyāṃ sthitaṃ rājan sarvapātakanāśanam / tatra tīrthe naraḥ snātvā brahmahatyāṃ vyapohati

Sanskrit only: no published translation is held for this verse.

तत्र तीर्थे तु राजेन्द्र प्राणत्यागं करोति यः । चतुर्भुजस्त्रिनेत्रश्च हरतुल्यबलो भवेत्

tatra tīrthe tu rājendra prāṇatyāgaṃ karoti yaḥ / caturbhujastrinetraśca haratulyabalo bhavet

Sanskrit only: no published translation is held for this verse.

वसेत् कल्पायुतं साग्रं शिवतुल्यपराक्रमः । कालेन महता जातः पृथिव्यामेकराड् भवेत्

vaset kalpāyutaṃ sāgraṃ śivatulyaparākramaḥ / kālena mahatā jātaḥ pṛthivyāmekarāḍ bhavet

Sanskrit only: no published translation is held for this verse.

ततो गच्छेत राजेन्द्र हंसतीर्थ मनुत्तमम् । तत्र स्नात्वा नरो राजन् ब्रह्मलोके महीयते

tato gaccheta rājendra haṃsatīrtha manuttamam / tatra snātvā naro rājan brahmaloke mahīyate

Sanskrit only: no published translation is held for this verse.

ततो गच्छेत राजेन्द्र सिद्धो यत्र जनार्दनः । वराहतीर्थ माख्यातं विष्णुलोकगतिप्रदम्

tato gaccheta rājendra siddho yatra janārdanaḥ / varāhatīrtha mākhyātaṃ viṣṇulokagatipradam

Sanskrit only: no published translation is held for this verse.

ततो गच्छेत राजेन्द्र चन्द्रतीर्थमनुत्तमम् । पौर्णमास्यां विशेषेण स्नानं तत्र समाचरेत् । स्नातमात्रो नरस्तत्र चन्द्रलोके महीयते

tato gaccheta rājendra candratīrthamanuttamam / paurṇamāsyāṃ viśeṣeṇa snānaṃ tatra samācaret / snātamātro narastatra candraloke mahīyate

Sanskrit only: no published translation is held for this verse.

ततो गच्छेत राजेन्द्र कन्यातीर्थमनुत्तमम् । शुक्लपक्षे तृतीयायां स्नानं तत्र समाचरेत् । स्नातमात्रो नरस्तत्र पृथिव्यामेकराड् भवेत्

tato gaccheta rājendra kanyātīrthamanuttamam / śuklapakṣe tṛtīyāyāṃ snānaṃ tatra samācaret / snātamātro narastatra pṛthivyāmekarāḍ bhavet

Sanskrit only: no published translation is held for this verse.

देवतीर्थ ततो गच्छेत् सर्वदेवनमकृतम् । तत्र स्नात्वा च राजेन्द्र दैवतैः सह मोदते

devatīrtha tato gacchet sarvadevanamakṛtam / tatra snātvā ca rājendra daivataiḥ saha modate

Sanskrit only: no published translation is held for this verse.

ततो गच्छेत राजेन्द्र शिखितीर्थमनुत्तमम् । यत् तत्र दीयते दानं सर्वं कोटिगुणं भवेत्

tato gaccheta rājendra śikhitīrthamanuttamam / yat tatra dīyate dānaṃ sarvaṃ koṭiguṇaṃ bhavet

Sanskrit only: no published translation is held for this verse.

ततो गच्छेत राजेन्द्र तीर्थं पैतामहं शुभम् । यत्तत्र क्रियते श्राद्धं सर्वं तदक्षयं भवेत्

tato gaccheta rājendra tīrthaṃ paitāmahaṃ śubham / yattatra kriyate śrāddhaṃ sarvaṃ tadakṣayaṃ bhavet

Sanskrit only: no published translation is held for this verse.

सावित्रीतीर्थमासाद्य यस्तु प्राणान् परित्यजेत् । विधूय सर्वपापानि ब्रह्मलोके महीयते

sāvitrītīrthamāsādya yastu prāṇān parityajet / vidhūya sarvapāpāni brahmaloke mahīyate

Sanskrit only: no published translation is held for this verse.

मनोहरं तु तत्रैव तीर्थं परमशोभनम् । तत्र स्नात्वा नरो राजन् दैवतैः सह मोदते

manoharaṃ tu tatraiva tīrthaṃ paramaśobhanam / tatra snātvā naro rājan daivataiḥ saha modate

Sanskrit only: no published translation is held for this verse.

ततो गच्छेत राजेन्द्र मानसं तीर्थमुत्तमम् । स्नात्वा तत्र नरो राजन् रुद्रलोके महीयते

tato gaccheta rājendra mānasaṃ tīrthamuttamam / snātvā tatra naro rājan rudraloke mahīyate

Sanskrit only: no published translation is held for this verse.

स्वर्गबिन्दुं ततो गच्छेत्तीर्थं देवनमस्कृतम् । तत्र स्नात्वा नरो राजन् दुर्गतिं नैव गच्छति

svargabinduṃ tato gacchettīrthaṃ devanamaskṛtam / tatra snātvā naro rājan durgatiṃ naiva gacchati

Sanskrit only: no published translation is held for this verse.

अप्सरेशं ततो गच्छेत् स्नानं तत्र समाचरेत् । क्रीडते नाकलोकस्थो ह्यप्सरोभिः स मोदते

apsareśaṃ tato gacchet snānaṃ tatra samācaret / krīḍate nākalokastho hyapsarobhiḥ sa modate

Sanskrit only: no published translation is held for this verse.

ततो गच्छेत राजेन्द्र भारभूतिमनुत्तमम् । उपोषितोर्ऽचयेदीशं रुद्रलोके महीयते । अस्मिंस्तीर्थे मृतो राजन् गाणपत्यमवाप्नुयात्

tato gaccheta rājendra bhārabhūtimanuttamam / upoṣitor'cayedīśaṃ rudraloke mahīyate / asmiṃstīrthe mṛto rājan gāṇapatyamavāpnuyāt

Sanskrit only: no published translation is held for this verse.

कार्तिके मासि देवेशमर्चयेत् पार्वतीपतिम् । अश्वमेधाद् दशगुणं प्रवदन्ति मनीषिणः

kārtike māsi deveśamarcayet pārvatīpatim / aśvamedhād daśaguṇaṃ pravadanti manīṣiṇaḥ

Sanskrit only: no published translation is held for this verse.

वृषभं यः प्रयच्छेत तत्र कुन्देन्दुसप्रभम् । वृषयुक्तेन यानेन रुद्रलोकं स गच्छति

vṛṣabhaṃ yaḥ prayaccheta tatra kundendusaprabham / vṛṣayuktena yānena rudralokaṃ sa gacchati

Sanskrit only: no published translation is held for this verse.

एतत् तीर्थं समासाद्य यस्तु प्राणान् परित्यजेत् । सर्वपापविशुद्धात्मा रुद्रलोकं स गच्छति

etat tīrthaṃ samāsādya yastu prāṇān parityajet / sarvapāpaviśuddhātmā rudralokaṃ sa gacchati

Sanskrit only: no published translation is held for this verse.

जलप्रवेशं यः कुर्यात् तस्मिंस्तीर्थे नराधिप । हंसयुक्तेन यानेन स्वर्गलोकं स गच्छति

jalapraveśaṃ yaḥ kuryāt tasmiṃstīrthe narādhipa / haṃsayuktena yānena svargalokaṃ sa gacchati

Sanskrit only: no published translation is held for this verse.

एरण्ड्या नर्मदायास्तु संगमं लोकविश्रुतम् । तत्र तीर्थं महापुण्यं सर्वपापप्रणाशनम्

eraṇḍyā narmadāyāstu saṃgamaṃ lokaviśrutam / tatra tīrthaṃ mahāpuṇyaṃ sarvapāpapraṇāśanam

Sanskrit only: no published translation is held for this verse.

उपवासपरो भूत्वा नित्यं व्रतपरायणः । तत्र स्नात्वा तु राजेन्द्र मुच्यते ब्रह्महत्यया

upavāsaparo bhūtvā nityaṃ vrataparāyaṇaḥ / tatra snātvā tu rājendra mucyate brahmahatyayā

Sanskrit only: no published translation is held for this verse.

ततो गच्छेत राजेन्द्र नर्मदोदधिसंगमम् । जमदग्निरिति ख्यातः सिद्धो यत्र जनार्दनः

tato gaccheta rājendra narmadodadhisaṃgamam / jamadagniriti khyātaḥ siddho yatra janārdanaḥ

Sanskrit only: no published translation is held for this verse.

तत्र स्नात्वा नरो राजन् नर्मदोदधिसंगमे । त्रिगुणं चाश्वमेधस्य फलं प्राप्नोति मानवः

tatra snātvā naro rājan narmadodadhisaṃgame / triguṇaṃ cāśvamedhasya phalaṃ prāpnoti mānavaḥ

Sanskrit only: no published translation is held for this verse.

ततो गच्छेत राजेन्द्र पिङ्गलेश्वरमुत्तमम् । तत्र स्नात्वा नरो राजन् रुद्रलोके महीयते

tato gaccheta rājendra piṅgaleśvaramuttamam / tatra snātvā naro rājan rudraloke mahīyate

Sanskrit only: no published translation is held for this verse.

तत्रोपवासं यः कृत्वा पश्येत विमलेश्वरम् । सप्तजन्मकृतं पापं हित्वा याति शिवालयम्

tatropavāsaṃ yaḥ kṛtvā paśyeta vimaleśvaram / saptajanmakṛtaṃ pāpaṃ hitvā yāti śivālayam

Sanskrit only: no published translation is held for this verse.

ततो गच्छेत राजेन्द्र आलिकातीर्थमुत्तमम् । उपोष्य रजनीमेकां नियतो नियताशनः । अस्य तीर्थस्य माहात्म्यान्मुच्यते ब्रह्महत्यया

tato gaccheta rājendra ālikātīrthamuttamam / upoṣya rajanīmekāṃ niyato niyatāśanaḥ / asya tīrthasya māhātmyānmucyate brahmahatyayā

Sanskrit only: no published translation is held for this verse.

एतानि तव संक्षेपात् प्राधान्यात् कथितानि तु । न शक्या विस्तराद् वक्तुं संख्या तीर्थेषुपाण्डव

etāni tava saṃkṣepāt prādhānyāt kathitāni tu / na śakyā vistarād vaktuṃ saṃkhyā tīrtheṣupāṇḍava

Sanskrit only: no published translation is held for this verse.

एषा पवित्रा विमला नदी त्रैलोक्यविश्रुता । नर्मदा सरितां श्रेष्ठा महादेवस्य वल्लभा

eṣā pavitrā vimalā nadī trailokyaviśrutā / narmadā saritāṃ śreṣṭhā mahādevasya vallabhā

Sanskrit only: no published translation is held for this verse.

मनसा संस्मरेद्यस्तु नर्मदां वै युधिष्ठिर । चान्द्रायणशतं साग्रं लभते नात्र संशयः

manasā saṃsmaredyastu narmadāṃ vai yudhiṣṭhira / cāndrāyaṇaśataṃ sāgraṃ labhate nātra saṃśayaḥ

Sanskrit only: no published translation is held for this verse.

अश्रद्दधानाः पुरुषा नास्तिक्यं घोरमाश्रिताः । पतन्ति नरके घोरे इत्याह परमेश्वरः

aśraddadhānāḥ puruṣā nāstikyaṃ ghoramāśritāḥ / patanti narake ghore ityāha parameśvaraḥ

Sanskrit only: no published translation is held for this verse.

नर्मदां सेवते नित्यं स्वयं देवो महेश्वरः । तेन पुण्या नदी ज्ञेया ब्रह्महत्यापहारिणी

narmadāṃ sevate nityaṃ svayaṃ devo maheśvaraḥ / tena puṇyā nadī jñeyā brahmahatyāpahāriṇī

Sanskrit only: no published translation is held for this verse.