Kurma-Purana 2.44

देवाश्च सर्वे मुनयः स्वानि स्थानानि भेजिरे । प्रणम्य पुरुषं विष्णुं गृहीत्वा ह्यमृतं द्विजाः

devāśca sarve munayaḥ svāni sthānāni bhejire / praṇamya puruṣaṃ viṣṇuṃ gṛhītvā hyamṛtaṃ dvijāḥ

Sanskrit only: no published translation is held for this verse.

एतत् पुराणं परमं भाषितं कूर्मरूपिणा । साक्षाद् देवादिदेनेन विष्णुना विश्वयोनिना

etat purāṇaṃ paramaṃ bhāṣitaṃ kūrmarūpiṇā / sākṣād devādidenena viṣṇunā viśvayoninā

Sanskrit only: no published translation is held for this verse.

यः पठेत् सततं मर्त्यो नियमेन समाहितः । सर्वपापविनिर्मुक्तो ब्रह्मलोके महीयते

yaḥ paṭhet satataṃ martyo niyamena samāhitaḥ / sarvapāpavinirmukto brahmaloke mahīyate

Sanskrit only: no published translation is held for this verse.

लिखित्वा चैव यो दद्याद् वैशाखे मासि सुव्रतः । विप्राय वेदविदुषे तस्य पुण्यं निबोधत

likhitvā caiva yo dadyād vaiśākhe māsi suvrataḥ / viprāya vedaviduṣe tasya puṇyaṃ nibodhata

Sanskrit only: no published translation is held for this verse.

सर्वपापविनिर्मुक्तः सर्वैश्वर्यसमन्वितः । भुक्त्वा च विपुलान्स्वर्गे भोगान्दिव्यान्सुशोभनान्

sarvapāpavinirmuktaḥ sarvaiśvaryasamanvitaḥ / bhuktvā ca vipulānsvarge bhogāndivyānsuśobhanān

Sanskrit only: no published translation is held for this verse.

ततः स्वर्गात् परिभ्रष्टो विप्राणां जायते कुले । पूर्वसंस्कारमाहात्म्याद् ब्रह्मविद्यामवाप्नुयात्

tataḥ svargāt paribhraṣṭo viprāṇāṃ jāyate kule / pūrvasaṃskāramāhātmyād brahmavidyāmavāpnuyāt

Sanskrit only: no published translation is held for this verse.

पठित्वाध्यायमेवैकं सर्वपापैः प्रमुच्यते । योर्ऽथं विचारयेत् सम्यक् स प्राप्नोति परं पदम्

paṭhitvādhyāyamevaikaṃ sarvapāpaiḥ pramucyate / yor'thaṃ vicārayet samyak sa prāpnoti paraṃ padam

Sanskrit only: no published translation is held for this verse.

अध्येतव्यमिदं नित्यं विप्रैः पर्वणि पर्वणि । श्रोतव्यं च द्विजश्रेष्ठा महापातकनाशनम्

adhyetavyamidaṃ nityaṃ vipraiḥ parvaṇi parvaṇi / śrotavyaṃ ca dvijaśreṣṭhā mahāpātakanāśanam

Sanskrit only: no published translation is held for this verse.

एकतस्तु पुराणानि सेतिहासानि कृत्स्नशः । एकत्र चेदं परममेतदेवातिरिच्यते

ekatastu purāṇāni setihāsāni kṛtsnaśaḥ / ekatra cedaṃ paramametadevātiricyate

Sanskrit only: no published translation is held for this verse.

धर्मनैपुण्यकामानां ज्ञाननैपुण्यकामिनाम् । इदं पुराणं मुक्त्वैकं नास्त्यन्यत् साधनं परम्

dharmanaipuṇyakāmānāṃ jñānanaipuṇyakāminām / idaṃ purāṇaṃ muktvaikaṃ nāstyanyat sādhanaṃ param

Sanskrit only: no published translation is held for this verse.

यथावदत्र भगवान् देवो नारायणो हरिः । कथ्यते हि यथा विष्णुर्न तथान्येषु सुव्रताः

yathāvadatra bhagavān devo nārāyaṇo hariḥ / kathyate hi yathā viṣṇurna tathānyeṣu suvratāḥ

Sanskrit only: no published translation is held for this verse.

ब्राह्मी पौराणिकी चेयं संहिता पापनाशनी । अत्र तत् परमं ब्रह्म कीर्त्यते हि यथार्थतः

brāhmī paurāṇikī ceyaṃ saṃhitā pāpanāśanī / atra tat paramaṃ brahma kīrtyate hi yathārthataḥ

Sanskrit only: no published translation is held for this verse.

तीर्थानां परमं तीर्थं तपसां च परं तपः । ज्ञानानां परमं ज्ञानं व्रतानां परमं व्रतम्

tīrthānāṃ paramaṃ tīrthaṃ tapasāṃ ca paraṃ tapaḥ / jñānānāṃ paramaṃ jñānaṃ vratānāṃ paramaṃ vratam

Sanskrit only: no published translation is held for this verse.

नाध्येतव्यमिदं शास्त्रं वृषलस्य च सन्निधौ । यो ऽधीते स तु मोहात्मा स याति नरकान् बहून्

nādhyetavyamidaṃ śāstraṃ vṛṣalasya ca sannidhau / yo 'dhīte sa tu mohātmā sa yāti narakān bahūn

Sanskrit only: no published translation is held for this verse.

श्राद्धे वा दैविके कार्ये श्रावणीयं द्विजातिभिः । यज्ञान्ते तु विशेषेण सर्वदोषविशोधनम्

śrāddhe vā daivike kārye śrāvaṇīyaṃ dvijātibhiḥ / yajñānte tu viśeṣeṇa sarvadoṣaviśodhanam

Sanskrit only: no published translation is held for this verse.

मुमुक्षूणामिदं शास्त्रमध्येतव्यं विशेषतः । श्रोतव्यं चाथ मन्तव्यं वेदार्थपरिबृंहणम्

mumukṣūṇāmidaṃ śāstramadhyetavyaṃ viśeṣataḥ / śrotavyaṃ cātha mantavyaṃ vedārthaparibṛṃhaṇam

Sanskrit only: no published translation is held for this verse.

ज्ञात्वा यथावद् विप्रेन्द्रान् श्रावयेद् भक्तिसंयुतान् । सर्वपापविनिर्मुक्तो ब्रह्मसायुज्यमाप्नुयात्

jñātvā yathāvad viprendrān śrāvayed bhaktisaṃyutān / sarvapāpavinirmukto brahmasāyujyamāpnuyāt

Sanskrit only: no published translation is held for this verse.

यो ऽश्रद्दधाने पुरुषे दद्याच्चाधार्मिके तथा । स प्रेत्य गत्वा निरयान् शुनां योनिं व्रजत्यधः

yo 'śraddadhāne puruṣe dadyāccādhārmike tathā / sa pretya gatvā nirayān śunāṃ yoniṃ vrajatyadhaḥ

Sanskrit only: no published translation is held for this verse.

नमस्कृत्वा हरिं विष्णुं जगद्योनिं सनातनम् । अध्येतव्यमिदं शास्त्रं कृष्णद्वैपायनं तथा

namaskṛtvā hariṃ viṣṇuṃ jagadyoniṃ sanātanam / adhyetavyamidaṃ śāstraṃ kṛṣṇadvaipāyanaṃ tathā

Sanskrit only: no published translation is held for this verse.

इत्याज्ञा देवदेवस्य विष्णोरमिततेजसः । पाराशर्यस्य विप्रर्षेर्व्यासस्य च महात्मनः

ityājñā devadevasya viṣṇoramitatejasaḥ / pārāśaryasya viprarṣervyāsasya ca mahātmanaḥ

Sanskrit only: no published translation is held for this verse.

श्रुत्वा नारायणाद् दिव्यां नारदो भगवानृषिः । गौतमाय ददौ पूर्वं तस्माच्चैव पराशरः

śrutvā nārāyaṇād divyāṃ nārado bhagavānṛṣiḥ / gautamāya dadau pūrvaṃ tasmāccaiva parāśaraḥ

Sanskrit only: no published translation is held for this verse.

पराशरो ऽपि भगवान गङ्गाद्वारे मुनीश्वराः । मुनिभ्यः कथयामास धर्मकामार्थमोक्षदम्

parāśaro 'pi bhagavāna gaṅgādvāre munīśvarāḥ / munibhyaḥ kathayāmāsa dharmakāmārthamokṣadam

Sanskrit only: no published translation is held for this verse.

ब्रह्मणा कथितं पूर्वं सनकाय च धीमते । सनत्कुमाराय तथा सर्वपापप्रणाशनम्

brahmaṇā kathitaṃ pūrvaṃ sanakāya ca dhīmate / sanatkumārāya tathā sarvapāpapraṇāśanam

Sanskrit only: no published translation is held for this verse.

सनकाद् भगवान् साक्षाद् देवलो योगवित्तमः । अवाप्तवान् पञ्चशिखो देवलादिदमुत्तमम्

sanakād bhagavān sākṣād devalo yogavittamaḥ / avāptavān pañcaśikho devalādidamuttamam

Sanskrit only: no published translation is held for this verse.

सनत्कुमाराद् भगवान् मुनिः सत्यवतीसुतः । लेभे पुराणं परमं व्यासः सर्वार्थसंचयम्

sanatkumārād bhagavān muniḥ satyavatīsutaḥ / lebhe purāṇaṃ paramaṃ vyāsaḥ sarvārthasaṃcayam

Sanskrit only: no published translation is held for this verse.

तस्माद् व्यासादहं श्रुत्वा भवतां पापनाशनम् । ऊचिवान् वै भवद्भिश्च दातव्यं धार्मिके जने

tasmād vyāsādahaṃ śrutvā bhavatāṃ pāpanāśanam / ūcivān vai bhavadbhiśca dātavyaṃ dhārmike jane

Sanskrit only: no published translation is held for this verse.

तस्मै व्यासाय गुरवे सर्वज्ञाय महर्षये । पाराशर्याय शान्ताय नमो नारायणात्मने

tasmai vyāsāya gurave sarvajñāya maharṣaye / pārāśaryāya śāntāya namo nārāyaṇātmane

Sanskrit only: no published translation is held for this verse.

यस्मात् संजायते कृत्सनं यत्र चैव प्रलीयते । नमस्तस्मै सुरेशाय विष्णवे कूर्मरूपिणे

yasmāt saṃjāyate kṛtsanaṃ yatra caiva pralīyate / namastasmai sureśāya viṣṇave kūrmarūpiṇe

Sanskrit only: no published translation is held for this verse.