Kautilya: Arthasastra 1.2

आन्वीक्षिकी त्रयी वार्त्ता दण्डनीतिश् च^इति विद्याः ॥

ānvīkṣikī trayī vārttā daṇḍa.nītiś ca^iti vidyāḥ //

Sanskrit only: no published translation is held for this verse.

त्रयी वार्त्ता दण्ड नीतिश् च^इति मानवाः ॥

trayī vārttā daṇḍa nītiś ca^iti mānavāḥ //

Sanskrit only: no published translation is held for this verse.

त्रयी विशेषो ह्य् आन्वीक्षिकी^इति ॥

trayī viśeṣo hy ānvīkṣikī^iti //

Sanskrit only: no published translation is held for this verse.

वार्त्ता दण्डनीतिश् च^इति बार्हस्पत्याः ॥

vārttā daṇḍa.nītiś ca^iti bārhaspatyāḥ //

Sanskrit only: no published translation is held for this verse.

संवरणमात्रं हि त्रयी लोकयात्राविद इति ॥

saṃvaraṇa.mātraṃ hi trayī loka.yātrā.vida iti //

Sanskrit only: no published translation is held for this verse.

दण्डनीतिर् एका विद्या^इत्य् औशनसाः ॥

daṇḍa.nītir ekā vidyā^ity auśanasāḥ //

Sanskrit only: no published translation is held for this verse.

तस्यां हि सर्वविद्याआरम्भाः प्रतिबद्धा इति ॥

tasyāṃ hi sarva.vidyā.ārambhāḥ pratibaddhā iti //

Sanskrit only: no published translation is held for this verse.

चतस्र एव विद्या इति कौटिल्यः ॥

catasra eva vidyā iti kauṭilyaḥ //

Sanskrit only: no published translation is held for this verse.

ताभिर् धर्मअर्थौ यद् विद्यात् तद् विद्यानां विद्यात्वम् ॥

tābhir dharma.arthau yad vidyāt tad vidyānāṃ vidyātvam //

Sanskrit only: no published translation is held for this verse.

सांख्यं योगो लोकायतं च^इत्य् आन्वीक्षिकी ॥

sāṃkhyaṃ yogo lokāyataṃ ca^ity ānvīkṣikī //

Sanskrit only: no published translation is held for this verse.

धर्मअधर्मौ त्रय्याम् अर्थअनर्थौ वार्त्तायां नयअनयौ दण्डनीत्यां बलअबले च एतासां हेतुभिर् अन्वीक्षमाणा लोकस्य उपकरोति व्यसने^अभ्युदये च बुद्धिम् अवस्थापयति प्रज्ञावाक्यक्रियावैशारद्यं च करोति ॥

dharma.adharmau trayyām artha.anarthau vārttāyāṃ naya.anayau daṇḍa.nītyāṃ bala.abale ca etāsāṃ hetubhir anvīkṣamāṇā lokasya upakaroti vyasane^abhyudaye ca buddhim avasthāpayati prajñā.vākya.kriyā.vaiśāradyaṃ ca karoti //

Sanskrit only: no published translation is held for this verse.

प्रदीपः सर्वविद्यानाम् उपायः सर्वकर्मणाम् । आश्रयः सर्वधर्माणां शश्वद् आन्वीक्षिकी मता ॥ए

pradīpaḥ sarva.vidyānām upāyaḥ sarva.karmaṇām / āśrayaḥ sarva.dharmāṇāṃ śaśvad ānvīkṣikī matā //E

Sanskrit only: no published translation is held for this verse.