तस्माद् दण्डमूलास् तिस्रो विद्याः ॥
tasmād daṇḍa.mūlās tisro vidyāḥ //
Sanskrit only: no published translation is held for this verse.
Library·Kautilya: Arthasastra·1·1.5
Kautilya: Arthasastra 1.5
विनयमूलो दण्डः प्राणभृतां योगक्षेमआवहः ॥
vinaya.mūlo daṇḍaḥ prāṇabhṛtāṃ yoga.kṣema.āvahaḥ //
Sanskrit only: no published translation is held for this verse.
कृतकः स्वाभाविकश् च विनयः ॥
kṛtakaḥ svābhāvikaś ca vinayaḥ //
Sanskrit only: no published translation is held for this verse.
क्रिया हि द्रव्यं विनयति न^अद्रव्यम् ॥
kriyā hi dravyaṃ vinayati na^adravyam //
Sanskrit only: no published translation is held for this verse.
शुश्रूषा श्रवणग्रहणधारणविज्ञानऊहअपोहतत्त्वअभिनिविष्टबुद्धिं विद्या विनयति न^इतरम् ॥
śuśrūṣā śravaṇa.grahaṇa.dhāraṇa.vijñāna.ūha.apoha.tattva.abhiniviṣṭa.buddhiṃ vidyā vinayati na^itaram //
Sanskrit only: no published translation is held for this verse.
विद्यानां तु यथास्वम् आचार्यप्रामाण्याद् विनयो नियमश् च ॥
vidyānāṃ tu yathāsvam ācārya.prāmāṇyād vinayo niyamaś ca //
Sanskrit only: no published translation is held for this verse.
वृत्तचौलकर्मा लिपिं संख्यानं च^उपयुञ्जीत ॥
vṛtta.caula.karmā lipiṃ saṃkhyānaṃ ca^upayuñjīta //
Sanskrit only: no published translation is held for this verse.
वृत्तौपनयनस् त्रयीम् आन्वीक्षिकीं च शिष्टेभ्यो वार्त्ताम् अध्यक्षेभ्यो दण्डनीतिं वक्तृप्रयोक्तृभ्यः ॥
vṛtta.upanayanas trayīm ānvīkṣikīṃ ca śiṣṭebhyo vārttām adhyakṣebhyo daṇḍa.nītiṃ vaktṛ.prayoktṛbhyaḥ //
Sanskrit only: no published translation is held for this verse.
ब्रह्मचर्यं च षोडशाद् वर्षात् ॥
brahmacaryaṃ ca ṣoḍaśād varṣāt //
Sanskrit only: no published translation is held for this verse.
अतो गोदानं दारकर्म च^अस्य ॥
ato go.dānaṃ dāra.karma ca^asya //
Sanskrit only: no published translation is held for this verse.
नित्यश् च विद्यावृद्धसम्योगो विनयवृद्ध्यर्थम्, तन्मूलत्वाद् विनयस्य ॥
nityaś ca vidyā.vṛddha.samyogo vinaya.vṛddhy.artham, tan.mūlatvād vinayasya //
Sanskrit only: no published translation is held for this verse.
पूर्वम् अहर्भागं हस्त्यश्वरथप्रहरणविद्यासु विनयं गच्छेत् ।
pūrvam ahar.bhāgaṃ hasty.aśva.ratha.praharaṇa.vidyāsu vinayaṃ gacchet /
Sanskrit only: no published translation is held for this verse.
पश्चिमम् इतिहासश्रवणे ॥
paścimam itihāsa.śravaṇe //
Sanskrit only: no published translation is held for this verse.
पुराणम् इतिवृत्तम् आख्यायिकौदाहरणं धर्मशास्त्रम् अर्थशास्त्रं च^इति^इतिहासः ॥
purāṇam itivṛttam ākhyāyika.udāharaṇaṃ dharma.śāstram artha.śāstraṃ ca^iti^itihāsaḥ //
Sanskrit only: no published translation is held for this verse.
शेषम् अहोरात्रभागम् अपूर्वग्रहणं गृहीतपरिचयं च कुर्यात्, अगृहीतानाम् आभीक्ष्ण्यश्रवणं च ॥
śeṣam ahorātra.bhāgam apūrva.grahaṇaṃ gṛhīta.paricayaṃ ca kuryāt, agṛhītānām ābhīkṣṇya.śravaṇaṃ ca //
Sanskrit only: no published translation is held for this verse.
श्रुताद्द् हि प्रज्ञा^उपजायते प्रज्ञाया योगो योगाद् आत्मवत्ता^इति विद्यानां सामर्थ्यम् ॥
śrutādd hi prajñā^upajāyate prajñāyā yogo yogād ātmavattā^iti vidyānāṃ sāmarthyam //
Sanskrit only: no published translation is held for this verse.
विद्याविनीतो राजा हि प्रजानां विनये रतः । अनन्यां पृथिवीं भुङ्क्ते सर्वभूतहिते रतः ॥ए
vidyā.vinīto rājā hi prajānāṃ vinaye rataḥ / ananyāṃ pṛthivīṃ bhuṅkte sarva.bhūta.hite rataḥ //E
Sanskrit only: no published translation is held for this verse.