Kautilya: Arthasastra 1.6

विद्या विनयहेतुर् इन्द्रियजयः कामक्रोधलोभमानमदहर्षत्यागात् कार्यः ॥

vidyā vinaya.hetur indriya.jayaḥ kāma.krodha.lobha.māna.mada.harṣa.tyāgāt kāryaḥ //

Sanskrit only: no published translation is held for this verse.

कर्णत्वगक्षिजिह्वाघ्राणैन्द्रियाणां शब्दस्पर्शरूपरसगन्धेष्व् अविप्रतिपत्तिर् इन्द्रियजयः, शास्त्रअनुष्ठानं वा ॥

karṇa.tvag.akṣi.jihvā.ghrāṇa.indriyāṇāṃ śabda.sparśa.rūpa.rasa.gandheṣv avipratipattir indriya.jayaḥ, śāstra.anuṣṭhānaṃ vā //

Sanskrit only: no published translation is held for this verse.

कृत्स्नं हि शास्त्रम् इदम् इन्द्रियजयः ॥

kṛtsnaṃ hi śāstram idam indriya.jayaḥ //

Sanskrit only: no published translation is held for this verse.

तद् विरुद्धवृत्तिर् अवश्यैन्द्रियश् चातुरन्तो अपि राजा सद्यो विनश्यति ॥

tad viruddha.vṛttir avaśya.indriyaś cāturanto api rājā sadyo vinaśyati //

Sanskrit only: no published translation is held for this verse.

यथा दाण्डक्यो नाम भोजः कामाद् ब्राह्मणकन्याम् अभिमन्यमानः स-बन्धुराष्ट्रो विननाश, करालश् च वैदेहः ॥

yathā dāṇḍakyo nāma bhojaḥ kāmād brāhmaṇa.kanyām abhimanyamānaḥ sa-bandhu.rāṣṭro vinanāśa, karālaś ca vaidehaḥ //

Sanskrit only: no published translation is held for this verse.

कोपाज् जनमेजयो ब्राह्मणेषु विक्रान्तः, तालजङ्घश् च भृगुषु ॥

kopāj janamejayo brāhmaṇeṣu vikrāntaḥ, tāla.jaṅghaś ca bhṛguṣu //

Sanskrit only: no published translation is held for this verse.

लोभाद् ऐलश् चातुर्वर्ण्यम् अत्याहारयमाणः, सौवीरश् च^अजबिन्दुः ।

lobhād ailaś cāturvarṇyam atyāhārayamāṇaḥ, sauvīraś ca^ajabinduḥ /

Sanskrit only: no published translation is held for this verse.

मानाद् रावणः परदारान् अप्रयच्छन्, दुर्योधनो राज्याद् अंशं च ॥

mānād rāvaṇaḥ para.dārān aprayacchan, duryodhano rājyād aṃśaṃ ca //

Sanskrit only: no published translation is held for this verse.

मदाद् दम्भोद्भवो भूतअवमानी, हैहयश् च^अर्जुनः ॥

madād dambhodbhavo bhūta.avamānī, haihayaś ca^arjunaḥ //

Sanskrit only: no published translation is held for this verse.

हर्षाद् वातापिर् अगस्त्यम् अत्यासादयन्, वृष्णिसंघश् च द्वैपायनम् इति ॥

harṣād vātāpir agastyam atyāsādayan, vṛṣṇi.saṃghaś ca dvaipāyanam iti //

Sanskrit only: no published translation is held for this verse.

एते च^अन्ये च बहवः शत्रुषड्वर्गम् आश्रिताः । स-बन्धुराष्ट्रा राजानो विनेशुर् अजितैन्द्रियाः ॥

ete ca^anye ca bahavaḥ śatru.ṣaḍ.vargam āśritāḥ / sa-bandhu.rāṣṭrā rājāno vineśur ajita.indriyāḥ //

Sanskrit only: no published translation is held for this verse.

शत्रुषड्वर्गम् उत्सृज्य जामदग्न्यो जितैन्द्रियः । अम्बरीषश् च नाभागो बुभुजाते चिरं महीम् ॥ए

śatru.ṣaḍ.vargam utsṛjya jāmadagnyo jita.indriyaḥ / ambarīṣaś ca nābhāgo bubhujāte ciraṃ mahīm //E

Sanskrit only: no published translation is held for this verse.