स्वाहा - अमिले किमिले वयुचारे प्रयोगे फक्के वयुह्वे विहाले दन्तकटके स्वाहा ॥
svāhā - amile kimile vayu.cāre prayoge phakke vayuhve vihāle danta.kaṭake svāhā //
Sanskrit only: no published translation is held for this verse.
Library·Kautilya: Arthasastra·14
Kautilya: Arthasastra 14
सुखं स्वपन्तु शुनका ये च ग्रामे कुतूहलाः । श्वाविधः शल्यकं च^एतत् त्रिश्वेतं ब्रह्मनिर्मितम् ॥
sukhaṃ svapantu śunakā ye ca grāme kutūhalāḥ / śvā.vidhaḥ śalyakaṃ ca^etat tri.śvetaṃ brahma.nirmitam //
Sanskrit only: no published translation is held for this verse.
प्रसुप्ताः सर्वसिद्धा हि एतत् ते स्वापनं कृतम् । यावद् ग्रामस्य सीमान्तः सूर्यस्य^उद्गमनाद् इति ॥
prasuptāḥ sarva.siddhā hi etat te svāpanaṃ kṛtam / yāvad grāmasya sīmāntaḥ sūryasya^udgamanād iti //
Sanskrit only: no published translation is held for this verse.
स्वाहा" ॥
svāhā" //
Sanskrit only: no published translation is held for this verse.
एतस्य प्रयोगः ॥
etasya prayogaḥ //
Sanskrit only: no published translation is held for this verse.
श्वाविधः शल्यकानि त्रिश्वेतानि, सप्तरात्रौपोषितः कृष्णचतुर्दश्यां खादिराभिः समिधामिर्(?) अग्निम् एतेन मन्त्रेण^अष्टशतसम्पातं कृत्वा मधुघृताभ्याम् अभिजुहुयात् ॥
śvā.vidhaḥ śalyakāni tri.śvetāni, sapta.rātra.upoṣitaḥ kṛṣṇa.caturdaśyāṃ khādirābhiḥ samidhāmir(?) agnim etena mantreṇa^aṣṭa.śata.sampātaṃ kṛtvā madhu.ghṛtābhyām abhijuhuyāt //
Sanskrit only: no published translation is held for this verse.
तत एकम् एतेन मन्त्रेण ग्रामद्वारि गृहद्वारि वा यत्र निखन्यते तत् सर्वं प्रस्वापयति ॥
tata ekam etena mantreṇa grāma.dvāri gṛha.dvāri vā yatra nikhanyate tat sarvaṃ prasvāpayati //
Sanskrit only: no published translation is held for this verse.
"बलिं वैरोचनं वन्दे शतमायं च शम्बरम् । निकुम्भं नरकं कुम्भं तन्तुकच्छं महाअसुरम् ॥
"baliṃ vairocanaṃ vande śatamāyaṃ ca śambaram / nikumbhaṃ narakaṃ kumbhaṃ tantu.kacchaṃ mahā.asuram //
Sanskrit only: no published translation is held for this verse.
अर्मालवं प्रमीलं च मण्डौलूकं घटौबलम् । कृष्णकंसौपचारं च पौलोमीं च यशस्विनीम् ॥
armālavaṃ pramīlaṃ ca maṇḍa.ulūkaṃ ghaṭa.ubalam / kṛṣṇa.kaṃsa.upacāraṃ ca paulomīṃ ca yaśasvinīm //
Sanskrit only: no published translation is held for this verse.
अभिमन्त्रयित्वा गृह्णामि सिद्ध्यर्थं शवशारिकाम् । जयतु जयति च नमः शलकभूतेभ्यः स्वाहा ॥
abhimantrayitvā gṛhṇāmi siddhy.arthaṃ śava.śārikām / jayatu jayati ca namaḥ śalaka.bhūtebhyaḥ svāhā //
Sanskrit only: no published translation is held for this verse.
सुखं स्वपन्तु शुनका ये च ग्रामे कुतूहलाः । सुखं स्वपन्तु सिद्धअर्था यम् अर्थं मार्गयामहे । यावद् अस्तम् अयाद् उदयो यावद् अर्थं फलं मम ॥
sukhaṃ svapantu śunakā ye ca grāme kutūhalāḥ / sukhaṃ svapantu siddha.arthā yam arthaṃ mārgayāmahe / yāvad astam ayād udayo yāvad arthaṃ phalaṃ mama //
Sanskrit only: no published translation is held for this verse.
इति स्वाहा ॥
iti svāhā //
Sanskrit only: no published translation is held for this verse.
एतस्य प्रयोगः ॥
etasya prayogaḥ //
Sanskrit only: no published translation is held for this verse.
चतुर्भक्तौपवासी कृष्णचतुर्दश्याम् असंकीर्ण आदहने बलिं कृत्वा^एतेन मन्त्रेण शवशारिकां गृहीत्वा पौत्रीपोट्टलिकं बध्नीयात् ॥
catur.bhakta.upavāsī kṛṣṇa.caturdaśyām asaṃkīrṇa ādahane baliṃ kṛtvā^etena mantreṇa śava.śārikāṃ gṛhītvā pautrī.poṭṭalikaṃ badhnīyāt //
Sanskrit only: no published translation is held for this verse.
तन्मध्ये श्वाविधः शल्यकेन विद्ध्वा यत्र^एतेन मन्त्रेण निखन्यते तत् सर्वं प्रस्वापयति ॥
tan.madhye śvā.vidhaḥ śalyakena viddhvā yatra^etena mantreṇa nikhanyate tat sarvaṃ prasvāpayati //
Sanskrit only: no published translation is held for this verse.
"उपैमि शरणं च^अग्निं दैवतानि दिशो दश । अपयान्तु च सर्वाणि वशतां यान्तु मे सदा ॥
"upaimi śaraṇaṃ ca^agniṃ daivatāni diśo daśa / apayāntu ca sarvāṇi vaśatāṃ yāntu me sadā //
Sanskrit only: no published translation is held for this verse.
स्वाहा" ॥
svāhā" //
Sanskrit only: no published translation is held for this verse.
एतस्य प्रयोगः ॥
etasya prayogaḥ //
Sanskrit only: no published translation is held for this verse.
त्रिरात्रौपोस्षितः पुष्येण शर्करा एकविंशतिसम्पातं कृत्वा मधुघृताभ्याम् अभिजुहुयात् ॥
tri.rātra.uposṣitaḥ puṣyeṇa śarkarā eka.viṃśati.sampātaṃ kṛtvā madhu.ghṛtābhyām abhijuhuyāt //
Sanskrit only: no published translation is held for this verse.
ततो गन्धमाल्येन पूजयित्वा निखानयेत् ॥
tato gandha.mālyena pūjayitvā nikhānayet //
Sanskrit only: no published translation is held for this verse.
द्वितीयेन पुष्येण^उद्धृत्य^एकां शर्कराम् अभिमन्त्रयित्वा कपाटम् आहन्यात् ॥
dvitīyena puṣyeṇa^uddhṛtya^ekāṃ śarkarām abhimantrayitvā kapāṭam āhanyāt //
Sanskrit only: no published translation is held for this verse.
अभ्यन्तर्म् चतसृणां शर्कराणां द्वारम् अपाव्रियते ॥
abhyantarm catasṛṇāṃ śarkarāṇāṃ dvāram apāvriyate //
Sanskrit only: no published translation is held for this verse.
चतुर्भक्तौपवासी कृष्णचतुर्दश्यां भग्नस्य पुरुषस्य^अस्थ्ना ऋषभं कारयेत्, अभिमन्त्रयेच् च^एतेन ॥
catur.bhakta.upavāsī kṛṣṇa.caturdaśyāṃ bhagnasya puruṣasya^asthnā ṛṣabhaṃ kārayet, abhimantrayec ca^etena //
Sanskrit only: no published translation is held for this verse.
द्विगोयुक्तं गोयानम् आहृतं भवति ॥
dvi.go.yuktaṃ go.yānam āhṛtaṃ bhavati //
Sanskrit only: no published translation is held for this verse.
ततः परमआकाशे विरामति ॥
tataḥ parama.ākāśe virāmati //
Sanskrit only: no published translation is held for this verse.
रविसगन्धः परिघमति सर्वं पृणाति ॥
ravi.sagandhaḥ parighamati sarvaṃ pṛṇāti //
Sanskrit only: no published translation is held for this verse.
"चण्डालीकुम्भीतुम्बकटुकसारओघः सनारीभगो^असि - स्वाहा ॥
"caṇḍālī.kumbhī.tumba.kaṭuka.sāra.oghaḥ sanārī.bhago^asi - svāhā //
Sanskrit only: no published translation is held for this verse.
तालौद्घाटनं प्रस्वापनं च ॥
tāla.udghāṭanaṃ prasvāpanaṃ ca //
Sanskrit only: no published translation is held for this verse.
त्रिरात्रौपोषितः पुष्येण शस्त्रहतस्य शूलप्रोतस्य वा पुंसः शिरःकपाले मृत्तिकायां तुवरीरावास्य^उदकेन सेचयेत् ॥(?)
tri.rātra.upoṣitaḥ puṣyeṇa śastra.hatasya śūla.protasya vā puṃsaḥ śiraḥ.kapāle mṛttikāyāṃ tuvarī.rāvāsya^udakena secayet //(?)
Sanskrit only: no published translation is held for this verse.
जातानां पुष्येण^एव गृहीत्वा रज्जुकां वर्तयेत् ॥
jātānāṃ puṣyeṇa^eva gṛhītvā rajjukāṃ vartayet //
Sanskrit only: no published translation is held for this verse.
ततः सज्यानां धनुषां यन्त्राणां च पुरस्ताच् छेदनं ज्याच्छेदनं करोति ॥
tataḥ sajyānāṃ dhanuṣāṃ yantrāṇāṃ ca purastāc chedanaṃ jyāc.chedanaṃ karoti //
Sanskrit only: no published translation is held for this verse.
उदकअहिभस्त्राम् उच्छ्वासमृत्तिकया स्त्रियाः पुरुषस्य वा पूरयेत्, नासिकाबन्धनं मुखग्रहश् च ॥
udaka.ahi.bhastrām ucchvāsa.mṛttikayā striyāḥ puruṣasya vā pūrayet, nāsikā.bandhanaṃ mukha.grahaś ca //
Sanskrit only: no published translation is held for this verse.
वराहभस्त्राम् उच्छ्वासमृत्तिकया पूरयित्वा मर्कटस्नायुना^अवबध्नीयात्, आनाहकारणम् ॥
varāha.bhastrām ucchvāsamṛttikayā pūrayitvā markaṭa.snāyunā^avabadhnīyāt, ānāha.kāraṇam //
Sanskrit only: no published translation is held for this verse.
कृष्णचतुर्दश्यां शस्त्रहताया गोः कपिलायाः पित्तेन राजवृक्षमयीम् अमित्रप्रतिमाम् अञ्ज्यात्, अन्धीकरणम् ॥
kṛṣṇa.caturdaśyāṃ śastra.hatāyā goḥ kapilāyāḥ pittena rāja.vṛkṣamayīm amitra.pratimām añjyāt, andhī.karaṇam //
Sanskrit only: no published translation is held for this verse.
चतुर्भक्तौपवासी कृष्णचतुर्दश्यां बलिं कृत्वा शूलप्रोतस्य पुरुषस्य^अस्थ्ना कीलकान् कारयेत् ॥
catur.bhakta.upavāsī kṛṣṇa.caturdaśyāṃ baliṃ kṛtvā śūla.protasya puruṣasya^asthnā kīlakān kārayet //
Sanskrit only: no published translation is held for this verse.
एतेषाम् एकः पुरीषे मूत्रे वा निखात आनाहं करोति, पदे^अस्य^आसने वा निखातः शोषेण मारयति, आपणे क्षेत्रे गृहे वा वृत्तिच्छेदं करोति ॥
eteṣām ekaḥ purīṣe mūtre vā nikhāta ānāhaṃ karoti, pade^asya^āsane vā nikhātaḥ śoṣeṇa mārayati, āpaṇe kṣetre gṛhe vā vṛttic.chedaṃ karoti //
Sanskrit only: no published translation is held for this verse.
एतेन^एव कल्पेन विद्युद्दग्धस्य वृक्षस्य कीलका व्याख्याताः ॥
etena^eva kalpena vidyud.dagdhasya vṛkṣasya kīlakā vyākhyātāḥ //
Sanskrit only: no published translation is held for this verse.
पुनर् नवम् अवाचीनं निम्बः काममधुश् च यः । कपिरोम मनुष्यअस्थि बद्ध्वा मृतकवाससा ॥
punar navam avācīnaṃ nimbaḥ kāma.madhuś ca yaḥ / kapi.roma manuṣya.asthi baddhvā mṛtaka.vāsasā //
Sanskrit only: no published translation is held for this verse.
निखन्यते गृहे यस्य दृष्ट्वा वा यत् पदं नयेत् । सपुत्रदारः सधनस्त्रीन् पक्षान् न^अतिवर्तते ॥
nikhanyate gṛhe yasya dṛṣṭvā vā yat padaṃ nayet / saputra.dāraḥ sadhana.strīn pakṣān na^ativartate //
Sanskrit only: no published translation is held for this verse.
पुनर् नवम् अवाचीनं निम्बः काममधुश् च यः । स्वयंगुप्ता मनुष्यअस्थि पदे यस्य निखन्यते ॥
punar navam avācīnaṃ nimbaḥ kāma.madhuś ca yaḥ / svayaṃ.guptā manuṣya.asthi pade yasya nikhanyate //
Sanskrit only: no published translation is held for this verse.
द्वारे गृहस्य सेनाया ग्रामस्य नगरस्य वा । सपुत्रदारः सधनस्त्रीन् पक्षान् न^अतिवर्तते ॥
dvāre gṛhasya senāyā grāmasya nagarasya vā / saputra.dāraḥ sadhana.strīn pakṣān na^ativartate //
Sanskrit only: no published translation is held for this verse.
अजमर्कटरोमाणि मार्जारनकुलस्य च । ब्राह्मणानां श्वपाकानां काकौलूकस्य च^आहरेत् । एतेन विष्ठा^अवक्षुण्णा सद्य उत्सादकारिका ॥
aja.markaṭa.romāṇi mārjāra.nakulasya ca / brāhmaṇānāṃ śva.pākānāṃ kāka.ulūkasya ca^āharet / etena viṣṭhā^avakṣuṇṇā sadya utsāda.kārikā //
Sanskrit only: no published translation is held for this verse.
प्रेतनिर्मालिका किण्वं रोमाणि नकुलस्य च । वृश्चिकआल्य्(?)।अहिकृत्तिश् च पदे यस्य निखन्यते । भवत्य् अपुरुषः सद्यो यावत् तन् न^अपनीयते ॥
preta.nirmālikā kiṇvaṃ romāṇi nakulasya ca / vṛścika.āly(?).ahi.kṛttiś ca pade yasya nikhanyate / bhavaty apuruṣaḥ sadyo yāvat tan na^apanīyate //
Sanskrit only: no published translation is held for this verse.
त्रिरात्रौपोषितः पुष्येण शस्त्रहतस्य शूलप्रोतस्य वा पुंसः शिरःकपाले मृत्तिकायां गुञ्जा आवास्य^उदकेन सेचयेत् ॥
tri.rātra.upoṣitaḥ puṣyeṇa śastra.hatasya śūla.protasya vā puṃsaḥ śiraḥ.kapāle mṛttikāyāṃ guñjā āvāsya^udakena secayet //
Sanskrit only: no published translation is held for this verse.
जातानाम् अमावास्यायां पौर्णमास्यां वा पुष्ययोगिन्यां गुञ्जवल्लीर् ग्राहयित्वा मण्डलिकानि कारयेत् ॥
jātānām amāvāsyāyāṃ paurṇamāsyāṃ vā puṣya.yoginyāṃ guñja.vallīr grāhayitvā maṇḍalikāni kārayet //
Sanskrit only: no published translation is held for this verse.
तेष्व् अन्नपानभाजनानि न्यस्तानि न क्षीयन्ते ॥
teṣv anna.pāna.bhājanāni nyastāni na kṣīyante //
Sanskrit only: no published translation is held for this verse.
रात्रिप्रेक्षायां प्रवृत्तायां प्रदीपअग्निषु मृतधेनोः स्तनान् उत्कृत्य दाहयेत् ॥
rātri.prekṣāyāṃ pravṛttāyāṃ pradīpa.agniṣu mṛta.dhenoḥ stanān utkṛtya dāhayet //
Sanskrit only: no published translation is held for this verse.
दग्धान् वृषमूत्रेण पेषयित्वा नवकुम्भम् अन्तर्लेपयेत् ॥
dagdhān vṛṣa.mūtreṇa peṣayitvā nava.kumbham antar.lepayet //
Sanskrit only: no published translation is held for this verse.
तं ग्रामम् अपसव्यं परिणीय यत् तत्र न्यस्तं नवनीतम् एषां तत् सर्वम् आगच्छति ॥
taṃ grāmam apasavyaṃ pariṇīya yat tatra nyastaṃ nava.nītam eṣāṃ tat sarvam āgacchati //
Sanskrit only: no published translation is held for this verse.
कृष्णचतुर्दश्यां पुष्ययोगिन्यां शुनो लग्नकस्य योनौ कालायसीं मुद्रिकां प्रेषयेत् ॥ तां स्वयं पतितां गृह्णीयात् ॥
kṛṣṇa.caturdaśyāṃ puṣya.yoginyāṃ śuno lagnakasya yonau kālāyasīṃ mudrikāṃ preṣayet // tāṃ svayaṃ patitāṃ gṛhṇīyāt //
Sanskrit only: no published translation is held for this verse.
तया वृक्षफलान्य् आकारितान्य् आगच्छन्ति ॥
tayā vṛkṣa.phalāny ākāritāny āgacchanti //
Sanskrit only: no published translation is held for this verse.
मन्त्रभैषज्यसम्युक्ता योगा मायाकृताश् च ये । उपहन्याद् अमित्रांस् तैः स्वजनं च^अभिपालयेत् ॥ए
mantra.bhaiṣajya.samyuktā yogā māyā.kṛtāś ca ye / upahanyād amitrāṃs taiḥ sva.janaṃ ca^abhipālayet //E
Sanskrit only: no published translation is held for this verse.
स्वपक्षे परप्रयुक्तानां दूषीविषगराणां प्रतीकारः ॥
sva.pakṣe para.prayuktānāṃ dūṣī.viṣa.garāṇāṃ pratīkāraḥ //
Sanskrit only: no published translation is held for this verse.
श्लेष्मातककपित्थदन्तिदन्तशठगोजिशिरीषपाटलीबलास्योनागपुनर्नवाश्वेतवारणक्वाथयुक्तम्(?) चन्दनसालावृकीलोहितयुक्तं नेजनौदकं राजौपभोग्यानां गुह्यप्रक्षालनं स्त्रीणाम्, सेनायाश् च विषप्रतीकारः ॥
śleṣmātaka.kapittha.danti.danta.śaṭha.goji.śirīṣa.pāṭalī.balāsyonāga.punar.navā.śveta.vāraṇa.kvātha.yuktam(?) candana.sālā.vṛkī.lohita.yuktaṃ nejana.udakaṃ rāja.upabhogyānāṃ guhya.prakṣālanaṃ strīṇām, senāyāś ca viṣa.pratīkāraḥ //
Sanskrit only: no published translation is held for this verse.
पृषतनकुलनीलकण्ठगोधापित्तयुक्तं महीराजीचूर्णं सिन्दुवारितवरणवारुणीतण्डुलीयकशतपर्वअग्रपिण्डीतकयोगो मदनदोषहरः ॥
pṛṣata.nakula.nīla.kaṇṭha.godhā.pitta.yuktaṃ mahī.rājī.cūrṇaṃ sindu.vārita.varaṇa.vāruṇī.taṇḍulīyaka.śata.parva.agra.piṇḍītaka.yogo madana.doṣa.haraḥ //
Sanskrit only: no published translation is held for this verse.
सृगालविन्नामदनसिन्दुवारितवरणवारणवलीमूलकषायाणाम् अन्यतमस्य समस्तानां वा क्षीरयुक्तं पानं मदनदोषहरम् ॥
sṛgāla.vinnā.madana.sindu.vārita.varaṇa.vāraṇa.valī.mūla.kaṣāyāṇām anyatamasya samastānāṃ vā kṣīra.yuktaṃ pānaṃ madana.doṣa.haram //
Sanskrit only: no published translation is held for this verse.
कैडर्यपूतितिलतैलम् उन्मादहरं नस्तःकर्म ॥
kaiḍarya.pūti.tila.tailam unmāda.haraṃ nastaḥ.karma //
Sanskrit only: no published translation is held for this verse.
प्रियङ्गुनक्तमालयोगः कुष्ठहरः ॥
priyaṅgu.nakta.māla.yogaḥ kuṣṭha.haraḥ //
Sanskrit only: no published translation is held for this verse.
कुष्ठलोध्रयोगः पाकशोषघ्नः ॥
kuṣṭha.lodhra.yogaḥ pāka.śoṣaghnaḥ //
Sanskrit only: no published translation is held for this verse.
कटफलद्रवन्तीविलङ्गचूर्णं नस्तःकर्म शिरोरोगहरम् ॥
kaṭa.phala.dravantī.vilaṅga.cūrṇaṃ nastaḥ.karma śiro.roga.haram //
Sanskrit only: no published translation is held for this verse.
प्रियङ्गुमञ्जिष्ठातगरलाक्षारसमधुकहरिद्राक्षौद्रयोगो रज्जुउदकविषप्रहारपतननिह्संज्ञानां पुनःप्रत्यानयनाय ॥
priyaṅgu.mañjiṣṭhāta.garalā.kṣāra.samadhuka.haridrā.kṣaudra.yogo rajju.udaka.viṣa.prahāra.patana.nihsaṃjñānāṃ punaḥ.pratyānayanāya //
Sanskrit only: no published translation is held for this verse.
मनुष्याणाम् अक्षमात्रम्, गवअश्वानां द्विगुणम्, चतुर्गुणं हस्त्युष्ट्राणाम् ॥
manuṣyāṇām akṣa.mātram, gava.aśvānāṃ dvi.guṇam, catur.guṇaṃ hasty.uṣṭrāṇām //
Sanskrit only: no published translation is held for this verse.
रुक्मगर्भश् च^एषां मणिः सर्वविषहरः ॥
rukma.garbhaś ca^eṣāṃ maṇiḥ sarva.viṣa.haraḥ //
Sanskrit only: no published translation is held for this verse.
जीवन्तीश्वेतामुष्ककपुष्पवन्दाकानाम् अक्षीवे जातस्य^अश्वत्थस्य मणिः सर्वविषहरः ॥
jīvantī.śvetā.muṣkaka.puṣpa.vandākānām akṣīve jātasya^aśvatthasya maṇiḥ sarva.viṣa.haraḥ //
Sanskrit only: no published translation is held for this verse.
तूर्याणां तैः प्रलिप्तानां शब्दो विषविनाशनः । लिप्तध्वजं पताकां वा दृष्ट्वा भवति निर्विषः ॥
tūryāṇāṃ taiḥ praliptānāṃ śabdo viṣa.vināśanaḥ / lipta.dhvajaṃ patākāṃ vā dṛṣṭvā bhavati nirviṣaḥ //
Sanskrit only: no published translation is held for this verse.
एतैः कृत्वा प्रतीकारं स्वसैन्यानाम् अथ^आत्मनः । अमित्रेषु प्रयुञ्जीत विषधूमअम्बुदूषणान् ॥ए
etaiḥ kṛtvā pratīkāraṃ sva.sainyānām atha^ātmanaḥ / amitreṣu prayuñjīta viṣa.dhūma.ambu.dūṣaṇān //E
Sanskrit only: no published translation is held for this verse.