Library·Kautilya: Arthasastra·4·4.10
तीर्थघातग्रन्थिभेदऊर्ध्वकराणां प्रथमे^अपराधे संदेशच्छेदनं चतुष्पञ्चाशत्पणो वा दण्डः, द्वितीये छेदनं पणस्य शत्यो वा दण्डः, तृतीये दक्षिणहस्तवधश् चतुःशतो वा दण्डः, चतुर्थे यथाकामी वधः ॥
tīrtha.ghāta.granthi.bheda.ūrdhva.karāṇāṃ prathame^aparādhe saṃdeśac.chedanaṃ catuṣ.pañcāśat.paṇo vā daṇḍaḥ, dvitīye chedanaṃ paṇasya śatyo vā daṇḍaḥ, tṛtīye dakṣiṇa.hasta.vadhaś catuḥ.śato vā daṇḍaḥ, caturthe yathā.kāmī vadhaḥ //
Sanskrit only: no published translation is held for this verse.
पञ्चविंशतिपणअवरेषु कुक्कुटनकुलमार्जारश्वसूकरस्तेयेषु हिंसायां वा चतुष्पञ्चाशत्पणो दण्डः, नासअग्रच्छेदनं वा^ चण्डालअरण्यचराणाम् अर्धदण्डाः ॥
pañca.viṃśati.paṇa.avareṣu kukkuṭa.nakula.mārjāra.śva.sūkara.steyeṣu hiṃsāyāṃ vā catuṣ.pañcāśat.paṇo daṇḍaḥ, nāsa.agrac.chedanaṃ vā^ caṇḍāla.araṇya.carāṇām ardha.daṇḍāḥ //
Sanskrit only: no published translation is held for this verse.
पाशजालकूटअवपातेषु बद्धानां मृगपशुपक्षिव्यालमत्स्यानाम् आदाने तच् च तावच् च दण्डः ॥
pāśa.jāla.kūṭa.avapāteṣu baddhānāṃ mṛga.paśu.pakṣi.vyāla.matsyānām ādāne tac ca tāvac ca daṇḍaḥ //
Sanskrit only: no published translation is held for this verse.
मृगद्रव्यवनान् मृगद्रव्यअपहारे शात्यो दण्डः ॥
mṛga.dravya.vanān mṛga.dravya.apahāre śātyo daṇḍaḥ //
Sanskrit only: no published translation is held for this verse.
बिंबविहारमृगपक्षिस्तेये हिंसायां वा द्विगुणो दण्डः ॥
biṃba.vihāra.mṛga.pakṣi.steye hiṃsāyāṃ vā dvi.guṇo daṇḍaḥ //
Sanskrit only: no published translation is held for this verse.
कारुशिल्पिकुशीलवतपस्विनां क्षुद्रकद्रव्यअपहारे शत्यो दण्डः, स्थूलकद्रव्यअपहारे द्विशतः, कृषिद्रव्यअपहारे च ॥
kāru.śilpi.kuśīlava.tapasvināṃ kṣudraka.dravya.apahāre śatyo daṇḍaḥ, sthūlaka.dravya.apahāre dvi.śataḥ, kṛṣi.dravya.apahāre ca //
Sanskrit only: no published translation is held for this verse.
दुर्गम् अकृतप्रवेशस्य प्रविशतः प्राकारच्छिद्राद् वा निक्षेपं गृहीत्वा^अपसरतः काण्डरावधो, द्विशातो वा दण्डः ॥
durgam akṛta.praveśasya praviśataḥ prākārac.chidrād vā nikṣepaṃ gṛhītvā^apasarataḥ kāṇḍarā.vadho, dvi.śāto vā daṇḍaḥ //
Sanskrit only: no published translation is held for this verse.
चक्रयुक्तं नावं क्षुद्रपशुं वा^अपहरत एकपादवधः, त्रिशतो वा दण्डः ॥
cakra.yuktaṃ nāvaṃ kṣudra.paśuṃ vā^apaharata eka.pāda.vadhaḥ, tri.śato vā daṇḍaḥ //
Sanskrit only: no published translation is held for this verse.
कूटकाकण्यक्षअरालाशलाकाहस्तविषमकारिण एकहस्तवधः, चतुःशतो वा दण्डः ॥
kūṭa.kākaṇy.akṣa.arālā.śalākā.hasta.viṣama.kāriṇa eka.hasta.vadhaḥ, catuḥ.śato vā daṇḍaḥ //
Sanskrit only: no published translation is held for this verse.
स्तेनपारदारिकयोः साचिव्यकर्मणि स्त्रियाः संगृहीतायाश् च कर्णनासाच्छेदनम्, पञ्चशतो वा दण्डः, पुंषो द्विगुणः ॥
stena.pāradārikayoḥ sācivya.karmaṇi striyāḥ saṃgṛhītāyāś ca karṇa.nāsāc.chedanam, pañca.śato vā daṇḍaḥ, puṃṣo dvi.guṇaḥ //
Sanskrit only: no published translation is held for this verse.
महापशुम् एकं दासं दासीं वा^अपहरतः प्रेतभाण्डं वा विक्रीणानस्य द्विपादवधः, षट्छतो वा दण्डः ॥
mahā.paśum ekaṃ dāsaṃ dāsīṃ vā^apaharataḥ preta.bhāṇḍaṃ vā vikrīṇānasya dvi.pāda.vadhaḥ, ṣaṭ.chato vā daṇḍaḥ //
Sanskrit only: no published translation is held for this verse.
वर्णौत्तमानां गुरूणां च हस्तपादलङ्घने राजयानवाहनआद्यारोहणे च^एकहस्तपादवधः, सप्तशतो वा दण्डः ॥
varṇa.uttamānāṃ gurūṇāṃ ca hasta.pāda.laṅghane rāja.yāna.vāhana.ādy.ārohaṇe ca^eka.hasta.pāda.vadhaḥ, sapta.śato vā daṇḍaḥ //
Sanskrit only: no published translation is held for this verse.
शूद्रस्य ब्राह्मणवादिनो देवद्रव्यम् अवस्तृणतो राजद्विष्टम् आदिशतो द्विनेत्रभेदिनश् च योगअञ्जनेन^अन्धत्वम्, अष्टशतो वा दण्डः ॥
śūdrasya brāhmaṇa.vādino deva.dravyam avastṛṇato rāja.dviṣṭam ādiśato dvi.netra.bhedinaś ca yoga.añjanena^andhatvam, aṣṭa.śato vā daṇḍaḥ //
Sanskrit only: no published translation is held for this verse.
चोरं पारदारिकं वा मोक्षयतो राजशासनम् ऊनम् अतिरिक्तं वा लिखतः कन्यां दासीं वा स-हिरण्यम् अपरहतः कूटव्यवहारिणो विमांसविक्रयिणश् च वामहस्तद्विपादवधो, नवशतो वा दण्डः ॥
coraṃ pāradārikaṃ vā mokṣayato rāja.śāsanam ūnam atiriktaṃ vā likhataḥ kanyāṃ dāsīṃ vā sa-hiraṇyam aparahataḥ kūṭa.vyavahāriṇo vimāṃsa.vikrayiṇaś ca vāma.hasta.dvi.pāda.vadho, nava.śato vā daṇḍaḥ //
Sanskrit only: no published translation is held for this verse.
मानुषमांसविक्रये वधः ॥
mānuṣa.māṃsa.vikraye vadhaḥ //
Sanskrit only: no published translation is held for this verse.
देवपशुप्रतिमामनुष्यक्षेत्रगृहहिरण्यसुवर्णरत्नसस्यअपहारिण उत्तमो दण्डः, शुद्धवधो वा ॥
deva.paśu.pratimā.manuṣya.kṣetra.gṛha.hiraṇya.suvarṇa.ratna.sasya.apahāriṇa uttamo daṇḍaḥ, śuddha.vadho vā //
Sanskrit only: no published translation is held for this verse.
पुरुषं च^अपराधं च कारणं गुरुलाघवम् । अनुबन्धं तदात्वं च देशकालौ समीक्ष्य च ॥
puruṣaṃ ca^aparādhaṃ ca kāraṇaṃ guru.lāghavam / anubandhaṃ tadātvaṃ ca deśa.kālau samīkṣya ca //
Sanskrit only: no published translation is held for this verse.
उत्तमअवरमध्यत्वं प्रदेष्टा दण्डकर्मणि । राज्ञश् च प्रकृतीनां च कल्पयेद् अन्तरा स्थितः ॥ए
uttama.avara.madhyatvaṃ pradeṣṭā daṇḍa.karmaṇi / rājñaś ca prakṛtīnāṃ ca kalpayed antarā sthitaḥ //E
Sanskrit only: no published translation is held for this verse.