Ksemendra: Avadanakalpalata 11

दक्षाणां लक्षणं लक्ष्मीः सहजं विदुषां यशः । व्यवसायसहायानाम् कलत्रं सर्वसिद्धयः

dakṣāṇāṃ lakṣaṇaṃ lakṣmīḥ sahajaṃ viduṣāṃ yaśaḥ / vyavasāyasahāyānām kalatraṃ sarvasiddhayaḥ

Sanskrit only: no published translation is held for this verse.

तत्र स्थितो भगवतः सो ऽथ केशनखांशके । स्तूपप्रतिष्ठामकरोद्वर्रत्नविराजिताम्

tatra sthito bhagavataḥ so 'tha keśanakhāṃśake / stūpapratiṣṭhāmakarodvarratnavirājitām

Sanskrit only: no published translation is held for this verse.

विरूढको ऽपि शाक्यानां वैरपारतितीर्षया । पुनर्युक्त्या पुरद्व्हारभेदेन सहसाविशत्

virūḍhako 'pi śākyānāṃ vairapāratitīrṣayā / punaryuktyā puradvhārabhedena sahasāviśat

Sanskrit only: no published translation is held for this verse.

हत्वा तत्र सहस्राणि शाक्यानां सप्तसप्तति । बद्ध्वा कन्याकुमाराणां स सहस्रमथाहरत्

hatvā tatra sahasrāṇi śākyānāṃ saptasaptati / baddhvā kanyākumārāṇāṃ sa sahasramathāharat

Sanskrit only: no published translation is held for this verse.

शतानि पञ्च शाक्यानाम् गजैर्लोहैश्च मर्दनैः । संप्रमृज्य पुरीं चक्रे कृतान्तनगरीमिव

śatāni pañca śākyānām gajairlohaiśca mardanaiḥ / saṃpramṛjya purīṃ cakre kṛtāntanagarīmiva

Sanskrit only: no published translation is held for this verse.

भगवानपि शाक्यानाम् शत्रूणा भेदनं कृतम् । कर्मानुबद्धं विज्ञायं बभूव विमनाः क्षणम्

bhagavānapi śākyānām śatrūṇā bhedanaṃ kṛtam / karmānubaddhaṃ vijñāyaṃ babhūva vimanāḥ kṣaṇam

Sanskrit only: no published translation is held for this verse.

पप्रच्छुस्तं समभ्येत्य भिक्षवः करुणाकुलाः । किं कर्म विहितं शाक्यैर्घोरं यस्येदृशं फलम्

papracchustaṃ samabhyetya bhikṣavaḥ karuṇākulāḥ / kiṃ karma vihitaṃ śākyairghoraṃ yasyedṛśaṃ phalam

Sanskrit only: no published translation is held for this verse.

भगवाननिति तैः पृष्टः सर्वज्ञस्तानभाषत । निजकर्मविपाकेन शाक्यानामेष संक्षयः

bhagavānaniti taiḥ pṛṣṭaḥ sarvajñastānabhāṣata / nijakarmavipākena śākyānāmeṣa saṃkṣayaḥ

Sanskrit only: no published translation is held for this verse.

कृष्टौ पुरा महामत्स्यौ धीवरैः सरितो ऽन्तरात् । तदा निकृत्तौ शल्येन भूयो ऽप्यव्यथयन् धृतौ

kṛṣṭau purā mahāmatsyau dhīvaraiḥ sarito 'ntarāt / tadā nikṛttau śalyena bhūyo 'pyavyathayan dhṛtau

Sanskrit only: no published translation is held for this verse.

कालेन चारुताम् यातैस्तैरेव परजन्मनि । हतौ गॄहपती दग्ध्वा तावेव धनहारिभिः

kālena cārutām yātaistaireva parajanmani / hatau gṝhapatī dagdhvā tāveva dhanahāribhiḥ

Sanskrit only: no published translation is held for this verse.

तौ मत्स्यौ तौ गृहस्थौ च विरूढकपुरोहितौ । दासानां तस्कराणाम् च शाक्यानाम् मृत्युताम् गतौ

tau matsyau tau gṛhasthau ca virūḍhakapurohitau / dāsānāṃ taskarāṇām ca śākyānām mṛtyutām gatau

Sanskrit only: no published translation is held for this verse.

इति श्रुत्वा भगवतः कर्मणां फलसंततिम् । अविसंवादिनीमेव मेनिरे सर्वभिक्षवः

iti śrutvā bhagavataḥ karmaṇāṃ phalasaṃtatim / avisaṃvādinīmeva menire sarvabhikṣavaḥ

Sanskrit only: no published translation is held for this verse.

विरूढको ऽथ स्वपुरं प्राप्य विजयदुर्मदः । जेतानाम्ना सुतेनोक्तः प्रणयाद्बाललीलया

virūḍhako 'tha svapuraṃ prāpya vijayadurmadaḥ / jetānāmnā sutenoktaḥ praṇayādbālalīlayā

Sanskrit only: no published translation is held for this verse.

देव किं निहताः शाक्यान् न ते ऽस्माकं कृतागसः । इति ब्रुवाणमवधीन्निजसूनुं विरूढकः

deva kiṃ nihatāḥ śākyān na te 'smākaṃ kṛtāgasaḥ / iti bruvāṇamavadhīnnijasūnuṃ virūḍhakaḥ

Sanskrit only: no published translation is held for this verse.

निपातमतिमृद्गति निहन्ति न करोति किम् । मदलब्धनधायासो मातंग इव दर्जनः

nipātamatimṛdgati nihanti na karoti kim / madalabdhanadhāyāso mātaṃga iva darjanaḥ

Sanskrit only: no published translation is held for this verse.

स जगाद सभासीनः स्वभूजाववलोकयन् । अहो नु मम तापाग्नौ द्विसद्भिः शलभायितम्

sa jagāda sabhāsīnaḥ svabhūjāvavalokayan / aho nu mama tāpāgnau dvisadbhiḥ śalabhāyitam

Sanskrit only: no published translation is held for this verse.

कृतान्ततोरणस्तम्भौ प्राज्यौ मम भुजाविमौ । निष्ःशेषवधदीक्षायां शाक्यानां गुरुतां गतौ

kṛtāntatoraṇastambhau prājyau mama bhujāvimau / niṣḥśeṣavadhadīkṣāyāṃ śākyānāṃ gurutāṃ gatau

Sanskrit only: no published translation is held for this verse.

तं तस्य विक्रमं श्लाघ्यं हृतास्ताः शाक्यकन्यकाः । श्रुत्वा बभाषिरे तीव्रमुद्वेगनमिताननाः

taṃ tasya vikramaṃ ślāghyaṃ hṛtāstāḥ śākyakanyakāḥ / śrutvā babhāṣire tīvramudveganamitānanāḥ

Sanskrit only: no published translation is held for this verse.

कर्मपाशनिबद्धानां खगानामिव देहिनाम् । निधनोल्लङ्घने शक्तिर्नास्ति पक्षवतामपि

karmapāśanibaddhānāṃ khagānāmiva dehinām / nidhanollaṅghane śaktirnāsti pakṣavatāmapi

Sanskrit only: no published translation is held for this verse.

येनाग्निः शममेति तत्किल जलं प्राप्नोत्यलं वाडवः तिग्मांशुग्रहणं करोति समये हेलावलेह्यं तमह् । पर्यालोचनवर्त्मनामविषयं साश्चर्यचर्यास्पदं सर्वं कार्मिकतन्त्रयन्तिमिदं कः कस्य कर्तुं क्षमः

yenāgniḥ śamameti tatkila jalaṃ prāpnotyalaṃ vāḍavaḥ tigmāṃśugrahaṇaṃ karoti samaye helāvalehyaṃ tamah / paryālocanavartmanāmaviṣayaṃ sāścaryacaryāspadaṃ sarvaṃ kārmikatantrayantimidaṃ kaḥ kasya kartuṃ kṣamaḥ

Sanskrit only: no published translation is held for this verse.

एतदाकर्ण्य नृपतिः पदान्तर इवेरगः । करच्छेदं दिदेशासां घोरामर्षविषोत्कटः

etadākarṇya nṛpatiḥ padāntara iveragaḥ / karacchedaṃ dideśāsāṃ ghorāmarṣaviṣotkaṭaḥ

Sanskrit only: no published translation is held for this verse.

तीरे यस्याः कृतं तासां पाणिच्छेदनवैशसम् । साद्यापि हस्तगभति ख्याता पुष्करिणी भुवि

tīre yasyāḥ kṛtaṃ tāsāṃ pāṇicchedanavaiśasam / sādyāpi hastagabhati khyātā puṣkariṇī bhuvi

Sanskrit only: no published translation is held for this verse.

लतास्वपि ह्कुकूलाग्निं क्रकचं नलीनीष्वपि । मालास्वपि शिलावर्षं पातयन्त्येव निर्घृणाः

latāsvapi hkukūlāgniṃ krakacaṃ nalīnīṣvapi / mālāsvapi śilāvarṣaṃ pātayantyeva nirghṛṇāḥ

Sanskrit only: no published translation is held for this verse.

ताश्छिन्नपाणिकमलास्तत्र तीव्रव्यथातुराः । भगवन्तं धिया ध्यात्वा शरणं शरणं ययुः

tāśchinnapāṇikamalāstatra tīvravyathāturāḥ / bhagavantaṃ dhiyā dhyātvā śaraṇaṃ śaraṇaṃ yayuḥ

Sanskrit only: no published translation is held for this verse.

तासां विज्ञाय सर्वज्ञस्तीव्राम् मर्माहतिव्यथाम् । शचीमचिन्तयद्देवीं तत्समाश्वासनोचिताम्

tāsāṃ vijñāya sarvajñastīvrām marmāhativyathām / śacīmacintayaddevīṃ tatsamāśvāsanocitām

Sanskrit only: no published translation is held for this verse.

तत्स्पर्शजातहस्ताब्जास्ता दिव्यवसनावृताः । ययुश्चित्तप्रसादेन ताह् स्वर्गं त्यक्तविग्रहा

tatsparśajātahastābjāstā divyavasanāvṛtāḥ / yayuścittaprasādena tāh svargaṃ tyaktavigrahā

Sanskrit only: no published translation is held for this verse.

देवकल्पास्तमासाद्य दिव्यपद्मोत्पलाङ्किताः । धर्मदेशनया शास्तुस्ताह् प्रापुर्विपुलं पदम्

devakalpāstamāsādya divyapadmotpalāṅkitāḥ / dharmadeśanayā śāstustāh prāpurvipulaṃ padam

Sanskrit only: no published translation is held for this verse.

भिक्षुभिर्भगवान् पृष्टस्तत्कर्मफलमभ्यधात् । पाणिचापल्यमेताभिः कृतं भिक्षुविडम्बने

bhikṣubhirbhagavān pṛṣṭastatkarmaphalamabhyadhāt / pāṇicāpalyametābhiḥ kṛtaṃ bhikṣuviḍambane

Sanskrit only: no published translation is held for this verse.

कर्मणस्तस्य पाकेन विशसे पतिताह् परम् । मयि चित्तप्रसादेन प्राप्ताश्चैताह् शुभां गतिम्

karmaṇastasya pākena viśase patitāh param / mayi cittaprasādena prāptāścaitāh śubhāṃ gatim

Sanskrit only: no published translation is held for this verse.

इत्युक्त्वा भगवान् कर्मफलपाकविचित्रताम् । भुक्षीणां तत्प्रसङ्गेन विदधे धर्मदेशनाम्

ityuktvā bhagavān karmaphalapākavicitratām / bhukṣīṇāṃ tatprasaṅgena vidadhe dharmadeśanām

Sanskrit only: no published translation is held for this verse.

अत्रान्तरे गूढचारी राज्ञा प्रणिहितश्चरः । भगवच्चरितं ज्ञात्वा विरूढकमुपाययौ

atrāntare gūḍhacārī rājñā praṇihitaścaraḥ / bhagavaccaritaṃ jñātvā virūḍhakamupāyayau

Sanskrit only: no published translation is held for this verse.

सो ऽवदद्देव भिक्षूणां तेनेदं कथितं पुरः । स्वकर्मफलमासन्नं तस्य पश्यामि भूपतेह्

so 'vadaddeva bhikṣūṇāṃ tenedaṃ kathitaṃ puraḥ / svakarmaphalamāsannaṃ tasya paśyāmi bhūpateh

Sanskrit only: no published translation is held for this verse.

सप्ताहेनाग्निना दग्धः स पापात्मा पुरोहितः । अवीचिनाम्नि नरके दुःसहे निपतिष्यति

saptāhenāgninā dagdhaḥ sa pāpātmā purohitaḥ / avīcināmni narake duḥsahe nipatiṣyati

Sanskrit only: no published translation is held for this verse.

इति तद्वचनं श्रुत्वा नृपतिः सपुरोहितः । यत्नादुवास सप्ताहं जलान्वितगृहान्तरे

iti tadvacanaṃ śrutvā nṛpatiḥ sapurohitaḥ / yatnāduvāsa saptāhaṃ jalānvitagṛhāntare

Sanskrit only: no published translation is held for this verse.

क्षणावशेषे सप्ताहे तस्मिन्नन्तःपुरं गते । सूर्यकान्तार्कसंतापयोगाज्जज्वाल पावकः

kṣaṇāvaśeṣe saptāhe tasminnantaḥpuraṃ gate / sūryakāntārkasaṃtāpayogājjajvāla pāvakaḥ

Sanskrit only: no published translation is held for this verse.

उद्भूतेन प्रलयसवनावर्तिनेवाशु वेगान् निर्दग्धो ऽसौ धगिति शिखिना नारकं प्राप वह्निम् । अस्मिंल्लिके ज्वलनजटिलाः पापिनां प्रेत्य रागाः सर्वत्रैव स्थिरसुखभुवः शीतलाः पुण्यभाजाम्

udbhūtena pralayasavanāvartinevāśu vegān nirdagdho 'sau dhagiti śikhinā nārakaṃ prāpa vahnim / asmiṃllike jvalanajaṭilāḥ pāpināṃ pretya rāgāḥ sarvatraiva sthirasukhabhuvaḥ śītalāḥ puṇyabhājām

Sanskrit only: no published translation is held for this verse.