Ksemendra: Avadanakalpalata 14

अन्तर्गतभुजंगाभिः स्त्रीभिरत्यन्तरागिणः । कण्ठे कृताभिर्नृत्यन्ति मालाभिरिव मोहिताः

antargatabhujaṃgābhiḥ strībhiratyantarāgiṇaḥ / kaṇṭhe kṛtābhirnṛtyanti mālābhiriva mohitāḥ

Sanskrit only: no published translation is held for this verse.

तत्रैकान्तलताकुञ्जनिकुञ्जनिहितस्थितिः । अन्धः सौरभमाघ्राय सोशुम्बातिमिरस्रजः

tatraikāntalatākuñjanikuñjanihitasthitiḥ / andhaḥ saurabhamāghrāya sośumbātimirasrajaḥ

Sanskrit only: no published translation is held for this verse.

सहसैव विकारेण रागाद्विस्मृतसंवृतिः । अगायन्मदनक्षीबा गणयन्ति बह्यं कुतः

sahasaiva vikāreṇa rāgādvismṛtasaṃvṛtiḥ / agāyanmadanakṣībā gaṇayanti bahyaṃ kutaḥ

Sanskrit only: no published translation is held for this verse.

तनुपवनविलासैः कीर्यमाणः प्रियायाः समदबदनपद्मामोदसंभारसारः । तिमिरकुसुमगन्धः सो ऽयमायाति दूरात् भ्रमरसरणिवीणाविभ्रमारावरम्यः

tanupavanavilāsaiḥ kīryamāṇaḥ priyāyāḥ samadabadanapadmāmodasaṃbhārasāraḥ / timirakusumagandhaḥ so 'yamāyāti dūrāt bhramarasaraṇivīṇāvibhramārāvaramyaḥ

Sanskrit only: no published translation is held for this verse.

श्रुत्वा हृदयसंवादगीतं तत्तस्य भूपतिः । उद्यानविचयं कृत्वा तं ददर्श लतान्तरे

śrutvā hṛdayasaṃvādagītaṃ tattasya bhūpatiḥ / udyānavicayaṃ kṛtvā taṃ dadarśa latāntare

Sanskrit only: no published translation is held for this verse.

गाढरोचमदक्षीबं स तं पप्रच्छ शङ्कितः । अपि जानसि सोशुम्बां तस्य वा लक्षणं तनोः

gāḍharocamadakṣībaṃ sa taṃ papraccha śaṅkitaḥ / api jānasi sośumbāṃ tasya vā lakṣaṇaṃ tanoḥ

Sanskrit only: no published translation is held for this verse.

सो ऽब्रवीत् किं न जानामि सोशुम्बां बिम्बपाटलाम् । उपविष्टो ऽधरे यस्या रागराज्ये मनोभवः

so 'bravīt kiṃ na jānāmi sośumbāṃ bimbapāṭalām / upaviṣṭo 'dhare yasyā rāgarājye manobhavaḥ

Sanskrit only: no published translation is held for this verse.

न्यस्तं स्मरेणेव तदूरूमूले लेखामयं स्वस्तिकमस्ति कान्तम् । आवर्तशोभा स्तनमण्डले वा लावण्यकल्लोलनिभास्ति तस्याः

nyastaṃ smareṇeva tadūrūmūle lekhāmayaṃ svastikamasti kāntam / āvartaśobhā stanamaṇḍale vā lāvaṇyakallolanibhāsti tasyāḥ

Sanskrit only: no published translation is held for this verse.

एतदाकर्ण्य नृपतिः सद्यः संतापशोषितम् । मुमोच रागकुसुमं निर्माल्यमिन्व चेतसः

etadākarṇya nṛpatiḥ sadyaḥ saṃtāpaśoṣitam / mumoca rāgakusumaṃ nirmālyaminva cetasaḥ

Sanskrit only: no published translation is held for this verse.

सो ऽब्रवीन्नास्ति नारीणां शीलरक्षा शतैरति । खपुष्पमालेव सती सर्वथा नैव जायते

so 'bravīnnāsti nārīṇāṃ śīlarakṣā śatairati / khapuṣpamāleva satī sarvathā naiva jāyate

Sanskrit only: no published translation is held for this verse.

इत्युक्त्वान्धेन तां राजा सह श्मशानकाननम् । गर्दभारोपितां तूर्णं तत्याज नगराद्बहिः

ityuktvāndhena tāṃ rājā saha śmaśānakānanam / gardabhāropitāṃ tūrṇaṃ tatyāja nagarādbahiḥ

Sanskrit only: no published translation is held for this verse.

सा तेन सह निर्लज्जा व्रजन्ती दिनसंक्षये । अटव्यां चौरपतिना प्राप्तैव सह संपदा

sā tena saha nirlajjā vrajantī dinasaṃkṣaye / aṭavyāṃ caurapatinā prāptaiva saha saṃpadā

Sanskrit only: no published translation is held for this verse.

जनैरभिद्रुते तस्मिन् सहसा चौरमण्डले । निरपराश एवान्धश्चौरभ्रान्त्या निपातितः

janairabhidrute tasmin sahasā cauramaṇḍale / niraparāśa evāndhaścaurabhrāntyā nipātitaḥ

Sanskrit only: no published translation is held for this verse.

चौरो ऽपि निशां भुक्त्वा सोशुम्बां क्षस्णसंगतः । गृहीत्वाभरणान्यस्या जगामोत्तीर्य निम्नगाम्

cauro 'pi niśāṃ bhuktvā sośumbāṃ kṣasṇasaṃgataḥ / gṛhītvābharaṇānyasyā jagāmottīrya nimnagām

Sanskrit only: no published translation is held for this verse.

कारण्डवायाह् सरितस्तस्यास्तीरे निरम्बरा । शुशोव साञ्जनैरश्रुजालैः सा मलिनस्तनी

kāraṇḍavāyāh saritastasyāstīre nirambarā / śuśova sāñjanairaśrujālaiḥ sā malinastanī

Sanskrit only: no published translation is held for this verse.

तस्मिन् क्षणे मुखासक्तं मांसमुत्सृज्य जम्बुके । याते जलोत्प्लुतं मत्स्यं तज्जहारं विहङ्गमः

tasmin kṣaṇe mukhāsaktaṃ māṃsamutsṛjya jambuke / yāte jalotplutaṃ matsyaṃ tajjahāraṃ vihaṅgamaḥ

Sanskrit only: no published translation is held for this verse.

मत्स्ये निमग्ने सहसा खगेन पिशिते हृते । स बभूवोभयभ्रंशाच्चिन्तानिश्चललोचनः

matsye nimagne sahasā khagena piśite hṛte / sa babhūvobhayabhraṃśāccintāniścalalocanaḥ

Sanskrit only: no published translation is held for this verse.

तस्यास्तं वीक्ष्यं दुःखे ऽपि मुखे स्मितमदॄश्यत । हासः परस्य स्खलिते दुःस्थस्याप्युपजायते

tasyāstaṃ vīkṣyaṃ duḥkhe 'pi mukhe smitamadṝśyata / hāsaḥ parasya skhalite duḥsthasyāpyupajāyate

Sanskrit only: no published translation is held for this verse.

स तां वैलक्ष्यकुपितः प्रोवाचानुचितस्मिताम् । अहो हससि मां लोके हास्यायतनताम् गताम्

sa tāṃ vailakṣyakupitaḥ provācānucitasmitām / aho hasasi māṃ loke hāsyāyatanatām gatām

Sanskrit only: no published translation is held for this verse.

नृपं त्यक्त्वागता ह्यन्धम्त्यक्तवान्धं चौरमाश्रिता । तवाहमुभयभ्रष्टः त्रिभ्रष्टायाः स्मितास्पदम्

nṛpaṃ tyaktvāgatā hyandhamtyaktavāndhaṃ cauramāśritā / tavāhamubhayabhraṣṭaḥ tribhraṣṭāyāḥ smitāspadam

Sanskrit only: no published translation is held for this verse.

आस्ताम् वः परिहासो ऽयं तं युक्त्याहं करोमि ते । खलास्ते विषमस्थानाम् ये बिडम्बनपण्डिताः

āstām vaḥ parihāso 'yaṃ taṃ yuktyāhaṃ karomi te / khalāste viṣamasthānām ye biḍambanapaṇḍitāḥ

Sanskrit only: no published translation is held for this verse.

इत्युक्त्वा नगरीं गत्वा स नृपाय न्यवेदयत् । सोशुम्बा ते नदीतीरे तपोयुक्तेति मन्मतिः

ityuktvā nagarīṃ gatvā sa nṛpāya nyavedayat / sośumbā te nadītīre tapoyukteti manmatiḥ

Sanskrit only: no published translation is held for this verse.

अथ निनाय ताम् राजा वितीर्याभरणाम्बरम् । दोषमाच्छादयत्येव रागद्वेषः शरीरिणाम्

atha nināya tām rājā vitīryābharaṇāmbaram / doṣamācchādayatyeva rāgadveṣaḥ śarīriṇām

Sanskrit only: no published translation is held for this verse.

सैवाद्योत्पलवर्णेयमुदायी शीघ्रगो ऽप्यसौ । प्राग्जन्मान्तरपुण्येन भिक्ष्ःउव्रतमुपागतौ

saivādyotpalavarṇeyamudāyī śīghrago 'pyasau / prāgjanmāntarapuṇyena bhikṣḥuvratamupāgatau

Sanskrit only: no published translation is held for this verse.

अभवदतिरसार्द्रं मानास्ं रागयोगे यदु मदनविधेयं रागयुक्तं यदस्याः । विरतशमविरारा तेन तस्मिन् मुहूत्रे कृतनरपतिरूपानन्दिनं माम् ववन्दे

abhavadatirasārdraṃ mānāsṃ rāgayoge yadu madanavidheyaṃ rāgayuktaṃ yadasyāḥ / virataśamavirārā tena tasmin muhūtre kṛtanarapatirūpānandinaṃ mām vavande

Sanskrit only: no published translation is held for this verse.