Ksemendra: Avadanakalpalata 15

बलभतुलधैर्यवीर्यं साश्चर्यं भवति सप्रभावाणाम् । महदाश्रययोगाद्यस्मै सर्वं महिमत्वमायाति

balabhatuladhairyavīryaṃ sāścaryaṃ bhavati saprabhāvāṇām / mahadāśrayayogādyasmai sarvaṃ mahimatvamāyāti

Sanskrit only: no published translation is held for this verse.

पुरा कुशीपुरीं रम्यां मल्लानां बलशालिनाम् । स्वेच्छाविहारी भगावान् प्रतस्थे सुगतः स्वयम्

purā kuśīpurīṃ ramyāṃ mallānāṃ balaśālinām / svecchāvihārī bhagāvān pratasthe sugataḥ svayam

Sanskrit only: no published translation is held for this verse.

ते तदागमनं श्रुत्वा कल्याणं कुशलैषिणः । वर्त्मसंशोधनं चक्रुरुपचारपदोद्यताः

te tadāgamanaṃ śrutvā kalyāṇaṃ kuśalaiṣiṇaḥ / vartmasaṃśodhanaṃ cakrurupacārapadodyatāḥ

Sanskrit only: no published translation is held for this verse.

देशं भूषयतां तेषां संसिक्तं चन्दनोदकैः । तृणकण्टकपाषाणसर्करारेणुवर्जितम्

deśaṃ bhūṣayatāṃ teṣāṃ saṃsiktaṃ candanodakaiḥ / tṛṇakaṇṭakapāṣāṇasarkarāreṇuvarjitam

Sanskrit only: no published translation is held for this verse.

मध्ये समाययौ भूमिनिमग्ना महती शिला । अवसन्ना विसन्ना च वधूर्विन्ध्यगिरेरिव

madhye samāyayau bhūminimagnā mahatī śilā / avasannā visannā ca vadhūrvindhyagireriva

Sanskrit only: no published translation is held for this verse.

तामुत्पाटयतां तेषां कुद्दालभुजरज्जुभिः । मासो जगाम न त्वस्याः सहस्रांशे ऽप्यभूत क्षतिः

tāmutpāṭayatāṃ teṣāṃ kuddālabhujarajjubhiḥ / māso jagāma na tvasyāḥ sahasrāṃśe 'pyabhūta kṣatiḥ

Sanskrit only: no published translation is held for this verse.

अथ सम्सारसंतापप्रशमामृतदीधितिः । आययौ भगवान् सर्वमानसोल्लासबान्धवः

atha samsārasaṃtāpapraśamāmṛtadīdhitiḥ / āyayau bhagavān sarvamānasollāsabāndhavaḥ

Sanskrit only: no published translation is held for this verse.

घनान्धकारविरतिव्यक्तसत्फलदर्शनः । प्रसादसंविभक्ताशः प्रकाश इव शारदः

ghanāndhakāravirativyaktasatphaladarśanaḥ / prasādasaṃvibhaktāśaḥ prakāśa iva śāradaḥ

Sanskrit only: no published translation is held for this verse.

स तान् दृष्ट्वा परिश्रान्तान् विफलक्लेशपिडाईतान् । श्रुत्वा च तद्व्यवसितं तानूचे प्रणताननान्

sa tān dṛṣṭvā pariśrāntān viphalakleśapiḍāītān / śrutvā ca tadvyavasitaṃ tānūce praṇatānanān

Sanskrit only: no published translation is held for this verse.

अहो क्लेशफलारम्भः प्रयासव्यवसायिनाम् । संसारकर्मणीवास्मिन् व्यापारे वः समुद्यमः

aho kleśaphalārambhaḥ prayāsavyavasāyinām / saṃsārakarmaṇīvāsmin vyāpāre vaḥ samudyamaḥ

Sanskrit only: no published translation is held for this verse.

प्रारम्भे विषमक्लेशं क्रियमाणं ससंशयम् । सिद्धमप्यनुपादेयं न प्राज्ञाः कर्म कुर्वते

prārambhe viṣamakleśaṃ kriyamāṇaṃ sasaṃśayam / siddhamapyanupādeyaṃ na prājñāḥ karma kurvate

Sanskrit only: no published translation is held for this verse.

इत्युक्त्वा चरणाङ्गुष्ठघट्टिताम् वामपाणिना । विन्यस्य दक्षिणे पाणौ भगवान् विपुलां शिलाम्

ityuktvā caraṇāṅguṣṭhaghaṭṭitām vāmapāṇinā / vinyasya dakṣiṇe pāṇau bhagavān vipulāṃ śilām

Sanskrit only: no published translation is held for this verse.

विसृज्य ब्रहम्लोकान्तमपर्यन्तपराक्रमः । चचाराश्चर्यचर्यायां दूतमिव जगत्त्रये

visṛjya brahamlokāntamaparyantaparākramaḥ / cacārāścaryacaryāyāṃ dūtamiva jagattraye

Sanskrit only: no published translation is held for this verse.

क्षिप्तायां सहसा तस्याम् तेनात्यद्भुतकारिणा । उदभूद्गनोद्भूत इव व्याप्तजनः स्वनः

kṣiptāyāṃ sahasā tasyām tenātyadbhutakāriṇā / udabhūdganodbhūta iva vyāptajanaḥ svanaḥ

Sanskrit only: no published translation is held for this verse.

अनित्यः सर्वसंस्कार इत्यभ्रान्तविधायिनः । सर्वधर्मा निरात्मानः शान्तनिर्वाणमेव तत्

anityaḥ sarvasaṃskāra ityabhrāntavidhāyinaḥ / sarvadharmā nirātmānaḥ śāntanirvāṇameva tat

Sanskrit only: no published translation is held for this verse.

इति स्फुटोदिते शब्दे शिला भगवतः करे । गिरीन्द्रशीर्षकाकारा स्थिता पुनरदृश्यत

iti sphuṭodite śabde śilā bhagavataḥ kare / girīndraśīrṣakākārā sthitā punaradṛśyata

Sanskrit only: no published translation is held for this verse.

क्षणेन सा भगवता क्षिप्ता वदनमारुतैः । कृता विसारिणी दिक्षु परमाणुपरंपरा

kṣaṇena sā bhagavatā kṣiptā vadanamārutaiḥ / kṛtā visāriṇī dikṣu paramāṇuparaṃparā

Sanskrit only: no published translation is held for this verse.

पुनरेकीकृतामेव भगवान् परमाणुभिः । शिलामन्यत्र निदधे विस्मयं च जगत्त्रये

punarekīkṛtāmeva bhagavān paramāṇubhiḥ / śilāmanyatra nidadhe vismayaṃ ca jagattraye

Sanskrit only: no published translation is held for this verse.

आश्चर्यनिश्चलदृशस्ततो मल्ला बलिर्जितम् । वीर्यं भगवतो वीक्ष्य प्रणतास्तं बभाषिरे

āścaryaniścaladṛśastato mallā balirjitam / vīryaṃ bhagavato vīkṣya praṇatāstaṃ babhāṣire

Sanskrit only: no published translation is held for this verse.

अहो महाप्रभावो ऽयं बलवीर्योदयस्तव । निश्चयाधिगमे यस्य न प्रगल्भाः सुरा अपि

aho mahāprabhāvo 'yaṃ balavīryodayastava / niścayādhigame yasya na pragalbhāḥ surā api

Sanskrit only: no published translation is held for this verse.

अनुग्रहप्रवृत्तेन बलेन गुरुणा तव । अधोगतिनिमग्नेयं जनतेव धृता शिला

anugrahapravṛttena balena guruṇā tava / adhogatinimagneyaṃ janateva dhṛtā śilā

Sanskrit only: no published translation is held for this verse.

वीर्यप्रज्ञाबलादीनाम् प्रमाणावधिनिश्चयम् । अपि जानाति ते कश्चिदाश्चर्यतरकारिणः

vīryaprajñābalādīnām pramāṇāvadhiniścayam / api jānāti te kaścidāścaryatarakāriṇaḥ

Sanskrit only: no published translation is held for this verse.

इति ब्रुवाणानाश्चर्यनिश्चलानवलोक्य तान् । तस्यां शिलायामासीनः प्रोवाच भगवान् जिनः

iti bruvāṇānāścaryaniścalānavalokya tān / tasyāṃ śilāyāmāsīnaḥ provāca bhagavān jinaḥ

Sanskrit only: no published translation is held for this verse.

एकीभूतबलं यद्धि भूतानाम् भुवनत्रये । सुगतस्य तदेकस्य लोके नैव समं बलम्

ekībhūtabalaṃ yaddhi bhūtānām bhuvanatraye / sugatasya tadekasya loke naiva samaṃ balam

Sanskrit only: no published translation is held for this verse.

अम्भांसि कुम्भैरम्भोधेर्जगन्ति परमाणुभिः । शक्यान्यलं लङ्घयितुं प्रभावो न तु सौगतः

ambhāṃsi kumbhairambhodherjaganti paramāṇubhiḥ / śakyānyalaṃ laṅghayituṃ prabhāvo na tu saugataḥ

Sanskrit only: no published translation is held for this verse.

संख्यां सुमेरोर्यो वेत्ति तुलामानेन तत्त्वतः । सुगतानाम् न जानाति सो ऽपि सुद्गुणगौरवम्

saṃkhyāṃ sumeroryo vetti tulāmānena tattvataḥ / sugatānām na jānāti so 'pi sudguṇagauravam

Sanskrit only: no published translation is held for this verse.

कथयित्वेति भगवान् संप्राप्ते सुरमण्डले । सशक्रपद्मनिलये चक्रे कुशलदेशनम्

kathayitveti bhagavān saṃprāpte suramaṇḍale / saśakrapadmanilaye cakre kuśaladeśanam

Sanskrit only: no published translation is held for this verse.

मल्लास्तदुपदेशेन तत्तद्बोधिसमाश्रयात् । सश्रावकाख्यां प्रत्येकसम्यक्संबुद्धतां ययुः

mallāstadupadeśena tattadbodhisamāśrayāt / saśrāvakākhyāṃ pratyekasamyaksaṃbuddhatāṃ yayuḥ

Sanskrit only: no published translation is held for this verse.

स्रोतःप्राप्तिफलं कौश्चित्सकृदागामि चापरैः । अनागामिफलं चाण्यैः प्राप्तमर्हत्पदं परैः

srotaḥprāptiphalaṃ kauścitsakṛdāgāmi cāparaiḥ / anāgāmiphalaṃ cāṇyaiḥ prāptamarhatpadaṃ paraiḥ

Sanskrit only: no published translation is held for this verse.

इत्याश्ययानुशयधातुगतिं निरीक्ष्य ज्ञात्वा तथाप्रकृतिमप्रतिमोपदेशम् । तेषां चकार भगवांश्चतुरार्यसत्यसम्यक्प्रकाशविशदं कुशलोदयाय

ityāśyayānuśayadhātugatiṃ nirīkṣya jñātvā tathāprakṛtimapratimopadeśam / teṣāṃ cakāra bhagavāṃścaturāryasatyasamyakprakāśaviśadaṃ kuśalodayāya

Sanskrit only: no published translation is held for this verse.