Ksemendra: Avadanakalpalata 16

असंगमो नाम विशुद्धिधामो श्रेयांसि सूते कुशलाभिकामः । संसारवामः सुकृताभिरामो मनोमलैर्वैररजोविरामः

asaṃgamo nāma viśuddhidhāmo śreyāṃsi sūte kuśalābhikāmaḥ / saṃsāravāmaḥ sukṛtābhirāmo manomalairvairarajovirāmaḥ

Sanskrit only: no published translation is held for this verse.

पुरा गङ्गां समुत्तीर्य नागानां फणसेतुना । भगवान् सुगतः पारंप्राप्य भिक्षूनभाषत

purā gaṅgāṃ samuttīrya nāgānāṃ phaṇasetunā / bhagavān sugataḥ pāraṃprāpya bhikṣūnabhāṣata

Sanskrit only: no published translation is held for this verse.

इह रत्नमयः पूर्वं यूपो ऽभूदद्भुतद्युतिः । दर्शयांइ तमत्रैव द्रष्टुं वः कौतुकं यदि

iha ratnamayaḥ pūrvaṃ yūpo 'bhūdadbhutadyutiḥ / darśayāṃi tamatraiva draṣṭuṃ vaḥ kautukaṃ yadi

Sanskrit only: no published translation is held for this verse.

इत्युक्त्वा भगवान् भूमौ पाणिना दिव्यलक्ष्मणा । स्पृष्ट्वा नागगणोत्क्षिप्तं रत्नयूपदर्शयत्

ityuktvā bhagavān bhūmau pāṇinā divyalakṣmaṇā / spṛṣṭvā nāgagaṇotkṣiptaṃ ratnayūpadarśayat

Sanskrit only: no published translation is held for this verse.

तं दृष्ट्वा भिक्षवः सर्वे निर्निमेषेक्षणाश्चिरम् । बभूवुश्चित्रलिखिताम् इव निश्चलविग्रहाः

taṃ dṛṣṭvā bhikṣavaḥ sarve nirnimeṣekṣaṇāściram / babhūvuścitralikhitām iva niścalavigrahāḥ

Sanskrit only: no published translation is held for this verse.

तत्कथामथ तैः पृष्टः प्रोवाच भगवान् पुनः । अतीतानागतज्ञानं दन्तालोकैः किरन्निवः

tatkathāmatha taiḥ pṛṣṭaḥ provāca bhagavān punaḥ / atītānāgatajñānaṃ dantālokaiḥ kirannivaḥ

Sanskrit only: no published translation is held for this verse.

देवपुत्रः पुरा कश्चित् काले स्वर्गपरिच्युतः । महाप्रणादनामाभून्नृपतिः शक्रशासनात्

devaputraḥ purā kaścit kāle svargaparicyutaḥ / mahāpraṇādanāmābhūnnṛpatiḥ śakraśāsanāt

Sanskrit only: no published translation is held for this verse.

धर्मवृत्तानुसरणस्मरणाय महीतले । उचितं लक्षणं किंचित् स ययाचे शतक्रतुम्

dharmavṛttānusaraṇasmaraṇāya mahītale / ucitaṃ lakṣaṇaṃ kiṃcit sa yayāce śatakratum

Sanskrit only: no published translation is held for this verse.

ततः सुरपतेर्वाक्याद्विश्वकर्मा तदालये । भास्वरं विदधे रत्नयूपं पुण्यमिवोन्नतम्

tataḥ surapatervākyādviśvakarmā tadālaye / bhāsvaraṃ vidadhe ratnayūpaṃ puṇyamivonnatam

Sanskrit only: no published translation is held for this verse.

ततस्तद्दर्शनासक्ते जने कौतुकनिश्चले । कृष्यादिकर्मण्युच्छिन्ने राज्ञः कोषक्षयो ऽभवत्

tatastaddarśanāsakte jane kautukaniścale / kṛṣyādikarmaṇyucchinne rājñaḥ koṣakṣayo 'bhavat

Sanskrit only: no published translation is held for this verse.

ततस्तेन क्षितिभुजा क्षिप्तो ऽयं जाह्नवीजले । तिष्ठत्यद्यापि पाताले रत्नैः सूर्यैरिवाचितः

tatastena kṣitibhujā kṣipto 'yaṃ jāhnavījale / tiṣṭhatyadyāpi pātāle ratnaiḥ sūryairivācitaḥ

Sanskrit only: no published translation is held for this verse.

भविष्यत्यस्य कालेन परिच्छिन्नः परिक्षयः । न तज्जगति नामास्ते परिणामे यदक्षयम्

bhaviṣyatyasya kālena paricchinnaḥ parikṣayaḥ / na tajjagati nāmāste pariṇāme yadakṣayam

Sanskrit only: no published translation is held for this verse.

आगामिसमये पुंसां वर्षाशीतिसहस्रके । शङ्खशुभ्रयशाः शङ्खो नाम राजा भविष्यति

āgāmisamaye puṃsāṃ varṣāśītisahasrake / śaṅkhaśubhrayaśāḥ śaṅkho nāma rājā bhaviṣyati

Sanskrit only: no published translation is held for this verse.

पुण्यलब्धमिमं यूपं नृपः कल्पद्रुमोपमः । स पुरोहितपुत्राय मैत्रेयाय प्रदास्यति

puṇyalabdhamimaṃ yūpaṃ nṛpaḥ kalpadrumopamaḥ / sa purohitaputrāya maitreyāya pradāsyati

Sanskrit only: no published translation is held for this verse.

मैत्रेयो ऽप्यन्मुमादाय कृत्वा सपदि खण्डशः । अर्थिचिन्तामणिर्लोकमदरिद्रं करिष्यति

maitreyo 'pyanmumādāya kṛtvā sapadi khaṇḍaśaḥ / arthicintāmaṇirlokamadaridraṃ kariṣyati

Sanskrit only: no published translation is held for this verse.

यूपं दत्वाथ मैत्रेयः सम्यक्संबुद्धताम् गतः । अनुत्तरज्ञाननिधिर्भविष्यति सुरार्चितः

yūpaṃ datvātha maitreyaḥ samyaksaṃbuddhatām gataḥ / anuttarajñānanidhirbhaviṣyati surārcitaḥ

Sanskrit only: no published translation is held for this verse.

शङ्को राजा सहस्राणामशीत्या परिवारितः । सान्तःपुरामात्यगणो राजापि प्रव्रजिष्यति

śaṅko rājā sahasrāṇāmaśītyā parivāritaḥ / sāntaḥpurāmātyagaṇo rājāpi pravrajiṣyati

Sanskrit only: no published translation is held for this verse.

प्राग्जन्मप्रणिधानेन शङ्खस्य कुशलोदयः । कृतस्यावश्यभोग्यत्वात्परिणामे फलिष्यति

prāgjanmapraṇidhānena śaṅkhasya kuśalodayaḥ / kṛtasyāvaśyabhogyatvātpariṇāme phaliṣyati

Sanskrit only: no published translation is held for this verse.

मध्यदेशे पुरा राजा वासवो वासवोपमः । धनसंमतनामा च नृपो ऽभूदुत्तरापथे

madhyadeśe purā rājā vāsavo vāsavopamaḥ / dhanasaṃmatanāmā ca nṛpo 'bhūduttarāpathe

Sanskrit only: no published translation is held for this verse.

तयोर्विभवसंघर्षो भूतो वैराग्नितप्तयोः । अभूद् युद्धसमारम्भसंभाररभसं मनह्

tayorvibhavasaṃgharṣo bhūto vairāgnitaptayoḥ / abhūd yuddhasamārambhasaṃbhārarabhasaṃ manah

Sanskrit only: no published translation is held for this verse.

नगरं च प्रविश्याथ समेत्य धनसंमतः । चक्रे गरजथानीकैर्गङ्गातीरं नीरन्तरम्

nagaraṃ ca praviśyātha sametya dhanasaṃmataḥ / cakre garajathānīkairgaṅgātīraṃ nīrantaram

Sanskrit only: no published translation is held for this verse.

तत्र रत्नशीखी नांअ सम्यक्संबुद्धताम् गतः । दृष्टस्तेनार्च्यामानाङ्घ्रिर्ब्रह्मशक्रादिभिः सुरैः

tatra ratnaśīkhī nāṃa samyaksaṃbuddhatām gataḥ / dṛṣṭastenārcyāmānāṅghrirbrahmaśakrādibhiḥ suraiḥ

Sanskrit only: no published translation is held for this verse.

सो ऽचिन्तयदहो राजा वासवः पृथिपुण्यवान् । विषयान्ते वसत्येष् अयो हि त्रिदशवन्दितः

so 'cintayadaho rājā vāsavaḥ pṛthipuṇyavān / viṣayānte vasatyeṣ ayo hi tridaśavanditaḥ

Sanskrit only: no published translation is held for this verse.

ततस्तस्यानुभावेन तत्र भूपालयोस्तयोः । ययौ वैररजः शान्त्या मिथ्यामोहपरिक्षयम्

tatastasyānubhāvena tatra bhūpālayostayoḥ / yayau vairarajaḥ śāntyā mithyāmohaparikṣayam

Sanskrit only: no published translation is held for this verse.

कॄतसंघिः परेणाथ वासवः पृथिवीपतिः । भगवन्तं समभ्येत्य सर्वभोगौरपूजयत्

kṝtasaṃghiḥ pareṇātha vāsavaḥ pṛthivīpatiḥ / bhagavantaṃ samabhyetya sarvabhogaurapūjayat

Sanskrit only: no published translation is held for this verse.

प्रणिधानं च विदधे पूजान्ते प्रणमामि तम् । अहं कुशलमूलेन स्यामेतेन महानिति

praṇidhānaṃ ca vidadhe pūjānte praṇamāmi tam / ahaṃ kuśalamūlena syāmetena mahāniti

Sanskrit only: no published translation is held for this verse.

अस्मिन्नवसरे घोरे शन्खशब्दे समुद्गते । प्रोवाच तं रत्नशिखी प्रणतं पुरतः स्थितम्

asminnavasare ghore śankhaśabde samudgate / provāca taṃ ratnaśikhī praṇataṃ purataḥ sthitam

Sanskrit only: no published translation is held for this verse.

शन्खो नाम महीपालश्चक्रवर्ती भविष्यसि । पर्यन्ते बोधियुक्तश्च कुशलं समावाप्स्यसि

śankho nāma mahīpālaścakravartī bhaviṣyasi / paryante bodhiyuktaśca kuśalaṃ samāvāpsyasi

Sanskrit only: no published translation is held for this verse.

एवं सत्प्रणिधानतह् क्षितिपतिः पुण्योदयाद्वासवः शङ्खो नाम नृप स रत्नशिखिनादिष्टः श्रियं प्राप्स्यति । मैत्रेयः प्रणयात्करिष्यति तथा बोधौ विशुद्धां धियं कल्याणाभिनिवेशपुण्यतरणिराड्य हि सत्संगमः

evaṃ satpraṇidhānatah kṣitipatiḥ puṇyodayādvāsavaḥ śaṅkho nāma nṛpa sa ratnaśikhinādiṣṭaḥ śriyaṃ prāpsyati / maitreyaḥ praṇayātkariṣyati tathā bodhau viśuddhāṃ dhiyaṃ kalyāṇābhiniveśapuṇyataraṇirāḍya hi satsaṃgamaḥ

Sanskrit only: no published translation is held for this verse.