Ksemendra: Avadanakalpalata 18

नेदं बन्धुन्ॐ सुहृत् सोदरो वा नेदं माता न पिता वा करोति । यत्संसाराम्भोधेसेतुं विधत्ते ज्ञानाचार्यः को ऽपि कल्याणहेतुः

nedaṃ bandhunoṃ suhṛt sodaro vā nedaṃ mātā na pitā vā karoti / yatsaṃsārāmbhodhesetuṃ vidhatte jñānācāryaḥ ko 'pi kalyāṇahetuḥ

Sanskrit only: no published translation is held for this verse.

कलन्दकनिवासाख्ये रम्ये वेणुवनाश्रमे । भगवान् विहरन् बुद्धः पुरे राजगृहे पुरा

kalandakanivāsākhye ramye veṇuvanāśrame / bhagavān viharan buddhaḥ pure rājagṛhe purā

Sanskrit only: no published translation is held for this verse.

किलितं चोपयिष्यं च द्वौ परिव्राजकौ पुरा । प्रपन्नौ भिक्षुभावेन चकार शमसंवृतौ

kilitaṃ copayiṣyaṃ ca dvau parivrājakau purā / prapannau bhikṣubhāvena cakāra śamasaṃvṛtau

Sanskrit only: no published translation is held for this verse.

ततश्च शारिपुत्रस्य भिक्षोः संदेशनां व्यघात् । यया साक्षात्कृतार्हत्त्वो सो ऽभून्मोक्षगतिक्षमः

tataśca śāriputrasya bhikṣoḥ saṃdeśanāṃ vyaghāt / yayā sākṣātkṛtārhattvo so 'bhūnmokṣagatikṣamaḥ

Sanskrit only: no published translation is held for this verse.

तस्य तदद्भुतं दृष्ट्वा धनार्हं सर्वभिक्षुभिः । पप्रच्छुः पूर्ववृत्तान्तं स च तेभ्यो व्यभाषत

tasya tadadbhutaṃ dṛṣṭvā dhanārhaṃ sarvabhikṣubhiḥ / papracchuḥ pūrvavṛttāntaṃ sa ca tebhyo vyabhāṣata

Sanskrit only: no published translation is held for this verse.

ब्राह्मणस्याग्निमित्रस्य भार्या गुणवराभवत् । शूर्पिकेति कृतं पित्रा क्रीडानाम च बिभ्रती

brāhmaṇasyāgnimitrasya bhāryā guṇavarābhavat / śūrpiketi kṛtaṃ pitrā krīḍānāma ca bibhratī

Sanskrit only: no published translation is held for this verse.

भ्राता प्रथमशीलाख्यः तस्य शूर्पसमाभिधः । प्रत्येकबुद्धतां यातः कदाचिद् गृहमाययौ

bhrātā prathamaśīlākhyaḥ tasya śūrpasamābhidhaḥ / pratyekabuddhatāṃ yātaḥ kadācid gṛhamāyayau

Sanskrit only: no published translation is held for this verse.

स तया भर्तुरादेशाद् गृहीभक्त्याधिवासितः । प्रणतिप्रणयाचारैस्तोषितः परिचर्यया

sa tayā bharturādeśād gṛhībhaktyādhivāsitaḥ / praṇatipraṇayācāraistoṣitaḥ paricaryayā

Sanskrit only: no published translation is held for this verse.

कदाचिच्चीवरे तस्य कुर्वाणस्य विपात्रणम् (?) । सूचीकर्मवहाद् दृष्ट्वा प्रणिधानं समादधे

kadāciccīvare tasya kurvāṇasya vipātraṇam (?) / sūcīkarmavahād dṛṣṭvā praṇidhānaṃ samādadhe

Sanskrit only: no published translation is held for this verse.

यथेयं कर्तरीं तीक्ष्णा यथा गम्भीरगामिणी । सूची तथापरा प्रज्ञा मम स्यादिति सादरा

yatheyaṃ kartarīṃ tīkṣṇā yathā gambhīragāmiṇī / sūcī tathāparā prajñā mama syāditi sādarā

Sanskrit only: no published translation is held for this verse.

प्रत्येकबुद्धविनयात् प्रणिधानेन तेन च । गतास्मिन् जन्मनि सैव सप्रज्ञशारिपुत्रताम्

pratyekabuddhavinayāt praṇidhānena tena ca / gatāsmin janmani saiva saprajñaśāriputratām

Sanskrit only: no published translation is held for this verse.

स एष शारिपुत्रो ऽद्य भिक्षुष्तीक्ष्णतराग्रधीः । कल्याणपात्रताम् यातः कल्पवल्ली हि सन्मतेः

sa eṣa śāriputro 'dya bhikṣuṣtīkṣṇatarāgradhīḥ / kalyāṇapātratām yātaḥ kalpavallī hi sanmateḥ

Sanskrit only: no published translation is held for this verse.

वाक्यं भगवतः श्रुत्वा पप्रच्छुर्भिक्षवः पुनह् । कस्मान्नाट्यकुले जातः शारिपुत्रो नराधमे

vākyaṃ bhagavataḥ śrutvā papracchurbhikṣavaḥ punah / kasmānnāṭyakule jātaḥ śāriputro narādhame

Sanskrit only: no published translation is held for this verse.

ततस्तान् भगवानूचे पूर्वस्मिन्नेष जन्मनि । अभून्महामतिर्नाम राजपुत्रः सतां मतः

tatastān bhagavānūce pūrvasminneṣa janmani / abhūnmahāmatirnāma rājaputraḥ satāṃ mataḥ

Sanskrit only: no published translation is held for this verse.

श्रीमतो ऽपि मतिस्तस्य प्रव्रज्यायामजायत । परिपाकप्रसन्नानां कालुष्याय न संपदः

śrīmato 'pi matistasya pravrajyāyāmajāyata / paripākaprasannānāṃ kāluṣyāya na saṃpadaḥ

Sanskrit only: no published translation is held for this verse.

प्रव्रज्या राजपुत्राणां यूनां नैव कुलोचिता । इत्युक्त्वा जनकः प्रीत्या तं यत्नेन न्यवारयत्

pravrajyā rājaputrāṇāṃ yūnāṃ naiva kulocitā / ityuktvā janakaḥ prītyā taṃ yatnena nyavārayat

Sanskrit only: no published translation is held for this verse.

कदाचित् कुञ्जरारूढः स व्रजन् जनवर्त्मनि । दृष्ट्वा दरिद्रं स्थविरं कारुण्यादिदमब्रवीत्

kadācit kuñjarārūḍhaḥ sa vrajan janavartmani / dṛṣṭvā daridraṃ sthaviraṃ kāruṇyādidamabravīt

Sanskrit only: no published translation is held for this verse.

अधन्या धनीनो लोके बन्धुबन्धनयन्त्रिताः । प्रव्रज्यां नाप्नुवन्त्येव त्वं तु केन निवारितः

adhanyā dhanīno loke bandhubandhanayantritāḥ / pravrajyāṃ nāpnuvantyeva tvaṃ tu kena nivāritaḥ

Sanskrit only: no published translation is held for this verse.

स न्यवेदयन्मे दरिद्रस्य न पात्रं न च चीवरम् । धनोपकरणान्येव शमोपकरणान्यपि

sa nyavedayanme daridrasya na pātraṃ na ca cīvaram / dhanopakaraṇānyeva śamopakaraṇānyapi

Sanskrit only: no published translation is held for this verse.

राजसूनुरिति श्रुत्वा गत्वा मुनितपोवनम् । प्रव्रज्यां कारयित्वास्य प्रददौ पात्रचीवरम्

rājasūnuriti śrutvā gatvā munitapovanam / pravrajyāṃ kārayitvāsya pradadau pātracīvaram

Sanskrit only: no published translation is held for this verse.

सो ऽचिरेणैव कालेन यातः प्रत्येकबुद्धताम् । राजपुत्रं समभ्येत्य दिव्यामृद्धिमदर्शयत्

so 'cireṇaiva kālena yātaḥ pratyekabuddhatām / rājaputraṃ samabhyetya divyāmṛddhimadarśayat

Sanskrit only: no published translation is held for this verse.

तस्य प्रभावमालोक्य स प्रदध्यौ नृपात्मजः । अहो महोदयत्वान्मे प्रव्रज्या दुर्लभाभवत्

tasya prabhāvamālokya sa pradadhyau nṛpātmajaḥ / aho mahodayatvānme pravrajyā durlabhābhavat

Sanskrit only: no published translation is held for this verse.

दारिद्य्रादविवेकाच्च् नीचानामपि दुर्लभा । जायेयमधमे कुले तस्मदस्मि विवेकवान्

dāridyrādavivekācc nīcānāmapi durlabhā / jāyeyamadhame kule tasmadasmi vivekavān

Sanskrit only: no published translation is held for this verse.

स एव शारिपुत्रो ऽयं ज्ञातस्तत्प्रणिधानतः । प्रव्रजितो भगवता काश्यपेनान्यजन्मनि

sa eva śāriputro 'yaṃ jñātastatpraṇidhānataḥ / pravrajito bhagavatā kāśyapenānyajanmani

Sanskrit only: no published translation is held for this verse.

तेनायं नियमप्रणयविनयी सम्यक्प्रसादोदयाद् आदिष्टः कुशलाय सत्यनिधिना प्रज्ञावतामग्रणीः । काले शाक्यमुनेर्भविष्यति मतः शिष्यत्वयोगाद्वरं मौद्गल्यायन एष चात्र कथितः संविन्मयानां वदः

tenāyaṃ niyamapraṇayavinayī samyakprasādodayād ādiṣṭaḥ kuśalāya satyanidhinā prajñāvatāmagraṇīḥ / kāle śākyamunerbhaviṣyati mataḥ śiṣyatvayogādvaraṃ maudgalyāyana eṣa cātra kathitaḥ saṃvinmayānāṃ vadaḥ

Sanskrit only: no published translation is held for this verse.

अन्यजन्मनि दरिद्रः कार्मिकः केनचिदपि दयया महर्षिणा । दत्तपात्रचीवरो ऽभवद्दर्शितर्द्धिरासीदतुलप्रभाववान्

anyajanmani daridraḥ kārmikaḥ kenacidapi dayayā maharṣiṇā / dattapātracīvaro 'bhavaddarśitarddhirāsīdatulaprabhāvavān

Sanskrit only: no published translation is held for this verse.