Ksemendra: Avadanakalpalata 19

स समासाद्य विशदं स्रितःप्राप्तिफलं ततः । सकृदागाम्यनागामिफलमर्हत्फलं तथा

sa samāsādya viśadaṃ sritaḥprāptiphalaṃ tataḥ / sakṛdāgāmyanāgāmiphalamarhatphalaṃ tathā

Sanskrit only: no published translation is held for this verse.

त्रैधातुको वीतरागः समलोष्टाश्मकाञ्चनः । आकाशपाणितुल्यो ऽभूदसिचन्दनयोः समह्

traidhātuko vītarāgaḥ samaloṣṭāśmakāñcanaḥ / ākāśapāṇitulyo 'bhūdasicandanayoḥ samah

Sanskrit only: no published translation is held for this verse.

श्रावस्त्याम् वेणुगहने जिनं जेतवने स्थितम् । भगवन्तं ययौ द्रष्टुं सो ऽथ कात्यायनाज्ञया

śrāvastyām veṇugahane jinaṃ jetavane sthitam / bhagavantaṃ yayau draṣṭuṃ so 'tha kātyāyanājñayā

Sanskrit only: no published translation is held for this verse.

प्रणितातकृतातिथ्यः प्रीत्या भगवता स्वयम् । स श्रोणकोटीकर्णो ऽथ बभाषे हर्षनिर्भरः

praṇitātakṛtātithyaḥ prītyā bhagavatā svayam / sa śroṇakoṭīkarṇo 'tha babhāṣe harṣanirbharaḥ

Sanskrit only: no published translation is held for this verse.

भगवान् धर्मकायेन दृष्टो ऽयं श्रोत्रवर्त्मनि । अधुना रूपकायेन पुण्यैरालोकितो मया

bhagavān dharmakāyena dṛṣṭo 'yaṃ śrotravartmani / adhunā rūpakāyena puṇyairālokito mayā

Sanskrit only: no published translation is held for this verse.

अनल्पसुकृतप्राप्यमिदं तद्दर्शनामृतम् । पीत्वा न तृप्तिमायान्ति वञ्चिता एव ते परम्

analpasukṛtaprāpyamidaṃ taddarśanāmṛtam / pītvā na tṛptimāyānti vañcitā eva te param

Sanskrit only: no published translation is held for this verse.

अस्पृहस्यापि ते मूर्तिः कुरुते कस्य न स्पृहाम् । निर्लोपस्यापि ते दृष्टिरहो हर्षेण लिम्पति

aspṛhasyāpi te mūrtiḥ kurute kasya na spṛhām / nirlopasyāpi te dṛṣṭiraho harṣeṇa limpati

Sanskrit only: no published translation is held for this verse.

त्वत्कथा त्वदनुध्यानं त्वत्प्राप्तिस्त्वन्निषेवणम् । एताः कुशलमूलानां स्फीताः फलसमृद्धयः

tvatkathā tvadanudhyānaṃ tvatprāptistvanniṣevaṇam / etāḥ kuśalamūlānāṃ sphītāḥ phalasamṛddhayaḥ

Sanskrit only: no published translation is held for this verse.

इति श्रुत्वा भगवता प्रसादेनाब्न्हिनन्दितः । तदादिष्टं शमारामं स विहारमवाप्तवान्

iti śrutvā bhagavatā prasādenābnhinanditaḥ / tadādiṣṭaṃ śamārāmaṃ sa vihāramavāptavān

Sanskrit only: no published translation is held for this verse.

तस्यास्पदं समभ्येत्य प्रणयाद्भगवानपु । श्रुत्वास्य मधुरं धर्मं स्वाध्यायं प्रशशंस सः

tasyāspadaṃ samabhyetya praṇayādbhagavānapu / śrutvāsya madhuraṃ dharmaṃ svādhyāyaṃ praśaśaṃsa saḥ

Sanskrit only: no published translation is held for this verse.

तां श्रोणिकोटिकर्णस्य दृष्ट्वा प्रशमसंपदम् । भिक्षुभिर्भगवान् पृष्टः पूर्ववृत्तमभाषत

tāṃ śroṇikoṭikarṇasya dṛṣṭvā praśamasaṃpadam / bhikṣubhirbhagavān pṛṣṭaḥ pūrvavṛttamabhāṣata

Sanskrit only: no published translation is held for this verse.

वाराणस्यां पुरा सम्यक्संबुद्धे काश्यपाभिधे । निर्वाणधातौ निःशेषकार्यत्वात् परिनिर्वृते

vārāṇasyāṃ purā samyaksaṃbuddhe kāśyapābhidhe / nirvāṇadhātau niḥśeṣakāryatvāt parinirvṛte

Sanskrit only: no published translation is held for this verse.

कृकिनामनृपश्चैत्यं तस्य रत्नैरकारयत् । स्वयं तत्पुण्यसंभरं स्वर्गं वक्तुमिवोद्गतम्

kṛkināmanṛpaścaityaṃ tasya ratnairakārayat / svayaṃ tatpuṇyasaṃbharaṃ svargaṃ vaktumivodgatam

Sanskrit only: no published translation is held for this verse.

शीर्णस्थापितसंस्कारे तस्मिन् संज्ञाधृतं धनम् । तत्पुत्रः प्राप्तराज्यो ऽथ न ददौ लोभमोहितः

śīrṇasthāpitasaṃskāre tasmin saṃjñādhṛtaṃ dhanam / tatputraḥ prāptarājyo 'tha na dadau lobhamohitaḥ

Sanskrit only: no published translation is held for this verse.

अथोत्तरापथायातः सर्थवाहो ऽर्थदाभिधः । प्रददौ पृथिवीमूल्यं तत्कृते कर्णभूषणम्

athottarāpathāyātaḥ sarthavāho 'rthadābhidhaḥ / pradadau pṛthivīmūlyaṃ tatkṛte karṇabhūṣaṇam

Sanskrit only: no published translation is held for this verse.

कालान्तरोपगतो ऽपि दत्वा चान्यद्धनं महत् । प्रणिधानं स कृतवान् भूयासं पुण्यवानिति

kālāntaropagato 'pi datvā cānyaddhanaṃ mahat / praṇidhānaṃ sa kṛtavān bhūyāsaṃ puṇyavāniti

Sanskrit only: no published translation is held for this verse.

स श्रोणकोटिकर्णो ऽयं पुण्यैः प्रातपदं महत् । तद्विधेनैव संयातः कर्णभूषणलक्षणः

sa śroṇakoṭikarṇo 'yaṃ puṇyaiḥ prātapadaṃ mahat / tadvidhenaiva saṃyātaḥ karṇabhūṣaṇalakṣaṇaḥ

Sanskrit only: no published translation is held for this verse.

प्रस्थानसमये माता श्राविता परुषं वचः । यस्मादनेन तेनास्य बभूवास्य श्रमो महान्

prasthānasamaye mātā śrāvitā paruṣaṃ vacaḥ / yasmādanena tenāsya babhūvāsya śramo mahān

Sanskrit only: no published translation is held for this verse.

मध्येषु महतः शुक्लगुणसत्कर्मवाससः । कृष्णकर्मलवांशो ऽपि स्फुट एवावधार्यते

madhyeṣu mahataḥ śuklaguṇasatkarmavāsasaḥ / kṛṣṇakarmalavāṃśo 'pi sphuṭa evāvadhāryate

Sanskrit only: no published translation is held for this verse.

सुकृतसचिवः सत्त्वेत्साहः प्रवाससखी धृतिः विषमतरणे वीर्यं सेतुर्विपद्यधिका कृपा । शमपरिचिता पर्यन्ते च प्रसादमयी मतिः परिणतिरियं पुण्यप्राप्तेः स्फुरत्फलशालिनी

sukṛtasacivaḥ sattvetsāhaḥ pravāsasakhī dhṛtiḥ viṣamataraṇe vīryaṃ seturvipadyadhikā kṛpā / śamaparicitā paryante ca prasādamayī matiḥ pariṇatiriyaṃ puṇyaprāpteḥ sphuratphalaśālinī

Sanskrit only: no published translation is held for this verse.