Ksemendra: Avadanakalpalata 21

दृष्टं मुष्टिनिविष्टपारदकणाकारं नराणां धनं धन्यो ऽसौ यशसा सहाक्षयपदं यद्यस्य विद्योतते । दीनानाथगणार्पणोपकरणीभूतप्रभूतश्रियः पुण्यारामविहारचैत्यभगवद्बिम्बप्रतिष्ठादिभिः

dṛṣṭaṃ muṣṭiniviṣṭapāradakaṇākāraṃ narāṇāṃ dhanaṃ dhanyo 'sau yaśasā sahākṣayapadaṃ yadyasya vidyotate / dīnānāthagaṇārpaṇopakaraṇībhūtaprabhūtaśriyaḥ puṇyārāmavihāracaityabhagavadbimbapratiṣṭhādibhiḥ

Sanskrit only: no published translation is held for this verse.

श्रीमान् बभूव श्रावस्त्यां दत्तो नाम गृहाभिपः । सुतस्तस्य सुदत्तो ऽभूदाकरः पुण्यसंपदाम्

śrīmān babhūva śrāvastyāṃ datto nāma gṛhābhipaḥ / sutastasya sudatto 'bhūdākaraḥ puṇyasaṃpadām

Sanskrit only: no published translation is held for this verse.

स बाल्य एवालंकारं याचकेभ्यः सदा ददौ । प्राग्जन्मवासनाभ्यासः कस्य केन निर्वायते

sa bālya evālaṃkāraṃ yācakebhyaḥ sadā dadau / prāgjanmavāsanābhyāsaḥ kasya kena nirvāyate

Sanskrit only: no published translation is held for this verse.

नित्यमाभरणत्यागात्परं पित्रा निवारितः । नदीसमुद्धृतान्यस्मै सदैवान्यान्यदर्शयत्

nityamābharaṇatyāgātparaṃ pitrā nivāritaḥ / nadīsamuddhṛtānyasmai sadaivānyānyadarśayat

Sanskrit only: no published translation is held for this verse.

निधिदर्शी स सर्वत्र पितरि त्रिदिवं गते । दीनानाथप्रदानेन बभूवानाथपिण्डदः

nidhidarśī sa sarvatra pitari tridivaṃ gate / dīnānāthapradānena babhūvānāthapiṇḍadaḥ

Sanskrit only: no published translation is held for this verse.

कृतदानह् स कालेन पुत्रवान् पुत्रव्त्सलः । अभूत् पुत्रविवाहार्थी कन्यान्वेषणयत्नवान्

kṛtadānah sa kālena putravān putravtsalaḥ / abhūt putravivāhārthī kanyānveṣaṇayatnavān

Sanskrit only: no published translation is held for this verse.

कन्यकां याचितुं कांचित् पुरं राजगृहं ततः । मधुस्कन्धाभिधं दक्षं ब्राह्मणं विसर्सर्ज सः

kanyakāṃ yācituṃ kāṃcit puraṃ rājagṛhaṃ tataḥ / madhuskandhābhidhaṃ dakṣaṃ brāhmaṇaṃ visarsarja saḥ

Sanskrit only: no published translation is held for this verse.

आसाद्य मगधान् राजगृहं नगरमेत्य सः । महाधनं गॄहपतिं ययाचे कन्यकाम् द्विजः

āsādya magadhān rājagṛhaṃ nagarametya saḥ / mahādhanaṃ gṝhapatiṃ yayāce kanyakām dvijaḥ

Sanskrit only: no published translation is held for this verse.

अनाथपिण्डदो नाम श्रावस्त्यामस्ति विश्रुतः । तत्पुत्राय सुजाताय कन्यायाम् देहीत्युवाच सः

anāthapiṇḍado nāma śrāvastyāmasti viśrutaḥ / tatputrāya sujātāya kanyāyām dehītyuvāca saḥ

Sanskrit only: no published translation is held for this verse.

सो ऽब्रवीदेश संबन्धः परमो ऽस्मत्कुलोचितः । वंशे ऽस्माकं तु कन्यानाम् शुक्लमादीयते महत्

so 'bravīdeśa saṃbandhaḥ paramo 'smatkulocitaḥ / vaṃśe 'smākaṃ tu kanyānām śuklamādīyate mahat

Sanskrit only: no published translation is held for this verse.

शतं शतं रथाग्र्याणां गजाश्वाश्वतरस्य च । दाशीनिचयनिष्कानां दीयतां यदि शक्यते

śataṃ śataṃ rathāgryāṇāṃ gajāśvāśvatarasya ca / dāśīnicayaniṣkānāṃ dīyatāṃ yadi śakyate

Sanskrit only: no published translation is held for this verse.

इत्युक्ते तेन तं विप्रं सस्मितः प्रत्यभाषत । अनाथपिण्डदगृहे दास्ये शुल्कं तदल्पकम्

ityukte tena taṃ vipraṃ sasmitaḥ pratyabhāṣata / anāthapiṇḍadagṛhe dāsye śulkaṃ tadalpakam

Sanskrit only: no published translation is held for this verse.

ब्राह्मणेनाखिले तस्मिन् कन्याशुल्के प्रतिश्रुते । तमादराद्गृहपतिर्भोजनाय न्यमन्त्रयत्

brāhmaṇenākhile tasmin kanyāśulke pratiśrute / tamādarādgṛhapatirbhojanāya nyamantrayat

Sanskrit only: no published translation is held for this verse.

स भुक्त्वा विविधं तत्र भक्ष्यभोज्यमयन्त्रितः । रात्रौ विसूचिकाक्रान्तश्चुक्रोश विपुलव्यथः

sa bhuktvā vividhaṃ tatra bhakṣyabhojyamayantritaḥ / rātrau visūcikākrāntaścukrośa vipulavyathaḥ

Sanskrit only: no published translation is held for this verse.

ये ऽन्नमश्नन्ति लौल्येन निशि निद्रासुखापहम् । जन्मकर्म कथं कुर्युः परलोकसुखाय ते

ye 'nnamaśnanti laulyena niśi nidrāsukhāpaham / janmakarma kathaṃ kuryuḥ paralokasukhāya te

Sanskrit only: no published translation is held for this verse.

तत्याजाशुचिभीत्या तं गृहात्परिजनो बहिः । आस्पदं नैरपेक्ष्यस्य जात्या दासजनः शठः

tatyājāśucibhītyā taṃ gṛhātparijano bahiḥ / āspadaṃ nairapekṣyasya jātyā dāsajanaḥ śaṭhaḥ

Sanskrit only: no published translation is held for this verse.

शुभेन कर्मणा तस्य संप्राप्तस्तेन वर्त्मना । समौद्गल्यायनः शारिपुत्रः कारुण्यपेशलः

śubhena karmaṇā tasya saṃprāptastena vartmanā / samaudgalyāyanaḥ śāriputraḥ kāruṇyapeśalaḥ

Sanskrit only: no published translation is held for this verse.

तं वंशस्य दलाग्रेण निर्लिख्यापि तथा मृदा । प्रक्षाल्य धर्ममादिश्य तौ तस्य ययतुः शनैः

taṃ vaṃśasya dalāgreṇa nirlikhyāpi tathā mṛdā / prakṣālya dharmamādiśya tau tasya yayatuḥ śanaiḥ

Sanskrit only: no published translation is held for this verse.

सो ऽपि चित्तं तयोरग्रे प्रसाद्य त्यक्तविग्रहः । चतुर्महाराजिकेषु देवेषु समाजायत

so 'pi cittaṃ tayoragre prasādya tyaktavigrahaḥ / caturmahārājikeṣu deveṣu samājāyata

Sanskrit only: no published translation is held for this verse.

तत्र विश्रवणादेशान्मर्त्यलोके निकेतने । स चक्रे शिबिरद्वारे पूजाधिष्ष्ठानसंनिधिम्

tatra viśravaṇādeśānmartyaloke niketane / sa cakre śibiradvāre pūjādhiṣṣṭhānasaṃnidhim

Sanskrit only: no published translation is held for this verse.

लेखविज्ञातसंबन्धविश्चयो ऽथ यथोदितम् । अनाथपिण्डदः शुल्कमादाय स्वयमाययौ

lekhavijñātasaṃbandhaviścayo 'tha yathoditam / anāthapiṇḍadaḥ śulkamādāya svayamāyayau

Sanskrit only: no published translation is held for this verse.

स संबन्धिगृहं प्राप्य ददर्शाश्चर्यकारिणीम् । शिखराकारराजार्हभक्ष्यसंभारसंपदम्

sa saṃbandhigṛhaṃ prāpya dadarśāścaryakāriṇīm / śikharākārarājārhabhakṣyasaṃbhārasaṃpadam

Sanskrit only: no published translation is held for this verse.

स विस्मयाद्गृहपतिं पप्रच्छ स्वच्छमानसः । भूरिभक्ष्य्प्त्सवः को ऽयमपि राजा निमन्त्रितः

sa vismayādgṛhapatiṃ papraccha svacchamānasaḥ / bhūribhakṣyptsavaḥ ko 'yamapi rājā nimantritaḥ

Sanskrit only: no published translation is held for this verse.

स तं बभाषे भगवान् बुद्धः संघपरिग्रहः । मया निमन्त्रितः संघे सो ऽयम् मम महोत्सवः

sa taṃ babhāṣe bhagavān buddhaḥ saṃghaparigrahaḥ / mayā nimantritaḥ saṃghe so 'yam mama mahotsavaḥ

Sanskrit only: no published translation is held for this verse.

इति बुद्धाभिधानेन जातरोमाज़्न्चकण्टकः । इन्दुस्यन्दिरिवाल्किन्नः सहसैव बभूव सः

iti buddhābhidhānena jātaromāzncakaṇṭakaḥ / indusyandirivālkinnaḥ sahasaiva babhūva saḥ

Sanskrit only: no published translation is held for this verse.

अविदितपरमार्थे कस्यचिन्नाममात्रे स्फुरति सहजभावः को ऽपि जन्मानुबन्धः । अभिनवघननादे व्यक्तहर्षभिलाषः स्पृशति ललितनृत्योद्वृत्तवृत्तिं मयूरः

aviditaparamārthe kasyacinnāmamātre sphurati sahajabhāvaḥ ko 'pi janmānubandhaḥ / abhinavaghananāde vyaktaharṣabhilāṣaḥ spṛśati lalitanṛtyodvṛttavṛttiṃ mayūraḥ

Sanskrit only: no published translation is held for this verse.

सो ऽवदद्वदनाम्भोजसंजाताभिनवद्युतिः । क एष भगवान् बुद्धः कश्च संघो ऽभिधीयते

so 'vadadvadanāmbhojasaṃjātābhinavadyutiḥ / ka eṣa bhagavān buddhaḥ kaśca saṃgho 'bhidhīyate

Sanskrit only: no published translation is held for this verse.

इति पृष्टो गृहपतिस्तेन प्रोवाच सस्मितः । अहो बत न जानीषे शास्तारं भुवनत्रये

iti pṛṣṭo gṛhapatistena provāca sasmitaḥ / aho bata na jānīṣe śāstāraṃ bhuvanatraye

Sanskrit only: no published translation is held for this verse.

संसारपाशभीतानां शरण्यं शरणैषिणाम् । जिन यस्तं न जानाति स लोके वञ्चितः परम्

saṃsārapāśabhītānāṃ śaraṇyaṃ śaraṇaiṣiṇām / jina yastaṃ na jānāti sa loke vañcitaḥ param

Sanskrit only: no published translation is held for this verse.

किं तेन मोहलीनेन विफलीकृतजन्मना । अज्ञानतरणोपायं वयो येन व्ययीकृतम्

kiṃ tena mohalīnena viphalīkṛtajanmanā / ajñānataraṇopāyaṃ vayo yena vyayīkṛtam

Sanskrit only: no published translation is held for this verse.

गोतमो भगवान् बुद्धः शाक्यराजकुलद्भिवः । संबुध्यानुत्तरं सम्यक्संबोधिमनगारिकः

gotamo bhagavān buddhaḥ śākyarājakuladbhivaḥ / saṃbudhyānuttaraṃ samyaksaṃbodhimanagārikaḥ

Sanskrit only: no published translation is held for this verse.

पश्चात् प्रव्रजितानाम् च तस्यैवानुग्रहात्परम् । भिक्षूणां गतरागाणाम् समूहः संघ उच्यते

paścāt pravrajitānām ca tasyaivānugrahātparam / bhikṣūṇāṃ gatarāgāṇām samūhaḥ saṃgha ucyate

Sanskrit only: no published translation is held for this verse.

स एष बुद्धप्रमुखः संघः स्वकुशलैषिणाः । मया पुण्यपणं प्राप्यं प्रणयेन निमन्त्रितः

sa eṣa buddhapramukhaḥ saṃghaḥ svakuśalaiṣiṇāḥ / mayā puṇyapaṇaṃ prāpyaṃ praṇayena nimantritaḥ

Sanskrit only: no published translation is held for this verse.

इति तद्वचनं श्रुत्वा तत्स्मृत्वानाथपिण्डदः । बुद्धालम्बनभावेन निशि निद्रां समाययौ

iti tadvacanaṃ śrutvā tatsmṛtvānāthapiṇḍadaḥ / buddhālambanabhāvena niśi nidrāṃ samāyayau

Sanskrit only: no published translation is held for this verse.

रजन्यां यामशेषायां समाकृष्ट इवेत्सुकः । प्रभातमिति स ज्ञात्वा पुरद्वारेण निर्ययौ

rajanyāṃ yāmaśeṣāyāṃ samākṛṣṭa ivetsukaḥ / prabhātamiti sa jñātvā puradvāreṇa niryayau

Sanskrit only: no published translation is held for this verse.

शिबिकाद्वारमासाद्य संप्राप्त इव देवताम् । मधुस्कन्धेन निर्दिष्टं श्रेयःपन्थानमाप्तवान्

śibikādvāramāsādya saṃprāpta iva devatām / madhuskandhena nirdiṣṭaṃ śreyaḥpanthānamāptavān

Sanskrit only: no published translation is held for this verse.

भगवांस्तं ततः प्राप्य स तृष्णार्त इवामृतम् । बभूवानुपमास्वादं प्रमोदामोदनिर्वृतः

bhagavāṃstaṃ tataḥ prāpya sa tṛṣṇārta ivāmṛtam / babhūvānupamāsvādaṃ pramodāmodanirvṛtaḥ

Sanskrit only: no published translation is held for this verse.

तं दृष्ट्वा सादरं दूरात् छायातरुमिवाध्वगः । अवाप गतसंतापः श्रान्तिं विश्रान्तिशीतलाम्

taṃ dṛṣṭvā sādaraṃ dūrāt chāyātarumivādhvagaḥ / avāpa gatasaṃtāpaḥ śrāntiṃ viśrāntiśītalām

Sanskrit only: no published translation is held for this verse.

तस्य तद्दर्शनेव विमलाभिगतः मनः । शरत्समागमेनेव घनध्वान्तोज्झितं नभः

tasya taddarśaneva vimalābhigataḥ manaḥ / śaratsamāgameneva ghanadhvāntojjhitaṃ nabhaḥ

Sanskrit only: no published translation is held for this verse.

स को ऽपि पुण्यशीलानामनुभावः प्रसादिनाम् । भवन्ति यत्प्रसादेन निर्विघ्नाश्चित्तवृत्तयः

sa ko 'pi puṇyaśīlānāmanubhāvaḥ prasādinām / bhavanti yatprasādena nirvighnāścittavṛttayaḥ

Sanskrit only: no published translation is held for this verse.

सो ऽचिन्तयदहो मोहविहीनस्य हि मे तथा । अनुच्छेदविकारो ऽयं जातः प्रशमसंपदः

so 'cintayadaho mohavihīnasya hi me tathā / anucchedavikāro 'yaṃ jātaḥ praśamasaṃpadaḥ

Sanskrit only: no published translation is held for this verse.

वञ्चितो ऽस्मि न यत्पूर्वं दृष्तो ऽयं भगवान् मया । नाधन्यानामियं याति मूर्तिर्लोचनगोचरम्

vañcito 'smi na yatpūrvaṃ dṛṣto 'yaṃ bhagavān mayā / nādhanyānāmiyaṃ yāti mūrtirlocanagocaram

Sanskrit only: no published translation is held for this verse.

अमृतमधिरोदारा दृष्टिर्द्युतिः शशिपेशला तरुणकरुणायत्ता वृत्तिः प्रसादमयी मतिः । अयमतिशयं प्रत्यासन्नः करोति विरागतां विगतरजसां निःसंसारः प्रियो ऽपि परिग्रहः

amṛtamadhirodārā dṛṣṭirdyutiḥ śaśipeśalā taruṇakaruṇāyattā vṛttiḥ prasādamayī matiḥ / ayamatiśayaṃ pratyāsannaḥ karoti virāgatāṃ vigatarajasāṃ niḥsaṃsāraḥ priyo 'pi parigrahaḥ

Sanskrit only: no published translation is held for this verse.

इति चित्तप्रसादेन चिन्तयन्नुपसृत्य सः । विदधे तस्य सानन्दः पादपद्माभिवन्दनम्

iti cittaprasādena cintayannupasṛtya saḥ / vidadhe tasya sānandaḥ pādapadmābhivandanam

Sanskrit only: no published translation is held for this verse.

भगवानपि तत्प्राप्तिप्रसादानन्दलक्षणम् । उवाह वदनच्छायं पूर्णकारुण्यपूरितम्

bhagavānapi tatprāptiprasādānandalakṣaṇam / uvāha vadanacchāyaṃ pūrṇakāruṇyapūritam

Sanskrit only: no published translation is held for this verse.

दृष्टिमाश्वासजननीं कामंकामपि तस्य सः । विससर्जोज्ज्वलां जन्मरजःशुद्ध्यै सुधानदीम्

dṛṣṭimāśvāsajananīṃ kāmaṃkāmapi tasya saḥ / visasarjojjvalāṃ janmarajaḥśuddhyai sudhānadīm

Sanskrit only: no published translation is held for this verse.

अथास्य भगवान् भ्रद्रां विदधे धर्मदेशनाम् । चतुर्णामार्यसत्यानां प्रतिभावविधायिनीम्

athāsya bhagavān bhradrāṃ vidadhe dharmadeśanām / caturṇāmāryasatyānāṃ pratibhāvavidhāyinīm

Sanskrit only: no published translation is held for this verse.

स शासनाद्धि संव्यस्तसमस्तक्लेशसंततिः । निजं जन्म निवेद्यास्मै प्रणतस्तमभाषतः

sa śāsanāddhi saṃvyastasamastakleśasaṃtatiḥ / nijaṃ janma nivedyāsmai praṇatastamabhāṣataḥ

Sanskrit only: no published translation is held for this verse.

अतिक्रान्तो ऽस्मि भगवन् भवन्तं शरणं गतः । विपन्नवासनाभ्यासः संसारे न रमे परम्

atikrānto 'smi bhagavan bhavantaṃ śaraṇaṃ gataḥ / vipannavāsanābhyāsaḥ saṃsāre na rame param

Sanskrit only: no published translation is held for this verse.

करोत्यकुशलं दूरे शुभमाशु प्रयच्छति । सूचयत्युचिताचारं महतमवलोकनम्

karotyakuśalaṃ dūre śubhamāśu prayacchati / sūcayatyucitācāraṃ mahatamavalokanam

Sanskrit only: no published translation is held for this verse.

सुखार्हं त्वद्विहाराय विहारं परमादरात् । रत्नसारपुरोदारं स्वपुरं कारयाम्यहम्

sukhārhaṃ tvadvihārāya vihāraṃ paramādarāt / ratnasārapurodāraṃ svapuraṃ kārayāmyaham

Sanskrit only: no published translation is held for this verse.

करोतु तत्र भगवान् सततं स्थित्यनुग्रहम् । धनैरासेवितो ऽस्माभिः सपर्यापरिचर्यया

karotu tatra bhagavān satataṃ sthityanugraham / dhanairāsevito 'smābhiḥ saparyāparicaryayā

Sanskrit only: no published translation is held for this verse.

इत्यर्थनां तथेत्यस्य भगवान् प्रत्यपद्यत । प्रणयुप्रार्थनाभङ्गप्रगल्भा न हि साधवः

ityarthanāṃ tathetyasya bhagavān pratyapadyata / praṇayuprārthanābhaṅgapragalbhā na hi sādhavaḥ

Sanskrit only: no published translation is held for this verse.

भगवन्तमथामन्त्र्य श्रावस्तीं स पुरीं ययौ । तदादिष्टेन सहितः शारिपुत्रेण भिक्षुणा

bhagavantamathāmantrya śrāvastīṃ sa purīṃ yayau / tadādiṣṭena sahitaḥ śāriputreṇa bhikṣuṇā

Sanskrit only: no published translation is held for this verse.

तत्र जेतकुमारेण हिरण्यार्घोण भूयसा । दत्तं काञ्चनमादाय विहारं तमसूत्रयत्

tatra jetakumāreṇa hiraṇyārghoṇa bhūyasā / dattaṃ kāñcanamādāya vihāraṃ tamasūtrayat

Sanskrit only: no published translation is held for this verse.

भक्त्युत्साहादथारम्भकृतसाहाय्यकह् सुरैः । विहारं त्रिदिवाकारं चकारानाथपिण्डदः

bhaktyutsāhādathārambhakṛtasāhāyyakah suraiḥ / vihāraṃ tridivākāraṃ cakārānāthapiṇḍadaḥ

Sanskrit only: no published translation is held for this verse.

तत्र जेतकुमारो ऽपि भक्त्या भगवतः परम् । यशःपुण्यप्रतिष्ठायै विदधे द्वारकोष्ठकम्

tatra jetakumāro 'pi bhaktyā bhagavataḥ param / yaśaḥpuṇyapratiṣṭhāyai vidadhe dvārakoṣṭhakam

Sanskrit only: no published translation is held for this verse.

अथ् अतीर्थ्यास्तमालोक्य विहारारम्भमद्भुतम् । सापवादविवादेन चक्रुर्द्वेषाकुलाः कलिम्

ath atīrthyāstamālokya vihārārambhamadbhutam / sāpavādavivādena cakrurdveṣākulāḥ kalim

Sanskrit only: no published translation is held for this verse.

रक्ताक्षप्रमुखस्तेषाम् मात्सर्यात्क्षुद्रप्रण्डितः । सपक्ष इव कृष्णाहिश्चकितः पुरतः सदा

raktākṣapramukhasteṣām mātsaryātkṣudrapraṇḍitaḥ / sapakṣa iva kṛṣṇāhiścakitaḥ purataḥ sadā

Sanskrit only: no published translation is held for this verse.

रुद्धे विहारसंभारे तेन वादजयावधि । अनाथपिण्डदगिरा शारिपुत्रः समाययौ

ruddhe vihārasaṃbhāre tena vādajayāvadhi / anāthapiṇḍadagirā śāriputraḥ samāyayau

Sanskrit only: no published translation is held for this verse.

रक्ताक्षो ऽथ तमाहूय प्रभावोत्कर्षदर्शने । इन्द्रजालबलोत्फुल्लं सहकारमदर्शयत्

raktākṣo 'tha tamāhūya prabhāvotkarṣadarśane / indrajālabalotphullaṃ sahakāramadarśayat

Sanskrit only: no published translation is held for this verse.

शारिपुत्रप्रभावोत्थैर्विपुलैस्तन्मुखानिलैः । उन्मूलितः शकलतां तीर्थ्योत्साह इवाप सः

śāriputraprabhāvotthairvipulaistanmukhānilaiḥ / unmūlitaḥ śakalatāṃ tīrthyotsāha ivāpa saḥ

Sanskrit only: no published translation is held for this verse.

रक्ताक्षविहितां फुल्लकमलां पद्मिनीं ततः । पङ्कशेषां द्विपश्चक्रे शारिपुत्रविनिर्मितः

raktākṣavihitāṃ phullakamalāṃ padminīṃ tataḥ / paṅkaśeṣāṃ dvipaścakre śāriputravinirmitaḥ

Sanskrit only: no published translation is held for this verse.

रत्काक्षवक्षोनिक्षिप्तः सप्तशीर्षमहोरगः । शारिपुत्रेण निक्षिप्तस्तार्क्ष्यपक्षाग्रमारुतैः

ratkākṣavakṣonikṣiptaḥ saptaśīrṣamahoragaḥ / śāriputreṇa nikṣiptastārkṣyapakṣāgramārutaiḥ

Sanskrit only: no published translation is held for this verse.

तदाहूतो ऽथ वेतालः शारिपुत्रेण कीलितः । प्रेरितो मन्त्रविर्त्येण रक्ताक्षं हन्तुमुद्ययौ

tadāhūto 'tha vetālaḥ śāriputreṇa kīlitaḥ / prerito mantravirtyeṇa raktākṣaṃ hantumudyayau

Sanskrit only: no published translation is held for this verse.

वेतालाभिहतस्त्रासान्नश्यन्मानमदज्वरः । शरणं पादपतितः शारिपुत्रं जगाम सः

vetālābhihatastrāsānnaśyanmānamadajvaraḥ / śaraṇaṃ pādapatitaḥ śāriputraṃ jagāma saḥ

Sanskrit only: no published translation is held for this verse.

रक्ताक्षस्तेन भङ्गेन शरण्यं शरणं गतः । प्रव्रज्यायाम् वीतरागः शुद्धां बोधिस्मवाप्तवान्

raktākṣastena bhaṅgena śaraṇyaṃ śaraṇaṃ gataḥ / pravrajyāyām vītarāgaḥ śuddhāṃ bodhismavāptavān

Sanskrit only: no published translation is held for this verse.

तीर्थ्यास्त्वन्ये परिद्वेषक्रोधपारमितांशवः । तत्र कर्मकरव्याजात्तस्थुर्भिक्षवधोद्यताः

tīrthyāstvanye paridveṣakrodhapāramitāṃśavaḥ / tatra karmakaravyājāttasthurbhikṣavadhodyatāḥ

Sanskrit only: no published translation is held for this verse.

ते ऽथ धर्मद्रुहः काले शारिपुत्रेण लक्षिताः । तद्दृष्टिपातमात्रेण बभूवुर्मैत्रमानसाः

te 'tha dharmadruhaḥ kāle śāriputreṇa lakṣitāḥ / taddṛṣṭipātamātreṇa babhūvurmaitramānasāḥ

Sanskrit only: no published translation is held for this verse.

आशयानुशयं धातुं प्रकृतिं च विचार्य सः । धर्मदेशनया तेषां दिदेशानुत्तरां दशाम्

āśayānuśayaṃ dhātuṃ prakṛtiṃ ca vicārya saḥ / dharmadeśanayā teṣāṃ dideśānuttarāṃ daśām

Sanskrit only: no published translation is held for this verse.

अथ तस्य विहारस्य निर्विघ्नारम्भकर्मणि । अनाथपिण्डदं प्राह शारिपुत्रः स्मिताननः

atha tasya vihārasya nirvighnārambhakarmaṇi / anāthapiṇḍadaṃ prāha śāriputraḥ smitānanaḥ

Sanskrit only: no published translation is held for this verse.

विहारसूत्रपातस्य तुल्य एव क्षणे महान् । हौमो विहारः संवृत्तस्तुषिते देवसद्मनि

vihārasūtrapātasya tulya eva kṣaṇe mahān / haumo vihāraḥ saṃvṛttastuṣite devasadmani

Sanskrit only: no published translation is held for this verse.

एतदाकर्ण्य संजातप्रसादद्विगुणान्तरः । हेमरत्नवरागारं विहारं समकारयत्

etadākarṇya saṃjātaprasādadviguṇāntaraḥ / hemaratnavarāgāraṃ vihāraṃ samakārayat

Sanskrit only: no published translation is held for this verse.

विभवैरथ राजार्हैः पथि तेनोपकल्पितैः । विज्ञप्तिस्त्रिदिवैः सार्धमाययौ भगवान् जिनह्

vibhavairatha rājārhaiḥ pathi tenopakalpitaiḥ / vijñaptistridivaiḥ sārdhamāyayau bhagavān jinah

Sanskrit only: no published translation is held for this verse.

तदागमनहर्षेण प्रसन्ने भवनत्रये । अनाथपिण्डदस्तस्मै वारिधारामपातयत्

tadāgamanaharṣeṇa prasanne bhavanatraye / anāthapiṇḍadastasmai vāridhārāmapātayat

Sanskrit only: no published translation is held for this verse.

तस्मिन् यदा न प्रदेशे वारिधारा पपात सा । तदा भगवतो वाक्यात् त्वरितं पतितान्यतः

tasmin yadā na pradeśe vāridhārā papāta sā / tadā bhagavato vākyāt tvaritaṃ patitānyataḥ

Sanskrit only: no published translation is held for this verse.

तं दृष्ट्वा कौतुकात् पृष्टो भिक्षुभिर्भगवान् पुनः । उवाच श्रूयतामेतद् वारिस्तम्भस्य कारणम्

taṃ dṛṣṭvā kautukāt pṛṣṭo bhikṣubhirbhagavān punaḥ / uvāca śrūyatāmetad vāristambhasya kāraṇam

Sanskrit only: no published translation is held for this verse.

अनेन पूर्वबुद्धेभ्ये अस्मिन्नेवेदमास्पदम् । प्रतिपादितमित्येषा वारिधारान्यतश्च्युता

anena pūrvabuddhebhye asminnevedamāspadam / pratipāditamityeṣā vāridhārānyataścyutā

Sanskrit only: no published translation is held for this verse.

अनेनैव पुरा सम्यक्संबुद्धाय विपश्यिने । अयमेव वरारामप्रदेशः प्रतिपादितः

anenaiva purā samyaksaṃbuddhāya vipaśyine / ayameva varārāmapradeśaḥ pratipāditaḥ

Sanskrit only: no published translation is held for this verse.

बुद्धाय शिखिने प्रादात् पुष्यजन्मन्ययं पुनः । ततो ददौ विश्वभुवे जिनाय रघिजन्मनि

buddhāya śikhine prādāt puṣyajanmanyayaṃ punaḥ / tato dadau viśvabhuve jināya raghijanmani

Sanskrit only: no published translation is held for this verse.

भवदत्ताभिधो भूत्वा ककुच्छन्दाय दत्तवान् । ददौ बृहस्पतिर्भूट्वा कनकाख्याय तायिने

bhavadattābhidho bhūtvā kakucchandāya dattavān / dadau bṛhaspatirbhūṭvā kanakākhyāya tāyine

Sanskrit only: no published translation is held for this verse.

काश्यपाय पुनश्चायं प्रादादाषाढजन्मनिः । अनेनैवाधुना मह्यं देशो ऽयं प्रतिपादितः

kāśyapāya punaścāyaṃ prādādāṣāḍhajanmaniḥ / anenaivādhunā mahyaṃ deśo 'yaṃ pratipāditaḥ

Sanskrit only: no published translation is held for this verse.

कालेन सुधनाख्यो ऽयं मैत्रेयाय प्रदास्यति । सत्त्ववान् क्षान्तिशीलत्वान्निधानान्येष पश्यति

kālena sudhanākhyo 'yaṃ maitreyāya pradāsyati / sattvavān kṣāntiśīlatvānnidhānānyeṣa paśyati

Sanskrit only: no published translation is held for this verse.

पुनश्चायं गॄहपतिर्भूत्वा हेमप्रदाभिधः । चक्रे प्रत्येकबुद्धस्य संस्कारं परिनिर्वृतौ

punaścāyaṃ gṝhapatirbhūtvā hemapradābhidhaḥ / cakre pratyekabuddhasya saṃskāraṃ parinirvṛtau

Sanskrit only: no published translation is held for this verse.

रत्नकुम्भे तदस्थीनि धृत्वा तत्प्रणिधानतः । अधुना रत्नकोशार्हः संजातो ऽयं सुवर्णभास्

ratnakumbhe tadasthīni dhṛtvā tatpraṇidhānataḥ / adhunā ratnakośārhaḥ saṃjāto 'yaṃ suvarṇabhās

Sanskrit only: no published translation is held for this verse.

श्रुत्वेति शास्तुर्वचनाभिधानं ते भिक्षवः सारमिवामृतस्य । कर्तुः प्रतिष्ठार्जितपूर्णपुण्यपुष्पाधिवासेन भृशं ननन्दुः

śrutveti śāsturvacanābhidhānaṃ te bhikṣavaḥ sāramivāmṛtasya / kartuḥ pratiṣṭhārjitapūrṇapuṇyapuṣpādhivāsena bhṛśaṃ nananduḥ

Sanskrit only: no published translation is held for this verse.