Ksemendra: Avadanakalpalata 25

जयन्ति ते जन्मभयप्रमुक्ता भवप्रभावाभिभवाभियुक्ताः । यैः सुन्दरीलोचनचक्रवर्ती मारः कृतः शासनदेशवर्ती

jayanti te janmabhayapramuktā bhavaprabhāvābhibhavābhiyuktāḥ / yaiḥ sundarīlocanacakravartī māraḥ kṛtaḥ śāsanadeśavartī

Sanskrit only: no published translation is held for this verse.

ततस्तपोवने चास्मिन् बोधिसत्त्वे तपोजुषि । तदुपस्थापकाः पञ्च वाराणस्यां प्रवव्रजुः

tatastapovane cāsmin bodhisattve tapojuṣi / tadupasthāpakāḥ pañca vārāṇasyāṃ pravavrajuḥ

Sanskrit only: no published translation is held for this verse.

स्पृहणीयो मुनीन्द्राणामथ शाक्यमुनिः शनैः । स्वयं सेनायनीग्रामं जनचारिकया ययौ

spṛhaṇīyo munīndrāṇāmatha śākyamuniḥ śanaiḥ / svayaṃ senāyanīgrāmaṃ janacārikayā yayau

Sanskrit only: no published translation is held for this verse.

तत्र सेनाभिधानस्य कन्ये गृहपतेः सुते । नन्दा नन्दबलाख्या च चारुवृत्ते बभूवतुः

tatra senābhidhānasya kanye gṛhapateḥ sute / nandā nandabalākhyā ca cāruvṛtte babhūvatuḥ

Sanskrit only: no published translation is held for this verse.

शुद्धोदनस्य भूभर्तुस्ते श्रुत्वा विश्रुतं सुतम् । चक्राते तद्विवाहार्थं व्रतं द्वादशवार्षिकम्

śuddhodanasya bhūbhartuste śrutvā viśrutaṃ sutam / cakrāte tadvivāhārthaṃ vrataṃ dvādaśavārṣikam

Sanskrit only: no published translation is held for this verse.

आमोदिनीनां हृदये सदा सूत्रवदास्थितः । मालानामिव बालानामभिलाषः स्वभावजः

āmodinīnāṃ hṛdaye sadā sūtravadāsthitaḥ / mālānāmiva bālānāmabhilāṣaḥ svabhāvajaḥ

Sanskrit only: no published translation is held for this verse.

धेनूनां पीतदुग्धानां दुग्धं ताभ्यां पुनः पुनः । गृहीट्वा स्फटिकस्थाल्या व्रतान्ते पायसं शुभम्

dhenūnāṃ pītadugdhānāṃ dugdhaṃ tābhyāṃ punaḥ punaḥ / gṛhīṭvā sphaṭikasthālyā vratānte pāyasaṃ śubham

Sanskrit only: no published translation is held for this verse.

विधिवत्पायसे सिद्धे विप्ररूपः सुरेश्वरः । तं समभ्याययौ देशं देवश्च कमलासनः

vidhivatpāyase siddhe viprarūpaḥ sureśvaraḥ / taṃ samabhyāyayau deśaṃ devaśca kamalāsanaḥ

Sanskrit only: no published translation is held for this verse.

हर्षादतिथिभागे ऽथ कन्यकाभ्याम् समुद्धृते । शक्रो ऽवदत्सर्वगुणोदयायाग्रे प्रदीयताम्

harṣādatithibhāge 'tha kanyakābhyām samuddhṛte / śakro 'vadatsarvaguṇodayāyāgre pradīyatām

Sanskrit only: no published translation is held for this verse.

मत्तो ऽयमधिकस्तावद्ब्रह्मणः प्रथमो ऽपि च । इत्युक्ते सुरराजेन प्रोवाच चतुराननः

matto 'yamadhikastāvadbrahmaṇaḥ prathamo 'pi ca / ityukte surarājena provāca caturānanaḥ

Sanskrit only: no published translation is held for this verse.

मत्तो ऽधिको देव आस्ते शुद्धावासनिकायिकः । इत्युक्ते ब्रह्मणा ते ऽपि जगदुर्गगनस्थिताः

matto 'dhiko deva āste śuddhāvāsanikāyikaḥ / ityukte brahmaṇā te 'pi jagadurgaganasthitāḥ

Sanskrit only: no published translation is held for this verse.

सर्वप्रतिविशिष्टो ऽसौ बोधिसत्त्वस्तपःकृशः । नद्यां निराजनाख्यायां विगाह्य सलिले स्थितः

sarvaprativiśiṣṭo 'sau bodhisattvastapaḥkṛśaḥ / nadyāṃ nirājanākhyāyāṃ vigāhya salile sthitaḥ

Sanskrit only: no published translation is held for this verse.

एतदाकर्ण्य कन्याभ्यामाहूय मणिभाजने । अवतीर्यार्पितं भक्त्या तदस्मै मधुपायसम्

etadākarṇya kanyābhyāmāhūya maṇibhājane / avatīryārpitaṃ bhaktyā tadasmai madhupāyasam

Sanskrit only: no published translation is held for this verse.

बोधिसत्त्वस्तदादाय रत्नपात्रीं ददौ तयोः । दत्तेयं न पुनर्ग्राह्येत्युक्त्वा जगृहतुर्न ते

bodhisattvastadādāya ratnapātrīṃ dadau tayoḥ / datteyaṃ na punargrāhyetyuktvā jagṛhaturna te

Sanskrit only: no published translation is held for this verse.

सा तेन नद्यां निक्षिप्ता नागैर्नीता प्रभावती । विक्षोभ्याप्याहृता तेभ्यस्तार्क्ष्यरूपेण वज्रिणा

sā tena nadyāṃ nikṣiptā nāgairnītā prabhāvatī / vikṣobhyāpyāhṛtā tebhyastārkṣyarūpeṇa vajriṇā

Sanskrit only: no published translation is held for this verse.

प्रसादी बोधिसत्त्वो ऽथ कन्यायुगलमभ्यधात् । दानस्य प्रणिधानेन भवत्योः किं समीहितम्

prasādī bodhisattvo 'tha kanyāyugalamabhyadhāt / dānasya praṇidhānena bhavatyoḥ kiṃ samīhitam

Sanskrit only: no published translation is held for this verse.

ते तमूचतुरानन्दनिधिः शुद्धोदनात्मजः । सर्वार्थसिद्धो ऽभिमतः कुमारः पतिरावयोः

te tamūcaturānandanidhiḥ śuddhodanātmajaḥ / sarvārthasiddho 'bhimataḥ kumāraḥ patirāvayoḥ

Sanskrit only: no published translation is held for this verse.

उद्यमं मारलीलायाः सरसं तद्वचस्तयोः । न लिलिम्प मनस्तस्य पाद्मं दलमिवोदके

udyamaṃ māralīlāyāḥ sarasaṃ tadvacastayoḥ / na lilimpa manastasya pādmaṃ dalamivodake

Sanskrit only: no published translation is held for this verse.

स जगाद कुमारो ऽसौ न किं प्रव्रजितः श्रुतः । न तस्य लोलनयनाः प्रियाह् श्रिय इव स्त्रियः

sa jagāda kumāro 'sau na kiṃ pravrajitaḥ śrutaḥ / na tasya lolanayanāḥ priyāh śriya iva striyaḥ

Sanskrit only: no published translation is held for this verse.

इत्यनीप्सितमाकर्ण्य दीर्घं निश्वस्य कन्यके । ऊचतुर्दानधर्मो ऽयं सिद्धौ तस्यैव जायताम्

ityanīpsitamākarṇya dīrghaṃ niśvasya kanyake / ūcaturdānadharmo 'yaṃ siddhau tasyaiva jāyatām

Sanskrit only: no published translation is held for this verse.

अदृष्टस्नेहसंश्लिष्टः प्रविष्टो ऽन्तः पराङ्भुखः । न नाम सुचिराभ्यस्तः पक्षपातो निवर्तते

adṛṣṭasnehasaṃśliṣṭaḥ praviṣṭo 'ntaḥ parāṅbhukhaḥ / na nāma sucirābhyastaḥ pakṣapāto nivartate

Sanskrit only: no published translation is held for this verse.

इति तद्वचनं श्रुत्वा बोधिसत्त्वः प्रसन्नधीः । प्रयातस्ते समामन्त्र्य विश्रान्त्यै काननान्तरम्

iti tadvacanaṃ śrutvā bodhisattvaḥ prasannadhīḥ / prayātaste samāmantrya viśrāntyai kānanāntaram

Sanskrit only: no published translation is held for this verse.

पायसामृतभागेन लब्धदिव्यबलोदयः । प्रच्छायतरुसुच्छायमारुरोह महीधरम्

pāyasāmṛtabhāgena labdhadivyabalodayaḥ / pracchāyatarusucchāyamāruroha mahīdharam

Sanskrit only: no published translation is held for this verse.

पर्यङ्कबन्धमाधाय तत्र तस्मिन् सुखं स्थिते । अहंकार इवात्युच्चशिराह् सो ऽद्रिर्व्यगीर्यत

paryaṅkabandhamādhāya tatra tasmin sukhaṃ sthite / ahaṃkāra ivātyuccaśirāh so 'drirvyagīryata

Sanskrit only: no published translation is held for this verse.

विशीर्णभूधरे तस्मिन् स प्रदध्यौ विषण्णधीः । सपक्षालानि कर्माणि मया कानि कृतान्यहो

viśīrṇabhūdhare tasmin sa pradadhyau viṣaṇṇadhīḥ / sapakṣālāni karmāṇi mayā kāni kṛtānyaho

Sanskrit only: no published translation is held for this verse.

इति चिन्ताशतोच्छ्वासं तमूचुर्व्योमदेवताः । न त्वया विहितं साधो कर्म किंचिदसांप्रतम्

iti cintāśatocchvāsaṃ tamūcurvyomadevatāḥ / na tvayā vihitaṃ sādho karma kiṃcidasāṃpratam

Sanskrit only: no published translation is held for this verse.

अच्छिन्नोत्तप्तकुशलं धर्तुं न क्षमते क्षितिः । स त्वमुत्तप्तकुशलः प्रोच्चशैलशताग्द्गुरुः

acchinnottaptakuśalaṃ dhartuṃ na kṣamate kṣitiḥ / sa tvamuttaptakuśalaḥ proccaśailaśatāgdguruḥ

Sanskrit only: no published translation is held for this verse.

निरञ्जनीं समुत्तीर्य सरितं व्रज निश्चलम् । सिद्धिदं बोधिसत्त्वानाम् देशं वज्राअस्नाभिधम्

nirañjanīṃ samuttīrya saritaṃ vraja niścalam / siddhidaṃ bodhisattvānām deśaṃ vajrāasnābhidham

Sanskrit only: no published translation is held for this verse.

देवतादिष्टमार्गेण प्रस्थितस्यास्य भूतले । पादन्यासैरभूत्तस्य हेमपद्मपरंपरा

devatādiṣṭamārgeṇa prasthitasyāsya bhūtale / pādanyāsairabhūttasya hemapadmaparaṃparā

Sanskrit only: no published translation is held for this verse.

पृथिवी व्रजतस्तस्य प्रोल्लसत्सलिलाकुला । रणन्ती कांस्यपात्रीव प्रोन्ननाम ननाम च

pṛthivī vrajatastasya prollasatsalilākulā / raṇantī kāṃsyapātrīva pronnanāma nanāma ca

Sanskrit only: no published translation is held for this verse.

तानि तानि निमित्तानि प्रवृत्तानि ददर्श सः । येषामनुत्तरज्ञाननिधानसाधनं फलम्

tāni tāni nimittāni pravṛttāni dadarśa saḥ / yeṣāmanuttarajñānanidhānasādhanaṃ phalam

Sanskrit only: no published translation is held for this verse.

निरञ्जनाय भुवने नागो ऽन्धः कालिकाभिधः । बुद्धोत्पादितदृरभूमेः शब्दमाकर्ण्य निर्ययौ

nirañjanāya bhuvane nāgo 'ndhaḥ kālikābhidhaḥ / buddhotpāditadṛrabhūmeḥ śabdamākarṇya niryayau

Sanskrit only: no published translation is held for this verse.

सर्वलक्षणसंपन्नं दीप्तजाम्बूनदद्युतिम् । स बोधिसत्त्वमालोक्य प्रोवाच रचिताज़्न्जलिः

sarvalakṣaṇasaṃpannaṃ dīptajāmbūnadadyutim / sa bodhisattvamālokya provāca racitāznjaliḥ

Sanskrit only: no published translation is held for this verse.

नलिननयन कान्तस्त्वं वने यौवने ऽस्मिन् विहरसि विरहार्तिं संपदामर्पयित्वा । अशमशमविशेषोन्मेषसंतोषहेतुर् भवसि भवसमुद्रे देहिनां सत्यसेतुः

nalinanayana kāntastvaṃ vane yauvane 'smin viharasi virahārtiṃ saṃpadāmarpayitvā / aśamaśamaviśeṣonmeṣasaṃtoṣahetur bhavasi bhavasamudre dehināṃ satyasetuḥ

Sanskrit only: no published translation is held for this verse.

अथामुञ्चन्त्येते भयतरलतामत्र हरिणाः यथा लीलाचक्रं विहरति समीपे खगगणः । ससत्त्वासत्त्वाना किमपि हृदयाश्वाससदनं तथा मन्ये बौद्धं वपुरिदमनायाससुखदम्

athāmuñcantyete bhayataralatāmatra hariṇāḥ yathā līlācakraṃ viharati samīpe khagagaṇaḥ / sasattvāsattvānā kimapi hṛdayāśvāsasadanaṃ tathā manye bauddhaṃ vapuridamanāyāsasukhadam

Sanskrit only: no published translation is held for this verse.

करिकलभकह् पद्मप्रीत्या करोति हरेः करं सुखयति शिखी स्निग्धालापं कलापशिखानिलै । भवति हरिणी लोलापाङ्गा पुरः प्रणयोन्मुखी प्रशमसमयस्येयं पुण्यप्रसादमयी स्थितिः

karikalabhakah padmaprītyā karoti hareḥ karaṃ sukhayati śikhī snigdhālāpaṃ kalāpaśikhānilai / bhavati hariṇī lolāpāṅgā puraḥ praṇayonmukhī praśamasamayasyeyaṃ puṇyaprasādamayī sthitiḥ

Sanskrit only: no published translation is held for this verse.

अद्यैव बुद्धत्वमवाप्य शुद्धं त्वं बोधिमेष्यत्य(?)खिलां त्रिलोकीम् । सद्यःप्रसादप्रमदावदातां कुमुद्वती पूर्ण इवामृतांशुः

adyaiva buddhatvamavāpya śuddhaṃ tvaṃ bodhimeṣyatya(?)khilāṃ trilokīm / sadyaḥprasādapramadāvadātāṃ kumudvatī pūrṇa ivāmṛtāṃśuḥ

Sanskrit only: no published translation is held for this verse.

अन्योन्यं दिननाथदीप्तमहसः सद्यस्तवालोकनाल् लोकानां कनलप्रबोधकलया दिव्यप्रकाशस्पृशाम् । निर्याती हॄदयान्निबद्धमधुपश्रेणिव संबन्धन- त्रस्तान्तर्न पुनः करिष्यति पदं मोहान्दकारावलिः

anyonyaṃ dinanāthadīptamahasaḥ sadyastavālokanāl lokānāṃ kanalaprabodhakalayā divyaprakāśaspṛśām / niryātī hṝdayānnibaddhamadhupaśreṇiva saṃbandhana- trastāntarna punaḥ kariṣyati padaṃ mohāndakārāvaliḥ

Sanskrit only: no published translation is held for this verse.

इति ब्रुवाणां विनयान्नागराजः प्रसन्नधीः । बोधिसत्त्वं समाभास्य समुत्तीर्य नदीं ययौ

iti bruvāṇāṃ vinayānnāgarājaḥ prasannadhīḥ / bodhisattvaṃ samābhāsya samuttīrya nadīṃ yayau

Sanskrit only: no published translation is held for this verse.

वज्रासनपदं प्राप्य बोधिमूलमनाकुलम् । दक्षिणाग्रैः कुशैश्चक्रे शक्तदत्तैः स संस्तरम्

vajrāsanapadaṃ prāpya bodhimūlamanākulam / dakṣiṇāgraiḥ kuśaiścakre śaktadattaiḥ sa saṃstaram

Sanskrit only: no published translation is held for this verse.

तत्रोपविश्य पर्यङ्कबद्धो निश्चलनिश्चयः । मन्थावसानविश्रान्तः स दुग्धाब्धिरिवाबभौ

tatropaviśya paryaṅkabaddho niścalaniścayaḥ / manthāvasānaviśrāntaḥ sa dugdhābdhirivābabhau

Sanskrit only: no published translation is held for this verse.

असाधारः क्षमाधारः स धीरसरलाकृतिः । रुरुचे काञ्चनरुचिः परो मेरुरिवाचलः

asādhāraḥ kṣamādhāraḥ sa dhīrasaralākṛtiḥ / ruruce kāñcanaruciḥ paro merurivācalaḥ

Sanskrit only: no published translation is held for this verse.

असावक्षयपर्यन्तः पर्यङ्को ऽयं मम स्थिरः । बबन्धेति स संकल्पं कृत्वा प्रतिमुखीं स्मृतिम्

asāvakṣayaparyantaḥ paryaṅko 'yaṃ mama sthiraḥ / babandheti sa saṃkalpaṃ kṛtvā pratimukhīṃ smṛtim

Sanskrit only: no published translation is held for this verse.

अत्राण्तरे समभ्येत्य मारः संयममत्सरः । लेखहारस्तत्र तूर्णं बोधिसत्त्वमभाषतः

atrāṇtare samabhyetya māraḥ saṃyamamatsaraḥ / lekhahārastatra tūrṇaṃ bodhisattvamabhāṣataḥ

Sanskrit only: no published translation is held for this verse.

अकामकामता केयं लोके बन्धनदा मता । अकालकलिकाकारा मतिस्ते कास्य कामना

akāmakāmatā keyaṃ loke bandhanadā matā / akālakalikākārā matiste kāsya kāmanā

Sanskrit only: no published translation is held for this verse.

गृहीतं हतशङ्केन देवदत्तेन ते पुरम् । निरुद्धन्तःपुरश्रेणीर्बद्धः शुद्धोदनो नृपः

gṛhītaṃ hataśaṅkena devadattena te puram / niruddhantaḥpuraśreṇīrbaddhaḥ śuddhodano nṛpaḥ

Sanskrit only: no published translation is held for this verse.

इति श्रुत्वैव वचनं शोकामर्षविषोज्झितः । अशिक्षितविकारेण चेतसा स व्यचिन्तयत्

iti śrutvaiva vacanaṃ śokāmarṣaviṣojjhitaḥ / aśikṣitavikāreṇa cetasā sa vyacintayat

Sanskrit only: no published translation is held for this verse.

अहो बतान्तरायं मे मारः कर्तुं समुद्यतः । नर्तयत्येष दुर्वृत्तः शिस्वण्डिक्रीडयाजगत्

aho batāntarāyaṃ me māraḥ kartuṃ samudyataḥ / nartayatyeṣa durvṛttaḥ śisvaṇḍikrīḍayājagat

Sanskrit only: no published translation is held for this verse.

मार मार विरामस्ते दौर्जन्यस्य न जायते । एकेन हिंसायज्ञेन प्राप्तेयं कम्रता त्वया

māra māra virāmaste daurjanyasya na jāyate / ekena hiṃsāyajñena prāpteyaṃ kamratā tvayā

Sanskrit only: no published translation is held for this verse.

यज्ञदाणतपःश्लाघां नात्मनः कर्तुमुत्सहे । स्वगुणोदीरणम्लानं पुण्यपुष्पं हि शीर्यति

yajñadāṇatapaḥślāghāṃ nātmanaḥ kartumutsahe / svaguṇodīraṇamlānaṃ puṇyapuṣpaṃ hi śīryati

Sanskrit only: no published translation is held for this verse.

इति निर्भत्सितस्तेन चित्तस्तेनः शरीरिणाम् । सामर्षः प्रययौ मारः समारम्भाद् हतोद्यमः

iti nirbhatsitastena cittastenaḥ śarīriṇām / sāmarṣaḥ prayayau māraḥ samārambhād hatodyamaḥ

Sanskrit only: no published translation is held for this verse.

अथादृश्यन्त ललिता लालित्याञ्चितलोचनाः । भ्रमद्भृङ्गरङ्गिण्यः कान्ताश्चूतलता इव

athādṛśyanta lalitā lālityāñcitalocanāḥ / bhramadbhṛṅgaraṅgiṇyaḥ kāntāścūtalatā iva

Sanskrit only: no published translation is held for this verse.

चारुतच्चरितातृप्तास्तिस्रस्ताः कामकन्यकाः । सरागं पादनलिनीन्यासैश्चक्रुस्तपोवनम्

cārutaccaritātṛptāstisrastāḥ kāmakanyakāḥ / sarāgaṃ pādanalinīnyāsaiścakrustapovanam

Sanskrit only: no published translation is held for this verse.

विलोचनेन हरिणी करिणी गतिविभ्रमैः । तत्र ताभिर्मुखाम्भोजैर्नलिनी मलिनीकृता

vilocanena hariṇī kariṇī gativibhramaiḥ / tatra tābhirmukhāmbhojairnalinī malinīkṛtā

Sanskrit only: no published translation is held for this verse.

यौवनाभरणैरङ्गौरनुरागाविलेपनैः । लावण्यवसनैस्तासां कामो ऽभूदप्यचेतसाम्

yauvanābharaṇairaṅgauranurāgāvilepanaiḥ / lāvaṇyavasanaistāsāṃ kāmo 'bhūdapyacetasām

Sanskrit only: no published translation is held for this verse.

वज्रासनसमाधानध्याननिश्चललोचनम् । तं विलोक्याभवत् तासां विस्मयध्यानधारणा

vajrāsanasamādhānadhyānaniścalalocanam / taṃ vilokyābhavat tāsāṃ vismayadhyānadhāraṇā

Sanskrit only: no published translation is held for this verse.

ता बोधिसत्त्वसंकल्पान् मदरागमयं वयः । परित्यज्यैव सहसा सलज्जा भेजिरे जराम्

tā bodhisattvasaṃkalpān madarāgamayaṃ vayaḥ / parityajyaiva sahasā salajjā bhejire jarām

Sanskrit only: no published translation is held for this verse.

प्रतीपगमनात्तासामथ भग्नमनोरथः । मन्मथः प्रथितारम्भः सैन्यसंब्ःआरमाददे

pratīpagamanāttāsāmatha bhagnamanorathaḥ / manmathaḥ prathitārambhaḥ sainyasaṃbḥāramādade

Sanskrit only: no published translation is held for this verse.

सर्वप्रहरणैर्व्याप्तं नानाप्राणिमुखैर्भयैः । षट्त्रिंशत्कोटीविपुलं बलं तस्य समुद्ययौ

sarvapraharaṇairvyāptaṃ nānāprāṇimukhairbhayaiḥ / ṣaṭtriṃśatkoṭīvipulaṃ balaṃ tasya samudyayau

Sanskrit only: no published translation is held for this verse.

स्वयमाकर्णनिष्कृष्टकोपक्रूरशरासनः । मारः स्फारविकारेण बोधिसत्त्वं समाद्रवत्

svayamākarṇaniṣkṛṣṭakopakrūraśarāsanaḥ / māraḥ sphāravikāreṇa bodhisattvaṃ samādravat

Sanskrit only: no published translation is held for this verse.

शस्त्रवृष्टिस्तदुत्सृष्टा सह पांशुविषाश्मभिः । प्रययौ बोधिसत्त्वस्य मन्दाराम्बुजतुल्यताम्

śastravṛṣṭistadutsṛṣṭā saha pāṃśuviṣāśmabhiḥ / prayayau bodhisattvasya mandārāmbujatulyatām

Sanskrit only: no published translation is held for this verse.

पुनर्मारबलोत्सृष्टा शस्त्रवृष्टिर्घृतक्षमे । चक्रिरे देवतास्तस्य वज्रप्रतिसमाश्रयम्

punarmārabalotsṛṣṭā śastravṛṣṭirghṛtakṣame / cakrire devatāstasya vajrapratisamāśrayam

Sanskrit only: no published translation is held for this verse.

स्मरो ऽपि नष्टसंकल्पः समाधेः श्रोत्रकण्टकम् । घण्टापटुरटत्पत्रं निर्ममे स्फटीकद्रुमम्

smaro 'pi naṣṭasaṃkalpaḥ samādheḥ śrotrakaṇṭakam / ghaṇṭāpaṭuraṭatpatraṃ nirmame sphaṭīkadrumam

Sanskrit only: no published translation is held for this verse.

तं तारमुखरं वृक्षं मारं च सबलायुधम् । चक्रवाटे समुत्क्षिप्य चिक्षिपुर्व्योमदेवताः

taṃ tāramukharaṃ vṛkṣaṃ māraṃ ca sabalāyudham / cakravāṭe samutkṣipya cikṣipurvyomadevatāḥ

Sanskrit only: no published translation is held for this verse.

भगवानथ संप्राप्तप्रसन्नज्ञाननिर्मलः । सर्ववित्सर्वगः सरव्जातिस्मृतिपरो ऽभवत्

bhagavānatha saṃprāptaprasannajñānanirmalaḥ / sarvavitsarvagaḥ saravjātismṛtiparo 'bhavat

Sanskrit only: no published translation is held for this verse.

स तत्रानुत्तरज्ञानसम्यक्संबोधिमापितः । ददर्श सर्वभुताणि गतिं कर्मोर्मिनिर्मिताम्

sa tatrānuttarajñānasamyaksaṃbodhimāpitaḥ / dadarśa sarvabhutāṇi gatiṃ karmorminirmitām

Sanskrit only: no published translation is held for this verse.

अथ शाक्यपुरे मारः प्रवादमसृजद्दिवः । बोधिसत्त्वः प्रयातो ऽस्तं तपःक्लेशवशादिति

atha śākyapure māraḥ pravādamasṛjaddivaḥ / bodhisattvaḥ prayāto 'staṃ tapaḥkleśavaśāditi

Sanskrit only: no published translation is held for this verse.

तत्र शुद्धोदनो राजा पुत्रस्नेहविषातुरः । निपपात तमाकर्ण्य वज्राहत इव क्षितौ

tatra śuddhodano rājā putrasnehaviṣāturaḥ / nipapāta tamākarṇya vajrāhata iva kṣitau

Sanskrit only: no published translation is held for this verse.

अन्तःपुरे सहनृपे प्राणत्यागकृतक्षणे । सुवृत्तपक्षपातिन्यस्तमूचुर्व्योमदेवताः

antaḥpure sahanṛpe prāṇatyāgakṛtakṣaṇe / suvṛttapakṣapātinyastamūcurvyomadevatāḥ

Sanskrit only: no published translation is held for this verse.

पुत्रस्तवामृतं पीत्वा सम्यक्संबुद्धताम् गतः । तेनावलोकितस्यापि नास्ते भृत्युभयं कुतः

putrastavāmṛtaṃ pītvā samyaksaṃbuddhatām gataḥ / tenāvalokitasyāpi nāste bhṛtyubhayaṃ kutaḥ

Sanskrit only: no published translation is held for this verse.

इति सान्तःपुरामात्यः श्रुत्वा नरपतिर्वचः । अभूत्प्रत्यागतप्राणः सुधासिक्त इव क्षणात्

iti sāntaḥpurāmātyaḥ śrutvā narapatirvacaḥ / abhūtpratyāgataprāṇaḥ sudhāsikta iva kṣaṇāt

Sanskrit only: no published translation is held for this verse.

तस्मिन् महोत्सवानन्दे बोधिसत्त्ववधूः सुतम् । कान्तं यशोधआसूत राहुग्रस्ते निशाकरे

tasmin mahotsavānande bodhisattvavadhūḥ sutam / kāntaṃ yaśodhaāsūta rāhugraste niśākare

Sanskrit only: no published translation is held for this verse.

राहुलाख्यः स बालो ऽपि नृपतेर्जन्मशङ्किनः । जनन्या सशिलः शुद्ध्यै निक्षिप्तो ऽम्भसि पुप्लुवे

rāhulākhyaḥ sa bālo 'pi nṛpaterjanmaśaṅkinaḥ / jananyā saśilaḥ śuddhyai nikṣipto 'mbhasi pupluve

Sanskrit only: no published translation is held for this verse.

भगवानपि सप्ताहं स्थितो निश्चलविग्रहः । वज्रपर्यङ्कबन्धेन देवानाम् विस्मयं व्यधात्

bhagavānapi saptāhaṃ sthito niścalavigrahaḥ / vajraparyaṅkabandhena devānām vismayaṃ vyadhāt

Sanskrit only: no published translation is held for this verse.

स ब्रह्मकायिकाख्याभ्याम् देवताभ्यां विरोधितः । अवदत्परमानन्दसुधासंदोहसुन्दरः

sa brahmakāyikākhyābhyām devatābhyāṃ virodhitaḥ / avadatparamānandasudhāsaṃdohasundaraḥ

Sanskrit only: no published translation is held for this verse.

अहो तव मया ज्ञाता पूर्वमेषा सुखस्थितिः । यया सुरासुरैश्वर्यसुखं दुःखगणायते

aho tava mayā jñātā pūrvameṣā sukhasthitiḥ / yayā surāsuraiśvaryasukhaṃ duḥkhagaṇāyate

Sanskrit only: no published translation is held for this verse.

लावण्याम्भःप्लाविताङ्गास्तरुण्यः पीयूषार्द्रः स्वर्गसंभोगवर्गः । अस्याशेषत्यागहेलासुखस्य स्पर्धाबन्धे पांशुनिःसार एव

lāvaṇyāmbhaḥplāvitāṅgāstaruṇyaḥ pīyūṣārdraḥ svargasaṃbhogavargaḥ / asyāśeṣatyāgahelāsukhasya spardhābandhe pāṃśuniḥsāra eva

Sanskrit only: no published translation is held for this verse.

संतप्तो ऽहं विषयविषमक्लेशसंसारपान्थः क्लान्तः शान्त्याश्रितिमुपगतश्चन्दनच्छाययेव । संजातेयं सकलकरणव्यापिनी निर्वृतिमे विश्रान्तानाम् शमहिमवने किं सुखस्योपमानम्

saṃtapto 'haṃ viṣayaviṣamakleśasaṃsārapānthaḥ klāntaḥ śāntyāśritimupagataścandanacchāyayeva / saṃjāteyaṃ sakalakaraṇavyāpinī nirvṛtime viśrāntānām śamahimavane kiṃ sukhasyopamānam

Sanskrit only: no published translation is held for this verse.

अस्मिन्नवसरे पुण्यपरिपाकेण तद्वनम् । वणिजौ पृथुसार्थेन प्राप्तौ त्रपुसभल्लिकौ

asminnavasare puṇyaparipākeṇa tadvanam / vaṇijau pṛthusārthena prāptau trapusabhallikau

Sanskrit only: no published translation is held for this verse.

देवताप्रेतितौ भक्त्या भगवन्तमुपेत्य तौ । प्रणतौ पिण्डपातो ऽयं गृह्यतामित्यभाषताम्

devatāpretitau bhaktyā bhagavantamupetya tau / praṇatau piṇḍapāto 'yaṃ gṛhyatāmityabhāṣatām

Sanskrit only: no published translation is held for this verse.

दयाविधेयः सर्वज्ञस्तदाकर्ण्य व्यचिन्तयत् । पूर्वैः पात्रे गृहीतो ऽयं न पाणी पात्रवर्जिते

dayāvidheyaḥ sarvajñastadākarṇya vyacintayat / pūrvaiḥ pātre gṛhīto 'yaṃ na pāṇī pātravarjite

Sanskrit only: no published translation is held for this verse.

इति चिन्तयतस्तस्य महाराजाभिधाः सुराः । दत्वा स्फटिकपात्राणि चत्वारि त्रिदिवं ययुः

iti cintayatastasya mahārājābhidhāḥ surāḥ / datvā sphaṭikapātrāṇi catvāri tridivaṃ yayuḥ

Sanskrit only: no published translation is held for this verse.

कृत्वाथ भगवान् पात्रे पिण्डपातप्रतिग्रहम् । अनुग्रहं तयोश्चक्रे शरण्यत्रयशासनात्

kṛtvātha bhagavān pātre piṇḍapātapratigraham / anugrahaṃ tayoścakre śaraṇyatrayaśāsanāt

Sanskrit only: no published translation is held for this verse.

विततसुकृतसाक्षी पुण्यनिक्षेपदक्षः क्षयितविपदशेषः प्रार्थनाकल्पवृक्षः । भवति कुशलमूलैः कस्यचिद्भाग्यभाजः शुभपरिणतिदीक्षादक्षिणः साधुसङ्गः

vitatasukṛtasākṣī puṇyanikṣepadakṣaḥ kṣayitavipadaśeṣaḥ prārthanākalpavṛkṣaḥ / bhavati kuśalamūlaiḥ kasyacidbhāgyabhājaḥ śubhapariṇatidīkṣādakṣiṇaḥ sādhusaṅgaḥ

Sanskrit only: no published translation is held for this verse.