Ksemendra: Avadanakalpalata 26

वंशः स को ऽपि विपुलः कुशलानुबन्धी यश्चारुवृत्तमुचितं गुणसंग्रहस्य । रत्नं विशुद्धरुचिसूचितसत्प्रकाशं मुक्तामयं जगदलंकरणं प्रसूते

vaṃśaḥ sa ko 'pi vipulaḥ kuśalānubandhī yaścāruvṛttamucitaṃ guṇasaṃgrahasya / ratnaṃ viśuddharucisūcitasatprakāśaṃ muktāmayaṃ jagadalaṃkaraṇaṃ prasūte

Sanskrit only: no published translation is held for this verse.

न्यग्रोधारामनिरतं पुरा कपुलवास्तुनि । शाक्याः स्ववंशं पप्रच्छुर्भगवन्तं तथागतम्

nyagrodhārāmanirataṃ purā kapulavāstuni / śākyāḥ svavaṃśaṃ papracchurbhagavantaṃ tathāgatam

Sanskrit only: no published translation is held for this verse.

तैः पृष्टः स्वकुलोत्पत्तिं स मौद्गल्यायनं पुरः । वक्तुं न्ययुङ्क्त कृत्वास्य विमलज्ञानदर्शनम्

taiḥ pṛṣṭaḥ svakulotpattiṃ sa maudgalyāyanaṃ puraḥ / vaktuṃ nyayuṅkta kṛtvāsya vimalajñānadarśanam

Sanskrit only: no published translation is held for this verse.

स विलोक्य यथातत्त्वमतीतं ज्ञानचक्षुषा । तानवोचत संस्मृत्य श्रूयतां शाक्यसंभवः

sa vilokya yathātattvamatītaṃ jñānacakṣuṣā / tānavocata saṃsmṛtya śrūyatāṃ śākyasaṃbhavaḥ

Sanskrit only: no published translation is held for this verse.

अशेषे ऽस्मिन् जलमये जगत्येकार्णवे पुरा । स्थिते पवनसंस्पर्शात्पयः पय इवाभवत्

aśeṣe 'smin jalamaye jagatyekārṇave purā / sthite pavanasaṃsparśātpayaḥ paya ivābhavat

Sanskrit only: no published translation is held for this verse.

जले तस्मिन् घनतया याते कठिनताम् शनैः । अभूद्वर्णरसस्पर्शशब्दगन्धमयी मही

jale tasmin ghanatayā yāte kaṭhinatām śanaiḥ / abhūdvarṇarasasparśaśabdagandhamayī mahī

Sanskrit only: no published translation is held for this verse.

तस्यामाभास्वरा देवाश्च्युताः कर्मपरिक्षयात् । तत्तुल्यवर्णसंभूताः सत्त्वाः सत्त्वबलाधिकाः

tasyāmābhāsvarā devāścyutāḥ karmaparikṣayāt / tattulyavarṇasaṃbhūtāḥ sattvāḥ sattvabalādhikāḥ

Sanskrit only: no published translation is held for this verse.

अङ्गुल्या रसमास्वाद्य तत्तृष्णातीव्रमोहिताः । आहारदोषात्संप्रापोउर्गुरुरूक्षविवर्णताम्

aṅgulyā rasamāsvādya tattṛṣṇātīvramohitāḥ / āhāradoṣātsaṃprāpourgururūkṣavivarṇatām

Sanskrit only: no published translation is held for this verse.

अन्नप्रसविनी तेषां क्रमेणाभूद्वसुंधरा । तमोभिश्च विलुप्तानाम् क्षेत्राग

annaprasavinī teṣāṃ krameṇābhūdvasuṃdharā / tamobhiśca viluptānām kṣetrāga

Sanskrit only: no published translation is held for this verse.

ततस्तेषां क्षतत्राणात् क्षत्रियः क्षितिपालने । महासंमतनामाभूज्जनस्य महतो मतः

tatasteṣāṃ kṣatatrāṇāt kṣatriyaḥ kṣitipālane / mahāsaṃmatanāmābhūjjanasya mahato mataḥ

Sanskrit only: no published translation is held for this verse.

तस्यान्वये महत्यासीनृपः श्रीमानुपोषधः । अम्लानकीर्तिकुसुमः पारिजात इवोदधौ

tasyānvaye mahatyāsīnṛpaḥ śrīmānupoṣadhaḥ / amlānakīrtikusumaḥ pārijāta ivodadhau

Sanskrit only: no published translation is held for this verse.

चक्रवर्ती सुतस्तस्य मान्धाताभूदयोनिजः । जगत्येकातपत्रस्य यस्य वंशो महानभूत्

cakravartī sutastasya māndhātābhūdayonijaḥ / jagatyekātapatrasya yasya vaṃśo mahānabhūt

Sanskrit only: no published translation is held for this verse.

वंशे सहस्रवंशस्य कृकिस्तस्याभवन्नृपः । चित्तप्रसादमकरोद् भगवान् यस्य काश्यपः

vaṃśe sahasravaṃśasya kṛkistasyābhavannṛpaḥ / cittaprasādamakarod bhagavān yasya kāśyapaḥ

Sanskrit only: no published translation is held for this verse.

इक्ष्वाकुरन्वये तस्य तस्य चाभूद् विरूढकः । प्रीत्या कनीयसः सूनोर्ज्येष्ठास्तेन विवासिताः

ikṣvākuranvaye tasya tasya cābhūd virūḍhakaḥ / prītyā kanīyasaḥ sūnorjyeṣṭhāstena vivāsitāḥ

Sanskrit only: no published translation is held for this verse.

एकीभूय ततः सर्वे स्वदेशविगतस्पृहाः । कुमाराः कपिलाख्यास्य महर्षेराश्रमं ययुः

ekībhūya tataḥ sarve svadeśavigataspṛhāḥ / kumārāḥ kapilākhyāsya maharṣerāśramaṃ yayuḥ

Sanskrit only: no published translation is held for this verse.

ध्यानकालाण्तरायाणां बाल्यादुच्चैः प्रलापिनाम् । सो ऽन्यत्र निर्ममे तेषां पुरं कपुलवास्त्विति

dhyānakālāṇtarāyāṇāṃ bālyāduccaiḥ pralāpinām / so 'nyatra nirmame teṣāṃ puraṃ kapulavāstviti

Sanskrit only: no published translation is held for this verse.

कालेन पुत्रवात्सल्यादनुतापेन भूपतिः । आनीयन्तां कुमारास्ते सचिवानित्यभाषत

kālena putravātsalyādanutāpena bhūpatiḥ / ānīyantāṃ kumārāste sacivānityabhāṣata

Sanskrit only: no published translation is held for this verse.

तमूर्चुर्मन्त्रिणः सर्वे राजन् प्राप्तपुरोत्तमाः । प्रत्यानेतुमशक्यास्ते जातापत्यपृथुश्रियः

tamūrcurmantriṇaḥ sarve rājan prāptapurottamāḥ / pratyānetumaśakyāste jātāpatyapṛthuśriyaḥ

Sanskrit only: no published translation is held for this verse.

इति तेषां पितुस्तत्र शक्याशक्यविचिन्तने । बभूवुः शाक्यसंज्ञास्ते नॄपुरस्तेषु वंशकृत्

iti teṣāṃ pitustatra śakyāśakyavicintane / babhūvuḥ śākyasaṃjñāste nṝpurasteṣu vaṃśakṛt

Sanskrit only: no published translation is held for this verse.

तद्वंशेषु पञ्चपञ्चसहस्रेषु महीभुजाम् । अतीतेषु क्षितिपतिः श्रीमान् दशरथो ऽबह्वत्

tadvaṃśeṣu pañcapañcasahasreṣu mahībhujām / atīteṣu kṣitipatiḥ śrīmān daśaratho 'bahvat

Sanskrit only: no published translation is held for this verse.

तस्यान्वये सिंहहनुर्बभूव पृथिवीपतिः । न रणे सिंहमिव यं सेहिरे राजकुञ्जराः

tasyānvaye siṃhahanurbabhūva pṛthivīpatiḥ / na raṇe siṃhamiva yaṃ sehire rājakuñjarāḥ

Sanskrit only: no published translation is held for this verse.

ज्येष्ठः शुद्धोदनस्तस्य सुतः शुक्लोदनः परः । द्रोणोदनस्तदनुजः कनीयानमृतोदनः

jyeṣṭhaḥ śuddhodanastasya sutaḥ śuklodanaḥ paraḥ / droṇodanastadanujaḥ kanīyānamṛtodanaḥ

Sanskrit only: no published translation is held for this verse.

कन्याश्चतस्रः शुद्धाख्या शुक्ला द्रोणामृता तथा । शुद्धोदनस्य भगवान् सूनुर्नन्दस्तथापरः

kanyāścatasraḥ śuddhākhyā śuklā droṇāmṛtā tathā / śuddhodanasya bhagavān sūnurnandastathāparaḥ

Sanskrit only: no published translation is held for this verse.

शुक्लोदनस्य तनयौ द्वौ तिष्याख्यो ऽथ भद्रिकः । द्रोणोदनस्य द्वौ पुत्रावनिरुद्धो महांस्तथा

śuklodanasya tanayau dvau tiṣyākhyo 'tha bhadrikaḥ / droṇodanasya dvau putrāvaniruddho mahāṃstathā

Sanskrit only: no published translation is held for this verse.

आनन्ददेवदत्ताख्यावमृतोदनसंबह्वौ । शुद्धासुतः सुप्रशुद्धः शुक्लासूनुश्व मालिकः

ānandadevadattākhyāvamṛtodanasaṃbahvau / śuddhāsutaḥ supraśuddhaḥ śuklāsūnuśva mālikaḥ

Sanskrit only: no published translation is held for this verse.

द्रोणापुत्रश्च भद्राणिर्वैशाल्यख्यो ऽमृतासुतः । राहुलो भगवत्सूनुर्यस्मिन् वंशः प्रतिष्ठितः

droṇāputraśca bhadrāṇirvaiśālyakhyo 'mṛtāsutaḥ / rāhulo bhagavatsūnuryasmin vaṃśaḥ pratiṣṭhitaḥ

Sanskrit only: no published translation is held for this verse.

इत्युज्ज्वलज्ञानमयेन तेन वंशं यथावत्कथितं निशम्य । शाक्या बभूवर्भगवत्प्रभावैः संभावितोत्कर्षविशेषशुद्धाः

ityujjvalajñānamayena tena vaṃśaṃ yathāvatkathitaṃ niśamya / śākyā babhūvarbhagavatprabhāvaiḥ saṃbhāvitotkarṣaviśeṣaśuddhāḥ

Sanskrit only: no published translation is held for this verse.