Library·Ksemendra: Avadanakalpalata·27
स को ऽपि सत्त्वस्य विवेकबन्धोः पुण्योपसन्नस्य महान् प्रभावः । नापैति यः कायशतेषु पुंसः कस्तूरिकामोद इवांशुकस्य
sa ko 'pi sattvasya vivekabandhoḥ puṇyopasannasya mahān prabhāvaḥ / nāpaiti yaḥ kāyaśateṣu puṃsaḥ kastūrikāmoda ivāṃśukasya
Sanskrit only: no published translation is held for this verse.
जिने सर्वजगज्जन्तुसंतापकरुणाह्रदे । पुरे राजगृहे वेणुवनान्तरविहारिणि
jine sarvajagajjantusaṃtāpakaruṇāhrade / pure rājagṛhe veṇuvanāntaravihāriṇi
Sanskrit only: no published translation is held for this verse.
श्रीमानभूद्भूमिपतिश्चम्पायां पोतलाभिधः । जहार धनदर्पान्ध्यं धनेन धनदस्य यः
śrīmānabhūdbhūmipatiścampāyāṃ potalābhidhaḥ / jahāra dhanadarpāndhyaṃ dhanena dhanadasya yaḥ
Sanskrit only: no published translation is held for this verse.
अजायत सुतस्तस्य मनोरथशतान्वितः । धनानामीप्सितावाप्त्य सुखसख्यो विभूतयः
ajāyata sutastasya manorathaśatānvitaḥ / dhanānāmīpsitāvāptya sukhasakhyo vibhūtayaḥ
Sanskrit only: no published translation is held for this verse.
श्रवणर्क्षेण जातस्य स सूनोस्तस्य जन्मनि । प्रीत्या ददौ दरिद्रस्य कोटीनां विंशतिं तदा
śravaṇarkṣeṇa jātasya sa sūnostasya janmani / prītyā dadau daridrasya koṭīnāṃ viṃśatiṃ tadā
Sanskrit only: no published translation is held for this verse.
स श्रोणकोटिविंशाख्यः शिशुः ख्यातस्तदाभवत् । विभवः सुकृतेनैव येन वंशो विभूषितः
sa śroṇakoṭiviṃśākhyaḥ śiśuḥ khyātastadābhavat / vibhavaḥ sukṛtenaiva yena vaṃśo vibhūṣitaḥ
Sanskrit only: no published translation is held for this verse.
प्राप्तविद्यः स सर्वार्थैः सह वृद्धिमुपागतः । चकार सुखविश्रान्तिं व्यवहारधरः पितुः
prāptavidyaḥ sa sarvārthaiḥ saha vṛddhimupāgataḥ / cakāra sukhaviśrāntiṃ vyavahāradharaḥ pituḥ
Sanskrit only: no published translation is held for this verse.
स कदाचित्प्रभापुञ्जमिअव् सूर्यस्य मण्डलात् । अवतीर्णं पुरप्रातं मौद्गल्यायनमब्रवीत्
sa kadācitprabhāpuñjamiav sūryasya maṇḍalāt / avatīrṇaṃ puraprātaṃ maudgalyāyanamabravīt
Sanskrit only: no published translation is held for this verse.
को भवानर्कसंकाशः प्रकाशितदिगन्तरः । त्रिदशेशः शशाङ्को वा देवो वा द्रविणेश्वरः
ko bhavānarkasaṃkāśaḥ prakāśitadigantaraḥ / tridaśeśaḥ śaśāṅko vā devo vā draviṇeśvaraḥ
Sanskrit only: no published translation is held for this verse.
स तं बभाषे न सुरः शिष्यो भगवतस्त्वहम् । बुद्धस्य विबुधाधीशवन्द्यमानगुणश्रियः
sa taṃ babhāṣe na suraḥ śiṣyo bhagavatastvaham / buddhasya vibudhādhīśavandyamānaguṇaśriyaḥ
Sanskrit only: no published translation is held for this verse.
स्वच्छं तस्य प्रयच्छन्तं पिण्डपातं महामुनेः । सत्त्वशुद्धोदयावाप्तं भोग्यं भगवतः प्रियम्
svacchaṃ tasya prayacchantaṃ piṇḍapātaṃ mahāmuneḥ / sattvaśuddhodayāvāptaṃ bhogyaṃ bhagavataḥ priyam
Sanskrit only: no published translation is held for this verse.
इति श्रोणस्य भगवन्नाम्ना श्रवणगामिना । रविभक्रस्य जात्यापि रोमाञ्चः समजायतः
iti śroṇasya bhagavannāmnā śravaṇagāminā / ravibhakrasya jātyāpi romāñcaḥ samajāyataḥ
Sanskrit only: no published translation is held for this verse.
प्राग्जन्मवासनायुक्तः स्वभावो यस्य यः स्थितः । स तस्योदीरणेनापि स्फुट एव विभाव्यते
prāgjanmavāsanāyuktaḥ svabhāvo yasya yaḥ sthitaḥ / sa tasyodīraṇenāpi sphuṭa eva vibhāvyate
Sanskrit only: no published translation is held for this verse.
स तस्मै विंशतिस्थालीभागं नाकजनोचितम् । प्रहिणोद्भक्तिसंसक्तश्रद्धायुक्तेन चेतसा
sa tasmai viṃśatisthālībhāgaṃ nākajanocitam / prahiṇodbhaktisaṃsaktaśraddhāyuktena cetasā
Sanskrit only: no published translation is held for this verse.
ततस्तं प्रेषितं तेन भगवान् भक्तिसंसदा । अनुग्रहाग्रहव्यग्रः समग्रं स्वयमग्रहीत्
tatastaṃ preṣitaṃ tena bhagavān bhaktisaṃsadā / anugrahāgrahavyagraḥ samagraṃ svayamagrahīt
Sanskrit only: no published translation is held for this verse.
अस्मिन्नवसरे भक्त्या स्थालीभागं नृपोचितम् । समादाय स्वयं राजा बिम्बिसारः समाययौ
asminnavasare bhaktyā sthālībhāgaṃ nṛpocitam / samādāya svayaṃ rājā bimbisāraḥ samāyayau
Sanskrit only: no published translation is held for this verse.
श्रोणप्रहीतभोगानामामोदं तत्र पार्थिवः । आघ्राय शक्रप्रहितं सर्वं दिव्यममन्यत
śroṇaprahītabhogānāmāmodaṃ tatra pārthivaḥ / āghrāya śakraprahitaṃ sarvaṃ divyamamanyata
Sanskrit only: no published translation is held for this verse.
पात्रशेषं भगवता दत्तमास्वाद्य भूपतिः । श्रोणेन प्रेषितं श्रुत्वा तदनु विस्मयं ययौ
pātraśeṣaṃ bhagavatā dattamāsvādya bhūpatiḥ / śroṇena preṣitaṃ śrutvā tadanu vismayaṃ yayau
Sanskrit only: no published translation is held for this verse.
भगवन्तं प्रणम्याथ राजधानीं नरेश्वरः । प्रविश्याचिन्तयत्स्फीतां दिव्यां श्रोणस्य संपदम्
bhagavantaṃ praṇamyātha rājadhānīṃ nareśvaraḥ / praviśyācintayatsphītāṃ divyāṃ śroṇasya saṃpadam
Sanskrit only: no published translation is held for this verse.
गच्छामि तं स्वयं गत्वा द्रष्टव्यो ऽसौ अम्हायशाः । इति निश्चित्य सचिवैः स यात्रारम्भमादिशत्
gacchāmi taṃ svayaṃ gatvā draṣṭavyo 'sau amhāyaśāḥ / iti niścitya sacivaiḥ sa yātrārambhamādiśat
Sanskrit only: no published translation is held for this verse.
पोतलः क्षितिपं ज्ञात्वा स्वयमागमनोद्यतम् । नीतिज्ञं पुत्रमेकाण्ते श्रोणकोटिमभाषत
potalaḥ kṣitipaṃ jñātvā svayamāgamanodyatam / nītijñaṃ putramekāṇte śroṇakoṭimabhāṣata
Sanskrit only: no published translation is held for this verse.
पुत्र त्वाम् द्रष्टुमायाति वर्णाश्रमगुरुर्नृपः । इत्येष भृशमुत्कर्षः सदोषः प्रतिभाति मे
putra tvām draṣṭumāyāti varṇāśramagururnṛpaḥ / ityeṣa bhṛśamutkarṣaḥ sadoṣaḥ pratibhāti me
Sanskrit only: no published translation is held for this verse.
क्षितीशा लक्षतां यातंपक्षपातोद्यता इव । अविलम्बितमाघ्नन्ति शरा इव गुणच्युताः
kṣitīśā lakṣatāṃ yātaṃpakṣapātodyatā iva / avilambitamāghnanti śarā iva guṇacyutāḥ
Sanskrit only: no published translation is held for this verse.
भृत्यानामपि विद्वेष्यो भवत्यतिशयोन्नतिः । अभिमानैकसाराणां किं पुनः पृथिवीभूजाम्
bhṛtyānāmapi vidveṣyo bhavatyatiśayonnatiḥ / abhimānaikasārāṇāṃ kiṃ punaḥ pṛthivībhūjām
Sanskrit only: no published translation is held for this verse.
रूपे वयसि सौभाग्ये प्रभावे विभवे श्रुते । स्वसुतस्यापि संघर्षान्नोत्कर्षं सहते जनः
rūpe vayasi saubhāgye prabhāve vibhave śrute / svasutasyāpi saṃgharṣānnotkarṣaṃ sahate janaḥ
Sanskrit only: no published translation is held for this verse.
जने द्वेषमये पुत्र गुणमाच्छाद्य जीव्यते । आच्छादितगुणः पद्मः प्रियस्तीक्ष्णरुचेरपि
jane dveṣamaye putra guṇamācchādya jīvyate / ācchāditaguṇaḥ padmaḥ priyastīkṣṇarucerapi
Sanskrit only: no published translation is held for this verse.
उद्धतः कस्य न द्वेष्यः प्रणतः कस्य न प्रियः । द्रुमं पातयति स्तब्धं नम्त्रं रक्षति मारुतः
uddhataḥ kasya na dveṣyaḥ praṇataḥ kasya na priyaḥ / drumaṃ pātayati stabdhaṃ namtraṃ rakṣati mārutaḥ
Sanskrit only: no published translation is held for this verse.
स चाभिगम्यो भूपालस्त्वां यदि स्वयमेष्यति । तदेषं दर्पमोहस्ते श्रेयसे न बह्विष्यति
sa cābhigamyo bhūpālastvāṃ yadi svayameṣyati / tadeṣaṃ darpamohaste śreyase na bahviṣyati
Sanskrit only: no published translation is held for this verse.
तस्मादितः स्वयं गत्वा प्रणम्यं प्रणम प्रभुम् । नक्षत्रराशिसदृशं दत्वा हारमुपायनम्
tasmāditaḥ svayaṃ gatvā praṇamyaṃ praṇama prabhum / nakṣatrarāśisadṛśaṃ datvā hāramupāyanam
Sanskrit only: no published translation is held for this verse.
पितुः श्रुत्वेति वचनं श्रोणकोटिर्हहीपतिम् । प्रययौ नावमारुह्य द्रष्टुं रत्नविभूषितः
pituḥ śrutveti vacanaṃ śroṇakoṭirhahīpatim / prayayau nāvamāruhya draṣṭuṃ ratnavibhūṣitaḥ
Sanskrit only: no published translation is held for this verse.
स राजधानीमासाद्य प्राप्य दृष्ट्वा च भूपतिम् । ददौ हारं पर्णम्यास्मै हर्षहासमिव श्रियः
sa rājadhānīmāsādya prāpya dṛṣṭvā ca bhūpatim / dadau hāraṃ parṇamyāsmai harṣahāsamiva śriyaḥ
Sanskrit only: no published translation is held for this verse.
तं दृष्ट्वा स्वयमायातं नृपतिः स्निग्धया दृशा । हेमरोमाङ्कचरणं विस्मयादित्यभाषत
taṃ dṛṣṭvā svayamāyātaṃ nṛpatiḥ snigdhayā dṛśā / hemaromāṅkacaraṇaṃ vismayādityabhāṣata
Sanskrit only: no published translation is held for this verse.
अहो पुण्यमहेशाख्यः को ऽपि त्वं सत्त्वबाम्धवः । यस्य संदर्शनेनैव मनोवृत्तिः प्रसीदति
aho puṇyamaheśākhyaḥ ko 'pi tvaṃ sattvabāmdhavaḥ / yasya saṃdarśanenaiva manovṛttiḥ prasīdati
Sanskrit only: no published translation is held for this verse.
गुणेभ्यः परमैश्वर्यमैश्वर्यात्सुखमुत्तमम् । सुखेभ्यः परमारोग्यमारोग्यात्साधुसंगमः
guṇebhyaḥ paramaiśvaryamaiśvaryātsukhamuttamam / sukhebhyaḥ paramārogyamārogyātsādhusaṃgamaḥ
Sanskrit only: no published translation is held for this verse.
अपि दृष्टस्त्वया साधो भगवान् वेणुकानने । तत्पादपद्मयुगलं द्रष्टुमर्हसि मे मतः
api dṛṣṭastvayā sādho bhagavān veṇukānane / tatpādapadmayugalaṃ draṣṭumarhasi me mataḥ
Sanskrit only: no published translation is held for this verse.
इत्युक्ते क्षितिनाथेन सौजन्यात्पक्षपातिना । तं श्रोणकोटीविंशो ऽपि प्रणयात्प्रत्यभाषत
ityukte kṣitināthena saujanyātpakṣapātinā / taṃ śroṇakoṭīviṃśo 'pi praṇayātpratyabhāṣata
Sanskrit only: no published translation is held for this verse.
अस्मादतुल्यकल्याणात्प्रसादाद्देवदेव ते । अधुना योग्यतायाता भगवद्दर्शने मम
asmādatulyakalyāṇātprasādāddevadeva te / adhunā yogyatāyātā bhagavaddarśane mama
Sanskrit only: no published translation is held for this verse.
इत्युक्ते तेन सहितः प्रतस्थौ स्थितिकोविदः । भक्त्या तथागतं द्रष्टुं पद्भ्यामेव महीपतिः
ityukte tena sahitaḥ pratasthau sthitikovidaḥ / bhaktyā tathāgataṃ draṣṭuṃ padbhyāmeva mahīpatiḥ
Sanskrit only: no published translation is held for this verse.
अस्पृष्टपादस्य भुवा श्रुणस्याजन्मवासरात् । महार्हवस्त्रैः प्रस्थाने भृत्यैराच्छादिता मही
aspṛṣṭapādasya bhuvā śruṇasyājanmavāsarāt / mahārhavastraiḥ prasthāne bhṛtyairācchāditā mahī
Sanskrit only: no published translation is held for this verse.
भगवद्भक्तिविनयाद्गौरवाच्च स भूपतेः । वस्त्राण्यवारयद्भृत्यैरवाच्च इव क्षितौ
bhagavadbhaktivinayādgauravācca sa bhūpateḥ / vastrāṇyavārayadbhṛtyairavācca iva kṣitau
Sanskrit only: no published translation is held for this verse.
वारितेष्वथ वस्त्रेषु दिव्यवस्त्रैर्वृता मही । अप्रयत्नोपकरणाः संपदः पुण्यशालिनाम्
vāriteṣvatha vastreṣu divyavastrairvṛtā mahī / aprayatnopakaraṇāḥ saṃpadaḥ puṇyaśālinām
Sanskrit only: no published translation is held for this verse.
निवार्य दिन्यवस्त्राणि भूमौ तेनार्पिते पदे । विचचालाचला पृथ्वी सशैलवनसागरा
nivārya dinyavastrāṇi bhūmau tenārpite pade / vicacālācalā pṛthvī saśailavanasāgarā
Sanskrit only: no published translation is held for this verse.
ततः स भूमिपतिना सह प्राप्य जिनाश्रमम् । भगवन्तं विलोक्यास्य विदधे पादवन्दनम्
tataḥ sa bhūmipatinā saha prāpya jināśramam / bhagavantaṃ vilokyāsya vidadhe pādavandanam
Sanskrit only: no published translation is held for this verse.
उपविष्टस्य तस्याग्रे हृष्टस्यालोकनामृतैः । चक्रे शमविवेकस्य भगवानभिषेचनम्
upaviṣṭasya tasyāgre hṛṣṭasyālokanāmṛtaiḥ / cakre śamavivekasya bhagavānabhiṣecanam
Sanskrit only: no published translation is held for this verse.
आशयानुशयं धातुं प्रकृतिं च विचार्य सः । सत्यसंदर्शनायास्य विदशे धर्मदेशनाम्
āśayānuśayaṃ dhātuṃ prakṛtiṃ ca vicārya saḥ / satyasaṃdarśanāyāsya vidaśe dharmadeśanām
Sanskrit only: no published translation is held for this verse.
सत्कायदृष्टिशैलो ऽस्य तया विंशतिशृङ्गवान् । ज्ञानवज्रेण निर्भिन्नः स्रोतःप्राप्तिपदस्पृशः
satkāyadṛṣṭiśailo 'sya tayā viṃśatiśṛṅgavān / jñānavajreṇa nirbhinnaḥ srotaḥprāptipadaspṛśaḥ
Sanskrit only: no published translation is held for this verse.
प्रव्रज्यायां ततस्तस्य जातायां सहसा स्वयम् । भगवन्तं प्रणम्याथ विस्मितः प्रययौ नृपः
pravrajyāyāṃ tatastasya jātāyāṃ sahasā svayam / bhagavantaṃ praṇamyātha vismitaḥ prayayau nṛpaḥ
Sanskrit only: no published translation is held for this verse.
तीव्रव्रते ऽपि श्रोणस्य कदाचित्समजायत । वासनाशेषसंस्काराद्बन्धभोगसुखस्मृतिः
tīvravrate 'pi śroṇasya kadācitsamajāyata / vāsanāśeṣasaṃskārādbandhabhogasukhasmṛtiḥ
Sanskrit only: no published translation is held for this verse.
स तमाहूय भगवान् विलक्षं प्राह सस्मितः । को ऽयं परिवितर्कस्ते प्रतिसंलीनचेतसः
sa tamāhūya bhagavān vilakṣaṃ prāha sasmitaḥ / ko 'yaṃ parivitarkaste pratisaṃlīnacetasaḥ
Sanskrit only: no published translation is held for this verse.
विश्लिष्टात्यन्तकृष्टा वा तन्त्री बह्वति विस्वरा । समा माधुर्यमायाति तस्मात्साम्यं समाश्रयेत्
viśliṣṭātyantakṛṣṭā vā tantrī bahvati visvarā / samā mādhuryamāyāti tasmātsāmyaṃ samāśrayet
Sanskrit only: no published translation is held for this verse.
इत्यादेशाद्भगवतः सर्वसाम्यमुपागतः । स प्राप विमलज्ञानं पश्चात्तापविवर्जितः
ityādeśādbhagavataḥ sarvasāmyamupāgataḥ / sa prāpa vimalajñānaṃ paścāttāpavivarjitaḥ
Sanskrit only: no published translation is held for this verse.
तस्य तामद्भुतां सिद्धिं विलोक्य पृथुविस्मयाः । पप्रच्छुर्भिक्षवः सर्वे भगवन्तंस चाभ्यधात्
tasya tāmadbhutāṃ siddhiṃ vilokya pṛthuvismayāḥ / papracchurbhikṣavaḥ sarve bhagavantaṃsa cābhyadhāt
Sanskrit only: no published translation is held for this verse.
श्रोणस्य श्रूयताम् श्रेयःकर्म जन्मान्तरार्हितम् । न ह्यपुण्यानुभावानां भवन्त्यद्भुतसंपदः
śroṇasya śrūyatām śreyaḥkarma janmāntarārhitam / na hyapuṇyānubhāvānāṃ bhavantyadbhutasaṃpadaḥ
Sanskrit only: no published translation is held for this verse.
विपश्वी भगवान् सम्यक्संबुद्धः सुगतः पुरा । पुरीं बन्धुमतीं नाम जनचारिकया ययौ
vipaśvī bhagavān samyaksaṃbuddhaḥ sugataḥ purā / purīṃ bandhumatīṃ nāma janacārikayā yayau
Sanskrit only: no published translation is held for this verse.
तत्र भक्त्या सुकृतिभिर्भक्तायोपनिमन्त्रितः । वारेण प्रत्यहं गेहं ययौ तेषां सहानुगः
tatra bhaktyā sukṛtibhirbhaktāyopanimantritaḥ / vāreṇa pratyahaṃ gehaṃ yayau teṣāṃ sahānugaḥ
Sanskrit only: no published translation is held for this verse.
ततो दरिद्रःसंप्राप्तवारो ब्राह्मणदारकः । इन्द्रसोमाभिधश्चक्रे यत्नात् यद्योग्यभोजनम्
tato daridraḥsaṃprāptavāro brāhmaṇadārakaḥ / indrasomābhidhaścakre yatnāt yadyogyabhojanam
Sanskrit only: no published translation is held for this verse.
स प्रयत्नेन महता भोज्यं भक्तिपवित्रितम् । आछाद्य वस्त्रैर्वसुधां प्रह्वस्तस्मै न्यवेदयत्
sa prayatnena mahatā bhojyaṃ bhaktipavitritam / āchādya vastrairvasudhāṃ prahvastasmai nyavedayat
Sanskrit only: no published translation is held for this verse.
तद्भोगप्रणिधानेन जातः सो ऽयं महाधनः । सौवर्णरोमचरणः श्रोणकोटी सुरोपमः
tadbhogapraṇidhānena jātaḥ so 'yaṃ mahādhanaḥ / sauvarṇaromacaraṇaḥ śroṇakoṭī suropamaḥ
Sanskrit only: no published translation is held for this verse.
न वस्त्ररहिता भूमिः स्पृष्टानेन कदाचन । कम्पस्तच्चरणस्पर्शादत एवाभवद्भुवः
na vastrarahitā bhūmiḥ spṛṣṭānena kadācana / kampastaccaraṇasparśādata evābhavadbhuvaḥ
Sanskrit only: no published translation is held for this verse.
इति सुगतवचः सुधावदातं दशनमयूखमिवोन्मिषत्स्वभावम् । प्रणिहितहृदयः परं निपीय स्थिरकुशलाय बभूव भिक्षुसंघः
iti sugatavacaḥ sudhāvadātaṃ daśanamayūkhamivonmiṣatsvabhāvam / praṇihitahṛdayaḥ paraṃ nipīya sthirakuśalāya babhūva bhikṣusaṃghaḥ
Sanskrit only: no published translation is held for this verse.