Ksemendra: Avadanakalpalata 2

इति चिन्तयति क्षिप्रं सहस्राक्षे क्षितिप्रभोः । नाभेरधःशरीरार्धं निकृत्तमपतत् क्षितौ

iti cintayati kṣipraṃ sahasrākṣe kṣitiprabhoḥ / nābheradhaḥśarīrārdhaṃ nikṛttamapatat kṣitau

Sanskrit only: no published translation is held for this verse.

स द्विधाभूतदेहोअपि हर्षोत्साहमयो ऽभवत् । सर्वभूतपरित्राणसत्त्वेन धृतजीवितः

sa dvidhābhūtadehoapi harṣotsāhamayo 'bhavat / sarvabhūtaparitrāṇasattvena dhṛtajīvitaḥ

Sanskrit only: no published translation is held for this verse.

तदाज्ञया शरीरार्धे श्लेष्टे संपूर्णविग्रहः । स्वस्थक्षतिः समुत्थाय ब्राःमणस्तमभाषत

tadājñayā śarīrārdhe śleṣṭe saṃpūrṇavigrahaḥ / svasthakṣatiḥ samutthāya brāḥmaṇastamabhāṣata

Sanskrit only: no published translation is held for this verse.

अहो विराजसे राजन् पून्जं विरजसस्तव । निर्व्याजदेहदानेन विशेषं तु ब्न्हवद्यशः

aho virājase rājan pūnjaṃ virajasastava / nirvyājadehadānena viśeṣaṃ tu bnhavadyaśaḥ

Sanskrit only: no published translation is held for this verse.

त्वन्मनोमणिवैमल्यतुल्यं किंचिदकुर्वतः । उपमानेन दारिद्य्रमहो मुग्धस्य वेधसः

tvanmanomaṇivaimalyatulyaṃ kiṃcidakurvataḥ / upamānena dāridyramaho mugdhasya vedhasaḥ

Sanskrit only: no published translation is held for this verse.

कृत्तः सुवृत्तः सरलः परार्थे मधुराशयः । सहसे दुःसहां पीडामिक्षुकाण्ड इवोन्नतः

kṛttaḥ suvṛttaḥ saralaḥ parārthe madhurāśayaḥ / sahase duḥsahāṃ pīḍāmikṣukāṇḍa ivonnataḥ

Sanskrit only: no published translation is held for this verse.

इत्युक्त्वा ब्राह्मणाकारः शक्रस्त स्मृतिजन्मभिः । संजीवनैषधिजातैः सुधास्यन्दैरपूरयत्

ityuktvā brāhmaṇākāraḥ śakrasta smṛtijanmabhiḥ / saṃjīvanaiṣadhijātaiḥ sudhāsyandairapūrayat

Sanskrit only: no published translation is held for this verse.

ततः प्रकटिताकारः परितोषात्पुरंदरः । सुश्लिष्टनिजदेहार्धं प्रशशंस महीपतिम्

tataḥ prakaṭitākāraḥ paritoṣātpuraṃdaraḥ / suśliṣṭanijadehārdhaṃ praśaśaṃsa mahīpatim

Sanskrit only: no published translation is held for this verse.

अथाब्मरान्निपतितः सितकुसुमसंचयः । तत्कालोल्लासितक्षोणीहर्षहास इवाबभौ

athābmarānnipatitaḥ sitakusumasaṃcayaḥ / tatkālollāsitakṣoṇīharṣahāsa ivābabhau

Sanskrit only: no published translation is held for this verse.

अत्रान्तरे मुनिस्तस्मौ प्रियां जायां जयप्रभाम् । आदायाभ्येत्य तद्वृत्तं जाताश्चर्यो न्यवेदयत्

atrāntare munistasmau priyāṃ jāyāṃ jayaprabhām / ādāyābhyetya tadvṛttaṃ jātāścaryo nyavedayat

Sanskrit only: no published translation is held for this verse.

पूतया संगतः पत्नया स्वकीर्त्येव विशुद्धया । उवाच पृष्टः शक्रेण निकारे निर्विकारितह्

pūtayā saṃgataḥ patnayā svakīrtyeva viśuddhayā / uvāca pṛṣṭaḥ śakreṇa nikāre nirvikāritah

Sanskrit only: no published translation is held for this verse.

ततः सिंहासने दिव्यए विश्वकर्मविनिर्मिते । रत्नवर्षसमाकीर्णे जम्बुद्वीपे स भूपतिः

tataḥ siṃhāsane divyae viśvakarmavinirmite / ratnavarṣasamākīrṇe jambudvīpe sa bhūpatiḥ

Sanskrit only: no published translation is held for this verse.

अभिषिक्तः सुरेन्द्रेण प्रसाद्य दयितासखः । दानपुण्यप्रभावोत्थकुशलव्यापितप्रजः

abhiṣiktaḥ surendreṇa prasādya dayitāsakhaḥ / dānapuṇyaprabhāvotthakuśalavyāpitaprajaḥ

Sanskrit only: no published translation is held for this verse.

समाप्तसत्त्वसंसारसंतारणकृतव्रतह् । सम्यक्संबोधिसंबुद्धमनाः प्रमुदितो ऽभवत्

samāptasattvasaṃsārasaṃtāraṇakṛtavratah / samyaksaṃbodhisaṃbuddhamanāḥ pramudito 'bhavat

Sanskrit only: no published translation is held for this verse.

मैत्रं चेतस्तरुणकरुणं सत्त्वसिद्धं विशुद्धं आपन्नार्तिप्रशमनफलस्फूईतमात्मप्रदानम् । दृष्ट्वा राज्ञह् प्रमुदसलिलक्षालिताक्षो विलक्षः शक्रः प्रायादमरनगरीं पूरितां तद्यशोभिः

maitraṃ cetastaruṇakaruṇaṃ sattvasiddhaṃ viśuddhaṃ āpannārtipraśamanaphalasphūītamātmapradānam / dṛṣṭvā rājñah pramudasalilakṣālitākṣo vilakṣaḥ śakraḥ prāyādamaranagarīṃ pūritāṃ tadyaśobhiḥ

Sanskrit only: no published translation is held for this verse.

इति स विबुधवृन्दैः सिद्धयक्षोरगेन्द्रैः पुलकरुचिरवर्चैरर्च्यमानप्रभावः । अवनिमवनशक्तः कल्पयन्नाककल्पामबह्वविभवशोभामाप्तवान् बोधिसत्त्वः

iti sa vibudhavṛndaiḥ siddhayakṣoragendraiḥ pulakaruciravarcairarcyamānaprabhāvaḥ / avanimavanaśaktaḥ kalpayannākakalpāmabahvavibhavaśobhāmāptavān bodhisattvaḥ

Sanskrit only: no published translation is held for this verse.

पूर्वावतारसंवादे दानोत्कर्षमुदाहरन् । उपदेशाय भिक्षूणामित्याह भगवान् जिनह्

pūrvāvatārasaṃvāde dānotkarṣamudāharan / upadeśāya bhikṣūṇāmityāha bhagavān jinah

Sanskrit only: no published translation is held for this verse.