Ksemendra: Avadanakalpalata 31

प्रत्यक्षलक्षणपरीक्षित एष लोके संलक्ष्यते सुजनदुर्जनयोर्विशेषः । अर्कः प्रकाशविशदं विदधाति विश्वमन्धीकरोति निखिलं जगदन्धकारः

pratyakṣalakṣaṇaparīkṣita eṣa loke saṃlakṣyate sujanadurjanayorviśeṣaḥ / arkaḥ prakāśaviśadaṃ vidadhāti viśvamandhīkaroti nikhilaṃ jagadandhakāraḥ

Sanskrit only: no published translation is held for this verse.

सर्वज्ञः पूर्ववृत्तान्तमशेषमवलोकयन् । अस्मिन्नेव कथारम्भे भगवान् पुनरब्रवीत्

sarvajñaḥ pūrvavṛttāntamaśeṣamavalokayan / asminneva kathārambhe bhagavān punarabravīt

Sanskrit only: no published translation is held for this verse.

नृपः पातलिपुत्राख्ये पुरे भूमिपुरंदरः । अभूत्पुरंदरो नाम मन्दिरं पुण्यसंपदः

nṛpaḥ pātaliputrākhye pure bhūmipuraṃdaraḥ / abhūtpuraṃdaro nāma mandiraṃ puṇyasaṃpadaḥ

Sanskrit only: no published translation is held for this verse.

कल्याणकारी तस्याभूत् सूनुर्गुणगणोन्नतः । अकल्याणाभिधानश्चद्वितीयो निर्गुणः सुतः

kalyāṇakārī tasyābhūt sūnurguṇagaṇonnataḥ / akalyāṇābhidhānaścadvitīyo nirguṇaḥ sutaḥ

Sanskrit only: no published translation is held for this verse.

कल्याणकारी सर्वार्थिकरुणाकल्पपादपः । छत्रावशेषामकरोद् दाणशीलः श्रियं पितुः

kalyāṇakārī sarvārthikaruṇākalpapādapaḥ / chatrāvaśeṣāmakarod dāṇaśīlaḥ śriyaṃ pituḥ

Sanskrit only: no published translation is held for this verse.

तस्मै मनोरमां नाम पुण्यसेनो महीपतिः । दूतं विसृज्य लेखेन स्वसुताम् व् अचसा ददौ

tasmai manoramāṃ nāma puṇyaseno mahīpatiḥ / dūtaṃ visṛjya lekhena svasutām v acasā dadau

Sanskrit only: no published translation is held for this verse.

प्रत्यासन्नविवाहो ऽथ नृपं राजसुतो ऽभ्यधात् । प्राप्तः परिणयस्तात संप्रत्येष न मे मतः

pratyāsannavivāho 'tha nṛpaṃ rājasuto 'bhyadhāt / prāptaḥ pariṇayastāta saṃpratyeṣa na me mataḥ

Sanskrit only: no published translation is held for this verse.

वात्सल्यपेशलतया मदात्ताः प्रकृतिश्रियः । मया दानव्यसनिना कोषस्ते शुषिरीकृतः

vātsalyapeśalatayā madāttāḥ prakṛtiśriyaḥ / mayā dānavyasaninā koṣaste śuṣirīkṛtaḥ

Sanskrit only: no published translation is held for this verse.

तस्मात्प्रवहणेनाहं समुत्तीर्य महोदधिम् । रत्नद्वीपं व्रहाम्येव दिव्यरत्नार्जनोद्यतः

tasmātpravahaṇenāhaṃ samuttīrya mahodadhim / ratnadvīpaṃ vrahāmyeva divyaratnārjanodyataḥ

Sanskrit only: no published translation is held for this verse.

दिव्यसंपदमासाद्य करिष्ये दारसंग्रहम् । कलत्रमकृतार्थस्य त्रासनं सुखसंपदाम्

divyasaṃpadamāsādya kariṣye dārasaṃgraham / kalatramakṛtārthasya trāsanaṃ sukhasaṃpadām

Sanskrit only: no published translation is held for this verse.

इयुक्त्वा स पितुः प्राप्य शासनं चरणानतः । जगाहे जलधिं लोलकल्लोलालिङ्गिताम्बरम्

iyuktvā sa pituḥ prāpya śāsanaṃ caraṇānataḥ / jagāhe jaladhiṃ lolakallolāliṅgitāmbaram

Sanskrit only: no published translation is held for this verse.

भ्राता तमनुवज्राज सौजन्यव्यञ्जनो ऽनुजः । निर्गुणः सगुणद्वेषद्रोहमन्तर्विचिन्तयन्

bhrātā tamanuvajrāja saujanyavyañjano 'nujaḥ / nirguṇaḥ saguṇadveṣadrohamantarvicintayan

Sanskrit only: no published translation is held for this verse.

ज्येष्ठस्तमब्रवीद्वत्स समुद्रे कर्मविप्लवात् । अहं ग्राह्यस्त्वया स्कन्धे जाते प्रवहणक्षये

jyeṣṭhastamabravīdvatsa samudre karmaviplavāt / ahaṃ grāhyastvayā skandhe jāte pravahaṇakṣaye

Sanskrit only: no published translation is held for this verse.

इति भ्रात्रा कृताश्वासस्तथेत्यूवे स तं शठः । दोषोद्यतः प्रणयितां खलः समवलम्बते

iti bhrātrā kṛtāśvāsastathetyūve sa taṃ śaṭhaḥ / doṣodyataḥ praṇayitāṃ khalaḥ samavalambate

Sanskrit only: no published translation is held for this verse.

ततः प्रवाहणारूढः पवनैरनुकूलताम् । यातैः पुण्यैरिव प्राप्य रत्नद्वीपं नृपात्मजः

tataḥ pravāhaṇārūḍhaḥ pavanairanukūlatām / yātaiḥ puṇyairiva prāpya ratnadvīpaṃ nṛpātmajaḥ

Sanskrit only: no published translation is held for this verse.

दोव्यरत्नानि संप्राप्य प्रत्यावृत्ते ततः शनैः । राजपुत्रे प्रवहणं द्रागभञ्जत् प्रभञ्जनः

dovyaratnāni saṃprāpya pratyāvṛtte tataḥ śanaiḥ / rājaputre pravahaṇaṃ drāgabhañjat prabhañjanaḥ

Sanskrit only: no published translation is held for this verse.

भग्ने प्रवहणे तस्मिन् भ्रातरं पूर्वसंविदा । स जग्राह शठः कण्ठे तं भुजङ्ग इवानुजः

bhagne pravahaṇe tasmin bhrātaraṃ pūrvasaṃvidā / sa jagrāha śaṭhaḥ kaṇṭhe taṃ bhujaṅga ivānujaḥ

Sanskrit only: no published translation is held for this verse.

कर्मवातेरितस्तूर्णं कूलं प्राप्य नृपात्मजः । अवाप सहसा निद्रामान्ध्यप्रथमदूतिकाम्

karmavāteritastūrṇaṃ kūlaṃ prāpya nṛpātmajaḥ / avāpa sahasā nidrāmāndhyaprathamadūtikām

Sanskrit only: no published translation is held for this verse.

तस्य सुप्तस्य रत्नानि दृष्ट्वा बद्धान्यथानुजः । प्रहर्तुं व्यसनच्छिद्रे क्रूरः समुपचक्रमे

tasya suptasya ratnāni dṛṣṭvā baddhānyathānujaḥ / prahartuṃ vyasanacchidre krūraḥ samupacakrame

Sanskrit only: no published translation is held for this verse.

उत्पाट्य गाढबद्धस्य स तस्य नयनाम्बुजम् । तं तारकं भयाम्भोधौ चकार गततारकम्

utpāṭya gāḍhabaddhasya sa tasya nayanāmbujam / taṃ tārakaṃ bhayāmbhodhau cakāra gatatārakam

Sanskrit only: no published translation is held for this verse.

आत्तरत्ने गते तस्मिन् वाजसूनुर्गतद्युतिः । मातङ्गोन्मूलिताम्भोज इवाभूत्कमलाकरः

āttaratne gate tasmin vājasūnurgatadyutiḥ / mātaṅgonmūlitāmbhoja ivābhūtkamalākaraḥ

Sanskrit only: no published translation is held for this verse.

स बभूव निरालोकः शोकतीव्रतमोवृतः । कृष्णपक्षक्षपारम्भ इव सूर्येन्दुवर्जितः

sa babhūva nirālokaḥ śokatīvratamovṛtaḥ / kṛṣṇapakṣakṣapārambha iva sūryenduvarjitaḥ

Sanskrit only: no published translation is held for this verse.

अत्रान्तरे समायातस्तं देशं गोकुशाधिपः । राजपुत्रं विलोक्यान्धमभूत् संक्रान्ततद्व्यथह्

atrāntare samāyātastaṃ deśaṃ gokuśādhipaḥ / rājaputraṃ vilokyāndhamabhūt saṃkrāntatadvyathah

Sanskrit only: no published translation is held for this verse.

स तं नीत्वा स्वनिलयं परिचर्यापरः पार्ः । तस्यासीद्गुणसौजन्यस्नेहावेशवशीकृतः

sa taṃ nītvā svanilayaṃ paricaryāparaḥ pārḥ / tasyāsīdguṇasaujanyasnehāveśavaśīkṛtaḥ

Sanskrit only: no published translation is held for this verse.

तत्र शोकसुजां शान्त्यै सदा चेतोविनोदिनीम् । वीणां स्वरप्रवीणो ऽसौ पूर्वाभ्यस्तमवादयत्

tatra śokasujāṃ śāntyai sadā cetovinodinīm / vīṇāṃ svarapravīṇo 'sau pūrvābhyastamavādayat

Sanskrit only: no published translation is held for this verse.

सत्संगमः पृथुविवेककथाभोयोगः काव्यासवः प्रियसुहृत्प्रणयो विहारः । वीणास्वनह् कुसुमकान्तवनान्तवासः शोकाग्नितप्तमनसाममृतावगाहः

satsaṃgamaḥ pṛthuvivekakathābhoyogaḥ kāvyāsavaḥ priyasuhṛtpraṇayo vihāraḥ / vīṇāsvanah kusumakāntavanāntavāsaḥ śokāgnitaptamanasāmamṛtāvagāhaḥ

Sanskrit only: no published translation is held for this verse.

तस्य गोपपतेः पत्नी तीगवीणाविचक्षणा । पश्यन्ती राजतनयं प्रययौ साभिलाषताम्

tasya gopapateḥ patnī tīgavīṇāvicakṣaṇā / paśyantī rājatanayaṃ prayayau sābhilāṣatām

Sanskrit only: no published translation is held for this verse.

कृतोपदेशा सततं कुटिला वीणयेव सा । मूर्च्छन्ती नवरागेण सोत्कण्ठा समचिन्तयत्

kṛtopadeśā satataṃ kuṭilā vīṇayeva sā / mūrcchantī navarāgeṇa sotkaṇṭhā samacintayat

Sanskrit only: no published translation is held for this verse.

सुभगो ऽयं ममातीव दृशि चित्ते च चर्तते । निवर्तते न मे तापः प्रेम्णि चेन्न प्रवर्तते

subhago 'yaṃ mamātīva dṛśi citte ca cartate / nivartate na me tāpaḥ premṇi cenna pravartate

Sanskrit only: no published translation is held for this verse.

धन्येयं नखसंपातैः क्कणन्ती रागिणीमुहुः । यातास्य वल्लकी पुण्यैरङ्कारोहणयोग्यताम्

dhanyeyaṃ nakhasaṃpātaiḥ kkaṇantī rāgiṇīmuhuḥ / yātāsya vallakī puṇyairaṅkārohaṇayogyatām

Sanskrit only: no published translation is held for this verse.

इति संचिन्त्य सा स्वैरं तमुवाच सविभमम् । स्पृशन्ती तत्कराम्भोजं सकम्पकरपल्लवा

iti saṃcintya sā svairaṃ tamuvāca savibhamam / spṛśantī tatkarāmbhojaṃ sakampakarapallavā

Sanskrit only: no published translation is held for this verse.

ललनासुलभां लज्जां ममेदं त्वद्गतं मनः । अकृतज्ञ इव प्रीतिं न संस्मरति मानद

lalanāsulabhāṃ lajjāṃ mamedaṃ tvadgataṃ manaḥ / akṛtajña iva prītiṃ na saṃsmarati mānada

Sanskrit only: no published translation is held for this verse.

न शीलं न कुलाचारं नाभिमानं न संशयम् । अपेक्षन्ते स्मरक्षिप्ता वैलक्ष्यरहिताः स्त्रियः

na śīlaṃ na kulācāraṃ nābhimānaṃ na saṃśayam / apekṣante smarakṣiptā vailakṣyarahitāḥ striyaḥ

Sanskrit only: no published translation is held for this verse.

प्रणयान्मम सङ्कल्पं सफलं कर्तुमर्हसि । भवन्ति मानिताः प्रीत्यै देवता इव योषितः

praṇayānmama saṅkalpaṃ saphalaṃ kartumarhasi / bhavanti mānitāḥ prītyai devatā iva yoṣitaḥ

Sanskrit only: no published translation is held for this verse.

इति तस्य वचः श्रुत्वा भिन्नस्वरविशृङ्खलम् । चपलां राजपुत्रस्तां त्रस्तान्तःकर्णो ऽवदत्

iti tasya vacaḥ śrutvā bhinnasvaraviśṛṅkhalam / capalāṃ rājaputrastāṃ trastāntaḥkarṇo 'vadat

Sanskrit only: no published translation is held for this verse.

नेयं मातः समुचिता सतः शीलपरिच्युतिः । धिक्किल्बिषविषस्पृष्टः नष्टशीलस्य जीवितम्

neyaṃ mātaḥ samucitā sataḥ śīlaparicyutiḥ / dhikkilbiṣaviṣaspṛṣṭaḥ naṣṭaśīlasya jīvitam

Sanskrit only: no published translation is held for this verse.

पराङ्गनापरिष्वङ्गमङ्गैरङ्गीकरोति यः । आलिङ्गति पतङ्गो ऽयं नरकाग्निशिखां पुनह्

parāṅganāpariṣvaṅgamaṅgairaṅgīkaroti yaḥ / āliṅgati pataṅgo 'yaṃ narakāgniśikhāṃ punah

Sanskrit only: no published translation is held for this verse.

परोपकारनिरताह् परदारनिरादराः । ये ऽप्यहिंसाव्यसनिनस्ते जीवन्ति मृताः परे

paropakāraniratāh paradāranirādarāḥ / ye 'pyahiṃsāvyasaninaste jīvanti mṛtāḥ pare

Sanskrit only: no published translation is held for this verse.

इति तेनोक्तमाकर्ण्य साभूद्भग्नमनोरथा । निधनाभ्यधिकः प्रीतिप्रतिषेधो हि योषिताम्

iti tenoktamākarṇya sābhūdbhagnamanorathā / nidhanābhyadhikaḥ prītipratiṣedho hi yoṣitām

Sanskrit only: no published translation is held for this verse.

ततः स्वपतिमभ्येत्य भुजङ्गी भङ्गमागते । मनोरथे मन्युविषं वमन्तीव जगाद सा

tataḥ svapatimabhyetya bhujaṅgī bhaṅgamāgate / manorathe manyuviṣaṃ vamantīva jagāda sā

Sanskrit only: no published translation is held for this verse.

परवत्सलता साधो दोषाय सरलस्य ते । को ह्यविज्ञातशीलानां स्वाधीनीकुरुते गृहम्

paravatsalatā sādho doṣāya saralasya te / ko hyavijñātaśīlānāṃ svādhīnīkurute gṛham

Sanskrit only: no published translation is held for this verse.

परेषु भृशमाश्वासं स्पृशतस्ते न शोभनम् । गुप्तं चित्तं च वित्तं च जनो जानाति कस्य कः

pareṣu bhṛśamāśvāsaṃ spṛśataste na śobhanam / guptaṃ cittaṃ ca vittaṃ ca jano jānāti kasya kaḥ

Sanskrit only: no published translation is held for this verse.

परदारसहस्राक्षस्त्वयान्धः स गृहे धृतः । दीनान्धजनवात्सल्यात् पश्य तस्योचितं फलम्

paradārasahasrākṣastvayāndhaḥ sa gṛhe dhṛtaḥ / dīnāndhajanavātsalyāt paśya tasyocitaṃ phalam

Sanskrit only: no published translation is held for this verse.

अद्याहं तेन विजने संगमे भृशमर्थिता । यद्यस्य नयने स्यातां स्यात् कथं मे पलायनम्

adyāhaṃ tena vijane saṃgame bhṛśamarthitā / yadyasya nayane syātāṃ syāt kathaṃ me palāyanam

Sanskrit only: no published translation is held for this verse.

इत्युक्तः स तया कोपात्तप्तो गोपपतिर्भृशम् । द्वरे निष्कास्य तं चक्रे गेहं चित्तं च शीतलम्

ityuktaḥ sa tayā kopāttapto gopapatirbhṛśam / dvare niṣkāsya taṃ cakre gehaṃ cittaṃ ca śītalam

Sanskrit only: no published translation is held for this verse.

पिता त्यजति यत्पुत्रं सुहृन्मित्रं निहन्ति यत् । बन्धुच्छेदासिधाराणां तद्दाराणां विजृम्भितम्

pitā tyajati yatputraṃ suhṛnmitraṃ nihanti yat / bandhucchedāsidhārāṇāṃ taddārāṇāṃ vijṛmbhitam

Sanskrit only: no published translation is held for this verse.

भ्रुवोर्दृशोर्यत्कौटिल्यं यत्तैक्ष्ण्यं यच्च चापलम् । कुचयोर्यच्च काठिन्यं तत्सर्वं हृदि योषिताम्

bhruvordṛśoryatkauṭilyaṃ yattaikṣṇyaṃ yacca cāpalam / kucayoryacca kāṭhinyaṃ tatsarvaṃ hṛdi yoṣitām

Sanskrit only: no published translation is held for this verse.

कल्याणकारिसार्थेन पथः संतारितं शनैः । पितरि त्रिदिवं याते शुश्राव भ्रातरं नृपम्

kalyāṇakārisārthena pathaḥ saṃtāritaṃ śanaiḥ / pitari tridivaṃ yāte śuśrāva bhrātaraṃ nṛpam

Sanskrit only: no published translation is held for this verse.

स पुरं पुण्यसेनस्य श्वशुरस्य महीपतेः । कालेन प्राप्प दूराध्वक्लेशप्रशमबान्धवम्

sa puraṃ puṇyasenasya śvaśurasya mahīpateḥ / kālena prāppa dūrādhvakleśapraśamabāndhavam

Sanskrit only: no published translation is held for this verse.

अत्रान्तरे सुता तत्र महीभर्तुर्मनोरमा । वाचा दत्ता पुरा यस्मै तस्मिन्नब्धिच्युते श्रुते

atrāntare sutā tatra mahībharturmanoramā / vācā dattā purā yasmai tasminnabdhicyute śrute

Sanskrit only: no published translation is held for this verse.

आहूतेषु नरेन्द्रेषु निविष्टेषु यथाक्रमम् । आरुह्य रत्नशिबिकां स्वयंवरभुवं ययौ

āhūteṣu narendreṣu niviṣṭeṣu yathākramam / āruhya ratnaśibikāṃ svayaṃvarabhuvaṃ yayau

Sanskrit only: no published translation is held for this verse.

विलोकयन्ती भूपालान् सा शनैश्चललोचना । यदृच्छयागतं तत्र राजपुत्रं ददर्श तम्

vilokayantī bhūpālān sā śanaiścalalocanā / yadṛcchayāgataṃ tatra rājaputraṃ dadarśa tam

Sanskrit only: no published translation is held for this verse.

अन्धो ऽपि तस्याः सहस् आस ययौ प्रियतां दृशोः । ग्रहमध्ये कुमुद्वत्या मेघान्धो ऽपि प्रियः शशी

andho 'pi tasyāḥ sahas āsa yayau priyatāṃ dṛśoḥ / grahamadhye kumudvatyā meghāndho 'pi priyaḥ śaśī

Sanskrit only: no published translation is held for this verse.

नृपेषु प्रतियातेषु विलक्षेष्वफलागमात् । महीपतिसुतान्तस्तं वव्रे गुणविनिर्गतम्

nṛpeṣu pratiyāteṣu vilakṣeṣvaphalāgamāt / mahīpatisutāntastaṃ vavre guṇavinirgatam

Sanskrit only: no published translation is held for this verse.

सापु हारं परिक्षिप्य कण्ठे तस्यायतेक्षणा । शनकौर्मधुरालापा त्वद्वशास्मीत्युवाच तम्

sāpu hāraṃ parikṣipya kaṇṭhe tasyāyatekṣaṇā / śanakaurmadhurālāpā tvadvaśāsmītyuvāca tam

Sanskrit only: no published translation is held for this verse.

स्त्रीवृत्तचकितः सो ऽपि विजने तामभाषत । प्रज्ञादरिद्रया नेदं स्त्रिया युक्तं कृतं त्वया

strīvṛttacakitaḥ so 'pi vijane tāmabhāṣata / prajñādaridrayā nedaṃ striyā yuktaṃ kṛtaṃ tvayā

Sanskrit only: no published translation is held for this verse.

स्मरसौहार्दमित्रेषु पद्मनेत्रेषु राजसु । स्थितेषु वन्ध्यजन्मान्धः कस्मादस्मि वृतस्त्वया

smarasauhārdamitreṣu padmanetreṣu rājasu / sthiteṣu vandhyajanmāndhaḥ kasmādasmi vṛtastvayā

Sanskrit only: no published translation is held for this verse.

अन्यवक्र्क्रावलोकिन्यो जायाश्चक्षुष्मतामपि । वधूः किं पुनरन्धस्य दिने ऽप्यन्याभिसारिका

anyavakrkrāvalokinyo jāyāścakṣuṣmatāmapi / vadhūḥ kiṃ punarandhasya dine 'pyanyābhisārikā

Sanskrit only: no published translation is held for this verse.

ललनाभिर्न मे कृत्यं प्रत्ययस्तासु नास्ति मे । कुलकूलनिपातिन्यो निम्नगाः कुटिलाः स्तियः

lalanābhirna me kṛtyaṃ pratyayastāsu nāsti me / kulakūlanipātinyo nimnagāḥ kuṭilāḥ stiyaḥ

Sanskrit only: no published translation is held for this verse.

इत्युक्ता तेन परुषं लज्जालोला नृपात्मजा । तमूचे नाथ सर् वत्र न शङ्कां कर्तुमर्हसि

ityuktā tena paruṣaṃ lajjālolā nṛpātmajā / tamūce nātha sar vatra na śaṅkāṃ kartumarhasi

Sanskrit only: no published translation is held for this verse.

दृष्टदोषः क्कचिन्नार्याम् यदि त्वमतिशङ्कितः । अदुष्टापि त्वया नाम तद्व्याप्ता क्रियते कथम्

dṛṣṭadoṣaḥ kkacinnāryām yadi tvamatiśaṅkitaḥ / aduṣṭāpi tvayā nāma tadvyāptā kriyate katham

Sanskrit only: no published translation is held for this verse.

त्वय्येव यदि मे प्रीतिरनन्यशरणम् मनः । तेन सत्येन ते नेत्रमेकं भवतु निर्मलम्

tvayyeva yadi me prītirananyaśaraṇam manaḥ / tena satyena te netramekaṃ bhavatu nirmalam

Sanskrit only: no published translation is held for this verse.

इत्युक्तमात्रे सुदृशा दक्षिणं तस्य लेचनम् । सत्यानुभावेनाभूत्तत्प्रफुल्लकमलोपमम्

ityuktamātre sudṛśā dakṣiṇaṃ tasya lecanam / satyānubhāvenābhūttatpraphullakamalopamam

Sanskrit only: no published translation is held for this verse.

राजपुत्रः प्रहृष्टो ऽथ ताम् प्रसाद्य सिलोचनाम् । उवाच तन्मुखाम्भोजलावण्यगुणचिस्मित्ः

rājaputraḥ prahṛṣṭo 'tha tām prasādya silocanām / uvāca tanmukhāmbhojalāvaṇyaguṇacismitḥ

Sanskrit only: no published translation is held for this verse.

कल्याणकारी सुभगः स एवाहं नृपात्मजः । यस्मौ पुरा त्वं गुरुणा वचसा प्रतिपादिता

kalyāṇakārī subhagaḥ sa evāhaṃ nṛpātmajaḥ / yasmau purā tvaṃ guruṇā vacasā pratipāditā

Sanskrit only: no published translation is held for this verse.

स एवाहं यदि परं निर्वैरः पाटने दृशः । तेन सत्येन नयनं स्वस्थं भवतु मे ऽपरम्

sa evāhaṃ yadi paraṃ nirvairaḥ pāṭane dṛśaḥ / tena satyena nayanaṃ svasthaṃ bhavatu me 'param

Sanskrit only: no published translation is held for this verse.

सत्योपयाचनेनेति सहसैवास्य लोचनम् । द्वितीयमपि वैमल्यमवाप सह चेतसा

satyopayācaneneti sahasaivāsya locanam / dvitīyamapi vaimalyamavāpa saha cetasā

Sanskrit only: no published translation is held for this verse.

ततो विदितवृत्तेन पुण्यसेनेन भूभुजा । कृतसाहाय्यकः प्राप स्वराज्य स प्रियासखः

tato viditavṛttena puṇyasenena bhūbhujā / kṛtasāhāyyakaḥ prāpa svarājya sa priyāsakhaḥ

Sanskrit only: no published translation is held for this verse.

कल्याण्कारी यः सो ऽहं देवदत्तः स चानुजः । तेन पूर्वानुभावेन तद्विधो ऽद्यापि वर्तते

kalyāṇkārī yaḥ so 'haṃ devadattaḥ sa cānujaḥ / tena pūrvānubhāvena tadvidho 'dyāpi vartate

Sanskrit only: no published translation is held for this verse.

इत्युदारमुपकारनिर्मलं बोधिसत्त्वचरितं निशम्य ते । भिक्षवः खल्विचेष्टितं च तत्तुल्यमप्रतिमविस्मयं ययुः

ityudāramupakāranirmalaṃ bodhisattvacaritaṃ niśamya te / bhikṣavaḥ khalviceṣṭitaṃ ca tattulyamapratimavismayaṃ yayuḥ

Sanskrit only: no published translation is held for this verse.