Ksemendra: Avadanakalpalata 33

स को ऽपि पुण्यप्रशमानुभावः शुद्धात्मनामस्त्यमृतस्वभावः । यस्य प्रभावेण भवन्ति सद्यः क्रूरा अपि क्रोधविषप्रमुक्ताः

sa ko 'pi puṇyapraśamānubhāvaḥ śuddhātmanāmastyamṛtasvabhāvaḥ / yasya prabhāveṇa bhavanti sadyaḥ krūrā api krodhaviṣapramuktāḥ

Sanskrit only: no published translation is held for this verse.

पुरा तथागते जेतवनारामविहारिणि । तदाज्ञया भिक्षुगणे गिरिकाननचारिणि

purā tathāgate jetavanārāmavihāriṇi / tadājñayā bhikṣugaṇe girikānanacāriṇi

Sanskrit only: no published translation is held for this verse.

सुमेरुपरिषण्डायां स्थित्वा ध्यानपरायणाः । आययुर्भिक्षवः पाण्डुविच्छायवदनाः कृशाः

sumerupariṣaṇḍāyāṃ sthitvā dhyānaparāyaṇāḥ / āyayurbhikṣavaḥ pāṇḍuvicchāyavadanāḥ kṛśāḥ

Sanskrit only: no published translation is held for this verse.

ते ऽथ कृत्वा भगवतः पादपद्माभिवन्दनाम् । ऊचिरे भिक्षुभिः पृष्टा देहदौर्बल्यकारणम्

te 'tha kṛtvā bhagavataḥ pādapadmābhivandanām / ūcire bhikṣubhiḥ pṛṣṭā dehadaurbalyakāraṇam

Sanskrit only: no published translation is held for this verse.

सुमेरुं त्रिगुणावृत्त्या वेष्टयित्वा व्यवस्थितौ । अदृष्टौ वैनतेयस्य नागौ नन्दोपनन्दकौ

sumeruṃ triguṇāvṛttyā veṣṭayitvā vyavasthitau / adṛṣṭau vainateyasya nāgau nandopanandakau

Sanskrit only: no published translation is held for this verse.

तौ सदा त्रिविधोच्छ्वासं सृजतः कीर्णपावकम् । भवन्ति भस्म स्पर्शेन सहसैव शिला अपि

tau sadā trividhocchvāsaṃ sṛjataḥ kīrṇapāvakam / bhavanti bhasma sparśena sahasaiva śilā api

Sanskrit only: no published translation is held for this verse.

वयं तद्विषनिश्वासैर्निदग्धा ध्यानयोगिनः । विवर्णवदनच्छायाह् केवलं कृशतां गताः

vayaṃ tadviṣaniśvāsairnidagdhā dhyānayoginaḥ / vivarṇavadanacchāyāh kevalaṃ kṛśatāṃ gatāḥ

Sanskrit only: no published translation is held for this verse.

इति तैः कथिते शास्ता भिक्षुसंघार्थितः पुरः । नागयोर्दमने योग्यं मौद्गल्यायनमादिशत्

iti taiḥ kathite śāstā bhikṣusaṃghārthitaḥ puraḥ / nāgayordamane yogyaṃ maudgalyāyanamādiśat

Sanskrit only: no published translation is held for this verse.

स सुमेरुं समासाद्य शृङ्गैरालिङ्गिताम्बरम् । सुप्तौ ददर्श नागेन्द्रौ योगेनान्तर्हिताकृतिः

sa sumeruṃ samāsādya śṛṅgairāliṅgitāmbaram / suptau dadarśa nāgendrau yogenāntarhitākṛtiḥ

Sanskrit only: no published translation is held for this verse.

योध्यमानौ शनैस्तेन बुबुधाते यदा न तौ । तदा महानागवपुर्भूत्वा स समवेष्टयत्

yodhyamānau śanaistena bubudhāte yadā na tau / tadā mahānāgavapurbhūtvā sa samaveṣṭayat

Sanskrit only: no published translation is held for this verse.

प्रबुद्धौ पीडितौ तेन दृष्ट्वा तं भीषणाकृतिम् । विंद्रुतौ नररूपेण तस्थतुर्भयविह्वलौ

prabuddhau pīḍitau tena dṛṣṭvā taṃ bhīṣaṇākṛtim / viṃdrutau nararūpeṇa tasthaturbhayavihvalau

Sanskrit only: no published translation is held for this verse.

नागरूपं परित्यज्य कृत्वा रूपं स्वकं ततः । पलायमानावन्योन्यं त् औ मौद्गल्यायनो ऽवदत्

nāgarūpaṃ parityajya kṛtvā rūpaṃ svakaṃ tataḥ / palāyamānāvanyonyaṃ t au maudgalyāyano 'vadat

Sanskrit only: no published translation is held for this verse.

नागौ क्क गम्यते तूर्ण भयं संत्यज्यतामिदम् । न स नागः स्थितस्तत्र येन विद्रावितौ युवाम्

nāgau kka gamyate tūrṇa bhayaṃ saṃtyajyatāmidam / na sa nāgaḥ sthitastatra yena vidrāvitau yuvām

Sanskrit only: no published translation is held for this verse.

सर्वथा यदि नस्त्येअ तद्भयाद् यिवयोर्धृतिः । क्रियते किं शरण्यस्य न बुद्धस्याभिवन्दनम्

sarvathā yadi nastyea tadbhayād yivayordhṛtiḥ / kriyate kiṃ śaraṇyasya na buddhasyābhivandanam

Sanskrit only: no published translation is held for this verse.

इति तेनोक्तमाकर्ण्य विनयात्तौ तमूचतुः । प्रसादः क्रियतामार्य भगवद्दर्शनेन नौ

iti tenoktamākarṇya vinayāttau tamūcatuḥ / prasādaḥ kriyatāmārya bhagavaddarśanena nau

Sanskrit only: no published translation is held for this verse.

इति ब्रवाणौ नागेन्द्रौ नीत्वा भगवतो ऽन्तिकम् । स त द्वृत्तान्तमावेद्य प्रणम्य समुपाविशत्

iti bravāṇau nāgendrau nītvā bhagavato 'ntikam / sa ta dvṛttāntamāvedya praṇamya samupāviśat

Sanskrit only: no published translation is held for this verse.

भगवानथ नागेन्द्रौ बभाषे शरणागतौ । प्रणामं चक्रतू रत्नप्रभाभूषीतभूतलौ

bhagavānatha nāgendrau babhāṣe śaraṇāgatau / praṇāmaṃ cakratū ratnaprabhābhūṣītabhūtalau

Sanskrit only: no published translation is held for this verse.

शिक्षापदानि संप्राप्य सर्वभूताभयप्रदौ । शरणप्राप्तिसमयादधुना निर्भयौ युवाम्

śikṣāpadāni saṃprāpya sarvabhūtābhayapradau / śaraṇaprāptisamayādadhunā nirbhayau yuvām

Sanskrit only: no published translation is held for this verse.

इत्यालोकनमात्रेण दोषद्वेषविवर्जितौ । कृतौ भगवता सम्यक् जग्मतुस्तं प्रणम्य तौ

ityālokanamātreṇa doṣadveṣavivarjitau / kṛtau bhagavatā samyak jagmatustaṃ praṇamya tau

Sanskrit only: no published translation is held for this verse.

संदर्शनेनैव महाशयानां प्रभापदेशेन शरीरलग्नैः । सींस्रा अपि द्वेषविषोष्मतप्ताः शमामृतैः शीतलतां व्रजन्ति

saṃdarśanenaiva mahāśayānāṃ prabhāpadeśena śarīralagnaiḥ / sīṃsrā api dveṣaviṣoṣmataptāḥ śamāmṛtaiḥ śītalatāṃ vrajanti

Sanskrit only: no published translation is held for this verse.

तत्पूर्वजन्मवृत्ताण्तं भिक्षुभिर्भगवान् जिनः । प्रभावविस्मयात्पृष्टः सर्वदर्शी जगादा तान्

tatpūrvajanmavṛttāṇtaṃ bhikṣubhirbhagavān jinaḥ / prabhāvavismayātpṛṣṭaḥ sarvadarśī jagādā tān

Sanskrit only: no published translation is held for this verse.

कृकिर्नाम पुरा श्रीमान् वाराणस्यां नरेश्वरः । काश्यपाख्याद् भगवतः प्राप्तवान् धर्मशासनम्

kṛkirnāma purā śrīmān vārāṇasyāṃ nareśvaraḥ / kāśyapākhyād bhagavataḥ prāptavān dharmaśāsanam

Sanskrit only: no published translation is held for this verse.

अमात्ययोः स विन्यस्य राज्यं नन्दोपनन्दयोः । बभूव बोधिसंसक्तः सत्यदर्शननिर्वृतः

amātyayoḥ sa vinyasya rājyaṃ nandopanandayoḥ / babhūva bodhisaṃsaktaḥ satyadarśananirvṛtaḥ

Sanskrit only: no published translation is held for this verse.

धर्मदह्र्ममयं राज्यं कृत्वा तौ तस्य मन्त्रिणौ । सर्वोपकरणैर्युक्तं विहारं काश्यपाय च

dharmadahrmamayaṃ rājyaṃ kṛtvā tau tasya mantriṇau / sarvopakaraṇairyuktaṃ vihāraṃ kāśyapāya ca

Sanskrit only: no published translation is held for this verse.

कालेन जातौ नागेन्द्रावेतौ नन्दोपनन्दकौ । विहारार्पणपुण्येन पदं मेरुरभूत्तयोः

kālena jātau nāgendrāvetau nandopanandakau / vihārārpaṇapuṇyena padaṃ merurabhūttayoḥ

Sanskrit only: no published translation is held for this verse.

इति जिननिगदितफणिवरचरितं परतनुपरिणतिपरिचितसुकृतम् । श्रुतवति शमनयमुनिपरिनिवहे विषधरनियमनगुणनुतिरुदभूत्

iti jinanigaditaphaṇivaracaritaṃ paratanupariṇatiparicitasukṛtam / śrutavati śamanayamuniparinivahe viṣadharaniyamanaguṇanutirudabhūt

Sanskrit only: no published translation is held for this verse.