Ksemendra: Avadanakalpalata 34

दत्तः परहितभावनया यदु तनुधनकणशेषः । अपरिक्षयगुणकल्पनया भवति सुपुण्यविशेषः

dattaḥ parahitabhāvanayā yadu tanudhanakaṇaśeṣaḥ / aparikṣayaguṇakalpanayā bhavati supuṇyaviśeṣaḥ

Sanskrit only: no published translation is held for this verse.

अथ व्यतीते कस्मिंश्चित् काले भगवतो ऽन्तिके । नन्दोपनन्दयोर्धर्मदेशनां श्रोतुमाययौ

atha vyatīte kasmiṃścit kāle bhagavato 'ntike / nandopanandayordharmadeśanāṃ śrotumāyayau

Sanskrit only: no published translation is held for this verse.

राजा प्रसेनजिद्द्रष्टुं भगवन्तमुपागतः । ताभ्यामकृतसत्कारप्रणामः कोमपाययौ

rājā prasenajiddraṣṭuṃ bhagavantamupāgataḥ / tābhyāmakṛtasatkārapraṇāmaḥ komapāyayau

Sanskrit only: no published translation is held for this verse.

स प्रणम्य जिनं गत्वा प्रदध्यौ निग्रहं तयोः । शस्त्रवृष्टिं संसृजन्तौ तौ च व्योम्ना समागतौ

sa praṇamya jinaṃ gatvā pradadhyau nigrahaṃ tayoḥ / śastravṛṣṭiṃ saṃsṛjantau tau ca vyomnā samāgatau

Sanskrit only: no published translation is held for this verse.

सर्वज्ञप्रेषितस्तूरणं मौद्गल्यायन एत्य ताम् । शस्त्रवृष्टिं नरपतेश्चक्रे पद्मोत्पलावलिम्

sarvajñapreṣitastūraṇaṃ maudgalyāyana etya tām / śastravṛṣṭiṃ narapateścakre padmotpalāvalim

Sanskrit only: no published translation is held for this verse.

पुनर्गत्वा भगवतः समीपं पृथिवीपतिः । संप्राप्तौ क्षमयामास तस्यादेशात् फणीश्वरौ

punargatvā bhagavataḥ samīpaṃ pṛthivīpatiḥ / saṃprāptau kṣamayāmāsa tasyādeśāt phaṇīśvarau

Sanskrit only: no published translation is held for this verse.

अथार्थितः पार्थिवेन भगवान् राजमन्दिरम् । भक्तिपूतं ययौ भोक्तुं भक्तं भिक्षुगणैः सह

athārthitaḥ pārthivena bhagavān rājamandiram / bhaktipūtaṃ yayau bhoktuṃ bhaktaṃ bhikṣugaṇaiḥ saha

Sanskrit only: no published translation is held for this verse.

भक्ष्येषु पच्यमानेषु रात्रौ तत्राग्निविल्पवः । जातो जिनप्रभावेण सहसा शान्तिमाययौ

bhakṣyeṣu pacyamāneṣu rātrau tatrāgnivilpavaḥ / jāto jinaprabhāveṇa sahasā śāntimāyayau

Sanskrit only: no published translation is held for this verse.

भुक्त्वा गते भगवति क्षितिपः स्वपुरे ऽभ्यधात् । ज्वलनज्वालनं रात्रौ वारयन् दण्डसंविदा

bhuktvā gate bhagavati kṣitipaḥ svapure 'bhyadhāt / jvalanajvālanaṃ rātrau vārayan daṇḍasaṃvidā

Sanskrit only: no published translation is held for this verse.

अत्राण्तरे गृहपतिः सुदत्तस्यात्मजि युवा । मिथ्यादोषदृद्धिबलो नाम राज्ञाभिघातितः

atrāṇtare gṛhapatiḥ sudattasyātmaji yuvā / mithyādoṣadṛddhibalo nāma rājñābhighātitaḥ

Sanskrit only: no published translation is held for this verse.

पूर्वं भगवतः शास्तुः शासनानुग्रहेण सः । लब्धज्ञानधृतिः पुत्रदुःखे ऽप्यासीददुःखितः

pūrvaṃ bhagavataḥ śāstuḥ śāsanānugraheṇa saḥ / labdhajñānadhṛtiḥ putraduḥkhe 'pyāsīdaduḥkhitaḥ

Sanskrit only: no published translation is held for this verse.

अपुत्रः स्वधनं भूरि दीनेभ्यः प्रतिपाद्य सः । चकारातिरसादेकपणशेषं शनैः श्रियः

aputraḥ svadhanaṃ bhūri dīnebhyaḥ pratipādya saḥ / cakārātirasādekapaṇaśeṣaṃ śanaiḥ śriyaḥ

Sanskrit only: no published translation is held for this verse.

पणलाभकृताशेषधर्मः स्वल्पप्रदो ऽथ सः । अभूद् गृही सुदत्ताख्यो गृहं हि स्वप्लमुच्यते

paṇalābhakṛtāśeṣadharmaḥ svalpaprado 'tha saḥ / abhūd gṛhī sudattākhyo gṛhaṃ hi svaplamucyate

Sanskrit only: no published translation is held for this verse.

कदाचिद्दर्शनायातं भगवान् पुरतः स्थितम् । तं स्वल्पदाननाम्नैव लज्जितं दययावदत्

kadāciddarśanāyātaṃ bhagavān purataḥ sthitam / taṃ svalpadānanāmnaiva lajjitaṃ dayayāvadat

Sanskrit only: no published translation is held for this verse.

अल्पदानं गृहपतेर्न लज्जां कर्तुमर्हसि । याति श्रद्धार्पितो दानकणः कनकशैलताम्

alpadānaṃ gṛhapaterna lajjāṃ kartumarhasi / yāti śraddhārpito dānakaṇaḥ kanakaśailatām

Sanskrit only: no published translation is held for this verse.

पुरा बहुतरं दत्तं वेलमेन द्विजन्मना । श्रद्धाविरहसामान्यान्न तथा वृद्धिमाययौ

purā bahutaraṃ dattaṃ velamena dvijanmanā / śraddhāvirahasāmānyānna tathā vṛddhimāyayau

Sanskrit only: no published translation is held for this verse.

यः सर्वं भोजयेद्भक्त्या जम्बुद्वीपगतं जनम् । यश्चैकं बोधिसंयुक्तं तस्य पुण्यं ततो ऽधिकम्

yaḥ sarvaṃ bhojayedbhaktyā jambudvīpagataṃ janam / yaścaikaṃ bodhisaṃyuktaṃ tasya puṇyaṃ tato 'dhikam

Sanskrit only: no published translation is held for this verse.

इति वाक्यं भगवतस्तथ्यं श्रुत्वाभिनन्द्य च । निजगेहं गृहपतिः प्रययौ प्रणिपत्य तम्

iti vākyaṃ bhagavatastathyaṃ śrutvābhinandya ca / nijagehaṃ gṛhapatiḥ prayayau praṇipatya tam

Sanskrit only: no published translation is held for this verse.

दीपं दत्वा पठन् रात्रौ ततर् बुद्धानुशासनम् । दण्डाय राजपुरुषैः स नीतो ऽग्निप्रवर्तनात्

dīpaṃ datvā paṭhan rātrau tatar buddhānuśāsanam / daṇḍāya rājapuruṣaiḥ sa nīto 'gnipravartanāt

Sanskrit only: no published translation is held for this verse.

दण्डस्य संभवाद्बद्धं बन्धनागारवर्तिनम् । तं द्रष्टुमाययुर्देवा रात्रौ शक्रब्रह्मादयः

daṇḍasya saṃbhavādbaddhaṃ bandhanāgāravartinam / taṃ draṣṭumāyayurdevā rātrau śakrabrahmādayaḥ

Sanskrit only: no published translation is held for this verse.

स तैर्धनं गॄहाणेति प्रार्थितो नाग्रहीद्यदा । तदा धर्मोपदेशो ऽयं प्रवृत्तस्त्स्य मन्दिरे

sa tairdhanaṃ gṝhāṇeti prārthito nāgrahīdyadā / tadā dharmopadeśo 'yaṃ pravṛttastsya mandire

Sanskrit only: no published translation is held for this verse.

राजापि तत्प्रभावेण दृष्ट्वा प्रज्वालितं पुरम् । मुक्त्वा तं बन्धनागारान्न ददर्श जलं क्कचित्

rājāpi tatprabhāveṇa dṛṣṭvā prajvālitaṃ puram / muktvā taṃ bandhanāgārānna dadarśa jalaṃ kkacit

Sanskrit only: no published translation is held for this verse.

स गतः सुगतं द्रष्टुं कदाचित्तत्पुरः स्थितः । नृपं जिनप्रणामाय प्राप्तं पश्चाद् व्यलोकयत्

sa gataḥ sugataṃ draṣṭuṃ kadācittatpuraḥ sthitaḥ / nṛpaṃ jinapraṇāmāya prāptaṃ paścād vyalokayat

Sanskrit only: no published translation is held for this verse.

अग्रे भगवतश्चक्रे प्रणयं न स भूपतेः । जगत्पूज्यस्य पुरतः पूजामर्हति नापरः

agre bhagavataścakre praṇayaṃ na sa bhūpateḥ / jagatpūjyasya purataḥ pūjāmarhati nāparaḥ

Sanskrit only: no published translation is held for this verse.

जिनमामन्त्र्य नृपतिः प्रणतः स्वपुरं गतः । विवासनं गृहपतेरादिदेश निजात् पुरात्

jinamāmantrya nṛpatiḥ praṇataḥ svapuraṃ gataḥ / vivāsanaṃ gṛhapaterādideśa nijāt purāt

Sanskrit only: no published translation is held for this verse.

प्रसादिनी सुदत्तस्य देवता नृपतिं ततः । क्षुद्रजन्तुभिरुत्सृष्टैश्चक्रे दंशविषाकुलम्

prasādinī sudattasya devatā nṛpatiṃ tataḥ / kṣudrajantubhirutsṛṣṭaiścakre daṃśaviṣākulam

Sanskrit only: no published translation is held for this verse.

स त्रस्तस्तैर्नृपः प्राप्तः सामात्यान्तः पुरानुगः । गत्वा प्रसादयामास सुदत्तम् जिनशासनात्

sa trastastairnṛpaḥ prāptaḥ sāmātyāntaḥ purānugaḥ / gatvā prasādayāmāsa sudattam jinaśāsanāt

Sanskrit only: no published translation is held for this verse.

इति स सततप्रत्यासत्त्या परामृतनिर्भरं भगवदुदितं शान्तिं भेजे सुदत्तगृहाधिपः । स्वमिव लभते विघ्नयासप्रवासविवर्जितं विमलमनसामन्तेवासी विवेकमहानिधिम्

iti sa satatapratyāsattyā parāmṛtanirbharaṃ bhagavaduditaṃ śāntiṃ bheje sudattagṛhādhipaḥ / svamiva labhate vighnayāsapravāsavivarjitaṃ vimalamanasāmantevāsī vivekamahānidhim

Sanskrit only: no published translation is held for this verse.