Ksemendra: Avadanakalpalata 36

विबुधसरसिः पद्मैः शोभिते पङ्कजिन्या शुचिपरिसरजातं स्पृश्यते न स्थले ऽब्जम् (?) । सहजपरिचितानां नित्यमन्तर्गतानाम् भवति सितगुणानाम् कारणं नैव जातिः

vibudhasarasiḥ padmaiḥ śobhite paṅkajinyā śuciparisarajātaṃ spṛśyate na sthale 'bjam (?) / sahajaparicitānāṃ nityamantargatānām bhavati sitaguṇānām kāraṇaṃ naiva jātiḥ

Sanskrit only: no published translation is held for this verse.

श्रावस्त्यां सर्वसत्त्वानां स्वस्तिध्यानपरायणे । जिनकल्पद्रुमे जेतवनारामस्थिते पुरा

śrāvastyāṃ sarvasattvānāṃ svastidhyānaparāyaṇe / jinakalpadrume jetavanārāmasthite purā

Sanskrit only: no published translation is held for this verse.

शूर्पारकाख्ये नगरे रत्नसंचयसागरः । भवो नामाभवत्सार्थपरिर्मतिमतां वरः

śūrpārakākhye nagare ratnasaṃcayasāgaraḥ / bhavo nāmābhavatsārthaparirmatimatāṃ varaḥ

Sanskrit only: no published translation is held for this verse.

भविलो भवभद्रश्च भवनन्दी च विश्रुताः । केतक्यां तस्य जायायां बभूवुस्तनयास्त्रयः

bhavilo bhavabhadraśca bhavanandī ca viśrutāḥ / ketakyāṃ tasya jāyāyāṃ babhūvustanayāstrayaḥ

Sanskrit only: no published translation is held for this verse.

रोगयोगादुपगरः स कदाचिन्मुमूर्षुताम् । पारुष्याद् भृशमुद्विग्नैः पत्नीपुत्रैरुपेक्षितः

rogayogādupagaraḥ sa kadācinmumūrṣutām / pāruṣyād bhṛśamudvignaiḥ patnīputrairupekṣitaḥ

Sanskrit only: no published translation is held for this verse.

भक्त्या दासी तु तस्यैका परिचर्यापरा परम् । मल्लिकाख्याभवत्तस्याः सेवया स्वास्थ्यमाययौ

bhaktyā dāsī tu tasyaikā paricaryāparā param / mallikākhyābhavattasyāḥ sevayā svāsthyamāyayau

Sanskrit only: no published translation is held for this verse.

स्नेहोपकारप्रणतः कृतज्ञः स तयान्वितः । ऋतौ संगममभ्येत्य तस्याः पुत्रमजीजनत्

snehopakārapraṇataḥ kṛtajñaḥ sa tayānvitaḥ / ṛtau saṃgamamabhyetya tasyāḥ putramajījanat

Sanskrit only: no published translation is held for this verse.

यदा तज्जन्मनि पितुः सर्वार्थाः पूर्णताम् ययुः । स तदा पूर्णनामाभूद्बालः पूर्णेन्दुसुन्दरः

yadā tajjanmani pituḥ sarvārthāḥ pūrṇatām yayuḥ / sa tadā pūrṇanāmābhūdbālaḥ pūrṇendusundaraḥ

Sanskrit only: no published translation is held for this verse.

ज्येष्ठास्त्रयः कृतिद्वाहा ययुरब्धिं धनार्थिनः । पूर्णस्तु भाण्डशालायां पितुश्चक्रे धनार्जनम्

jyeṣṭhāstrayaḥ kṛtidvāhā yayurabdhiṃ dhanārthinaḥ / pūrṇastu bhāṇḍaśālāyāṃ pituścakre dhanārjanam

Sanskrit only: no published translation is held for this verse.

ततः प्रतिनिवृत्तास्ते प्राप्तार्थः सागरात्पुनः । गणनां हेमलक्षाणां कृत्वा स्वमुदिरे पुरम्

tataḥ pratinivṛttāste prāptārthaḥ sāgarātpunaḥ / gaṇanāṃ hemalakṣāṇāṃ kṛtvā svamudire puram

Sanskrit only: no published translation is held for this verse.

समुद्रगमने तेषाम् यावानासीद्धनागमः । पूर्णस्य स्वगृहे पण्यौर्बभूवाभ्यधिकस्ततः

samudragamane teṣām yāvānāsīddhanāgamaḥ / pūrṇasya svagṛhe paṇyaurbabhūvābhyadhikastataḥ

Sanskrit only: no published translation is held for this verse.

तद्दृष्ट्वा जनकस्तेषां वृद्धः पर्यन्तवासरे । तमूचेहितमायत्यां तृष्णा नैकक्षयोदयः

taddṛṣṭvā janakasteṣāṃ vṛddhaḥ paryantavāsare / tamūcehitamāyatyāṃ tṛṣṇā naikakṣayodayaḥ

Sanskrit only: no published translation is held for this verse.

दृष्टं भवद्भिः सामुद्रलाभे कृतपरिश्रमैः । पूर्णेनोआर्जितं वित्तमक्लेशेन महीयसा

dṛṣṭaṃ bhavadbhiḥ sāmudralābhe kṛtapariśramaiḥ / pūrṇenoārjitaṃ vittamakleśena mahīyasā

Sanskrit only: no published translation is held for this verse.

शुभकर्मविपाकेन भवन्त्यर्था धनार्थिनाम् । हस्तात् पलायते ऽन्यस्य प्राप्नोति पतितं परः

śubhakarmavipākena bhavantyarthā dhanārthinām / hastāt palāyate 'nyasya prāpnoti patitaṃ paraḥ

Sanskrit only: no published translation is held for this verse.

सन्मार्गस्यापरित्यागाद् युक्तायुक्तविवेचनात् । देशकालपरिज्ञानात्सतां सर्वत्र संपदः

sanmārgasyāparityāgād yuktāyuktavivecanāt / deśakālaparijñānātsatāṃ sarvatra saṃpadaḥ

Sanskrit only: no published translation is held for this verse.

भवन्ति स्वगृहे शन्याः सुधियो धर्मभागिनः । गत्वा रत्नाकरं चान्ये लभन्ते प्राणसंशयम्

bhavanti svagṛhe śanyāḥ sudhiyo dharmabhāginaḥ / gatvā ratnākaraṃ cānye labhante prāṇasaṃśayam

Sanskrit only: no published translation is held for this verse.

यत्नेन बोद्धव्या सद्भिः धनस्योपनिष्त्परा । अद्रोहशुद्धबुद्धीनां स्वाधीनानां धनाच्छ्रियः

yatnena boddhavyā sadbhiḥ dhanasyopaniṣtparā / adrohaśuddhabuddhīnāṃ svādhīnānāṃ dhanācchriyaḥ

Sanskrit only: no published translation is held for this verse.

रक्षणीयो भवद्भिश्च भेदः सततसंहतेः । भिन्नात् स्खलति कल्याणं कुलात् कुम्भादिवोदकम्

rakṣaṇīyo bhavadbhiśca bhedaḥ satatasaṃhateḥ / bhinnāt skhalati kalyāṇaṃ kulāt kumbhādivodakam

Sanskrit only: no published translation is held for this verse.

अथाभिन्नेन्धनस्याग्नेर्नश्यन्ते सदृशास्त्विषः । तथा विपुलवंशस्य भिन्नज्ञातेर्विभूतयाः

athābhinnendhanasyāgnernaśyante sadṛśāstviṣaḥ / tathā vipulavaṃśasya bhinnajñātervibhūtayāḥ

Sanskrit only: no published translation is held for this verse.

भ्रातॄणां संततो भेदः कथं नाम निवर्तते । अध्यापितानां पत्नीभिर्द्वेषविद्यां सदा निशि

bhrātṝṇāṃ saṃtato bhedaḥ kathaṃ nāma nivartate / adhyāpitānāṃ patnībhirdveṣavidyāṃ sadā niśi

Sanskrit only: no published translation is held for this verse.

उन्नतानां स्ववशानां द्वैधं तावन्न जायते । यावत्कुठारधारेव योषिद्विशति नान्तरम्

unnatānāṃ svavaśānāṃ dvaidhaṃ tāvanna jāyate / yāvatkuṭhāradhāreva yoṣidviśati nāntaram

Sanskrit only: no published translation is held for this verse.

भ्रातुरर्थानुवादेन गुरुं पारुष्यकुत्सया । मित्रमेकाभिलाषेण नयन्ति द्वैधतां स्त्रियः

bhrāturarthānuvādena guruṃ pāruṣyakutsayā / mitramekābhilāṣeṇa nayanti dvaidhatāṃ striyaḥ

Sanskrit only: no published translation is held for this verse.

तद्वदन्ति हसन्त्यो ऽपि भ्रूविलासेन योषितः । यत्प्रयाति सुहृत्स्नेहमूलोन्मूलनहेतुताम्

tadvadanti hasantyo 'pi bhrūvilāsena yoṣitaḥ / yatprayāti suhṛtsnehamūlonmūlanahetutām

Sanskrit only: no published translation is held for this verse.

हितमुक्त्वेति पुत्राणां भूतये ऽभिमतं भवः । अनित्यतापरियुक्तः काले निधनमाययौ

hitamuktveti putrāṇāṃ bhūtaye 'bhimataṃ bhavaḥ / anityatāpariyuktaḥ kāle nidhanamāyayau

Sanskrit only: no published translation is held for this verse.

अविभक्ते धने शक्ता देशान्तरधनार्जने । ज्येष्ठा बभूवुः पूर्णस्तु गृहे वित्तमचिन्तयत्

avibhakte dhane śaktā deśāntaradhanārjane / jyeṣṭhā babhūvuḥ pūrṇastu gṛhe vittamacintayat

Sanskrit only: no published translation is held for this verse.

कालेन गृहमाप्तानाम् वस्त्राशनविवादिनाम् । स्त्रीमन्त्रदत्तकर्णानां भेदस्तेषामजायत

kālena gṛhamāptānām vastrāśanavivādinām / strīmantradattakarṇānāṃ bhedasteṣāmajāyata

Sanskrit only: no published translation is held for this verse.

वित्ते विभज्यमाने ऽथ् अतैर्विद्वेषवशीकृतेः । दासीसुतो ऽयम्त्युक्त्वा नीतः पूर्णो निरंशताम्

vitte vibhajyamāne 'th atairvidveṣavaśīkṛteḥ / dāsīsuto 'yamtyuktvā nītaḥ pūrṇo niraṃśatām

Sanskrit only: no published translation is held for this verse.

सो ऽपि पूर्णशनः काले शीतसंकुचितं पथि । ददर्श ग्रीष्मताप्र् ऽपि विवशं दारुभारकम्

so 'pi pūrṇaśanaḥ kāle śītasaṃkucitaṃ pathi / dadarśa grīṣmatāpr 'pi vivaśaṃ dārubhārakam

Sanskrit only: no published translation is held for this verse.

आदाय दारुमूल्येन स तस्माद्दारुभारकम् । दिव्यचन्दनमद्राक्षीद्दहनस्यापि शीतदम्

ādāya dārumūlyena sa tasmāddārubhārakam / divyacandanamadrākṣīddahanasyāpi śītadam

Sanskrit only: no published translation is held for this verse.

सुकृतेनैव महता तेन लब्धमहाधनः । स सेव्यः सार्थवाहानां पूज्यो ऽभूत्पृथिवीपतेः

sukṛtenaiva mahatā tena labdhamahādhanaḥ / sa sevyaḥ sārthavāhānāṃ pūjyo 'bhūtpṛthivīpateḥ

Sanskrit only: no published translation is held for this verse.

रत्नाकरं स षट्कृत्वः प्रयातः सर्वदो ऽर्थिनाम् । चकार सर्ववणीजां तरशुल्काद्यनुग्रहम्

ratnākaraṃ sa ṣaṭkṛtvaḥ prayātaḥ sarvado 'rthinām / cakāra sarvavaṇījāṃ taraśulkādyanugraham

Sanskrit only: no published translation is held for this verse.

स्र्हावस्तीवासिभिः सार्थवणिग्भिः पुनरर्थितः । ययौ प्रवहणारूढः समुद्रद्वीपमाशु सः

srhāvastīvāsibhiḥ sārthavaṇigbhiḥ punararthitaḥ / yayau pravahaṇārūḍhaḥ samudradvīpamāśu saḥ

Sanskrit only: no published translation is held for this verse.

प्रत्यावृत्ते प्रवहणे सो ऽथ शुश्राव गायताम् । वणिजां स्थाविराः शैलगाथाः सुगतसंश्रयाः

pratyāvṛtte pravahaṇe so 'tha śuśrāva gāyatām / vaṇijāṃ sthāvirāḥ śailagāthāḥ sugatasaṃśrayāḥ

Sanskrit only: no published translation is held for this verse.

कस्यैता इति ते तेन पृष्टाः सर्वे बभाषिरे । एता भगवता गीता गाथा बुद्धेन धीमता

kasyaitā iti te tena pṛṣṭāḥ sarve babhāṣire / etā bhagavatā gītā gāthā buddhena dhīmatā

Sanskrit only: no published translation is held for this verse.

इति बुद्धाभिधामेव श्रुत्वा हर्षमवाप सः । पुंसां स्ववासनारूढं व्यक्तिमायात्युदीरितम्

iti buddhābhidhāmeva śrutvā harṣamavāpa saḥ / puṃsāṃ svavāsanārūḍhaṃ vyaktimāyātyudīritam

Sanskrit only: no published translation is held for this verse.

तैर्विस्तरेण कथितामाकर्ण्य भगवत्कथाम् । सो ऽभवत्तद्गतमनास्तद्दर्शनसमुत्सुकः

tairvistareṇa kathitāmākarṇya bhagavatkathām / so 'bhavattadgatamanāstaddarśanasamutsukaḥ

Sanskrit only: no published translation is held for this verse.

स शनैर्गृहमागत्य त्यक्त्वा सर्वपरिच्छदम् । अनाथपिण्डदं द्रष्टुं श्रावस्त्यां सुहृदं ययौ

sa śanairgṛhamāgatya tyaktvā sarvaparicchadam / anāthapiṇḍadaṃ draṣṭuṃ śrāvastyāṃ suhṛdaṃ yayau

Sanskrit only: no published translation is held for this verse.

अभिलाषं निवेद्यास्मै प्रव्रज्यायां जितेन्द्रियः । जगाम सहितस्तेन भक्त्या भगवतो ऽन्तिकम्

abhilāṣaṃ nivedyāsmai pravrajyāyāṃ jitendriyaḥ / jagāma sahitastena bhaktyā bhagavato 'ntikam

Sanskrit only: no published translation is held for this verse.

दृष्ट्वैव तत्र सर्वज्ञं मोहध्वान्तदिवाकरम् । तत्पाददर्शनेनैव मेने स कृतकृत्यताम्

dṛṣṭvaiva tatra sarvajñaṃ mohadhvāntadivākaram / tatpādadarśanenaiva mene sa kṛtakṛtyatām

Sanskrit only: no published translation is held for this verse.

विज्ञाय तस्य भगवान् संकल्पं तमभाषत । दशनज्योत्स्नया कुर्वन् विवेकविमला दिशः

vijñāya tasya bhagavān saṃkalpaṃ tamabhāṣata / daśanajyotsnayā kurvan vivekavimalā diśaḥ

Sanskrit only: no published translation is held for this verse.

एहि भिक्षि निराशङ्के निर्विपक्षे क्षयोज्झिते । आख्याते धर्मविनये ब्रह्मचर्यां चरेप्सितम्

ehi bhikṣi nirāśaṅke nirvipakṣe kṣayojjhite / ākhyāte dharmavinaye brahmacaryāṃ carepsitam

Sanskrit only: no published translation is held for this verse.

इति प्रसादशीलेन जिनेनोदीरिते पुरह् । प्रव्रज्या सहसैवास्य पपातालक्षिता तनौ

iti prasādaśīlena jinenodīrite purah / pravrajyā sahasaivāsya papātālakṣitā tanau

Sanskrit only: no published translation is held for this verse.

ततः स शत्रौ मित्रे च प्रशमात् समतां श्रितः । शास्तुः शासनमादाय प्रणिपत्य जगाम तम्

tataḥ sa śatrau mitre ca praśamāt samatāṃ śritaḥ / śāstuḥ śāsanamādāya praṇipatya jagāma tam

Sanskrit only: no published translation is held for this verse.

श्रोणापरान्तकं नाम देशं श्रूरजनाश्रयम् । स्वयं परीक्षितुं क्षान्तिं जनेन स समाययौ

śroṇāparāntakaṃ nāma deśaṃ śrūrajanāśrayam / svayaṃ parīkṣituṃ kṣāntiṃ janena sa samāyayau

Sanskrit only: no published translation is held for this verse.

ततो दृष्ट्वा तमायान्तं मृगयायाममङ्गलम् । लुब्धकश्चापमाकृष्य हन्तुं क्रिधात् समाद्रवत्

tato dṛṣṭvā tamāyāntaṃ mṛgayāyāmamaṅgalam / lubdhakaścāpamākṛṣya hantuṃ kridhāt samādravat

Sanskrit only: no published translation is held for this verse.

निर्विकारं निरुद्वेगं स तं विगतसाध्वसम् । प्रहरेति ब्रुवाणं च दृष्ट्वैव शममाप्तवान्

nirvikāraṃ nirudvegaṃ sa taṃ vigatasādhvasam / prahareti bruvāṇaṃ ca dṛṣṭvaiva śamamāptavān

Sanskrit only: no published translation is held for this verse.

शाम्यतस्तस्य सहसा प्रसादी लुब्धकस्य सः । धर्मं दिदेश येनासौ बोधिं प्राप सहानुगैः

śāmyatastasya sahasā prasādī lubdhakasya saḥ / dharmaṃ dideśa yenāsau bodhiṃ prāpa sahānugaiḥ

Sanskrit only: no published translation is held for this verse.

स तत्र सुगतार्हाणां सर्वोपस्करसंपदाम् । शतानि पज़्न्च रम्याणां विहाराणामकारयत्

sa tatra sugatārhāṇāṃ sarvopaskarasaṃpadām / śatāni paznca ramyāṇāṃ vihārāṇāmakārayat

Sanskrit only: no published translation is held for this verse.

पूर्णो ऽपि ज्ञानसंपूर्णः प्राप्तिस्त्रिदशपूज्यताम् । वैराग्यलक्ष्म्या युक्तो ऽभून्मुनीनां स्पृहणीयया

pūrṇo 'pi jñānasaṃpūrṇaḥ prāptistridaśapūjyatām / vairāgyalakṣmyā yukto 'bhūnmunīnāṃ spṛhaṇīyayā

Sanskrit only: no published translation is held for this verse.

अथ तस्याग्रजो भ्राता भविलः क्षीणवित्तताम् । कालेनोपगतः प्रायात् सम्दुरं द्रविणाशया

atha tasyāgrajo bhrātā bhavilaḥ kṣīṇavittatām / kālenopagataḥ prāyāt samduraṃ draviṇāśayā

Sanskrit only: no published translation is held for this verse.

ततः प्रवहणारूढः सो ऽनुकूलैः समीरणैः । गोशीर्षचन्दनवनं प्रापितः स्वल्पवासरैः

tataḥ pravahaṇārūḍhaḥ so 'nukūlaiḥ samīraṇaiḥ / gośīrṣacandanavanaṃ prāpitaḥ svalpavāsaraiḥ

Sanskrit only: no published translation is held for this verse.

कुठारिकशतैस्तस्मिन् पञ्चभिश्छेत्तुमुद्यते । तच्चन्दनवनं दिव्यं भुजङ्गगणासंकुलम्

kuṭhārikaśataistasmin pañcabhiśchettumudyate / taccandanavanaṃ divyaṃ bhujaṅgagaṇāsaṃkulam

Sanskrit only: no published translation is held for this verse.

तत्स्वामी यक्षसेनानां महेश्वरं इति श्रुतः । कोपादुदसृजद् घोरं कालिकाख्यं महानिलम्

tatsvāmī yakṣasenānāṃ maheśvaraṃ iti śrutaḥ / kopādudasṛjad ghoraṃ kālikākhyaṃ mahānilam

Sanskrit only: no published translation is held for this verse.

मरुता महता तेन प्रापिताः प्राणसंशयम् । चक्रन्दुर्वणिजः सर्वे शर्वशक्रमुखान् सुरान्

marutā mahatā tena prāpitāḥ prāṇasaṃśayam / cakrandurvaṇijaḥ sarve śarvaśakramukhān surān

Sanskrit only: no published translation is held for this verse.

तानार्तरावमुखरान् भविलः सार्थनायकः । उवाच संचिन्त्य चिरं पश्चात्तापसमाकुलः

tānārtarāvamukharān bhavilaḥ sārthanāyakaḥ / uvāca saṃcintya ciraṃ paścāttāpasamākulaḥ

Sanskrit only: no published translation is held for this verse.

पूर्णः कनीयान् भ्राता स हितैषी मां पुरावदत् । बहुक्लेशो ह्यल्पसुखः क्क गन्तव्यस्त्वयाम्बुधिः

pūrṇaḥ kanīyān bhrātā sa hitaiṣī māṃ purāvadat / bahukleśo hyalpasukhaḥ kka gantavyastvayāmbudhiḥ

Sanskrit only: no published translation is held for this verse.

अकृत्वा धीमतस्तस्य वचनं सत्यदर्शिनः । च्युतो ऽहं धनलोभेन घोरे ऽस्मिन् व्यसनार्णवे

akṛtvā dhīmatastasya vacanaṃ satyadarśinaḥ / cyuto 'haṃ dhanalobhena ghore 'smin vyasanārṇave

Sanskrit only: no published translation is held for this verse.

श्रुत्वैतद्वणिजः सर्वे प्रभावं लोकविश्रुतम् । पूर्णस्य मनसा ध्यात्वा तमेव शरणं ययुः

śrutvaitadvaṇijaḥ sarve prabhāvaṃ lokaviśrutam / pūrṇasya manasā dhyātvā tameva śaraṇaṃ yayuḥ

Sanskrit only: no published translation is held for this verse.

नमस्तुभ्यं जगत्क्लेशविषधोषापहारिणे । पूर्णयोदीर्णकरुणासुधासंपूर्णचेतसे

namastubhyaṃ jagatkleśaviṣadhoṣāpahāriṇe / pūrṇayodīrṇakaruṇāsudhāsaṃpūrṇacetase

Sanskrit only: no published translation is held for this verse.

इत्येकस्वररावेण तेषां संपूरिते ऽम्बरे । क्षणेन गत्वा तद्वृत्तं पूर्णः प्राह स्वदेवताः

ityekasvararāveṇa teṣāṃ saṃpūrite 'mbare / kṣaṇena gatvā tadvṛttaṃ pūrṇaḥ prāha svadevatāḥ

Sanskrit only: no published translation is held for this verse.

श्रोणापरान्तकगतः श्रुत्वा तेषां स विप्लवम् । व्योम्ना समाधिसंनद्धः प्राप प्रवहणं क्षणात्

śroṇāparāntakagataḥ śrutvā teṣāṃ sa viplavam / vyomnā samādhisaṃnaddhaḥ prāpa pravahaṇaṃ kṣaṇāt

Sanskrit only: no published translation is held for this verse.

तस्मिन् पर्यङ्कबन्धनेन स्थितो मेरुरिवाचलह् । प्रलयोत्तालवेगस्य गतिं वाहोर्जहार सह्

tasmin paryaṅkabandhanena sthito merurivācalah / pralayottālavegasya gatiṃ vāhorjahāra sah

Sanskrit only: no published translation is held for this verse.

पूर्णेन पवनं रुद्धं ज्ञात्वा यक्षगणाग्रणीः । तं प्रसाद्य ययौ त्यक्त्वा तेभ्यश्चन्दनकाननम्

pūrṇena pavanaṃ ruddhaṃ jñātvā yakṣagaṇāgraṇīḥ / taṃ prasādya yayau tyaktvā tebhyaścandanakānanam

Sanskrit only: no published translation is held for this verse.

पूर्णप्रसादादादाय भविलश्चन्दनद्रुमान् । हृष्टस्तेनैव सहितः शूर्पारं स्वपुरं ययौ

pūrṇaprasādādādāya bhavilaścandanadrumān / hṛṣṭastenaiva sahitaḥ śūrpāraṃ svapuraṃ yayau

Sanskrit only: no published translation is held for this verse.

पूर्णो ऽथ् संमते भ्रातुस्तत्र गोशीर्षचन्दनैः । चक्रे चन्दनमालाख्यं प्रासादं सुगतो ऽचितम्

pūrṇo 'th saṃmate bhrātustatra gośīrṣacandanaiḥ / cakre candanamālākhyaṃ prāsādaṃ sugato 'citam

Sanskrit only: no published translation is held for this verse.

तत्र पूर्णेन भगवान् ध्यातस्तूर्णं विहाय्सा । समाययौ जेतवनादुल्लङ्घ्य शतयोजनीम्

tatra pūrṇena bhagavān dhyātastūrṇaṃ vihāysā / samāyayau jetavanādullaṅghya śatayojanīm

Sanskrit only: no published translation is held for this verse.

आगच्छतो भगवतः पुरःप्रसृतया जगत् । देहकान्त्या कपिशितं सर्वं हिममिवाभवत्

āgacchato bhagavataḥ puraḥprasṛtayā jagat / dehakāntyā kapiśitaṃ sarvaṃ himamivābhavat

Sanskrit only: no published translation is held for this verse.

पुरोपान्तनिवासिन्यस्तं विलोक्य गृहाङ्गनाः । तीव्रचित्तप्रसादेन प्रशमोन्मुखतां ययुः

puropāntanivāsinyastaṃ vilokya gṛhāṅganāḥ / tīvracittaprasādena praśamonmukhatāṃ yayuḥ

Sanskrit only: no published translation is held for this verse.

कुशलोपचितां तासां भगवान् सत्यदेशनाम् । चक्रे भवादृतां कान्तास्ताह् प्रापुः कुशलं ययुः

kuśalopacitāṃ tāsāṃ bhagavān satyadeśanām / cakre bhavādṛtāṃ kāntāstāh prāpuḥ kuśalaṃ yayuḥ

Sanskrit only: no published translation is held for this verse.

ऋद्ध्या भगवतस्तत्र चैत्यं पौराङ्गनाभिधम् । ताभिर्विहितमद्यापि वन्दन्ते चैत्यवन्दकाः

ṛddhyā bhagavatastatra caityaṃ paurāṅganābhidham / tābhirvihitamadyāpi vandante caityavandakāḥ

Sanskrit only: no published translation is held for this verse.

मुनीनां भगवान् कृत्वा तथा वल्कलिनो मुनेः । प्रव्रज्यानुग्रहं शुद्धां विदधे धर्मदेशनाम्

munīnāṃ bhagavān kṛtvā tathā valkalino muneḥ / pravrajyānugrahaṃ śuddhāṃ vidadhe dharmadeśanām

Sanskrit only: no published translation is held for this verse.

ततश्चन्दनमालाख्यं प्रासादं भगवान् जिनः । प्रविश्य स्फाटिकं चक्रे जनसंघभरक्षमम्

tataścandanamālākhyaṃ prāsādaṃ bhagavān jinaḥ / praviśya sphāṭikaṃ cakre janasaṃghabharakṣamam

Sanskrit only: no published translation is held for this verse.

अथ रत्नासनासीनः स तत्र करुणानिधिः । विदधे सर्वसत्त्वानां शान्त्यै निर्वाणदेशनाम्

atha ratnāsanāsīnaḥ sa tatra karuṇānidhiḥ / vidadhe sarvasattvānāṃ śāntyai nirvāṇadeśanām

Sanskrit only: no published translation is held for this verse.

अत्रान्तरे सानुचरौ मुनीन्द्रौ कृष्णागौतमौ । अभ्येत्य धर्मश्रवणेशास्तुः शासनमापतुः

atrāntare sānucarau munīndrau kṛṣṇāgautamau / abhyetya dharmaśravaṇeśāstuḥ śāsanamāpatuḥ

Sanskrit only: no published translation is held for this verse.

तत्र कृत्वाथ भगवान् प्रासादस्य प्रतिग्रहम् । पुनर्जेतवनं गच्छन्नुद्ययौ सह भिक्षुभिः

tatra kṛtvātha bhagavān prāsādasya pratigraham / punarjetavanaṃ gacchannudyayau saha bhikṣubhiḥ

Sanskrit only: no published translation is held for this verse.

व्रहन् मारीचिलोकस्थाम् मौद्गल्यायनमातरम् । सग्दिरा चार्यसत्ये तां धर्ममार्गे न्यवेशयत्

vrahan mārīcilokasthām maudgalyāyanamātaram / sagdirā cāryasatye tāṃ dharmamārge nyaveśayat

Sanskrit only: no published translation is held for this verse.

अथ जेतवनं प्राप्तं भगवन्तं सविस्मयाः । पूर्णस्य पुण्यं पप्रच्छुर्भिक्षवः सो ऽप्यभाषत

atha jetavanaṃ prāptaṃ bhagavantaṃ savismayāḥ / pūrṇasya puṇyaṃ papracchurbhikṣavaḥ so 'pyabhāṣata

Sanskrit only: no published translation is held for this verse.

काश्यपस्य पुरा सम्यक्संबुद्धस्यान्यजन्मनि । विहाराधिकृतः पूर्णः संघोपस्थायको ऽभवत्

kāśyapasya purā samyaksaṃbuddhasyānyajanmani / vihārādhikṛtaḥ pūrṇaḥ saṃghopasthāyako 'bhavat

Sanskrit only: no published translation is held for this verse.

स कदाचिदसंमृष्टां दृष्ट्वा वैहारिकीं भुवम् । प्राह प्रव्रजितं तीव्रं क्रोधादुपधिवारिकम्

sa kadācidasaṃmṛṣṭāṃ dṛṣṭvā vaihārikīṃ bhuvam / prāha pravrajitaṃ tīvraṃ krodhādupadhivārikam

Sanskrit only: no published translation is held for this verse.

दृप्तस्योपधिवारो ऽद्य विहारो ऽस्मिन्नमार्जितः । कस्य दासीसुतस्येति ब्रुवाणस्तमभर्त्सयत्

dṛptasyopadhivāro 'dya vihāro 'sminnamārjitaḥ / kasya dāsīsutasyeti bruvāṇastamabhartsayat

Sanskrit only: no published translation is held for this verse.

तेन पारुष्यपापेन भुक्त्वा नरकदुर्गतिम् । दासीसुतो ऽभवत् पूर्णः पञ्च जन्मशतानि सः

tena pāruṣyapāpena bhuktvā narakadurgatim / dāsīsuto 'bhavat pūrṇaḥ pañca janmaśatāni saḥ

Sanskrit only: no published translation is held for this verse.

संघोपासनमेवास्य पुण्यायाभून्महीयसा । अर्हत्त्वं येन निःशेषभवक्लेशोज्झितः श्रितः

saṃghopāsanamevāsya puṇyāyābhūnmahīyasā / arhattvaṃ yena niḥśeṣabhavakleśojjhitaḥ śritaḥ

Sanskrit only: no published translation is held for this verse.

इति प्रभावं कथितं जिनेन पूर्णस्य पुण्योपचयप्रणितम् । श्रुत्वाद्भुतं संसदि भिक्षुसंघः पुण्यप्रसंशाभिरतो बभूव

iti prabhāvaṃ kathitaṃ jinena pūrṇasya puṇyopacayapraṇitam / śrutvādbhutaṃ saṃsadi bhikṣusaṃghaḥ puṇyaprasaṃśābhirato babhūva

Sanskrit only: no published translation is held for this verse.