Ksemendra: Avadanakalpalata 43

सर्वोपकारप्रणयी प्रभावः सर्वोपजीव्या महती विभूतिः । पुण्याङ्कुरार्हस्य फलं विशालपलार्हमेतत् प्रथमं हि पुष्पम्

sarvopakārapraṇayī prabhāvaḥ sarvopajīvyā mahatī vibhūtiḥ / puṇyāṅkurārhasya phalaṃ viśālapalārhametat prathamaṃ hi puṣpam

Sanskrit only: no published translation is held for this verse.

जिने जेतवनारामविहाराभिगते पुरा । श्रावस्त्यां देवसेनाख्यः श्रीमानासीद्गृहाधिपः

jine jetavanārāmavihārābhigate purā / śrāvastyāṃ devasenākhyaḥ śrīmānāsīdgṛhādhipaḥ

Sanskrit only: no published translation is held for this verse.

हिरण्ंयपाणिस्तस्याभूत्पुत्रः सत्पुत्रमानिनः । यस्य हेममयं जातं पाणिद्वितयमद्भुतम्

hiraṇṃyapāṇistasyābhūtputraḥ satputramāninaḥ / yasya hemamayaṃ jātaṃ pāṇidvitayamadbhutam

Sanskrit only: no published translation is held for this verse.

रूप्यलक्षद्वयं तस्य प्रातः प्रातः करद्वये । प्रादुरासीत्स तेनाभूदर्थिनां कल्पपादपः

rūpyalakṣadvayaṃ tasya prātaḥ prātaḥ karadvaye / prādurāsītsa tenābhūdarthināṃ kalpapādapaḥ

Sanskrit only: no published translation is held for this verse.

तस्य व्यक्तविवेकेन परिपाकेन भूयसा । काले कुशलमूलानां जिने भक्तिरजायत

tasya vyaktavivekena paripākena bhūyasā / kāle kuśalamūlānāṃ jine bhaktirajāyata

Sanskrit only: no published translation is held for this verse.

अथ जेतवन गत्वा बह्गवन्तं तथागतम् । स दृष्ट्वा विदधे तस्य सानन्दः पादवन्दनम्

atha jetavana gatvā bahgavantaṃ tathāgatam / sa dṛṣṭvā vidadhe tasya sānandaḥ pādavandanam

Sanskrit only: no published translation is held for this verse.

भगवानपि संषारतापप्रशमचन्दिकाम् । सुधासखीं दिदेशास्मै दृशं कुशलवृतिकाम्

bhagavānapi saṃṣāratāpapraśamacandikām / sudhāsakhīṃ dideśāsmai dṛśaṃ kuśalavṛtikām

Sanskrit only: no published translation is held for this verse.

स शास्तुर्दर्शनेनैव संमोहतिमितोज्झित । बभासे सुर्यकिरणप्रबुद्धकमलोपमः

sa śāsturdarśanenaiva saṃmohatimitojjhita / babhāse suryakiraṇaprabuddhakamalopamaḥ

Sanskrit only: no published translation is held for this verse.

भगवान् विदधे तस्य ततः सद्धर्मदेशनाम् । यया धर्ममयं चक्षुरक्षुण्णालोकमुद्ययौ

bhagavān vidadhe tasya tataḥ saddharmadeśanām / yayā dharmamayaṃ cakṣurakṣuṇṇālokamudyayau

Sanskrit only: no published translation is held for this verse.

प्राक्पुण्यपरिणामेन जातवैराग्यवासनः । प्रणम्य विमलप्रज्ञः स सर्वज्ञमभाषतः

prākpuṇyapariṇāmena jātavairāgyavāsanaḥ / praṇamya vimalaprajñaḥ sa sarvajñamabhāṣataḥ

Sanskrit only: no published translation is held for this verse.

शरण्य शरणाप्तस्य भगवन् भवहारिणी । अशेषक्लेशनाशाय प्रव्रज्या मे विधीयताम्

śaraṇya śaraṇāptasya bhagavan bhavahāriṇī / aśeṣakleśanāśāya pravrajyā me vidhīyatām

Sanskrit only: no published translation is held for this verse.

चपलं प्राणिनामायुष्ततो ऽपि नवयौवनम् । विद्युद्विलासचपलास्ततो ऽप्येता विभूतयः

capalaṃ prāṇināmāyuṣtato 'pi navayauvanam / vidyudvilāsacapalāstato 'pyetā vibhūtayaḥ

Sanskrit only: no published translation is held for this verse.

इति तस्य ब्रुवाणस्य सुगतानुग्रहोदिता । पपात वितरजसः प्रव्रज्या वपुषि स्वयम्

iti tasya bruvāṇasya sugatānugrahoditā / papāta vitarajasaḥ pravrajyā vapuṣi svayam

Sanskrit only: no published translation is held for this verse.

रक्तचीवरसुव्यक्तां बिभ्राणः स विरक्तताम् । पात्रग्रहेण तत्याज पुनः संसारपात्रताम्

raktacīvarasuvyaktāṃ bibhrāṇaḥ sa viraktatām / pātragraheṇa tatyāja punaḥ saṃsārapātratām

Sanskrit only: no published translation is held for this verse.

तस्य तामद्भुतां सिद्धिं प्रत्यक्षं वीक्ष्यं भिक्षवः । तत्पूर्ववृत्तं पप्रच्छुर्भगवन्तं स चाब्रवीत्

tasya tāmadbhutāṃ siddhiṃ pratyakṣaṃ vīkṣyaṃ bhikṣavaḥ / tatpūrvavṛttaṃ papracchurbhagavantaṃ sa cābravīt

Sanskrit only: no published translation is held for this verse.

वाराणस्यां पुरा राजा कृकिर्नाम तथागते । काश्यपाख्ये भगवति प्रयाति परिनिर्वृतिम्

vārāṇasyāṃ purā rājā kṛkirnāma tathāgate / kāśyapākhye bhagavati prayāti parinirvṛtim

Sanskrit only: no published translation is held for this verse.

शरीरमस्य सम्कृत्य स्तूपं रत्नमयं व्यधात् । स्वर्गावगाहनप्रौढं मूर्तं पुण्यमिवोन्नतम्

śarīramasya samkṛtya stūpaṃ ratnamayaṃ vyadhāt / svargāvagāhanaprauḍhaṃ mūrtaṃ puṇyamivonnatam

Sanskrit only: no published translation is held for this verse.

तस्मिन्नारोप्यमाणायां यष्टयां पूजापरिग्रहे । कितवः कन्दलो नाम निदधे रूपकद्वयम्

tasminnāropyamāṇāyāṃ yaṣṭayāṃ pūjāparigrahe / kitavaḥ kandalo nāma nidadhe rūpakadvayam

Sanskrit only: no published translation is held for this verse.

चित्तप्रसादशुद्धेन तेन पुण्येन भूयसा । हिरण्यपाणिः प्राप्तो ऽद्य महतां स्पॄहणीयताम्

cittaprasādaśuddhena tena puṇyena bhūyasā / hiraṇyapāṇiḥ prāpto 'dya mahatāṃ spṝhaṇīyatām

Sanskrit only: no published translation is held for this verse.

भवति विभवस्त्यागोदारः समग्रगुणो भुवि प्रसरतिः यशः शुक्लं लोके सुधांशुसहोदरम् । परिणतिपदे पुण्यं धत्ते यदल्पमनल्पतां विमलमनसः श्रद्धाशुद्धं तदेव विजृम्भितम्

bhavati vibhavastyāgodāraḥ samagraguṇo bhuvi prasaratiḥ yaśaḥ śuklaṃ loke sudhāṃśusahodaram / pariṇatipade puṇyaṃ dhatte yadalpamanalpatāṃ vimalamanasaḥ śraddhāśuddhaṃ tadeva vijṛmbhitam

Sanskrit only: no published translation is held for this verse.

इति प्रभावं कथितं जिनेन पुण्यानुभावस्य हिरण्यपाणेः । श्रुत्वैव हर्षादरविस्मयानां स भिक्षुसंघः प्रणयी बभूव

iti prabhāvaṃ kathitaṃ jinena puṇyānubhāvasya hiraṇyapāṇeḥ / śrutvaiva harṣādaravismayānāṃ sa bhikṣusaṃghaḥ praṇayī babhūva

Sanskrit only: no published translation is held for this verse.