Ksemendra: Avadanakalpalata 7

कुश्लप्रणिधानशुद्धधान्मां विमलालोकविवेकबोधकानाम् । परिकीर्तनमात्रमेव येषां भवमोहापहतेस्त एव धन्याः

kuślapraṇidhānaśuddhadhānmāṃ vimalālokavivekabodhakānām / parikīrtanamātrameva yeṣāṃ bhavamohāpahatesta eva dhanyāḥ

Sanskrit only: no published translation is held for this verse.

पुरा पर्षत्सहस्राणां न्यग्रोधोपवनस्थितिः । कपिलाख्ये पुरे चक्रे भगवान् धर्मदेशनाम्

purā parṣatsahasrāṇāṃ nyagrodhopavanasthitiḥ / kapilākhye pure cakre bhagavān dharmadeśanām

Sanskrit only: no published translation is held for this verse.

अमन्दानन्दसंदोहस्यन्दि चन्दनशीतलम् । तस्य वागमृतं धन्याः कृताङ्जलिपुटाः पपुः

amandānandasaṃdohasyandi candanaśītalam / tasya vāgamṛtaṃ dhanyāḥ kṛtāṅjalipuṭāḥ papuḥ

Sanskrit only: no published translation is held for this verse.

राजा शुद्धोदनस्तत्र धर्मश्रवणसंगमे । पुण्योपदेशसलिलैर्लेभे वैमल्यनिर्वृतिम्

rājā śuddhodanastatra dharmaśravaṇasaṃgame / puṇyopadeśasalilairlebhe vaimalyanirvṛtim

Sanskrit only: no published translation is held for this verse.

अथ तत्र महानामा शाक्यराजकुलोद्भवः । धर्मोपदेशमाकर्ण्य प्रातः स्वगृहमब्रवीत्

atha tatra mahānāmā śākyarājakulodbhavaḥ / dharmopadeśamākarṇya prātaḥ svagṛhamabravīt

Sanskrit only: no published translation is held for this verse.

अहो नु भगवान् बुद्धो धर्मः संघश्च सिद्धये । बुद्धोत्पादो ऽयमस्माकं निर्वाणाय महाफलः

aho nu bhagavān buddho dharmaḥ saṃghaśca siddhaye / buddhotpādo 'yamasmākaṃ nirvāṇāya mahāphalaḥ

Sanskrit only: no published translation is held for this verse.

उपदेशविशेषाप्तानिर्वृतेस्तस्य तद्वचः । श्रुत्वा शशिप्रभा पत्नी प्रणयात्तमभाषतः

upadeśaviśeṣāptānirvṛtestasya tadvacaḥ / śrutvā śaśiprabhā patnī praṇayāttamabhāṣataḥ

Sanskrit only: no published translation is held for this verse.

अनुग्राह्या भगवतः पुरुषाः पुण्यभागिनह् । निन्द्यास्तदुपदेशानामनर्हा योषितो वयम्

anugrāhyā bhagavataḥ puruṣāḥ puṇyabhāginah / nindyāstadupadeśānāmanarhā yoṣito vayam

Sanskrit only: no published translation is held for this verse.

इति जायावचः श्रुत्वा स जगाद जगद्गुरोः । भद्रे भगवतो नास्ति भेदः कारुण्यदर्शने

iti jāyāvacaḥ śrutvā sa jagāda jagadguroḥ / bhadre bhagavato nāsti bhedaḥ kāruṇyadarśane

Sanskrit only: no published translation is held for this verse.

समा सर्वत्र भा भानोः समा वृष्टिः पयोमुचः । समा भगवतो दृष्टिः सर्वसत्त्वानुकम्पिनः

samā sarvatra bhā bhānoḥ samā vṛṣṭiḥ payomucaḥ / samā bhagavato dṛṣṭiḥ sarvasattvānukampinaḥ

Sanskrit only: no published translation is held for this verse.

महाप्रजापतेर्वाक्यादपराह्णक्षणं तपः । शुद्धोदनः करोत्येव राजा बह्गवतो ऽन्तिके

mahāprajāpatervākyādaparāhṇakṣaṇaṃ tapaḥ / śuddhodanaḥ karotyeva rājā bahgavato 'ntike

Sanskrit only: no published translation is held for this verse.

इति पत्युः प्रियगिरा वृता शाक्याङ्गनागणैः । याचने तद्भगवतह् सा पुण्योपवनं ययौ

iti patyuḥ priyagirā vṛtā śākyāṅganāgaṇaiḥ / yācane tadbhagavatah sā puṇyopavanaṃ yayau

Sanskrit only: no published translation is held for this verse.

सा सत्वकुसुमं तत्र तं ददर्श महाफलम् । प्रशमामृतसंसिक्तं करुणाकल्पपादपम्

sā satvakusumaṃ tatra taṃ dadarśa mahāphalam / praśamāmṛtasaṃsiktaṃ karuṇākalpapādapam

Sanskrit only: no published translation is held for this verse.

लतेव पवनानम्रा तं दूरात् प्रणनाम सा । लोभेनेव परित्यक्रा च्युतकर्णोत्पलच्छलात्

lateva pavanānamrā taṃ dūrāt praṇanāma sā / lobheneva parityakrā cyutakarṇotpalacchalāt

Sanskrit only: no published translation is held for this verse.

विलोक्य काञ्चनरुचिं रत्नभूषणभूषिताम् । आनन्दनामा भिक्षुस्तामुवाच प्रहितोद्यतः

vilokya kāñcanaruciṃ ratnabhūṣaṇabhūṣitām / ānandanāmā bhikṣustāmuvāca prahitodyataḥ

Sanskrit only: no published translation is held for this verse.

वेषः प्रशमशून्यो ऽयं मातर्मुनितपोवने । दर्पोत्सिक्तो न युक्तस्ते विरक्तानामिदं पदम्

veṣaḥ praśamaśūnyo 'yaṃ mātarmunitapovane / darpotsikto na yuktaste viraktānāmidaṃ padam

Sanskrit only: no published translation is held for this verse.

गुणसंयमसिक्तानि मुखराभ्रणान्यहो । नेहास्तद्ग्रहणं युक्तमितीवोपदिशन्ति ते

guṇasaṃyamasiktāni mukharābhraṇānyaho / nehāstadgrahaṇaṃ yuktamitīvopadiśanti te

Sanskrit only: no published translation is held for this verse.

इत्युक्ता तेन सा तन्वी वैलज्यविनतानना । उन्मुच्याभरणं सर्वं प्राःइणोन्निजमद्निरम्

ityuktā tena sā tanvī vailajyavinatānanā / unmucyābharaṇaṃ sarvaṃ prāḥiṇonnijamadniram

Sanskrit only: no published translation is held for this verse.

उपविष्टेषु सर्वेषु निर्दिष्टकुशलस्ततः । अनित्यतैवं भगवानुपदेशं प्रवक्रमे

upaviṣṭeṣu sarveṣu nirdiṣṭakuśalastataḥ / anityataivaṃ bhagavānupadeśaṃ pravakrame

Sanskrit only: no published translation is held for this verse.

महामोहप्रभावो ऽयं येन नित्यमनित्यताम् । नित्यतामिव मन्यन्ते मूढा जगति जन्तवः

mahāmohaprabhāvo 'yaṃ yena nityamanityatām / nityatāmiva manyante mūḍhā jagati jantavaḥ

Sanskrit only: no published translation is held for this verse.

असत्ये रमते लोकः सत्यप्रत्ययमोहितः । न वेत्ति सर्वभावानामभावानुभवां स्थितिम्

asatye ramate lokaḥ satyapratyayamohitaḥ / na vetti sarvabhāvānāmabhāvānubhavāṃ sthitim

Sanskrit only: no published translation is held for this verse.

केचिद् व्याकरणैः परे श्रुतिपथैस्तर्कप्रवादैः परे केचित्तन्त्रपरिग्रहैर्बहुविधैरन्यैः कलाकौशलैः । संसक्ताः पुनरुक्तजन्मशरणौ याता सहैव क्षयं तत्राप्यक्ष्ययलीलया क्षणपदं मुग्धौर्निबद्धा धृतिः

kecid vyākaraṇaiḥ pare śrutipathaistarkapravādaiḥ pare kecittantraparigrahairbahuvidhairanyaiḥ kalākauśalaiḥ / saṃsaktāḥ punaruktajanmaśaraṇau yātā sahaiva kṣayaṃ tatrāpyakṣyayalīlayā kṣaṇapadaṃ mugdhaurnibaddhā dhṛtiḥ

Sanskrit only: no published translation is held for this verse.

विषयविषमापायः कायः प्रपञ्च(म)याशया खरतरमरुस्फाराकारो मोहभावो भवः । हितभूमि (?) तथाकार्यं कार्यं विवेकिनां तथा निरवधिरयं दृष्ट्वा व्याधिर्यथा (हि) निवर्तते

viṣayaviṣamāpāyaḥ kāyaḥ prapañca(ma)yāśayā kharataramarusphārākāro mohabhāvo bhavaḥ / hitabhūmi (?) tathākāryaṃ kāryaṃ vivekināṃ tathā niravadhirayaṃ dṛṣṭvā vyādhiryathā (hi) nivartate

Sanskrit only: no published translation is held for this verse.

इत्याद्यनित्यसंस्कारसंयुक्तं युक्तमुद्यते । धर्मोपदेशकुशलं वक्तुं भगवति स्वयम्

ityādyanityasaṃskārasaṃyuktaṃ yuktamudyate / dharmopadeśakuśalaṃ vaktuṃ bhagavati svayam

Sanskrit only: no published translation is held for this verse.

एका शाक्यवधूस्तत्र रूपसौभाग्यगर्विता । स्थिता शौशवतारुण्यसंघौ वयसि दुःसहे

ekā śākyavadhūstatra rūpasaubhāgyagarvitā / sthitā śauśavatāruṇyasaṃghau vayasi duḥsahe

Sanskrit only: no published translation is held for this verse.

मुक्ताहारं स्तनतटे लोलापाङ्गैर्मुहुर्मुहुः । आलिलोके यशःस्फारसारं रतिपतेरिव

muktāhāraṃ stanataṭe lolāpāṅgairmuhurmuhuḥ / āliloke yaśaḥsphārasāraṃ ratipateriva

Sanskrit only: no published translation is held for this verse.

हारावलोकिनीं दृष्ट्वा तामनेकाग्रहादसौ । अचिन्तयाद्विरक्तेन मगत्पत्नी शशिप्रभा

hārāvalokinīṃ dṛṣṭvā tāmanekāgrahādasau / acintayādviraktena magatpatnī śaśiprabhā

Sanskrit only: no published translation is held for this verse.

इयं धर्मोपदेशे ऽपि चपला हारमीक्षते । भावानां न शृणोत्येव मूढा क्षणिकतामिमाम्

iyaṃ dharmopadeśe 'pi capalā hāramīkṣate / bhāvānāṃ na śṛṇotyeva mūḍhā kṣaṇikatāmimām

Sanskrit only: no published translation is held for this verse.

स्वं हारं दर्शयित्वास्या हारोत्साहं हराम्यहम् । अधिकालोकनेनैव दर्पः शाम्यति देहिनाम्

svaṃ hāraṃ darśayitvāsyā hārotsāhaṃ harāmyaham / adhikālokanenaiva darpaḥ śāmyati dehinām

Sanskrit only: no published translation is held for this verse.

इति संचिन्त्य सा दासीं रोहिकाख्यामभाषत । रोहिके गच्छ मे हारं गृहात् सत्वरमाहर

iti saṃcintya sā dāsīṃ rohikākhyāmabhāṣata / rohike gaccha me hāraṃ gṛhāt satvaramāhara

Sanskrit only: no published translation is held for this verse.

इत्युक्ता सा तया तत्र प्रवृत्ते धर्मसंश्रवे । अकालगमनोद्विग्ना निःश्वस्याचिन्तयत् क्षणम्

ityuktā sā tayā tatra pravṛtte dharmasaṃśrave / akālagamanodvignā niḥśvasyācintayat kṣaṇam

Sanskrit only: no published translation is held for this verse.

अहो बतान्तरायो ऽयं संजातः कुशले मम । नास्मिन् श्रोतुं लभे धर्मं यत्परायत्तजीविता

aho batāntarāyo 'yaṃ saṃjātaḥ kuśale mama / nāsmin śrotuṃ labhe dharmaṃ yatparāyattajīvitā

Sanskrit only: no published translation is held for this verse.

पुण्यसौरभसंभारात् कीर्णकारुण्यकेसरात् । मुखपद्माद् भगवतो धन्यः प्राप्नोति वाङ्भधुः

puṇyasaurabhasaṃbhārāt kīrṇakāruṇyakesarāt / mukhapadmād bhagavato dhanyaḥ prāpnoti vāṅbhadhuḥ

Sanskrit only: no published translation is held for this verse.

अहो स्वाच्छन्द्यविच्छेदस्तनुभङ्गः सुखक्षयः । सेवा जगति जन्तूनां दुःखे दुःखपरंपरा

aho svācchandyavicchedastanubhaṅgaḥ sukhakṣayaḥ / sevā jagati jantūnāṃ duḥkhe duḥkhaparaṃparā

Sanskrit only: no published translation is held for this verse.

सेवाप्रयाससंप्राप्तं धनमानकणोदयम् । तत्पमत्युष्णनिःश्वासैरहो कृच्छ्रेण पीयते

sevāprayāsasaṃprāptaṃ dhanamānakaṇodayam / tatpamatyuṣṇaniḥśvāsairaho kṛcchreṇa pīyate

Sanskrit only: no published translation is held for this verse.

मानग्लानिर्गुणग्लानिरोजःपुनशमः श्रमह् । प्रथमं सेवकस्यैतत् फलमीश्वरदर्शने

mānaglānirguṇaglānirojaḥpunaśamaḥ śramah / prathamaṃ sevakasyaitat phalamīśvaradarśane

Sanskrit only: no published translation is held for this verse.

लौही बन्धनशृङ्खला चरणयोर्हेलावमानावनी स्वव्यापारनिषेधनित्यनियती निद्रासुखद्रोहिणी । आशास्यस्य विशालजालसरणिः सत्सङ्गभोगाशनिः मुग्धानां मृगतृष्टिकामरुमही सेवा शरीरक्षयः

lauhī bandhanaśṛṅkhalā caraṇayorhelāvamānāvanī svavyāpāraniṣedhanityaniyatī nidrāsukhadrohiṇī / āśāsyasya viśālajālasaraṇiḥ satsaṅgabhogāśaniḥ mugdhānāṃ mṛgatṛṣṭikāmarumahī sevā śarīrakṣayaḥ

Sanskrit only: no published translation is held for this verse.

इति संचिन्त्य सुचिरं सा जगाम तदाज्ञया । सेवाविक्रीतकायानां स्वेच्छाविहरणं कुतः

iti saṃcintya suciraṃ sā jagāma tadājñayā / sevāvikrītakāyānāṃ svecchāviharaṇaṃ kutaḥ

Sanskrit only: no published translation is held for this verse.

व्रजन्तीं ताम् परप्रेष्यां कृपणां करुणाकुलः । निरीक्ष्य बह्गवान् दिव्यचक्षुषाचिन्तयत् क्षस्णम्

vrajantīṃ tām parapreṣyāṃ kṛpaṇāṃ karuṇākulaḥ / nirīkṣya bahgavān divyacakṣuṣācintayat kṣasṇam

Sanskrit only: no published translation is held for this verse.

अस्मिन् जन्मनि शेषो ऽस्या संपूर्णो जीवितावधिः । इयं वराकी संसारादुद्धर्तव्या स्वयं मया

asmin janmani śeṣo 'syā saṃpūrṇo jīvitāvadhiḥ / iyaṃ varākī saṃsārāduddhartavyā svayaṃ mayā

Sanskrit only: no published translation is held for this verse.

अथ ताम् कर्मयोगेन व्रहन्तीं सहसा पथि ॥ वत्सवात्सल्यविवशा शृङ्गाभ्यामाजघान गौः

atha tām karmayogena vrahantīṃ sahasā pathi // vatsavātsalyavivaśā śṛṅgābhyāmājaghāna gauḥ

Sanskrit only: no published translation is held for this verse.

सा प्रदघ्यौ भगवतः प्रसादात् तन्मयस्मृतिः । जन्मान्तराधिवासेन बुद्धालम्बनमानसा

sā pradaghyau bhagavataḥ prasādāt tanmayasmṛtiḥ / janmāntarādhivāsena buddhālambanamānasā

Sanskrit only: no published translation is held for this verse.

अहो कर्मोर्मिभिः शीर्णे संसारमकराकरे । जन्मावर्तेषु जन्तूनां मज्जनोन्मज्जनक्रमः

aho karmormibhiḥ śīrṇe saṃsāramakarākare / janmāvarteṣu jantūnāṃ majjanonmajjanakramaḥ

Sanskrit only: no published translation is held for this verse.

पुंसो ललाटविपुलोपलपट्टिकासु निःशर्मकर्मघटितप्रकटाङ्कटङ्कैः । नयस्तानि जन्ममरणप्रसराक्षराणि नैतानि पाणिपरिमार्जनया चलन्ति

puṃso lalāṭavipulopalapaṭṭikāsu niḥśarmakarmaghaṭitaprakaṭāṅkaṭaṅkaiḥ / nayastāni janmamaraṇaprasarākṣarāṇi naitāni pāṇiparimārjanayā calanti

Sanskrit only: no published translation is held for this verse.

इयं कर्मायत्ता प्रचुरचित्रवैचित्ररचना नराणां मायूरच्छदपटलतुल्या परिणतिः । यया गर्भारम्भे क्रमनिपतने वृद्धिसमये क्षये वा नान्यत् प्राभजत तनुलेखाच्छविरति

iyaṃ karmāyattā pracuracitravaicitraracanā narāṇāṃ māyūracchadapaṭalatulyā pariṇatiḥ / yayā garbhārambhe kramanipatane vṛddhisamaye kṣaye vā nānyat prābhajata tanulekhācchavirati

Sanskrit only: no published translation is held for this verse.

संचिन्त्याथ पुरः प्रवृत्तसुदशासन्नावसन्नस्थितिं प्राप्तेवासमदासभावकलनावैलक्ष्यनिः स्पन्दताम् । आधाय प्रणिधानधाम्नि धवले सद्धर्मशुद्धां धियं संसारे विचिकित्स्य एव मलिनं तत्याज सा जीवितम्

saṃcintyātha puraḥ pravṛttasudaśāsannāvasannasthitiṃ prāptevāsamadāsabhāvakalanāvailakṣyaniḥ spandatām / ādhāya praṇidhānadhāmni dhavale saddharmaśuddhāṃ dhiyaṃ saṃsāre vicikitsya eva malinaṃ tatyāja sā jīvitam

Sanskrit only: no published translation is held for this verse.

ततः सा सिंहलद्वीपे समीपे स्वर्गसंपदाम् । चन्द्रलेखेव दुग्धाब्धौ दिव्यद्युतिरजायत

tataḥ sā siṃhaladvīpe samīpe svargasaṃpadām / candralekheva dugdhābdhau divyadyutirajāyata

Sanskrit only: no published translation is held for this verse.

आधानजन्मनस्तस्य मुक्तावर्षें दिवश्च्युते । साभून्मुक्तालता नाम सिंहलाधिपतेः सुता

ādhānajanmanastasya muktāvarṣeṃ divaścyute / sābhūnmuktālatā nāma siṃhalādhipateḥ sutā

Sanskrit only: no published translation is held for this verse.

सा पुण्यमिव लावण्यं वहन्ती वृद्धिमागता । लेभे विवेकेनाङ्गानां संतोषमिव यओवनम्

sā puṇyamiva lāvaṇyaṃ vahantī vṛddhimāgatā / lebhe vivekenāṅgānāṃ saṃtoṣamiva yaovanam

Sanskrit only: no published translation is held for this verse.

ततः कदाचिद्वणिजः श्रावस्तीपुरवासिनः । मकराकरमुत्तीर्य सिंहलद्वीपमाययुः

tataḥ kadācidvaṇijaḥ śrāvastīpuravāsinaḥ / makarākaramuttīrya siṃhaladvīpamāyayuḥ

Sanskrit only: no published translation is held for this verse.

ते तत्र रात्रिपर्यन्ते विश्रान्तिसुखमाजगुः । धर्मार्थगाथासंनद्धप्रबुद्धबुद्धभाषितम्

te tatra rātriparyante viśrāntisukhamājaguḥ / dharmārthagāthāsaṃnaddhaprabuddhabuddhabhāṣitam

Sanskrit only: no published translation is held for this verse.

त्दन्तःपुरहर्म्यस्था श्रुत्वैव श्रवणामृतम् । किमेतदिति पप्रच्छ तानानाय्य नृपात्मजा

tdantaḥpuraharmyasthā śrutvaiva śravaṇāmṛtam / kimetaditi papraccha tānānāyya nṛpātmajā

Sanskrit only: no published translation is held for this verse.

ते तामूचुः प्रमुदितामिदं बुद्धस्य ब्ःआषितम् । स्वभावार्हं भगवतः सर्वसत्त्वानुकम्पिनह्

te tāmūcuḥ pramuditāmidaṃ buddhasya bḥāṣitam / svabhāvārhaṃ bhagavataḥ sarvasattvānukampinah

Sanskrit only: no published translation is held for this verse.

बुद्धामिधानं श्रुत्विव पुलकालंकृताकृतिः । सा बभूव समुद्भूतसंविद्भव्यानुभावभूः

buddhāmidhānaṃ śrutviva pulakālaṃkṛtākṛtiḥ / sā babhūva samudbhūtasaṃvidbhavyānubhāvabhūḥ

Sanskrit only: no published translation is held for this verse.

उन्मुभी सामयूरिव शब्दैरेव पयोमुचः । क एष भगवान् बुद्ध इति पपर्च्छः तान् पुनः

unmubhī sāmayūriva śabdaireva payomucaḥ / ka eṣa bhagavān buddha iti paparcchaḥ tān punaḥ

Sanskrit only: no published translation is held for this verse.

ततस्ते निखिलं तस्यै श्रद्धासंवर्धितादराः । न्यवेदयन् पुण्यमयीं भगवच्चरितस्थितिम्

tataste nikhilaṃ tasyai śraddhāsaṃvardhitādarāḥ / nyavedayan puṇyamayīṃ bhagavaccaritasthitim

Sanskrit only: no published translation is held for this verse.

अथ सा तत्कथावाप्तप्राग्जन्मकुशलोदया । विज्ञप्तिलेखं प्रददौ तेषां भगवतः कृते

atha sā tatkathāvāptaprāgjanmakuśalodayā / vijñaptilekhaṃ pradadau teṣāṃ bhagavataḥ kṛte

Sanskrit only: no published translation is held for this verse.

कालेन सिन्धुमुत्तीर्य संर्पाप्तास्ते निजां पिरीम् । प्रणम्यावेद्य तद्वृत्तं ददुर्लेखं महात्मने

kālena sindhumuttīrya saṃrpāptāste nijāṃ pirīm / praṇamyāvedya tadvṛttaṃ dadurlekhaṃ mahātmane

Sanskrit only: no published translation is held for this verse.

भगवानपि सर्वज्ञः पूर्वमेव विभाव्य तत् । मुक्तालतायाः कृपया स्वयं लेखमवाचयत्

bhagavānapi sarvajñaḥ pūrvameva vibhāvya tat / muktālatāyāḥ kṛpayā svayaṃ lekhamavācayat

Sanskrit only: no published translation is held for this verse.

अहो स्मरणमेव ते किमपि पुण्यपण्यं सतां भवातिबह्वभैषजं व्यसनतापतृष्णापहत् । भवन्मयकथाक्रमोपनतसंविदास्वादभूः स एष भगवन् महानमृतसंविभागो मम

aho smaraṇameva te kimapi puṇyapaṇyaṃ satāṃ bhavātibahvabhaiṣajaṃ vyasanatāpatṛṣṇāpahat / bhavanmayakathākramopanatasaṃvidāsvādabhūḥ sa eṣa bhagavan mahānamṛtasaṃvibhāgo mama

Sanskrit only: no published translation is held for this verse.

इति संक्षिप्तलेखार्थं विभाव्य भगवान् स्वयम् । ईषत्स्मित्विषा सत्त्वप्रकाशमदिशद्दिशाम्

iti saṃkṣiptalekhārthaṃ vibhāvya bhagavān svayam / īṣatsmitviṣā sattvaprakāśamadiśaddiśām

Sanskrit only: no published translation is held for this verse.

ततश्चित्रकराशक्यां प्रभावैरनुपूरिताम् । भगवान् प्राहिणोत् तस्यै न्यस्तां स्वप्रतिमां पटे

tataścitrakarāśakyāṃ prabhāvairanupūritām / bhagavān prāhiṇot tasyai nyastāṃ svapratimāṃ paṭe

Sanskrit only: no published translation is held for this verse.

पुनः प्रवहणारूढा वणिजस्ते तदाज्ञया । अवाप्य सिंहलद्वीपं तस्यै पटमदर्शयन्

punaḥ pravahaṇārūḍhā vaṇijaste tadājñayā / avāpya siṃhaladvīpaṃ tasyai paṭamadarśayan

Sanskrit only: no published translation is held for this verse.

हेमसिंहासनन्यस्ते पटे दृष्ट्वा तथागतम् । जनस्तन्मयताध्यानादेकीभावमिवाययौ

hemasiṃhāsananyaste paṭe dṛṣṭvā tathāgatam / janastanmayatādhyānādekībhāvamivāyayau

Sanskrit only: no published translation is held for this verse.

अधस्ताल्लिखितं तस्मिन् पुण्यप्राप्तमदृश्यत । तिस्रः शरण्या गतयः पञ्च शिक्षापदाणि च

adhastāllikhitaṃ tasmin puṇyaprāptamadṛśyata / tisraḥ śaraṇyā gatayaḥ pañca śikṣāpadāṇi ca

Sanskrit only: no published translation is held for this verse.

सप्रतीत्यसमुत्पादः सानुलोमविपर्ययः । आर्याष्टाङ्गस्तथा मार्गः परमामृतनिर्भरः

sapratītyasamutpādaḥ sānulomaviparyayaḥ / āryāṣṭāṅgastathā mārgaḥ paramāmṛtanirbharaḥ

Sanskrit only: no published translation is held for this verse.

स्वयं भगवता व्यस्तं तस्योपरि सुभाषितम् । शोभते भावनालीनं भ्राजिष्णु कनकाक्षरम्

svayaṃ bhagavatā vyastaṃ tasyopari subhāṣitam / śobhate bhāvanālīnaṃ bhrājiṣṇu kanakākṣaram

Sanskrit only: no published translation is held for this verse.

विषमविषयालोलव्यालावलीवलयाकुलात् तरुणतिमिरान्निष्क्रम्यास्मात् प्रमोहमयाद्गृहात् । जननमरणक्लेशावेशप्रवृत्तपृथिव्यथा व्रजत शरणं बौद्धं धर्मं न चात्र भवाद्भयम्

viṣamaviṣayālolavyālāvalīvalayākulāt taruṇatimirānniṣkramyāsmāt pramohamayādgṛhāt / jananamaraṇakleśāveśapravṛttapṛthivyathā vrajata śaraṇaṃ bauddhaṃ dharmaṃ na cātra bhavādbhayam

Sanskrit only: no published translation is held for this verse.

जिनप्रतिकृतिं पुण्याम् पश्यन्ती पार्थिवात्मजा । अनादिकालोपचितां मुमोचाज्ञानवासनाम्

jinapratikṛtiṃ puṇyām paśyantī pārthivātmajā / anādikālopacitāṃ mumocājñānavāsanām

Sanskrit only: no published translation is held for this verse.

प्रांशुं कवत(?) काञ्चनकान्तकायं सुस्कन्धमाजानुभुजाभिरामम् । ध्यानावधानार्थनिमीलिताक्षं लावण्यधारायिततुङ्गनासम्

prāṃśuṃ kavata(?) kāñcanakāntakāyaṃ suskandhamājānubhujābhirāmam / dhyānāvadhānārthanimīlitākṣaṃ lāvaṇyadhārāyitatuṅganāsam

Sanskrit only: no published translation is held for this verse.

स्वभावभव्यं प्रविभासमानं प्रलम्बनिर्भूषणकर्णपाशम् । बालप्रवालारुणवल्कलाङ्कं संसक्तसंध्याभ्रमिवामराद्रिम्

svabhāvabhavyaṃ pravibhāsamānaṃ pralambanirbhūṣaṇakarṇapāśam / bālapravālāruṇavalkalāṅkaṃ saṃsaktasaṃdhyābhramivāmarādrim

Sanskrit only: no published translation is held for this verse.

त्विषा दिषां शीलमिवादिशन्तं आनन्ददानोद्यतवक्त्रचन्द्रम् । क्षमागुणं क्षामिव शिक्षयन्तं पुण्योचिता सा सुभगं विलोक्य

tviṣā diṣāṃ śīlamivādiśantaṃ ānandadānodyatavaktracandram / kṣamāguṇaṃ kṣāmiva śikṣayantaṃ puṇyocitā sā subhagaṃ vilokya

Sanskrit only: no published translation is held for this verse.

प्रणामपर्यन्तकपोलचुम्बिकर्णोत्पलानां परिवर्तनेन । निरस्य निःसारशरीरतृप्तिं सत्यानुभावं परमं प्रपेदे

praṇāmaparyantakapolacumbikarṇotpalānāṃ parivartanena / nirasya niḥsāraśarīratṛptiṃ satyānubhāvaṃ paramaṃ prapede

Sanskrit only: no published translation is held for this verse.

स्रोतःसमापत्तिफलप्रकाशं सासाद्य तत्र क्षणलब्धबोधिः । विचिन्तयन्ती सुगतप्रभावं समभ्यधाद्विस्मयहर्षभूमिः

srotaḥsamāpattiphalaprakāśaṃ sāsādya tatra kṣaṇalabdhabodhiḥ / vicintayantī sugataprabhāvaṃ samabhyadhādvismayaharṣabhūmiḥ

Sanskrit only: no published translation is held for this verse.

अहो महामोहतमोहरेण दूरस्थितेनामि तथागतेन । प्रसह्य ब्ःआस्वद्वपुषार्पितेयं विकासलक्ष्मीः कुशलाम्बुजस्य

aho mahāmohatamohareṇa dūrasthitenāmi tathāgatena / prasahya bḥāsvadvapuṣārpiteyaṃ vikāsalakṣmīḥ kuśalāmbujasya

Sanskrit only: no published translation is held for this verse.

तीर्णो बह्वः सत्प्रणिधानमाप्तं प्रसन्नमन्तःकरणं क्षणेन । अहो नु तृष्णापरितापशान्त्यै समुच्छलन्तीव समामृतौघाः

tīrṇo bahvaḥ satpraṇidhānamāptaṃ prasannamantaḥkaraṇaṃ kṣaṇena / aho nu tṛṣṇāparitāpaśāntyai samucchalantīva samāmṛtaughāḥ

Sanskrit only: no published translation is held for this verse.

इत्युक्त्वा सा बह्गवते मुक्तारत्नान्युपायनम् । वितीर्य संघपूजायां विससर्ज वणिग्जनम्

ityuktvā sā bahgavate muktāratnānyupāyanam / vitīrya saṃghapūjāyāṃ visasarja vaṇigjanam

Sanskrit only: no published translation is held for this verse.

ते महोदधिमुत्तीर्य प्राप्ता बह्गवतो ऽन्तिकम् । तन्मुक्तारत्ननिकरं प्रणम्यास्मै न्यवेदयन्

te mahodadhimuttīrya prāptā bahgavato 'ntikam / tanmuktāratnanikaraṃ praṇamyāsmai nyavedayan

Sanskrit only: no published translation is held for this verse.

वणिग्भिः कथितां श्रुत्वा तत्कथां तत्र भिक्षुणा । आनन्दनाम्ना पृष्ठो ऽथ बभाषे भगवान् जिनः

vaṇigbhiḥ kathitāṃ śrutvā tatkathāṃ tatra bhikṣuṇā / ānandanāmnā pṛṣṭho 'tha babhāṣe bhagavān jinaḥ

Sanskrit only: no published translation is held for this verse.

यासौ पुरा रोहिताख्या दासी शाक्यगृहे ऽबह्वत् । सैव मुक्तालता जाता सत्कर्मप्रणिधानतः

yāsau purā rohitākhyā dāsī śākyagṛhe 'bahvat / saiva muktālatā jātā satkarmapraṇidhānataḥ

Sanskrit only: no published translation is held for this verse.

अभून्महाधनो नाम वाराणस्यां वणिक् पुरा । तस्य रत्नवती नाम पत्नी पुण्योचिताभवत्

abhūnmahādhano nāma vārāṇasyāṃ vaṇik purā / tasya ratnavatī nāma patnī puṇyocitābhavat

Sanskrit only: no published translation is held for this verse.

सा पत्यौ पञ्चतां याते निःपुत्रा स्तूपशेखरे । पूजां कृत्वा महाहारां भक्तियुक्ता न्यवेदयत्

sā patyau pañcatāṃ yāte niḥputrā stūpaśekhare / pūjāṃ kṛtvā mahāhārāṃ bhaktiyuktā nyavedayat

Sanskrit only: no published translation is held for this verse.

तेन पुण्यविपाकेन सिंहलाधिपतेः सुता । जाता मुक्तालता सैव प्राता च परिनिर्वृतिम्

tena puṇyavipākena siṃhalādhipateḥ sutā / jātā muktālatā saiva prātā ca parinirvṛtim

Sanskrit only: no published translation is held for this verse.

सैव जन्मनि चान्यस्मिन्नैर्वर्यमदमोहिता । पूजाधिक्षेपदक्षाभूद्धासी तेनातिवत्सरम्

saiva janmani cānyasminnairvaryamadamohitā / pūjādhikṣepadakṣābhūddhāsī tenātivatsaram

Sanskrit only: no published translation is held for this verse.

जन्मभूमौ जनेनात्पं यद्यत्कर्म शुभाशुभम् । तस्य तस्य स तद्रूपं भुङ्क्ते परिणतं फलम्

janmabhūmau janenātpaṃ yadyatkarma śubhāśubham / tasya tasya sa tadrūpaṃ bhuṅkte pariṇataṃ phalam

Sanskrit only: no published translation is held for this verse.

निखिलकुशलमूला कीर्तिपुष्पोज्ज्वलश्रीः शुभफलभरसूरिर्धर्मवल्ली नराणाम् । भवति च विषवल्ली किल्बिषक्लेशमूल- भ्रमनिपतनमोहानन्तसंतापहेतुः

nikhilakuśalamūlā kīrtipuṣpojjvalaśrīḥ śubhaphalabharasūrirdharmavallī narāṇām / bhavati ca viṣavallī kilbiṣakleśamūla- bhramanipatanamohānantasaṃtāpahetuḥ

Sanskrit only: no published translation is held for this verse.

संतप्ते ऽस्मिन् खरतरमरुष्फारसंसारमार्गे पापं पुन्यं त्यजत जनताः सक्ततीव्रानुतापम् । पुण्यं पुण्यं कुरुत सततं पुण्यपीयूषसिक्ताः पुण्यच्छायातरुतलभुवः शीतलाः पुण्यभाजाम्

saṃtapte 'smin kharataramaruṣphārasaṃsāramārge pāpaṃ punyaṃ tyajata janatāḥ saktatīvrānutāpam / puṇyaṃ puṇyaṃ kuruta satataṃ puṇyapīyūṣasiktāḥ puṇyacchāyātarutalabhuvaḥ śītalāḥ puṇyabhājām

Sanskrit only: no published translation is held for this verse.

इति सत्प्रणिधानस्य फलं कथयता स्वयम् । भिक्षूणामुपदेशो ऽयं भक्त्यै भगवता कृतः

iti satpraṇidhānasya phalaṃ kathayatā svayam / bhikṣūṇāmupadeśo 'yaṃ bhaktyai bhagavatā kṛtaḥ

Sanskrit only: no published translation is held for this verse.