Ksemendra: Avadanakalpalata 75

सर्वम् अविद्यामूलं संसारतरुप्रकारवैचित्र्यम् । ज्ञातुम् वक्तुं हन्तुं कः शक्तो ऽन्यत्र सर्वज्ञात्

sarvam avidyāmūlaṃ saṃsārataruprakāravaicitryam / jñātum vaktuṃ hantuṃ kaḥ śakto 'nyatra sarvajñāt

Sanskrit only: no published translation is held for this verse.

श्रावस्त्यां स्वस्तिमान् पूर्वं जिनो जेतवने स्थितः । अशेषदर्शी भगवान् भिक्षुसंघम् अभाषत

śrāvastyāṃ svastimān pūrvaṃ jino jetavane sthitaḥ / aśeṣadarśī bhagavān bhikṣusaṃgham abhāṣata

Sanskrit only: no published translation is held for this verse.

शृणुत श्रेयसे ज्ञानालोकनिर्मलमानसाः । प्रतीत्यसमुत्पादं वः कथयामि यथाक्रमम्

śṛṇuta śreyase jñānālokanirmalamānasāḥ / pratītyasamutpādaṃ vaḥ kathayāmi yathākramam

Sanskrit only: no published translation is held for this verse.

अविद्यावासनैवेयं दुःखस्कन्धस्य भूयसः । संसारविषवृक्षस्य मूलबन्धविधायिनी

avidyāvāsanaiveyaṃ duḥkhaskandhasya bhūyasaḥ / saṃsāraviṣavṛkṣasya mūlabandhavidhāyinī

Sanskrit only: no published translation is held for this verse.

तत्प्रत्ययस् तु संस्काराः कायवाङ्मानसात्मकाः । संस्कारोत्थं च विज्ञानं मनःषष्ठेन्द्रियात्मकम्न्

tatpratyayas tu saṃskārāḥ kāyavāṅmānasātmakāḥ / saṃskārotthaṃ ca vijñānaṃ manaḥṣaṣṭhendriyātmakamn

Sanskrit only: no published translation is held for this verse.

तत्प्रत्ययं नामरूपं संज्ञासंदर्शनाभिधम् । मनःषष्ठेन्द्रियस्थानं षडायतनम् अप्य् अतः

tatpratyayaṃ nāmarūpaṃ saṃjñāsaṃdarśanābhidham / manaḥṣaṣṭhendriyasthānaṃ ṣaḍāyatanam apy ataḥ

Sanskrit only: no published translation is held for this verse.

षडायतनसंश्लेषः स्पर्श इत्य् अभिधीयते । षट्स्पर्शानुभवो यश् च वेदना सा प्रकीर्तिता

ṣaḍāyatanasaṃśleṣaḥ sparśa ity abhidhīyate / ṣaṭsparśānubhavo yaś ca vedanā sā prakīrtitā

Sanskrit only: no published translation is held for this verse.

तया विषयसंक्लेशरागात् तृष्णा प्रजायते । कामादिषु तदुद्भूतम् उपादानं प्रवर्तते

tayā viṣayasaṃkleśarāgāt tṛṣṇā prajāyate / kāmādiṣu tadudbhūtam upādānaṃ pravartate

Sanskrit only: no published translation is held for this verse.

उपादानोद्भवः कामरूपारूप्यमयो भवः । नानायोनिपरावृत्त्या जातिर् भवसमुद्भवा

upādānodbhavaḥ kāmarūpārūpyamayo bhavaḥ / nānāyoniparāvṛttyā jātir bhavasamudbhavā

Sanskrit only: no published translation is held for this verse.

जरामरणशोकादिसंततिर् जातिसंश्रया । अविद्यादिनिरोधेन तेषां व्युपरमक्रमः

jarāmaraṇaśokādisaṃtatir jātisaṃśrayā / avidyādinirodhena teṣāṃ vyuparamakramaḥ

Sanskrit only: no published translation is held for this verse.

प्रतीत्योत्पादो ऽयं बहुगतिर् अविद्याकृतपदः स चिन्त्यो युष्माभिर् विजनवनविश्रामशमिभिः । परिज्ञातः सम्यग् व्रजति किल कालेन तनुतां तनुत्वं संप्राप्तः सुखतरनिवार्यश् च भवति

pratītyotpādo 'yaṃ bahugatir avidyākṛtapadaḥ sa cintyo yuṣmābhir vijanavanaviśrāmaśamibhiḥ / parijñātaḥ samyag vrajati kila kālena tanutāṃ tanutvaṃ saṃprāptaḥ sukhataranivāryaś ca bhavati

Sanskrit only: no published translation is held for this verse.