Ksemendra: Avadanakalpalata 8

कृतापकारे ऽपि कृपाकुलानि क्रूरे ऽप्यलं पल्लवकोमलानि । द्वेषोष्मतप्ते ऽप्यतिशीतलानि भवन्ति चित्तानि सदाशयानाम्

kṛtāpakāre 'pi kṛpākulāni krūre 'pyalaṃ pallavakomalāni / dveṣoṣmatapte 'pyatiśītalāni bhavanti cittāni sadāśayānām

Sanskrit only: no published translation is held for this verse.

पुरा सुरपुरोदारे पुरे राजगृहाभिधे । श्रीगुप्ताख्यो गॄहपतिर्बभूव धन्दोपमः

purā surapurodāre pure rājagṛhābhidhe / śrīguptākhyo gṝhapatirbabhūva dhandopamaḥ

Sanskrit only: no published translation is held for this verse.

दृप्तः सुजनविद्वेषी गुणेषु विरतादरः । सदा धनमदाध्मातः सा जहास मतिं सताम्

dṛptaḥ sujanavidveṣī guṇeṣu viratādaraḥ / sadā dhanamadādhmātaḥ sā jahāsa matiṃ satām

Sanskrit only: no published translation is held for this verse.

कठिने ऽष्वतिवक्रेषु शून्येषु मुखरेषु च । शन्खेष्विव खलेष्वेव लक्ष्मीर्दाक्षिण्यमाश्रिता

kaṭhine 'ṣvativakreṣu śūnyeṣu mukhareṣu ca / śankheṣviva khaleṣveva lakṣmīrdākṣiṇyamāśritā

Sanskrit only: no published translation is held for this verse.

तं कदाचित् गुरुर्ज्ञातिपुत्रः क्षपणकः खलह् । मिथः स्वैरकथासक्तः पुण्यद्वेषादभाषत

taṃ kadācit gururjñātiputraḥ kṣapaṇakaḥ khalah / mithaḥ svairakathāsaktaḥ puṇyadveṣādabhāṣata

Sanskrit only: no published translation is held for this verse.

य एष गृध्रकूटाख्ये गिरौ भिक्षुशतैर्वृतः । सर्वज्ञकीर्तिः सुगतास्त्रिजगत्पूज्यतां गतः

ya eṣa gṛdhrakūṭākhye girau bhikṣuśatairvṛtaḥ / sarvajñakīrtiḥ sugatāstrijagatpūjyatāṃ gataḥ

Sanskrit only: no published translation is held for this verse.

नैवास्य प्रतिभां कांचिद् भव्यामुपलब्ःआमहे । नीतः किं तून्नतिं मूर्खैर्बह्गवान् भगवानिति

naivāsya pratibhāṃ kāṃcid bhavyāmupalabḥāmahe / nītaḥ kiṃ tūnnatiṃ mūrkhairbahgavān bhagavāniti

Sanskrit only: no published translation is held for this verse.

अविचायव सततं परोक्तमनुभाषते । गतानुगतिकः प्रायः प्रसिद्धसरणौ जनः

avicāyava satataṃ paroktamanubhāṣate / gatānugatikaḥ prāyaḥ prasiddhasaraṇau janaḥ

Sanskrit only: no published translation is held for this verse.

व्रतादिनियमस्तस्य दम्भ एव विभाव्यते । अश्नाति मौनकृत् मत्स्यानेकपादव्रतो बकः

vratādiniyamastasya dambha eva vibhāvyate / aśnāti maunakṛt matsyānekapādavrato bakaḥ

Sanskrit only: no published translation is held for this verse.

तस्मआत् तस्योपहासाय क्रियताम् कापि वज्ण्चना । मायामोहितो धूर्तानाम् परो ऽपि परितुष्यति

tasmaāt tasyopahāsāya kriyatām kāpi vajṇcanā / māyāmohito dhūrtānām paro 'pi parituṣyati

Sanskrit only: no published translation is held for this verse.

इति तेनोक्तमाकर्ण्य श्रीगुप्तः कर्क्ममोहितः । पतितुं पापश्वभ्रेषु युक्त्या तदुपदिष्टया

iti tenoktamākarṇya śrīguptaḥ karkmamohitaḥ / patituṃ pāpaśvabhreṣu yuktyā tadupadiṣṭayā

Sanskrit only: no published translation is held for this verse.

प्रदीप्तखदिराङ्गारपूर्णां गूढां खदां गृहे । कृत्वा सविषमन्नं च ययौ भगवतो ऽन्तिकम्

pradīptakhadirāṅgārapūrṇāṃ gūḍhāṃ khadāṃ gṛhe / kṛtvā saviṣamannaṃ ca yayau bhagavato 'ntikam

Sanskrit only: no published translation is held for this verse.

तेन मिथ्याविहितया भक्त्या भोक्तुं निमन्त्रितः । विज्ञाय सर्वं सर्वज्ञस्तथेति प्राह सस्मितः

tena mithyāvihitayā bhaktyā bhoktuṃ nimantritaḥ / vijñāya sarvaṃ sarvajñastatheti prāha sasmitaḥ

Sanskrit only: no published translation is held for this verse.

विषग्नियोगकुपिताम् पत्नीं सद्धर्मवादिनीम् । गृहे बबन्ध श्रीगुप्तः शङ्कितो मन्त्रविश्रवात्

viṣagniyogakupitām patnīṃ saddharmavādinīm / gṛhe babandha śrīguptaḥ śaṅkito mantraviśravāt

Sanskrit only: no published translation is held for this verse.

अथ विज्ञातवृत्तो ऽपि भगवान् स्वयमाययौ । वन्द्यमानो जगद्वन्द्यैश्चतुर्मुखमुखैः सुरैः

atha vijñātavṛtto 'pi bhagavān svayamāyayau / vandyamāno jagadvandyaiścaturmukhamukhaiḥ suraiḥ

Sanskrit only: no published translation is held for this verse.

श्रीगुप्तस्य तमारम्भं विवेदं नगरे जनः । दिक्षु धावति पापानां सुगुप्तमपि पातमक्

śrīguptasya tamārambhaṃ vivedaṃ nagare janaḥ / dikṣu dhāvati pāpānāṃ suguptamapi pātamak

Sanskrit only: no published translation is held for this verse.

ततः कश्चित् समभ्येत्य भगवन्तमुपासकः । उवाच चरणालीनाश्चिन्तयन् दहनं विषम्

tataḥ kaścit samabhyetya bhagavantamupāsakaḥ / uvāca caraṇālīnāścintayan dahanaṃ viṣam

Sanskrit only: no published translation is held for this verse.

मिथ्यानम्रह् प्रियालापी गुढवह्निविषान्नदः । परिहार्यः प्रयत्नेन भगवन्नेष दुर्जनह्

mithyānamrah priyālāpī guḍhavahniviṣānnadaḥ / parihāryaḥ prayatnena bhagavanneṣa durjanah

Sanskrit only: no published translation is held for this verse.

कुर्यादनार्ये नाश्वासि कार्यं माधुर्यमाश्रिये । अन्त्रच्छेदी विगीर्णो हि मधुदिग्धमुखः क्षुरः

kuryādanārye nāśvāsi kāryaṃ mādhuryamāśriye / antracchedī vigīrṇo hi madhudigdhamukhaḥ kṣuraḥ

Sanskrit only: no published translation is held for this verse.

नान्यस्तुतिं गुणद्वेषी सहते गुणिनाम् खलः । सन्तस्तुष्यन्ति येनैव तेनकुप्यन्ति दुर्जनाः

nānyastutiṃ guṇadveṣī sahate guṇinām khalaḥ / santastuṣyanti yenaiva tenakupyanti durjanāḥ

Sanskrit only: no published translation is held for this verse.

त्वयि लोकत्रये नेत्रशतपत्रविकाशिनि । अस्य राहोः पदं प्राप्ते नान्धीभवति किं जगत्

tvayi lokatraye netraśatapatravikāśini / asya rāhoḥ padaṃ prāpte nāndhībhavati kiṃ jagat

Sanskrit only: no published translation is held for this verse.

तच्छ्रुत्वा भगवानूचे किंचित् स्मितसितांशुभिः । तन्निकारोग्रतिमिरं दूरात् परिहरन्निव

tacchrutvā bhagavānūce kiṃcit smitasitāṃśubhiḥ / tannikārogratimiraṃ dūrāt pariharanniva

Sanskrit only: no published translation is held for this verse.

न ममाङ्गं स्पृशत्यग्निः प्रबह्वत्यपि वा विषम् । परद्वेषदरिद्राणां दोषो ऽपि निरुपद्रवः

na mamāṅgaṃ spṛśatyagniḥ prabahvatyapi vā viṣam / paradveṣadaridrāṇāṃ doṣo 'pi nirupadravaḥ

Sanskrit only: no published translation is held for this verse.

अरोषशीतलं चेतः सिक्तं यस्य शमामृतैः । किं करोत्यनलस्तस्य विषं वा विषयद्विषः

aroṣaśītalaṃ cetaḥ siktaṃ yasya śamāmṛtaiḥ / kiṃ karotyanalastasya viṣaṃ vā viṣayadviṣaḥ

Sanskrit only: no published translation is held for this verse.

विषायते तु पीयूषं कुसुमं कुलिशायते । द्वेषदोषोत्तरस्यैव चन्दनं दहनायते

viṣāyate tu pīyūṣaṃ kusumaṃ kuliśāyate / dveṣadoṣottarasyaiva candanaṃ dahanāyate

Sanskrit only: no published translation is held for this verse.

तिर्यग्योनिगतस्यापि बोधिसत्त्वपदास्थितेः । कारुण्यमैत्रीयुक्तस्य नाग्निर्दहति विग्रहम्

tiryagyonigatasyāpi bodhisattvapadāsthiteḥ / kāruṇyamaitrīyuktasya nāgnirdahati vigraham

Sanskrit only: no published translation is held for this verse.

पुरा कलिङ्गनृपतिः खण्डद्वीपाभिधावनीम् । ददाह मृगसंघानाम् संक्षेपे स समुद्यतः

purā kaliṅganṛpatiḥ khaṇḍadvīpābhidhāvanīm / dadāha mṛgasaṃghānām saṃkṣepe sa samudyataḥ

Sanskrit only: no published translation is held for this verse.

कानने ज्वलिते तस्मिन्नेकस्तित्तिरिशावकः । मैत्र्या बोधिं समालम्ब्य दहनप्रशमं व्यघात्

kānane jvalite tasminnekastittiriśāvakaḥ / maitryā bodhiṃ samālambya dahanapraśamaṃ vyaghāt

Sanskrit only: no published translation is held for this verse.

तस्मादद्रोहमनसां न भयं विद्यते क्कचित् । श्रूयतां सत्त्वसंपत्तेरिदमन्यच्च कौतुकम्

tasmādadrohamanasāṃ na bhayaṃ vidyate kkacit / śrūyatāṃ sattvasaṃpatteridamanyacca kautukam

Sanskrit only: no published translation is held for this verse.

अवृष्टिविषमे काले मुनेः कस्यचिदाश्रमे । मनुष्यसदृशालापः शशकः सुचिरं स्थितः

avṛṣṭiviṣame kāle muneḥ kasyacidāśrame / manuṣyasadṛśālāpaḥ śaśakaḥ suciraṃ sthitaḥ

Sanskrit only: no published translation is held for this verse.

क्षुत्क्षामं मुनिमालोक्य फलमूलपरिक्षयात् । उवाचाचलसंकल्पस्तद्व्यथाव्यथिताशयः

kṣutkṣāmaṃ munimālokya phalamūlaparikṣayāt / uvācācalasaṃkalpastadvyathāvyathitāśayaḥ

Sanskrit only: no published translation is held for this verse.

भगवन् मम् मांसानां संप्रति प्राणवर्तनम् । क्रियतां रक्षणीयं तत् शरीरं धर्मसाधनम्

bhagavan mam māṃsānāṃ saṃprati prāṇavartanam / kriyatāṃ rakṣaṇīyaṃ tat śarīraṃ dharmasādhanam

Sanskrit only: no published translation is held for this verse.

इत्युक्त्वा दावशेषाग्नौ विक्षेप शह्स्कस्तनुम् । वार्यमाणो ऽपि यत्नेन प्रणयान्मुनिना मुह्युः

ityuktvā dāvaśeṣāgnau vikṣepa śahskastanum / vāryamāṇo 'pi yatnena praṇayānmuninā muhyuḥ

Sanskrit only: no published translation is held for this verse.

तस्य सत्त्वप्रभावेण ज्वलज्ज्वालाकुलो ऽनलः । प्रययौ मज्ण्जुशिञ्जानभ्रमराम्भोजखण्डताम्

tasya sattvaprabhāveṇa jvalajjvālākulo 'nalaḥ / prayayau majṇjuśiñjānabhramarāmbhojakhaṇḍatām

Sanskrit only: no published translation is held for this verse.

सो ऽपि दिव्यवपुस्तत्र कमले महति स्थितः । प्रणम्यमानो मुनिर्भिर्विदधे धर्मदेशनाम्

so 'pi divyavapustatra kamale mahati sthitaḥ / praṇamyamāno munirbhirvidadhe dharmadeśanām

Sanskrit only: no published translation is held for this verse.

इति बोधिप्रवृत्तानां न वह्नेर्न विषाद्भयम् । भगवान् कथयित्वेति श्रीगुप्तभवनं ययौ

iti bodhipravṛttānāṃ na vahnerna viṣādbhayam / bhagavān kathayitveti śrīguptabhavanaṃ yayau

Sanskrit only: no published translation is held for this verse.

तत्र तेन प्रविश्यैव निक्षिप्ते दक्षिणे पदे । बभूवाग्निखदा मञ्जुगुञ्जद्भृङ्गसरोजिनी

tatra tena praviśyaiva nikṣipte dakṣiṇe pade / babhūvāgnikhadā mañjuguñjadbhṛṅgasarojinī

Sanskrit only: no published translation is held for this verse.

दृष्ट्वोपविष्टं श्रीगुप्तस्तं सरोरिहविस्तरे । तद्दृष्टिनष्टकालुष्यः प्रोवाचः चरणानतः

dṛṣṭvopaviṣṭaṃ śrīguptastaṃ sarorihavistare / taddṛṣṭinaṣṭakāluṣyaḥ provācaḥ caraṇānataḥ

Sanskrit only: no published translation is held for this verse.

भगवन् मम पापस्य क्षन्तव्यो ऽयं व्यतिक्रमः । मोहान्धपतिते रुच्यं कारुण्यमधिकं सताम्

bhagavan mama pāpasya kṣantavyo 'yaṃ vyatikramaḥ / mohāndhapatite rucyaṃ kāruṇyamadhikaṃ satām

Sanskrit only: no published translation is held for this verse.

ममाकल्याणमित्रेण यो ऽयं पापपथे कृतः । उपदेशः प्रमोहेण तत्र त्राणं भवत्स्मृतिः

mamākalyāṇamitreṇa yo 'yaṃ pāpapathe kṛtaḥ / upadeśaḥ pramoheṇa tatra trāṇaṃ bhavatsmṛtiḥ

Sanskrit only: no published translation is held for this verse.

विषदिग्धरसं सर्वं भोज्यं ते कल्पितं मया । अहो ममैव संक्रान्तं पश्चात्तपमयं विषम्

viṣadigdharasaṃ sarvaṃ bhojyaṃ te kalpitaṃ mayā / aho mamaiva saṃkrāntaṃ paścāttapamayaṃ viṣam

Sanskrit only: no published translation is held for this verse.

इति ब्रुवाणं श्रीगुप्तं साश्रुनेत्रं कृपानिधिः । दृष्ट्वा बभाषे भगवान् भिक्षुसंघस्य शृण्यवतः

iti bruvāṇaṃ śrīguptaṃ sāśrunetraṃ kṛpānidhiḥ / dṛṣṭvā babhāṣe bhagavān bhikṣusaṃghasya śṛṇyavataḥ

Sanskrit only: no published translation is held for this verse.

विषादं मा कृथाः साधो न वयं विमुखास्त्वयि । घोरवैरविषत्यागान्नैवास्मास्तपते विषम्

viṣādaṃ mā kṛthāḥ sādho na vayaṃ vimukhāstvayi / ghoravairaviṣatyāgānnaivāsmāstapate viṣam

Sanskrit only: no published translation is held for this verse.

वाराणस्यां पुरा श्रीमान् ब्रह्मदत्तो ऽभवन्नृपः । अभूदनुपमा नां अतस्य प्राणसमाश्रया

vārāṇasyāṃ purā śrīmān brahmadatto 'bhavannṛpaḥ / abhūdanupamā nāṃ atasya prāṇasamāśrayā

Sanskrit only: no published translation is held for this verse.

सुवर्णभाससंज्ञस्य तत्पुरान्तवनस्थितेः । रवं मयूरराजस्य सा कदाचिदथाशृणोत्

suvarṇabhāsasaṃjñasya tatpurāntavanasthiteḥ / ravaṃ mayūrarājasya sā kadācidathāśṛṇot

Sanskrit only: no published translation is held for this verse.

सा तस्य शदमाकर्ण्य वेणुवीणास्वनोपमम् । किमेतदिति पप्रच्छ नरनाथं सकौतुका

sā tasya śadamākarṇya veṇuvīṇāsvanopamam / kimetaditi papraccha naranāthaṃ sakautukā

Sanskrit only: no published translation is held for this verse.

राजोवाच वनान्ते ऽस्मिन्नस्ति रत्नच्छदः शिखी । मधुरंयोजनव्यापि यस्यैतत् कण्ठकूजितम्

rājovāca vanānte 'sminnasti ratnacchadaḥ śikhī / madhuraṃyojanavyāpi yasyaitat kaṇṭhakūjitam

Sanskrit only: no published translation is held for this verse.

इति ब्रुवाणो नृपतिस्तत्संदर्शनमर्थितः । प्रेमप्रयत्नैः प्रेयस्या प्रहसन् पुनरब्रवीत्

iti bruvāṇo nṛpatistatsaṃdarśanamarthitaḥ / premaprayatnaiḥ preyasyā prahasan punarabravīt

Sanskrit only: no published translation is held for this verse.

दर्शनं दुर्लभं मुग्धे तद्विधाद्भुतरूपिणः । तथापि यदि निर्बन्धः क्रियते तत्परिश्रमः

darśanaṃ durlabhaṃ mugdhe tadvidhādbhutarūpiṇaḥ / tathāpi yadi nirbandhaḥ kriyate tatpariśramaḥ

Sanskrit only: no published translation is held for this verse.

इत्युक्त्वा नृपतिस्तस्य ग्रहणे जालजीविनः । व्यसृजत् तस्य संर्पाप्त्यैः विधाय वधसंविदम्

ityuktvā nṛpatistasya grahaṇe jālajīvinaḥ / vyasṛjat tasya saṃrpāptyaiḥ vidhāya vadhasaṃvidam

Sanskrit only: no published translation is held for this verse.

वशीकृतो न वेत्त्येव मोहादक्षिपरीक्षया । अनुरागाहतः स्त्रीभिरकर्माण्यपि कार्यते

vaśīkṛto na vettyeva mohādakṣiparīkṣayā / anurāgāhataḥ strībhirakarmāṇyapi kāryate

Sanskrit only: no published translation is held for this verse.

प्राप्तानाम् प्रणयात् पत्न्याः प्रौढायाः पादपीठताम् । ईर्ष्ययैव विनश्यन्ति धीधृतिस्मृतिकीर्तयः

prāptānām praṇayāt patnyāḥ prauḍhāyāḥ pādapīṭhatām / īrṣyayaiva vinaśyanti dhīdhṛtismṛtikīrtayaḥ

Sanskrit only: no published translation is held for this verse.

ततः शाकुनिकैर्न्यस्ताः पाशबन्धाः पदे पदे । प्रभावाद्बर्हिराजस्य् व्यशीर्यन्तैव संततम्

tataḥ śākunikairnyastāḥ pāśabandhāḥ pade pade / prabhāvādbarhirājasy vyaśīryantaiva saṃtatam

Sanskrit only: no published translation is held for this verse.

दुःखितान् यत्नवैफल्याद्भीतान् नृपतिशासनात् । मयूरराजस्तान् दृष्ट्वा करुणाकुलतां ययौ

duḥkhitān yatnavaiphalyādbhītān nṛpatiśāsanāt / mayūrarājastān dṛṣṭvā karuṇākulatāṃ yayau

Sanskrit only: no published translation is held for this verse.

सो ऽचिन्तयदहो भीताः क्ष्मापतेः श्रूरशासनात् । मद्बन्धने विसंवादाद्वराका जालजीविनह्

so 'cintayadaho bhītāḥ kṣmāpateḥ śrūraśāsanāt / madbandhane visaṃvādādvarākā jālajīvinah

Sanskrit only: no published translation is held for this verse.

संचिन्त्य कृपया स्पष्टग्भिर्विसृज्य तान् । नृपमानाय्य तद्वेश्म तेनैव सहितो ययौ

saṃcintya kṛpayā spaṣṭagbhirvisṛjya tān / nṛpamānāyya tadveśma tenaiva sahito yayau

Sanskrit only: no published translation is held for this verse.

स तत्रान्तःपुरे नित्यं सभार्येण महीभुजा । पूज्यमानः परिचयादुवास विहितादरः

sa tatrāntaḥpure nityaṃ sabhāryeṇa mahībhujā / pūjyamānaḥ paricayāduvāsa vihitādaraḥ

Sanskrit only: no published translation is held for this verse.

स्निग्धश्यामाम्बुदत्विषा सुनीलमणिवेश्मसु । चित्रपत्ररुचा चक्रे संसक्तेन्द्रायुधभमम्

snigdhaśyāmāmbudatviṣā sunīlamaṇiveśmasu / citrapatrarucā cakre saṃsaktendrāyudhabhamam

Sanskrit only: no published translation is held for this verse.

अथ दिग्जययात्रायाम् कदाचिद्वसुधाधिपः । ययौ तदुपचाराय देवीमादिश्य सादरः

atha digjayayātrāyām kadācidvasudhādhipaḥ / yayau tadupacārāya devīmādiśya sādaraḥ

Sanskrit only: no published translation is held for this verse.

ततश्चानुपमा देवी पत्यौ याते प्रमादिनी । रूपयौवनदर्पान्धा नालुलोके कुलस्थितिम्

tataścānupamā devī patyau yāte pramādinī / rūpayauvanadarpāndhā nāluloke kulasthitim

Sanskrit only: no published translation is held for this verse.

तरुणं प्रेक्ष्य रागिण्यास्तस्याः कन्दर्पविप्लवे । भूयः प्रलम्भभीतेव लज्जा दूरतरं ययौ

taruṇaṃ prekṣya rāgiṇyāstasyāḥ kandarpaviplave / bhūyaḥ pralambhabhīteva lajjā dūrataraṃ yayau

Sanskrit only: no published translation is held for this verse.

मलिनः कुटिलस्तीक्ष्णः कर्णसंस्पर्शनोचितः । चपलश्चपलाक्षीणां सुदृशां सदृशः क्रमः

malinaḥ kuṭilastīkṣṇaḥ karṇasaṃsparśanocitaḥ / capalaścapalākṣīṇāṃ sudṛśāṃ sadṛśaḥ kramaḥ

Sanskrit only: no published translation is held for this verse.

विविधोन्मादकारिण्यः संसारमकराकरे । चरन्ति प्राणहारिण्यः कालकूटच्छदाः स्त्रियः

vividhonmādakāriṇyaḥ saṃsāramakarākare / caranti prāṇahāriṇyaḥ kālakūṭacchadāḥ striyaḥ

Sanskrit only: no published translation is held for this verse.

कुसुमात् सुकुमारस्य क्रूरस्य क्रकचादपि । को जानाति परिच्छेदं स्त्रीणां चित्रस्य चेतसः

kusumāt sukumārasya krūrasya krakacādapi / ko jānāti paricchedaṃ strīṇāṃ citrasya cetasaḥ

Sanskrit only: no published translation is held for this verse.

प्रचरन्तीं प्रियां कण्ठे कृत्वा ये यान्ति निर्वृतिम् । शीतलां विमलां स्निग्धां खङ्गधारां पिबन्ति ते

pracarantīṃ priyāṃ kaṇṭhe kṛtvā ye yānti nirvṛtim / śītalāṃ vimalāṃ snigdhāṃ khaṅgadhārāṃ pibanti te

Sanskrit only: no published translation is held for this verse.

साचिन्तयत् स्थितः शल्यमयमन्तःपुरे मम । मयूरराजः शीलज्ञः पुरुषालापवेष्टितः

sācintayat sthitaḥ śalyamayamantaḥpure mama / mayūrarājaḥ śīlajñaḥ puruṣālāpaveṣṭitaḥ

Sanskrit only: no published translation is held for this verse.

कथयिष्यत्यवश्यं मे वृत्तमेष महीपतेः । निन्द्यं कर्म कृतं तावदधुना किं करोम्यहम्

kathayiṣyatyavaśyaṃ me vṛttameṣa mahīpateḥ / nindyaṃ karma kṛtaṃ tāvadadhunā kiṃ karomyaham

Sanskrit only: no published translation is held for this verse.

आस्तां परिज्ञाततत्त्वो मर्मज्ञो ऽसौ विदग्धधीः । जाता मे कृतपापायाः शङ्का निश्चेतनेष्वपि

āstāṃ parijñātatattvo marmajño 'sau vidagdhadhīḥ / jātā me kṛtapāpāyāḥ śaṅkā niścetaneṣvapi

Sanskrit only: no published translation is held for this verse.

इति संचिन्त्य सा त् अस्य सविषं भोजनं ददौ । रागमत्ताः खलायत्ताः किं किं कुर्वन्ति न स्त्रियः

iti saṃcintya sā t asya saviṣaṃ bhojanaṃ dadau / rāgamattāḥ khalāyattāḥ kiṃ kiṃ kurvanti na striyaḥ

Sanskrit only: no published translation is held for this verse.

तयोपाचर्यमाणस्य सविषैः पानभोजनैः । विवृद्धा बर्हिराजस्य रुरुचे रुचिरा रुचिः

tayopācaryamāṇasya saviṣaiḥ pānabhojanaiḥ / vivṛddhā barhirājasya ruruce rucirā ruciḥ

Sanskrit only: no published translation is held for this verse.

स्वस्थमालोक्य तं देवी रहस्योद्भेदशङ्किता । शनैः शोकामयग्रस्या त्रस्या तत्याज जीवितम्

svasthamālokya taṃ devī rahasyodbhedaśaṅkitā / śanaiḥ śokāmayagrasyā trasyā tatyāja jīvitam

Sanskrit only: no published translation is held for this verse.

एवं तस्य विषेणापि नैव ग्लानिरजायत । महतां चित्तवैमल्यं निर्विषं कुरुते विषम्

evaṃ tasya viṣeṇāpi naiva glānirajāyata / mahatāṃ cittavaimalyaṃ nirviṣaṃ kurute viṣam

Sanskrit only: no published translation is held for this verse.

रागो विषं विषं मोहो द्वेषश्च विषमं विषम् । बुद्धो धर्मस्तथा संघः सत्यं च परमामृतम्

rāgo viṣaṃ viṣaṃ moho dveṣaśca viṣamaṃ viṣam / buddho dharmastathā saṃghaḥ satyaṃ ca paramāmṛtam

Sanskrit only: no published translation is held for this verse.

घोरं विषं सृजति मोहमहाम्बुराशिः घोरं विषं सृजति रागमहोरगश्च । घोरं विषं सृजति वैरवनावनिश्च जन्मक्रमो ऽस्ति विषमस्य विषस्य नान्यः

ghoraṃ viṣaṃ sṛjati mohamahāmburāśiḥ ghoraṃ viṣaṃ sṛjati rāgamahoragaśca / ghoraṃ viṣaṃ sṛjati vairavanāvaniśca janmakramo 'sti viṣamasya viṣasya nānyaḥ

Sanskrit only: no published translation is held for this verse.

अधर्मकामः कृतवानेवमेवान्यजन्मनि । श्रीगुप्तो ऽग्निखदां सापि तस्याभूत्सहधर्मिणी

adharmakāmaḥ kṛtavānevamevānyajanmani / śrīgupto 'gnikhadāṃ sāpi tasyābhūtsahadharmiṇī

Sanskrit only: no published translation is held for this verse.

इत्युक्त्वा भगवान् सम्यक्करुणालोकनाम्बुभिः । चकार वीतरजसं श्रीगुप्तं शासनोन्मुखम्

ityuktvā bhagavān samyakkaruṇālokanāmbubhiḥ / cakāra vītarajasaṃ śrīguptaṃ śāsanonmukham

Sanskrit only: no published translation is held for this verse.

कलितकुशलः श्रीगुप्तो ऽथ प्रकाशपदाप्तये शरणगमनान्येव त्रीणि स्मरन् विमलस्मृतिः । जिनपरिचयात् पुण्यं लेभे सताम् हि विलोकनं भवति महते कल्याणाय प्रमोदसुखाय च

kalitakuśalaḥ śrīgupto 'tha prakāśapadāptaye śaraṇagamanānyeva trīṇi smaran vimalasmṛtiḥ / jinaparicayāt puṇyaṃ lebhe satām hi vilokanaṃ bhavati mahate kalyāṇāya pramodasukhāya ca

Sanskrit only: no published translation is held for this verse.

श्रीगुप्तस्य निकारकिल्बिषजुषो ऽप्यज्ञानमोहापहः कृत्वावश्यमनुग्रहेण भगवान् कारुण्यपुण्योद्यतः । भिक्षूणां भवसंक्षयाय विदधे निर्वैरताशासनं येनैते न भवन्ति बन्धभवने भूयो भवग्रन्थये

śrīguptasya nikārakilbiṣajuṣo 'pyajñānamohāpahaḥ kṛtvāvaśyamanugraheṇa bhagavān kāruṇyapuṇyodyataḥ / bhikṣūṇāṃ bhavasaṃkṣayāya vidadhe nirvairatāśāsanaṃ yenaite na bhavanti bandhabhavane bhūyo bhavagranthaye

Sanskrit only: no published translation is held for this verse.