Ksemendra: Narmamala 1

गवां दण्डाय यश्चक्रे निधनावधिबन्धनम् । का नाम गणना तस्य नृषु सर्वापराधिषु

gavāṃ daṇḍāya yaścakre nidhanāvadhibandhanam / kā nāma gaṇanā tasya nṛṣu sarvāparādhiṣu

Sanskrit only: no published translation is held for this verse.

सर्वस्वहरणं बन्धो निग्रहो गृहभञ्जनम् । इति तस्य मुखाद्घोरं न चचाल वचः सदा

sarvasvaharaṇaṃ bandho nigraho gṛhabhañjanam / iti tasya mukhādghoraṃ na cacāla vacaḥ sadā

Sanskrit only: no published translation is held for this verse.

पञ्चषाः सततं तस्य करभा इव भारिकाः । घृतमाक्षिकदीनारमरिचार्द्रकसैन्धवम्

pañcaṣāḥ satataṃ tasya karabhā iva bhārikāḥ / ghṛtamākṣikadīnāramaricārdrakasaindhavam

Sanskrit only: no published translation is held for this verse.

मुद्गकम्बलमायूरोपानन्मेषविहङ्गमम् । बिसद्राक्षामधुघटाक्षोटपर्यङ्कपीठिकम्

mudgakambalamāyūropānanmeṣavihaṅgamam / bisadrākṣāmadhughaṭākṣoṭaparyaṅkapīṭhikam

Sanskrit only: no published translation is held for this verse.

कांस्यताम्रायसानेकगृहोपस्करणादिकम् । निन्युस्तत्तदविश्रान्ता गृहं यच्चावदद्वचः

kāṃsyatāmrāyasānekagṛhopaskaraṇādikam / ninyustattadaviśrāntā gṛhaṃ yaccāvadadvacaḥ

Sanskrit only: no published translation is held for this verse.

दण्डत्याजनलेखांश्च स प्राप्तान्स्वामिनो ऽन्तिकात् । साधिक्षेपं सथूत्कारं चकार तिलशो नखैः

daṇḍatyājanalekhāṃśca sa prāptānsvāmino 'ntikāt / sādhikṣepaṃ sathūtkāraṃ cakāra tilaśo nakhaiḥ

Sanskrit only: no published translation is held for this verse.

नित्यं मांसघृताहारः स राजपुरुषे स्थिते । भुङ्क्ते विलवणं दम्भादेको मुद्गपलद्वयम्

nityaṃ māṃsaghṛtāhāraḥ sa rājapuruṣe sthite / bhuṅkte vilavaṇaṃ dambhādeko mudgapaladvayam

Sanskrit only: no published translation is held for this verse.

इति मार्गपतिर्व्यापारिको वा । निरस्य मूलदिविरं चौर्याणामचिकित्सकम् । चकार वारिकं सो ऽथ चिकित्साचतुरं परम्

iti mārgapatirvyāpāriko vā / nirasya mūladiviraṃ cauryāṇāmacikitsakam / cakāra vārikaṃ so 'tha cikitsācaturaṃ param

Sanskrit only: no published translation is held for this verse.

स मुक्तो बन्धनात्तेन क्षिप्रं द्वादशवार्षिकात् । लिलेख कूटकपटं प्रकटाक्षरकोविदः

sa mukto bandhanāttena kṣipraṃ dvādaśavārṣikāt / lilekha kūṭakapaṭaṃ prakaṭākṣarakovidaḥ

Sanskrit only: no published translation is held for this verse.

कृत्ताङ्गुष्ठः स वामेन पाणिना दिविरो रहः । खल॥स्य गृहं गत्वा विदधे भूर्जयोजनम्

kṛttāṅguṣṭhaḥ sa vāmena pāṇinā diviro rahaḥ / khala..sya gṛhaṃ gatvā vidadhe bhūrjayojanam

Sanskrit only: no published translation is held for this verse.

गृहीत्वा मद्यकलशं स जानुयुगलान्तरे । मुहुर्मुहुः परिमितं पिबन्बहुतरं शनैः

gṛhītvā madyakalaśaṃ sa jānuyugalāntare / muhurmuhuḥ parimitaṃ pibanbahutaraṃ śanaiḥ

Sanskrit only: no published translation is held for this verse.

लिलेख चीरीचीत्कारतारं कलमरेखया । अन्त्याङ्गुल्या सनिर्घोषं लालयोत्पुंसिताक्षरः

lilekha cīrīcītkāratāraṃ kalamarekhayā / antyāṅgulyā sanirghoṣaṃ lālayotpuṃsitākṣaraḥ

Sanskrit only: no published translation is held for this verse.

विलुम्पन्विप्रगोदेवनित्यनैमित्तिकव्ययम् । श्रीचर्मकारगुरुणा रुग्णनाथेन भाषितम्

vilumpanvipragodevanityanaimittikavyayam / śrīcarmakāraguruṇā rugṇanāthena bhāṣitam

Sanskrit only: no published translation is held for this verse.

शिवभक्तिभराक्रन्दं मुहुर्गायन्खरस्वरः । यूकाः पिषन्नखाग्रेण मुहुरुच्चित्य कम्बलात्

śivabhaktibharākrandaṃ muhurgāyankharasvaraḥ / yūkāḥ piṣannakhāgreṇa muhuruccitya kambalāt

Sanskrit only: no published translation is held for this verse.

मुहुर्निःश्वस्य निःश्वस्य निन्दन्संसारचेष्टितम् । व्ययेन स समीकुर्वन्प्रवेशं हर्षनिर्भरः

muhurniḥśvasya niḥśvasya nindansaṃsāraceṣṭitam / vyayena sa samīkurvanpraveśaṃ harṣanirbharaḥ

Sanskrit only: no published translation is held for this verse.

आविष्ट इव वेतालश्चकम्पे मद्यघूर्णितः । उत्सरत्पटलीमिश्रकङ्कावलयमालितः

āviṣṭa iva vetālaścakampe madyaghūrṇitaḥ / utsaratpaṭalīmiśrakaṅkāvalayamālitaḥ

Sanskrit only: no published translation is held for this verse.

स्थूलभूर्जफडत्कारस्फारवाद्यरसाकुलः । कर्परीच्छिद्रनिर्यातव्यावल्गिवृषणद्वयः

sthūlabhūrjaphaḍatkārasphāravādyarasākulaḥ / karparīcchidraniryātavyāvalgivṛṣaṇadvayaḥ

Sanskrit only: no published translation is held for this verse.

लुठत्पूर्णमषीभाण्डच्छटाच्छुरितविग्रहः । ननर्त दिविरः क्षीबो नग्नो भग्नबृसीघटः

luṭhatpūrṇamaṣībhāṇḍacchaṭācchuritavigrahaḥ / nanarta diviraḥ kṣībo nagno bhagnabṛsīghaṭaḥ

Sanskrit only: no published translation is held for this verse.

धूसरो मलदिग्धाङ्गः स पिशाच इवोत्थितः । जनजीवापहारेण ननन्द मदनिर्भरः

dhūsaro maladigdhāṅgaḥ sa piśāca ivotthitaḥ / janajīvāpahāreṇa nananda madanirbharaḥ

Sanskrit only: no published translation is held for this verse.

कक्षाकुट्टनसङ्घट्टटांकारा॥जकारिणः । स्कन्धवाद्यरसः को ऽपि तस्याभून्निर्जने चिरम्

kakṣākuṭṭanasaṅghaṭṭaṭāṃkārā..jakāriṇaḥ / skandhavādyarasaḥ ko 'pi tasyābhūnnirjane ciram

Sanskrit only: no published translation is held for this verse.

इति ग्रामदिविरः । व्यापृतो ऽप्यनिशं तेन दिविरेणापहारिणा । वातेनेवानलः सार्धं जज्वाल जनकाननम्

iti grāmadiviraḥ / vyāpṛto 'pyaniśaṃ tena divireṇāpahāriṇā / vātenevānalaḥ sārdhaṃ jajvāla janakānanam

Sanskrit only: no published translation is held for this verse.

अचिरादथ संवृत्ते गृहे तस्य महाधने । अलङ्कृता माल्यवती ताम्बूलदलनव्रता

acirādatha saṃvṛtte gṛhe tasya mahādhane / alaṅkṛtā mālyavatī tāmbūladalanavratā

Sanskrit only: no published translation is held for this verse.

गृहिणी दर्पणपरा राजमार्गावलोकिनी । बभार तद्विरहिता भूपालललनामदम्

gṛhiṇī darpaṇaparā rājamārgāvalokinī / babhāra tadvirahitā bhūpālalalanāmadam

Sanskrit only: no published translation is held for this verse.

हारो भारायते हेमताटङ्कं मे न वल्लभम् । धिग्वणिग्वनितायोग्यां गुर्वीं कनकसूत्रिकाम्

hāro bhārāyate hematāṭaṅkaṃ me na vallabham / dhigvaṇigvanitāyogyāṃ gurvīṃ kanakasūtrikām

Sanskrit only: no published translation is held for this verse.

एकैवैकावली कान्ता ललितेयं प्रिया मम । इति दर्पगिरा तस्या नाभवत् कस्य विस्मयः

ekaivaikāvalī kāntā laliteyaṃ priyā mama / iti darpagirā tasyā nābhavat kasya vismayaḥ

Sanskrit only: no published translation is held for this verse.

अहो भगवती कार्यसर्वसिद्धिप्रदा मषी । अहो प्रबलवान्को ऽपि कलमः कमलाश्रयः

aho bhagavatī kāryasarvasiddhipradā maṣī / aho prabalavānko 'pi kalamaḥ kamalāśrayaḥ

Sanskrit only: no published translation is held for this verse.

या पपौ याचितं चामं भग्नस्यूताश्मभाजने । तयैव पीयते रौप्यपात्रे कस्तूरिकामधु

yā papau yācitaṃ cāmaṃ bhagnasyūtāśmabhājane / tayaiva pīyate raupyapātre kastūrikāmadhu

Sanskrit only: no published translation is held for this verse.

इत्यधस्तां समालोक्य हर्म्ये कायस्थसुन्दरीम् । तत्प्रातिवेश्मिकसुताः कुलीना जगुरङ्गनाः

ityadhastāṃ samālokya harmye kāyasthasundarīm / tatprātiveśmikasutāḥ kulīnā jaguraṅganāḥ

Sanskrit only: no published translation is held for this verse.