Kedarabhatta: Vrttaratnakara, with Sulhana's Sukavihrdayanandini 6

प्रस्तारो नष्टमुद्दिष्टमेकद्व्यादिलगुक्रिया । संख्या चैवाध्वयोगश्च षडेते प्रत्ययाः स्मृताः

prastāro naṣṭamuddiṣṭamekadvyādilagukriyā / saṃkhyā caivādhvayogaśca ṣaḍete pratyayāḥ smṛtāḥ

Sanskrit only: no published translation is held for this verse.

इदानीं उक्तानां वृत्तानां षट्प्रत्ययानाह । पादे सर्वगुरावाद्याल्लघुं न्यस्य गुरोरधः । यथोपरि तथा शेषं भूयः कुर्यादमुं विधिम्

idānīṃ uktānāṃ vṛttānāṃ ṣaṭpratyayānāha / pāde sarvagurāvādyāllaghuṃ nyasya guroradhaḥ / yathopari tathā śeṣaṃ bhūyaḥ kuryādamuṃ vidhim

Sanskrit only: no published translation is held for this verse.

ऊने दद्याद्गुरूण्येवं यावत्सर्वलघुर्भवेत् । प्रस्तारो ऽयं समाख्यातः छंदोविचितिवेदिभिः

ūne dadyādgurūṇyevaṃ yāvatsarvalaghurbhavet / prastāro 'yaṃ samākhyātaḥ chaṃdovicitivedibhiḥ

Sanskrit only: no published translation is held for this verse.

इदानीं नष्टं व्याख्यातुमाह । नष्टस्य यो भवेदंकः तस्यार्धे ऽर्धे समे च लः । विषमे चैकमाधाय तदर्धे ऽर्धे गुरुर्भवेत्

idānīṃ naṣṭaṃ vyākhyātumāha / naṣṭasya yo bhavedaṃkaḥ tasyārdhe 'rdhe same ca laḥ / viṣame caikamādhāya tadardhe 'rdhe gururbhavet

Sanskrit only: no published translation is held for this verse.

उद्दिष्टं व्याख्यातुमाह । उद्दिष्टं द्विगुणानाद्यादुपर्यंकान्समालिखेत् । लघुस्था ये तु तत्रांकास्तैः सैकैर्मिश्रितैर्भवेत्

uddiṣṭaṃ vyākhyātumāha / uddiṣṭaṃ dviguṇānādyāduparyaṃkānsamālikhet / laghusthā ye tu tatrāṃkāstaiḥ saikairmiśritairbhavet

Sanskrit only: no published translation is held for this verse.

एकद्व्यादिलगुक्रियार्थमाह । वर्णान् वृत्तभवान् सैकान् औत्तराधर्यतः स्थितान् । एकादिक्रमशश्चैतानुपर्युपरि निक्षिपेत्

ekadvyādilagukriyārthamāha / varṇān vṛttabhavān saikān auttarādharyataḥ sthitān / ekādikramaśaścaitānuparyupari nikṣipet

Sanskrit only: no published translation is held for this verse.

उपान्त्यतो निवर्तेत त्यजन्नैकैकमूर्ध्वतः । उपर्याद्याद्गुरोरेवमेकद्व्यादिलगुक्रिया

upāntyato nivarteta tyajannaikaikamūrdhvataḥ / uparyādyādgurorevamekadvyādilagukriyā

Sanskrit only: no published translation is held for this verse.

अध्वार्थमाह । संख्यैव द्विगुणैकोना सद्भिरध्वा प्रकीर्तितः । वृत्तस्यांगुलिकीं व्याप्तिमधः कुर्यात्तथांगुलम्

adhvārthamāha / saṃkhyaiva dviguṇaikonā sadbhiradhvā prakīrtitaḥ / vṛttasyāṃgulikīṃ vyāptimadhaḥ kuryāttathāṃgulam

Sanskrit only: no published translation is held for this verse.

चतुरक्षरजातौ या षोडशसंख्या स्याद्द्विगुणा द्वात्रिंशतिः एकोना एकरहिता एकत्रिंशतिः सद्भिः पण्डितैरध्वा मार्गः प्रकीर्तितः । कथम् । वृत्तस्य आंगुलिकीं अंगुलप्रमाणां व्याप्तिं कुर्यात् ॥ ९ ॥ अधुना पुनरपि कविरन्वयपूर्वकं पित्रा सह सात्मानं निर्द्दिशति । वंशे ऽभूत्कश्यपस्य प्रकटगुणगणः शैवसिद्धान्तवेत्ता । विप्रः पव्येकनामा विमलतरमतिः शैवतत्वावबोधे

caturakṣarajātau yā ṣoḍaśasaṃkhyā syāddviguṇā dvātriṃśatiḥ ekonā ekarahitā ekatriṃśatiḥ sadbhiḥ paṇḍitairadhvā mārgaḥ prakīrtitaḥ / katham / vṛttasya āṃgulikīṃ aṃgulapramāṇāṃ vyāptiṃ kuryāt || 9 || adhunā punarapi kaviranvayapūrvakaṃ pitrā saha sātmānaṃ nirddiśati / vaṃśe 'bhūtkaśyapasya prakaṭaguṇagaṇaḥ śaivasiddhāntavettā / vipraḥ pavyekanāmā vimalataramatiḥ śaivatatvāvabodhe

Sanskrit only: no published translation is held for this verse.

केदारस्तस्य सूनः शिवचरणयुगाराधनैकाग्रचित्तः । छंदस्तेनाभिरामं प्रविरचितमिदं वृत्तरत्नाकराख्याम्

kedārastasya sūnaḥ śivacaraṇayugārādhanaikāgracittaḥ / chaṃdastenābhirāmaṃ praviracitamidaṃ vṛttaratnākarākhyām

Sanskrit only: no published translation is held for this verse.